Bawat pangkat ay bibigyan ng limang minuto

upang magtala ng dalawang bagay na

kadalasang ipinag-uutos ng mga magulang,
nakatatanda at may awtoridad at kung ano ang
mga bunga kung ito ay susundin at kung hindi.
Pangkat 1 - Magulang
Pangkat 2 – Nakatatanda
Pangkat 3 –May Awtoridad
1. Sa iyong mga naitala, alin sa mga utos ang bukal sa iyong
loob na ginawa? Bakit?
2. Ano ang pakiramdam sa tuwing nakasusunod ka sa mga
utos ng iyong magulang, nakatatanda at may awtoridad?
Ipaliwanag.
3. Mahalaga ba ang pagsunod sa kanilang mga utos kung
nasa katwiran? Ipaliwanag ang iyong sagot.
4. Sa iyong palagay, ano pa ang ibang mga pamamaraan
upang maipakita ang paggalang sa magulang, nakatatanda at
may awtoridad?
Paano mo maisasabuhay ang paggalang na
ginagabayan ng katarungan at pagmamahal?
Maisasabuhay natin ang paggalang na ginagabayan ng
katarungan at pagmamahal sa pamamagitan ng sumusunod na
mungkahi ayon kay David Isaacs
(Character Building, 2001)
1. Panatilihin ang pagkakaunawaan, bukas na komunikasyon,
at pagkilala sa halaga ng pamilya at ng lipunang
kinabibilangan.
2. Kilalanin ang kakayahan ng bawat tao na matuto, umunlad at
magwasto ng kaniyang pagkakamali.
3. Pagtugon sa pangangailangan ng kapwa, sa
pamamagitan ng patuloy na pagtulong at
paglilingkod sa kanila.
4. Laging isaalang-alang ang damdamin ng kapwa
sa pamamagitan ng maayos at marapat na
pagsasalita at pagkilos.
5. Isaalang-alang ang pagiging bukod-tangi ng bawat tao
sa pamamagitan ng pagpapakita ng angkop na paraan ng
paggalang.
6. Suriing mabuti ang kalagayan o sitwasyon ng kapwa
upang makapagbigay ng angkop na tulong bilang
pagtugon sa kanilang pangangailangan. Hangga’t maaari
makipagtulungan sa mga institusyong maaaring
makatulong sa kanila.
7. Bilang bahagi ng katarungan, ibigay sa kapwa ang
nararapat sa kaniya at ang nararapat ay ang paggalang
sa kaniyang dignidad.
8. Sa pakikipag-usap sa kapwa, iwasan ang madaliang
panghuhusga at pagbibitiw ng masasakit na salita.
Mahalaga ang aktibong pakikinig at pag-iwas sa
anumang uri ng diskriminasyon.
9. Laging isaisip ang kahalagahan ng tunay na
paglilingkod sa kapwa na may kalakip na
pagmamahal at pagpapatawad.
Tungkulin ng lipunan ang pangalagaan ang
dignidad ng matatanda sa pamamagitan ng
pagkakaroon ng mga batas na mangangalaga sa
kanila. Nararapat na tugunan ng lipunan ang
pangangailangan ng bawat kasapi nang walang
pagtatangi.
(Pope John Paul II, 2002)
Panuto: Lagyan ng simbolong masayang
mukha 😊 ang patlang kung ang pahayag
ay tama at malungkot na mukha ☹ naman
kung ang pahayag ay mali.
_____1. Naipapakita ang paggalang sa mga
nakatatanda kapag sila ay aarugain at
pagsisilbihan na isinasalang-alang ang
maayos na pakikipag-usap.
_____2. Naipapakita ang paggalang sa
nakakatanda kapag pinapakinggan ang
kanilang payo, bilang pagkilala sa
karunungang dulot ng kanilang mayamang
karanasan sa buhay.
_____3. Naipapakita ang paggalang sa
nakatatanda kapag iparamdam na sila ay
pabigat sa pamilya.
_____4. Naipapakita ang paggalang sa nakatatanda
kapag kikilanin sila bilang mahalagang kasapi ng
pamilya sa pamamagitan ng pagsasama sa kanila
sa mga espesyal na pagdiriwang.
_____5. Naipapakita ang paggalang sa mga taong
may awtoridad kapag ipinapanalangin mo sila sa
Diyos para magampanan nila nang maayos ang
kanilang tungkulin para sa bayan at sa kanilang
pamilya.
Ito ang Aking Pangako!
Sumulat ng pangako o pledge na tanda ng iyong
paggalang sa magulang, nakatatanda at may
awtoridad. Tukuyin sa iyong pangako ang
mahahalagang kilos na iyong gagawin upang
maipakita ang paggalang. Isulat ang mga
hinihingi sa sagutang papel. Ang pagbibigay
iskor sa nagawang pangako ay nagagabay sa
sumusunod na pamantayan.