Aralin 32

Batang
Pinoy Ako, By Sir. Rei Marasigan

Matatag
Ako
Unang Araw
Tukoy-Alam
A. Magdikta ng mga limang salita na natutuhan
ng mga bata sa mga aralin.
Tingnan kung tama ang pagkakabaybay nila.

Paaralan
Kusina
Kayamanan
Maligaya
Pilipino
Paglalahad

Ang pamagat ng kuwento ating

babasahin ay
Pastol Man ay Mabuti Rin.
Ano kaya ang nangyari sa kuwento?
 Pastol Man ay Mabuti Rin
(Pagpapaunlad ng Kasanayan sa Pagbasa 3, St. Mary’s Publishing House)

“Juan, bakit ka masaya?” tanong ng kaniyang nanay

nang umuwi si Juan isang hapong iyon.
“Kasali po ako sa dula-dulaan namin sa paaralan para sa
Pasko,” sagot ni Juan.
“Anong papel ang iyong gagampanan sa dula-dulaan?”
tanong ng Nanay.
“Hindi ko po alam. Bukas pa po ibibigay ng guro ang
aming mga papel.”
Masayang-masaya si Juan nang matulog. Sabik na sabik
siyang malaman ang papel na kaniyang gagampanan sa
dula-dulaan.
Kinabukasan, maaga siyang gumising at naghanda sa
pagpasok.
Masigla siyang nagpaalam sa kaniyang nanay at saka
tumungo sa paaralan.
Natutuwa rin ang kaniyang nanay.
Ngunit malungkot nang umuwi si Juan noong hapong
iyon. Matamlay siyang lumapit sa kaniyang nanay.
“Anong nangyari, Juan? Wala ka bang papel sa dula?”
“Mayroon po, Nanay.”
“Ganoon naman pala. Bakit ka malungkot?”
“Mangyari po, isang pastol ang ibinigay sa aking papel.
Ayaw ko po ng papel na pastol. Ang gusto ko po ay
maging anghel. Hindi nila ako
binigyan ng papel na anghel.”
“Alam mo, Juan, hindi natin laging natatamo ang lahat
ng ating naisin.
At mainam naman ang papel ng pastol. Mahalaga ang
ginampanang papel ng
mga pastol. Hindi ba mga pastol ang nakakita sa tala
at sila ang unang pumunta sa sanggol na Jesus?”
Napangiti si Juan.
“Siyanga po pala, Nanay. Mainam nga ang papel na
pastol.”
Pagtalakay at Pagpapahalaga

 Ano ang pamagat ng kuwento?

 Sino-sino ang tauhan?
 Tungkol saan ang kuwento?
 Ano-ano ang pangyayari sa kuwento?
 Bakit mahalaga ang mga pastol?
 Ano ang nangyari kay Juan sa kuwento?
 Ano-ano ang damdamin ni Juan sa kuwento?
 Ano ang dahilan ng kaniyang mga naging damdamin
sa kuwento?
 Tama ba ang nagiging damdamin niya?
 Paano nagbago ang kaniyang damdamin?
 Ano ang mensahe ng kuwento?
 Paano mo dapat tanggapin ang pagkabigo?
Pagpapayamang Gawain
May karanasan ka bang tulad ng kay Juan?
Ibahagi ng sariling karanasan na katumbas
ng napakinggang kuwento.
Paglalahat

Ano ang natutuhan

mo sa aralin?
Karagdagang Pagsasanay
 Iguhit ang tauhan na nais mong
gampanan sa dula-dulaan na sinalihan
ni Juan.
 Ipakita ang iginuhit at
bigyan ng paliwanag ang ginawa.
Ikalawang Araw
Tukoy-Alam
 Ating balikan ang kuwento noong unang
araw.
 Bakit masaya si Juan?
 Bakit nalungkot si Juan?
 Paano napawi ang kaniyang lungkot?
Paglalahad
Ano ang pag-aalagang
ginagawa ng inyong mga
magulang?
Bakit kaya naging inspirasyon si Kano?
Ano ang katatagang ipinakita niya?
Alamin sa ating kuwento.
 Kano
Sa isang bayan sa Mindoro, may isang mag-aaral na
ang pangalan ay Albastru Biglang-awa Razboinic.
Tawagin na lang natin siyang Kano. Lumaki siyang hindi
man lamang naramdaman ang pagmamahal ng isang
tunay na magulang. Ang kaniyang ama na isang taga-
Romania ay nasa piitan dahil sa pagkakasangkot sa
isang krimen. Ang kaniya namang ina ay hindi na
nagbalik mula nang ihatid siya galing sa Italya. Tanging
ang kaniyang lola ang nagsilbing ina niya, si Lola
Insyang.
Tuwing gabi, pagkatapos ng mga gawain sa bahay at sa
paaralan, agad siyang dudungaw sa kanilang bintana.
Titingala sa kalangitan at hahanapin ang kaniyang bituin.
Ito ang nagbibigay sa kaniya ng pag-asa na balang araw
magkikita pa rin sila ng kaniyang mga magulang.
Lagi niyang bukambibig, “Marami po akong natanggap
na biyaya….teka po…nakalista po ….matulog nang
busog…..teka po…sandali lang po….isa…hmm….mga
tatlumpung beses na po…..nakipanood ng telebisyon sa
kabilang bayan…..mga isa…..dalawa….sampu po!
….naligo sa ilog….halos linggo-linggo….kumain ng
sorbetes….…isa…Ay!…isa..lang talaga….Ah
heto….kumain ng hopya…..isang daang beses…yan po
….nakasulat yan….pati po petsa….salamat po Titser
Blu…”
Isang araw, nagpaalam si Kano kay Titser Blu. Lilipat
na sila sa kabilang bayan. Kinuha na ng tunay na
may-ari ang lupang kinatitirikan ng kanilang munting
dampa.
“Paalam, Kano. Alam ko isang araw, magkikita pa rin
tayo.
Sa araw na iyon, alam kong ibang Kano na ang aking
makikita.
Salamat sa pagiging kaibigan ko. Salamat sa pagiging
inspirasyon ko,” ang sabi ni Titser Blu.
Pagtalakay at Pagpapahalaga
 Sino ang bida sa teksto?
 Ilarawan siya.
 Ano ang katangian ni Kano?
 Dapat ba siyang tularan?
 Paano ka magiging isa ring Kano?
 Isulat ang mga tanong na ito sa pisara. Ipabasa sa
mga bata.
 Sa tapat nito, isulat ang sagot na ibibigay ng mga
bata.
 Ipabasa ito sa mga bata.
 Bakit siya naging inspirasyon sa buhay ni Titser Blu?
 Paano naging matatag si Kano sa kabila ng mga
paghihirap niya?
 Ano ang isinasagot sa tanong na bakit? Paano?
Pagpapayamang Gawain

Kumpletuhin ang mga tanong batay

sa kuwento ni Kano.
1. Bakit _________________?
2. Paano ________________?
Paglalahat

Ano ang sagot sa tanong na

bakit?
Paano?
Karagdagang Pagsasanay

Sino ang iyong inspirasyon?

Iguhit kung bakit at paano siya
naging inspirasyon mo..