GALISTE, CIDIE M. FIL.

1 11:30-12:30 MWF D224

WALANG GANIYANAN!
Eleksyon nanaman , maloloko nanaman ba ang taong bayan?
Panahon nanaman ng mga panloloko ng pulitiko, kelan pa nga bayan magbabago?
Walang silbing gobyerno , bulok na istilo
At walang nagawang pangulo.

Sige isisi mo lahat sa pamahalaan

Wala ka ba talagang ginawang kasalanan?
Iisang president, milyon-milyong katao
Iisang bansa ngunit ibat-ibang reklamo

Puro panghuhusga puro reklamo, jan magaling ang mga Pilipino

Hindi ba tayo napapagod lagi na lang bang ganito, lagi nalang ba nating isisisi sa pulitiko.
Minsan ba naisip natin na gobyerno nga lang ba ang may pagkukulang?
At wala nga ba akong pagkukulang bilang isang mamamayan, tinanong mo ba ang sarili mo kung naging mabuti ka bang
Pilipino sa ating bansa?
Tinanong mo ba ang sarili mo kung bumoto ba ako ng tama? Ginawa ko ba ang tama? Gumawa ba ako ng tama? At
gumagawa ba ako ng tama

Aasahan na lang ba natin ang mga namumuno?

Tumingin ka sa salamin, tingnan mo ang sarili mo;
Wala ka bang bakas ng katamaran?
May nagawa ka na ba para sa lupang sinilangan?

Kung nakita na nating may mali sa paligid,

Ano pang silbi natin tayoy may paat kamay
Palibhasay ang sandatay galaw ng bibig
Bulag ang mata, kita lang ang hirap ng buhay.

Mga kabataan tandaan niyo sa mata ng lipunan hindi ka lang isang dekorasyon.
Meron kang obligasyon na maghatid ng kontribusyon tungo sa ating tuwid na destinasyon
Huwag lang natin iasa sa imahinasyon
Huwag lang tayo puro reklamo, dapat samahan rin natin ng aksyon.

Ito mismong pagdakdak ang walang tinutunguhan

Pagkatapos non, ano na?
Tapos na ang Gawain mo bilang mamamayan
Ang galing nga naman ng itinuro sa kabataan.

Tititigan na lang ba natin ang mga ginagawa nila?

Hihintayin na lang ba natin ang pagbabago?
Wag kang tumunganga diyan, kumilos ka!
Wag ganyan at meron pang pag-asa.