Katotohanan.​ ​Kahusayan.​ ​Paglilingkod.

DEOLA,​ ​Magnolia​ ​Kaye​ ​O. ​ ​ ​ ​ ​ ​ ​ ​ ​ ​Block​ ​A

Pamagat​ ​ng​ ​Paksa:​ ​Natutugunan​ ​ba​ ​ng​ ​gobyerno​ ​ng​ ​Pilipinas​ ​ang
​ ​ ​ ​ ​ ​ ​pagpapaunlad​ ​at​ ​pangangalaga​ ​sa​ ​wikang​ ​Filipino?
Posisyon:​ ​‘di​ ​sumasang-ayon

Kinakatawan ng konstitusyon ang mga aspirasyon, hangarin, at layunin ng isang

gobyerno para sa bansa. Lahat naman tayo’y sumasang-ayon sa depinisyong ito ‘di ba?

At ako’y naniniwala na hindi natutugunan ng sapat ng gobyerno ang pagpapaunlad at

pangangalaga​ ​sa​ ​wikang​ ​Filipino.

Sabi sa Article 14 ng 1987 constitution na ang wikang pambansa ng Pilipinas ay

Filipino, at dapat magsagawa ng mga hakbangin ang Pamahalaan upang maitaguyod

ang wikang Filipino bilang midyum ng opisyal na komunikasyon. Ngunit kahit na ganito

ang nakasaad sa konstitusyon, makikita parin natin na hindi ito sinusunod ng mga

opisyal sa gobyerno- na tinuturing mga ​controlling domains of language​. Si pangulong

Duterte na sa opisyal na mensahe niya noong nakaraang Buwan ng Wika’y nabanggit

na ​mahalaga ang tuluyang paggamit sa Wikang Pambansa para sa pagkakaisa ng

mamamayang Filipino, ay patuloy na nagco-codeswitch gamit ng Filipino, Ingles, at

Bisaya sa kanyang mga talumpati kung hindi man siya dire-diretsong nag-Iingles. Ang

mga senador tulad ni Koko Pimentel na Senate President ngayon ay patuloy ring

ginagamit ang Ingles higit sa Filipino sa kanilang mga opisyal na mensahe. At ang mga

panrehiyong hukuman ay madalas ring ginagamit ang Ingles sa kanilang mga opisyal

na dokyumento ayon kay Martin (2012). Madalang silang sinasalin sa Filipino. Talagang

hindi pa gaano nagagamit ang Filipino sa sistemang legal ng Pilipinas. ‘Di ba hipokritikal
na ang mga opisyal na dapat nagtataguyod sa wikang Filipino at nagpapalaganap ng

konstitusyon​ ​ang​ ​siyang​ ​‘di​ ​sumusunod​ ​sa​ ​kanilang​ ​mga​ ​alituntunin?

Sabi rin mula sa 1987 constitution na ​payayabungin ang wikang Filipino

alinsunod sa mga batas na maaaring ipasya ng Kongreso. Magsasagawa rin ng mga

hakbangin ang Pamahalaan upang maitaguyod ang wikang Filipino bilang wikang

pagtuturo sa Sistemang pang-edukasyon. Ang pagkakasabi ng “alinsunod...sa mga

batas na maaaring ipasya ng Kongreso” ay nagbibigay kahinaan at kawalang-katiyakan

sa pagpapaunlad ng wika dahil hanggang ngayon, mula 1987, ay wala paring

naipasang batas kung saan itinuturing na angkop na ang wikang Filipino bilang wikang

Opisyal sa Pilipinas. Bagamat wikang Pambansa ang Filipino, ito’y hindi pa wikang

Opisyal.

Gamit ang MTB-MLE ​system of education na inapruba ng Kongreso, ang Filipino

ay sisimulan nang masinsinang ituturo mula greyd 4. Ayon sa libro ni Dr. Ricardo

Nolasco (n.d.), aabutin ng walong taong masinsinang pagtuturo ang kailangan bago

mahusay na magagamit ang Filipino bilang mga midyum ng instruksyon sa mga

paaralan. Kaya’y kung pag-iisipan, sa greyd 11 pa lamang masasabing bihasa na ang

mga estudyante sa paggamit ng Filipino. Ngunit bakit tinangkang tanggaling ng

Commission on Higher Education ang Filipino sa kolehiyo, kung sa antas na ito pa

lamang talagang magagamit ang Filipino bilang akademikong midyum at kung saan

may pinakamalaking posibilidad na gawan ng masinsinang pananaliksik na

kinakailangang hakbang sa intelektwalisasyon. Tinatanggal nila ang pagkakataon na

maging intelektwalisado ang Filipino sa pamamagitan ng masinsinang paggamit nito sa

kolehiyo.

