IKAT-TOLONG ESTACION: AN ENOT NA PAGKAPADUNGKAL NI JESUS

Gabos kita may mga pinapasan na cruz. Mayo man po garong exempted sa pagpapasan
kan sadiring cruz nin huli ta ini po parte kan satuyang pagtubod asin pagsunod ki Cristo.

Igwa nin mangiba-ibang lalawgon an cruz na pinapansin niato. Pwedeng Cruz nin
kahelangan o grabeng kasakitan, pwedeng cruz kun sain may inaatubang na personal
na issue o kadificilan sa buhay, o pwede man na cruz kun sain ini nin huli sa gibo kan
iba, asin iba pa. Sabi ngani kayan, “You name it!” kadakol sana.

On the other hand, Kadaklan man po sato an nakakayanan na pasanon an saindang

sadiring cruz nin huli ta nanudan nindang i-connect an saindang pinapasan na cruz sa
cruz na pinasan ni Jesus. Si Jesus maski na Aki kan Dios, nakanuod na magpasan kan
Cruz asin ginibo niya itung cruz nin pagkamoot.

Si Jesus nani-tawo. 100 percent human. Siya nagutom, napaha, nakanamit kan kulog kan
pagkagadan kan saiyang amigo/amiga, nagka-igwa siya nin experiensya kun sain siya
dinulagan kan saiyang mga barkada (apostoles) those who were very close to him; those
whom he treated as family, asin nagka-igwa man siya nin mga bangguing mamundo.

An gabos na satong mga kasakitan, pagkakasala, pagigin daog sa buhay dai

pinapalagpas kan Kagurangnan, yaon siya duman. Alagad an pinaka-importante iyo na
sa lambang pagkapadungkal niato nin huli kan satong mga Cruz kita nakakanuod na
magbuhat/magtindog sa satuyang pagkapadapla asin kita nakakanuod sa mga cruz na
ini. Mayong pinapalampas na kasalan o maski anong sala an satong Kagurangnan
alagad an pinaka-importante para saiya iyo na kita magbangon sa satuyang
pagkapadungkal asin makanuod sa satuyang mga experiensia o mga agi-agi sa buhay.

Kaya, mga tugang, magayon na paghorop-horopan niato an Cruz ni Jesus:

Bilang parasunod ni Jesus, ano daw ako? mabuhat o madulag sa sakuyang Cruz?
Mabuhat maski na magabat o ini babayaan ko na sana? (Enjoy now, suffer later)

AMEN.