FILIPINO 2

Bb. Rose Marie Tiongson

Ma. Regina Alexa E. Cuevas

11HA - 3

"The world is a book and those who do not travel read only one page," - Saint Augustine

Kung ako'y tatanungin, 'Mahilig ka bang mag-travel?' Ang isasagot ko'y oo dahil bata pa
lamang ako nakapunta na ako sa iba't ibang lugar di lamang sa Pilipinas ngunit sa buong mundo. Ang
pinaka-unang lugar na napuntahan ko ay sa Bohol at Cebu. Matapos noon ay napunta naman ako sa
Hong Kong at Singapore. At hindi na lang pang-Asya ang napuntahan ko matapos noon kundi umabot
ako sa Estados Unidos.

Unang beses kong makapunta ng Amerika noong taong 2009 at ako'y halos 9 na taong gulang
noon. Kasama ko noon ang aking pinakamamahal na lola at umabot ng 2 buwan ang aming bakasyon
roon. Noong mga panahong iyon, hindi kami laging lumalabas marahil ang kasama ko ay si Lola - si
Lola na nakailang balik na sa Amerika at nakita na ang lahat. Wala ng bago sa kanya kung kaya't
hindi na kami masyadong pumapasyal sa mga museo at theme park noon. Isa pa ay may katandaan
na rin si Lola at nahihirapan ng maglakad ng matagalan hindi katulad nang siya ay bata pa.

Nito lamang taong 2016, bumalik uli ako sa Amerika pero ngayo'y kasama ko naman ang
aking mga magulang at isang kapatid (naiwan ang bunso). Praktikal ang akin ina kung kaya't tiniyak
niyang mapupuntahan namin ang mga sikat na pasyalan sa Amerika sa loob ng 2 buwan. Talagang
sulit ang aming binayad (airfare) dahil lagi kaming pagod sa pamamasyal.

Ang unang estado na aming pinuntahan ay Las Vegas, ikalawang beses ko na roon at sila
nama'y unang beses pa lamang. Syempre, hindi mo masasabing nakapunta ka sa Vegas kung hindi
mo mapupuntahan ang The Strip. Ang The Strip ay isang kahabaaan ng mga hotel at kasino. Naroon
ang tanyag na MGM Grand kung saan maaring panuorin ang mga laban ni Manny Pacquiao at iba
pang mga boxing fights. Mas magandang pumunta sa Strip sa gabi dahil sa oras na ito, nagiging
makulay at mailaw ang iyong lalakaran. Kahit saan ka lumingon ay puro ilaw at mga nagsisiyahan na
mga tao. Isang paalala lamang dahil nga sa iba ang kultura sa Amerika, baka magulat ka sa mga
makikita mo gaya ng mga Amerikanong halos nakahubad na dahil sa kanilang mga damit at mga
taong bigla na lang susuka mula sa isang taksi dahil sa kalasingan.

Ang sumunod na estado na aming pinuntahan ay ang Los Angeles sa California. Ito ay sikat
dahil nandirito ang sentro ng industriya ng pelikula at telebisyon. Dito rin makikita ang sikat na
Hollywood Sign at ang Walk of Fame. Unang beses ko sa Los Angeles at syempre kami ay pumunta
sa Universal Studios. Maraming makikita sa Universal Studios gaya ng sikat na Harry Potter World
at Jurrasic Park. Karamihan ng mga atraksyon sa Universal Studios ay 4D rides kung kaya't makailang
sakay pa lang ako ng mga rides ay hilong-hilo na ako. Hindi rin naman pahuhuli ang Disneyland Park
na makikita naman sa Anaheim, California. Ito ay ang tanging Disneyland Park na ipinatayo sa
pamumuno ni Walt Disney, ang tao sa likod ng karakter ni Mickey Mouse. And Disneyland Park ay
napakalaki at mayroon silang sistema kung saan maaring kang kumuha ng fast pass upang hindi ka
na pumila ng matagal. Nagtapos ang araw namin sa Disneyland nang mapanuod namin ang
napakagandang fireworks display at parada ng mga Disney characters tulod ni Elsa, Cinderella, at
Mickey Mouse. Siya nga pala, huwag kang aalis ng Disneyland nang hindi mo natitikman ang Dole
Whip - ice cream na doon mo lamang mabibili.
 Pagkatapos namin sa California ay tumungo kami sa New York kung saan nakatiro ang tito
ko. Ikalawang beses ko na roon ngunit ngayon ko lamang napuntahan ang Statue of Liberty and
Empire State Building. Naalala ko pa noong araw na pupunta kami ng Statue of Liberty, halos
magkandahuli na kami noon dahil hindi kami nagising. Ang akala namin ng aking nanay ay maiiwan
na kami ng ferry na magdadala sa amin sa Liberty Island kung asaan nakatayo si Lady Liberty. Inakyat
namin si Lady Liberty at nakakamangha nga na nakapasok kami sa loob ng estatwang iyon.
Dumiretso naman kami sa Ellis Island, ang isla kung saan nagtutungo ang mga imigrante noon. Doon
ay nakita namin ang lugar kung saan sinusuri ang bawat imigrante bago sila makapasok ng Amerika.
Matapos naming libutin ang Liberty and Ellis Island ay pinuntahan namin ang tanyag na Empire State
Building. Iyon ay may 102 palapag at maaring kang umakyat hanggang sa ika-86 o ika-102; ang
aming ticket ay hanggang ika-86 na palapag at ang view na aming nakita ay napakaganda nga. Kitang-
kita namin ang mga nagsisitaasang mga gusali kung saan kilala ang New York City. At syempre hindi
matatapos ang aming pagbisita sa New York City kung hindi kami pupunta sa Times Square.

Natapos ang aming paglalakbay sa estado ng Oregon kung saan unang beses ko roon. Kami
ay nanirahan sa bahay ng kapatid ng aking nanay sa Portland at ang masasabi ko ay napakapayapa ng
lugar na iyon. Bukod pa roon, napakamura rin ng bilihin roon dahil hindi gaanong ka-taas ang tax
doon. Bukod sa pamimili, kami ay nagpunta sa Pittock Mansion, isang iconic na istruktura na bahagi
ng kasaysayan ng Portland.

Sa ikalawang pagpunta ko ng Estados Unidos, mas marami akong natutunan at nagawa na

siguradong babaunin ko hanggang sa ako'y lumaki. Mas namulat ang aking mata sa kultura na meron
ang Amerika at kung paano ito naiba sa kulturang aking kinagisnan. Nakita ko rin ang kalagayan ng
mga Amerikano - lahat pantay pantay; walang mahirap, walang mayaman. Lahat ng tao ay kayang
bilhin ang lahat ng kanilang gusto. At ang tanging masasabi ko lamang ay ang paglalakbay ay hindi
lamang pagpapasyal sa mga sikat na destinasyon kundi isang pagkilala sa kultura ng lugar na iyon.