Unang Gawain sa Fil161: Pag-uugnay ng Konsepto ng Wikang Filipino batay sa
Dokumentaryong Pinanood.
Pangalan: Nathaniel A. Guianan Petsa: 10/2/2022
Sa panonood ng dokumentaryong pinamagatang “Sa Madaling Salita:
Kasaysayan at Pag-unlad ng Wikang Pambansa”. Tinalakay ang kasaysayan ng wikang filipino at mga isyu na kinakaharap nito. Narito ang mga konseptong pangwika na aking nalaman sa loob ng nasabing dokumentaryo: Konsepto ng Wikang Katutubo (Unang Wika), Konsepto ng Opisyal na Wika, Konsepto ng Wikang Panturo, Konsepto ng Wikang Pantulong at Konsepto ng Wikang Pambansa.
Konsepto ng Wikang Katutubo(Unang Wika)
Ang Pilipinas ay isang bansa na ang teritoryo ay binubuo ng maraming mga isla o arkeopologo, kung kaya sa ating bansa ay maraming umiiral na wika. Ayon kay Prof. Angelito G. Manalili ang wikang Filipino ay maraming baryasyon at hindi lamang ito Tagalog, mayroong Filipinong Bisaya, Filipinong Bicol, atbp. Ayon din sa kanya ay hindi kinakailangan na maging purista pag ang paksa ay Filipino sa kadahilanan nga na ito ay may maraming baryasyon at nakabatay sa lahat ng wikang umiiral sa buong bansa.
Konsepto ng Wikang Opisyal
Sa dokumentaryo ay nabanggit ni Bienvenido Lumbera na ang wikang pambansa ang siyang sumasalamin sa kasaysayan ng mga Pilipino, ito ay isang wika na nagpapakilala kung ano tayong mga Pilipino. Kung kaya sa kasalukuyan ang opisyal na wika ng ating bansa ay Filipino sa kadahilanang ito ay nakabatay sa lahat ng wika na umiiral sa buong Pilipinas at pati narin sa lahat ng mga bansang sumakop nito. Bagamat ayon kay Prof. Victor Paz na marami sa mga politiko ang naniniwala na ingles ang dapat na wika natin, bagamat hindi bihasa sa wikang ingles ang karamihan sa ating mga mamamayang Pilipino. Konsepto ng Wikang Panturo Ayon kay Prof. Portia P. Padilla, sa larangan ng pagkatuto ng wika at edukasyon ay walang kompetisyon at pag-aaway sa mga resulta ng pag-aaral. Nangangahulugan itong hindi basehan ng talino kung ikaw ay matatas sa iba't ibang lenggwahe. Dagdag pa niya ay ang sariling wika ay daan papunta sa Pilipino at papunta pa sa iba pang wika, banyaga man o sa Pilipinas.
Konsepto ng Wikang Pantulong
Ayon sa panayam kay Agustin L. Arcenas, ang wika ay mahalaga sa pagkat ito ang paraan sa kung papaano ka makakapagturo sa mga estudyante. Dagdag pa niya na may mga bagay na mas mainam at naiintindihan kapag wikang Filipino ang gamit at mas nakikinig ang mga estudyante. Dahil kung susumahin kung panay basa lamang sa ingles na bersyon sa pagtuturo ang aasahan, marami sa mga mag-aaral ang hindi lubos nakakaintindi ng mga komplikadong mga terminolohiya sa wikang ingles kung kayat kinakailangan ang wikang Filipino na maging pantulong o pang-alalay upang mas mabigyan ng kahulugan ang mga salitang ito at mas maunawaan ng mga mag-aaral.
Konsepto ng Wikang Pambansa
Nabanggit sa dokumentaryo na kung ninanais nating magkaroon ng sariling pagkakakilanlan at tunay na pagkakaisa, siang makapangyarihan na instrumento ang magkaroon ng iisang wika. Upang makamit ito ginawang Filipino ang ating wikang pambansa sa kadahilanang ito ay naka base sa lahat ng umiiral na mga wika sa bansa hindi lamang ang wikang Tagalog. Ayon kay Ricardo Ma. D. Nolasco na ito ay hindi lamang problema sa wika, kundi problema rin sa kung paano tayo mag-isip. Kung tayo ba ay nag-iisip alinsunod sa kung ano ang kultura ng wika at kultura ng iba’t ibang grupong etniko dito sa Pilipinas o sa kolonyal na balangkas. Ating pagka-tandaan na ang kultura at wika ay hindi kailanman maghihiwalay kung wala ang kultura wala rin ang wika at kung wala ang wika ay wala ring kultura.
Sa panonood sa nasabing dokumentaryo, lubos kong ikinalulungkot na sa
pagdaan ng panahon ayon kay Victor Paz na marami sa mga politiko ang naniniwala na dapat Ingles ang wika na dapat pagtuunan ng pansin. Isa sa tingin ko na dahilan nito ay ang pahayag ni Ramon Guillermo na mas tinutugunan ng pansin ang pagsasakalakal ng edukasyon dahil sa pagkahumaling ng mga administrador sa kung paano mas maipapataaas ang pagiging kompetitibo ng ating mga manggagawa sa pandaigdigang pamilihan kaysa sa kung paano makakatulong sa mga kabataan sa kasalukuyan. Bagamat mabuti ang ninanais para sa ekonomiya ng ating bansa kapalit nito ay pagkalimot o pagbabalewala sa ating sariling wika. Isang pang resulta ay ang naibanggit ni Pamela Constantino na ang wika ay pwedeng i-manipulate na kung saan ang wika ay maaaring magamit upang hindi makipag-komunikasyon. Isang halimbawa nito ang pag-iingles sa taong hindi marunong mag-ingles, iyon ay hindi pakikipagkomunikasyon bagamat pinapakita mo na ikaw ay nakatataas sa kanila sa kadahilanang marunong kang mag salita sa wikang ingles. Ako ay nabighani sa kanyang binitawan na mga katagang “language is an ideology, siya ang kumokontrol sa pag-iisip ng tao” na nangangahulugan na ang wika ay nagiging dahilan kung bakit nagbabago ang pag-iisip ng isang tao ginagamit ng iilan ang wika bilang basehan ng talino ngunit ito ay hindi totoo. Hindi sukatan ang kaalaman sa maraming wika o kahit pagiging bihasa sa Ingles ang talino ng tao, dahil ang wika ay isa lamang instrumento na ginagamit bilang paraan ng pakikipag komunika sa ibang tao. Upang mas mapalawig ang ating sariling wika ayon kay Ricardo Ma. D. Nolasco, kinakailangan ng isang kilusang pang-masa. Sa atin mismo magsisimula ang pagpapaigting at pagpapayabong ng wikang Filipino upang ito mawala tulad ng ibang mga wikang namatay sa limot ng mahabang panahon. Dahil ang ating wika ang siyang sumisimbolo sa ating kasaysayan, kultura at pagkakakilanlan.