Umisip ng isang salitang naglalarawan na sa iyong palagay ay
sumisimbolo sa nakaraang taon mo. PANG-URI
• Ang pang-uri ay bahagi ng pananalitang naglalarawan o nagbibigay-turing sa
pangangalan o panghalip. • Naririto ang iba’t ibang kaantasan ng pang-uri: KAANTASAN NG PANG-URI
LANTAY ang anyo ng pang-uri kung ito ay naglalarawan lamang sa iisang
pangngalan o panghalip. Halimbawa: Malaki ang responsibilidad ng mga magulang sa pagpapalaki ng mga anak. KAANTASAN NG PANG-URI
PAHAMBING ang pang-uri kung ito ay naghahambing o nagtutulad ng dalawang
pangngalan o panghalip. May dalawang uri ng pahambing: Pahambing na Pasahol o Palamang- Nagsasaad ng nakahihigit o nakalalamang na katangian ng isa sa dalawang pangngalan o panghalip na pinaghahambing. Gumagamit ito ng mga katagang higit, mas, lalong, di gaano, di gasino at iba pa. Halimbawa: Mas mahirap ang hamon sa mga magulang ngayon kaysa noon. KAANTASAN NG PANG-URI
Pahambing na Patulad- Nagsasaad ng magkatulad o magkapantay na katangian
ng dalawang pangngalan o panghalip na pinaghahambing. Gumagamit ito ng panlaping tulad ng sing/sin/sim, magsing, kasing o ng mga salitang kapwa o pareho. Halimbawa: Ang telebisyon at Internet ay parehong masama kapag nasobrahan. KAANTASAN NG PANG-URI
PASUKDOL ang pang-uri kung ito ay nagpapakita ng pinakamatindi o pinakasukdulang katangian
sa paghahambing ng higit sa dalawang pangngalan o panghalip. Gumagamit ng mga pariralang pinaka-, napaka- pagka- kasunod ng pag-uulit ng salitang ugat o ng mga salitang katulad ng ubod ng, hari ng, sakdal, sobra. Halimbawa: Pinakamalaking hamon sa lahat ang magpalaki ng mabubuti at magagandang asal na mga anak sa panahong nagkalat ang masasamang impuwensiya sa lipunan.