Valedictory Speech

Sa aming punong-guro G. Rustico Camasura, saming pinakamagandang adviser, mga

moderators at administrators, mga minamahal naming mga magulang at mga kapwa ko
nagsipagtapos, magandang hapon at maraming salamat sa pagdalo. Salamat para sa
pagkakataong makapagsalita sa inyong harap at magbahagi ng naging buhay ko sa apat na taong
pag-aaral sa paaralang ito. Parang kailan lamang ang nakakalipas mula sa unang pagtapak natin
sa paaralang ito upang mag-aral at ngayon ay naririto na tayo sa huling araw at pagtatapos ng
apat na taon. Apat na taon na ang nakalipas mula ng simulan natin ang paglalakbay sa malubak
na daan ng ating buhay. Ang daang iyon ay hindi naging madali sapagkat marami tayong
problemang dapat daanan. Ngunit ang mga problemang iyon ay parti lamang sa paghubog ng
ating karakter at bilang isang indibidwal. Kung nagtatanong kayo kung bakit ako nandito sa
inyong harapan ito ay dahil.

Ako ay tinalagang valedictorian ng batch na ito pero hindi ibig sabihin nito ay ako na ang
pinakamasipag at pinakamatalino sa paaralan. Marami sa atin o karamihan sa atin, hindi man
natin aminin at klarong-klaro sa ating mga mata, sa mga malalalim at maiitim na mga mata na
tunay ngang nahirapan tayo sa apat na taon natin dito sa MNHS. Ngunit, sa apat na taong ding
iyon marami tayong natutuhan, maraming nakilala, nakaibigan, naka-ibigan at nakahindi
nakapalagayan.

Kung kaya buong puso akong nagpapasalamat sa mga kapwa ko mag-aaral na nandirito
ngayon. Salamat sa lahat ng mga alaalang aking babaunin panghabambuhay ; mula sa araw-araw
nating pagsasama sa loob at labas ng paaralan, sa mga kuwentuhan, tawanan, tugtugan, kantahan
na wala sa tono, sundog here at sundog there tuwing pagsusulit at kwis, pagsheshare ng
meryenda at tanghalian, at kahit sa panahon na inaabot na tayo ng madaling araw upang tapusin
ang ating mga proyekto at mga takdang aralin. Maraming salamat din sa pagturo sa akin ng All
for One, One for All na prinsipyo at bilang source ng papel at ballpen kapag naghihirap na.

Para naman sa aking punong-guro at mga guro, walang sawang nagtuturo. Maraming
salamat Mam at Sir. Hinding-hindi po naming malilimutan ang samahan natin sa klasrum na
halos tuwing first period ay hindi na kayo nakapagtuturo dahil sa katamaran naming maglinis.
Patawad po Mam. Mahal po namin kayo

Para sa paaralang MNHS, maraming salamat sa pagbabahagi ng kaalaman at sa mga

alaalang hindi ko kailanman malilimutan lalo na ang mga interschool na mga contest na siyang
tumulong upang akoy mas hubugin at ipakita kung anuman ang kaya kung gawin.

Para sa mga magulang na nandirito, maraming salamat po. Lalong-lalo na sa aking mga
magulang na. Unang-una sa pagsuporta mula sa pinakasimula hanggang ngayong araw ng aking
pagtatapos. Sa pagkakataong ako ay makapag-aral na isang kayamanang ipinamana niyo, na
ninuman ay walang makaaagaw sa akin saan man akong dako marating.
Para naman sa mga taong aking nagustuhan at inibig, kahit hindi niyo ako pinapansin
dahil sa hindi ako kagandahan ay isa lamang ang aking mababala sa inyo: hintay lang kayo,
talagang magsisisi kayo, Charing! maraming salamt pa rin lalo na sa araw-araw na naging
inspirasyon ko kayo upang pumasok sa paaralan at motibasyon ng malalaking grado.

Higit sa lahat para sa Panginoon, Maraming salamat sa lahat Lord. Sa mga guro, mga
administrator, aming punong-guro at sa aking mga kapwa kamag-aral at kaibigan na ginawa
mong instrumento upang maging masaya at isa sa hindi ko malilimutang alaala sa aking buhay.

At dito na nagtatapos ang aking mensahe para sa lahat, congratulations at tapos na sa

talaga sa ngayon ang unang bahagi ng ating paglalakbay. Isang napakahabang daan pa ang ating
lalakbayin. Kaya maam, sir, aking mga kaklase, mga kaibigan, at sa lahat BON VOYAGE po,
hanggang sa muli!

Ipinasa ni: Janena R. Pajulas BSED-F-3