Base rin sa konstitusyon kaya gumawa ang gobyerno ng Komisyon sa Wikang

Filipino (KWF) na dapat ay nagpapalaganap ng wikang Filipino sa bansa. Ngunit sapat

ba ang suportang ibinibigay ng gobyerno sa kanila? Ayon kay Lourdes Hinampas na

miyembro ng KWF, kapos ang budjyet na na nilaan ng gobyerno para sa mga proyekto

at programa sana ng KWF. Ang epekto nito’y ang pagkukulang ng KWF sa paggawa ng

mga pambansang patakarang makatutulong sana sa pagpapaunlad ng wikang Filipino

mula sa pananaliksik, dahil hindi nagagampanan ng KWF ang pagsasaliksik na

kinakailangan para sa mga patakaran at programa. Umaasa lang sila sa saliksik ng iba

at gumagawa ng aksyon batay sa gusto ng pamahalaan. Naging utus-utusan sa

pagsalin ng mga dokyumento at ortograpiya at ang pakikilahok sa panrehiyon at

pambansang mga seminar lamang ang nagagawa ng KWF, imbis na manaliksik at

magpalaganap​ ​ng​ ​diskurso​ ​para​ ​sa​ ​pagpapa-intelektwalisado​ ​ng​ ​wikang​ ​Filipino.

Ang punto ng aking mga argumento ay mukhang hindi gaano naiisip ng

gobyerno ang kahalagahan ng wika para sa bansa kaya’y hindi nila masyado

napag-iisipan ang kanilang mga aksyon at mga desisyon. At hindi nila nabibigyan ng

sapat na tugon ang mga pangangailangan ng bansang ito. Maibubuod sa dalawang

ideya ang lahat ng aking pinagsasasabi. Una, ano ba ang mga salita kung wala namang

gawa? At ikalawa, paano natin maaasahang mapangangalagaan at mapauunlad ng

gobyerno ang wikang Filipino nang sapat kung sa loob pa lang ng gobyerno ay kulang

sa​ ​pag-uunawa​ ​ng​ ​totoong​ ​kahalagahan​ ​ng​ ​wika​ ​para​ ​sa​ ​bansa?
Sanggunian:

Contreras,​ ​A.​ ​(2014).​ ​Betraying​ ​the​ ​Filipino​ ​Language.​ ​Mula​ ​sa

http://www.gmanetwork.com/news/opinion/content/366049/betraying-the-filipino-language/story

Geronimo,​ ​J.​ ​(2015).​ ​Senators​ ​want​ ​Chinese,​ ​Sanish​ ​languages​ ​in​ ​H​ ​to​ ​12​ ​curriculum.​ ​Mula​ ​sa
https://www.rappler.com/nation/90034-k12-curriculum-foreign-languages

Getsy,​ ​T.​ ​(2017,​ ​July).​ ​On​ ​English​ ​and​ ​Bisaya,​ ​and​ ​Understanding​ ​Duterte.​ ​Mula​ ​sa
https://news.mb.com.ph/2017/07/11/on-english-and-bisaya-and-understanding-duterte/

Komisyon​ ​sa​ ​Wikang​ ​Filipino.​ ​mula​ ​sa​ ​http://kwf.gov.ph/kwf-transparency-seal/

Martin,​ ​I.​ ​P.​ ​(2012).​ ​Expanding​ ​the​ ​role​ ​of​ ​Philippine​ ​languages​ ​in​ ​the​ ​legal​ ​system:​ ​the​ ​dim​ ​prospects.
​Perspectives​ ​in​ ​the​ ​Arts​ ​and​ ​Humanities​ ​Asia​,​ ​2​(1).​ ​Mua​ ​sa
​https://journals.ateneo.edu/ojs/index.php/apah/article/viewFile/121/52

Nolasco,​ ​R.​ ​M.​ ​D.​ ​(n.d.).​ ​21​ ​Reasons​ ​why​ ​Filipino​ ​children​ ​learn​ ​better​ ​while​ ​using​ ​their​ ​Mother​ ​Tongue.

Novenario,​ ​R.​ ​(2017).​ ​47​ ​M​ ​budget​ ​ng​ ​KWF​ ​kapos.​ ​Mula​ ​sa
http://webcache.googleusercontent.com/search?q=cache:pyR9oDfnAUkJ:www.hatawtabloid.com
/2017/03/06/p47-m-budget-ng-kwf-kapos/+&cd=1&hl=en&ct=clnk&gl=ph

Tan,​ ​N.​ ​(2014).​ ​Policies​ ​on​ ​theuse​ ​of​ ​the​ ​Filipino​ ​language.​ ​Mula​ ​sa
https://www.rappler.com/newsbreak/iq/65938-policies-filipino-language

Thoughts​ ​on​ ​the​ ​Commission​ ​on​ ​the​ ​Filipino​ ​Language​ ​(2012).​ ​Mula​ ​sa
http://www.philippinesbasiceducation.us/2012/09/thoughts-on-commision-on-filipino.html