Ako napadgdi sa pagdara nin kalayo sa daga.

Dai ako nin ibang kamawotan kundi

na lumaad. An apostolado o pagbalangibog kan cristianong pagtubod sa bilog na
kinaban minalakop siring sa kalayo. An lambang cristiano na nagsasabuhay kan
saiyang pagtubod nagiging kapinunan nin pagsilyab sa laog nin saiyang familia, sa
lugar kan saiyang trabajo, sa tahaw kan saiyang mga amigo asin mga kamidbid.
Alagad iyan na capacidad magiging posible siring sa sinabi ni San Pablo: kung kita
magka-igwa nin atitud siring sa atitud ni Jesucristo. An apostol minasadol sa gabos
na cristiano na hinguwahon magkaigwang siring na ugali, sa sukol kan satung
makakaya, itong atitud na igwa an satung kagurangnan kan sya nag-atang kan
sadiri bilang sacrificio.
Have among yourselves the same attitude that is also yours in Christ Jesus,
Though he was in the form of God, Jesus did not deem equality with God something
to be grasped at. Rather, he emptied himself, and took the form of a slave, being
born in the likeness of men; he was known to be of human state and it was thus
that he humbled himself, obediently accepting even death, death on a cross.
Guztong sabihon, arugon an saiyang kapakum-babaan asin mag-atang sa Dios sa
paagi nin pagtaong honra, pagsamba, asin pasasalamat. Iyan na pag-atang ginigibo
nyato, enot sa gabos, sa laog kan santa Misa, kung sain an lambang cristiano
nagdu-dulot kan saiyang mga gawi, mga pamibi, kan saiyang buhay sa laog kan
familia, kan trabajo sa aro-aldaw, kasabay an mga pagsakit asin kadificilan, na
kung iyan inaako nin may dakulang paciencia, nagiging dalan pasiring sa
kabanalan. Sa pagtapos kan santa misa, an cristiano minahampang sa realidad kan
buhay, siring sa ginibo ni Cristo kan sya nabubuhay pa sa kinaban: naglingaw kan
saiyang sadiri asin nagtao kan buhay sa pagsirve sa katawohan tangani na sinda
saiyang madara sa Dios.
An cristiano dapat mabuhay sa pag-imitar kan buhay ni Cristo, na iyo an
pagparticipar sa saiyang identidad bilang aki nin Dios. Sa siring na atitud kita dapat
mag-imitar ki Kristo sa pag-isip, sa paghiling, sa pagmate, sa pagtaram, sa
pagtrabajo, asin pakikipag-relacion sa ibang mga tawo.

Kan nahiling kan Kagurangnan an katwohan sya naherak, nin huli ta nagraralakaw
siring sa mga carnerong warang pastor, siring sa buhay na warang direccin asin
kahulugan. Si Jess naherak sa sainda; an saiyang pagkamoot dakulang gayo na
dai sya nagduwa-duwa sa pagsacrificio kan saiyang buhay duman sa Cruz. An siring
na pagkamoot kan Dios kaipuhan magpanu kan satung mga puso: tangani na kita
man makamati nin pagkaherak sa gabos na tawong nabubuhay na wara nin
direccin asin pagtubod, lugod satung hinguwahon na sa tabang kan gracia sinda
satung madara sa pagkamidbid asin pagkamoot sa Dios. Warang sisay man na
nilalang kan Dios an dai nya namomotan. An lambang kalag tinubos kan
Kagurangnan sa halangkaw na precio, an saiyang dugo iyo an kabaklanan kan
lambang saro sato. Sa pag-imitar sa Kagurangnan, warang sisay man na tawo an
satung ipapasipara.