dhe inovacione Tema: Menaxhimi i novacioneve (risive)
Prof. ass. Dr. Sc. Labeat Mustafa
Stimulimi i novacioneve (risive) ◼ Ripërtërihu ose vdis! Këto fjalë të ashpra formojnë kontekstin e thirrjeve shpotitëse të menaxherëve të kohëve të sotme. Në botën dinamike të konkurrencës globale nëse organizatat dëshirojnë të konkurrojnë me sukses duhet të krijojnë produkte dhe shërbime të reja dhe të adoptojnë teknologji tepër të zgjedhura. ◼ Risitë që ato i sjellin ju ndihmojnë atyre që të bëhen emra dhe marka të njohura dhe që produktet e tyre të përdoren në pothuajse çdo shtëpi. ◼ Por këto kompani dinë gjithashtu se risitë e kanë jetën të shkurtër në kohët e sotme. Si lidhen krijueshmëria me risitë? ◼ Në gjuhën e përditshme, krijueshmëria nënkupton aftësinë për të kombinuar idetë në një mënyrë unike ose për të bërë lidhje të pazakonta mes ideve. Për shembull, kur Felix Hoffman zbuloi një trajtë "të pastër dhe të qëndrueshme" të acidit acetilsalicilik, ai e përdori atë për shpikjen e medikamenteve farmaceutike për trajtimin e dhimbjeve. ◼ Pra krijueshmëria është aftësia për të dhënë ide të reja dhe të dobishme. ◼ Risitë paraqesin përshtatjen e një ideje krijuese për ta kthyer atë në një produkt, shërbim ose në një metodë të dobishme veprimi. ◼ Organizata novatore karakterizohet nga aftësia për të shndërruar idetë e saj krijuese në rezultate të dobishme. ◼ Pra risitë janë përshtatja e një ideje krijuese për t’i shndërruar ato në një produkt, shërbim ose metodë veprimi të dobishme. Si mundet një menaxher të nxitë risitë? ◼ Janë zbuluar tri bashkësi variablash që nxisin risitë. Ato kanë të bëjnë me strukturën e organizatës, kulturën e saj dhe praktikat e burimeve njerëzore. SI NDIKOJNË VARIABLAT E STRUKTURËS MBI RISITË? ◼ Sipas shumë studimeve, variablat strukturorë ushtrojnë tri lloje ndikimesh mbi risitë. Së pari, strukturat organike ndikojnë në mënyrë pozitive mbi risitë sepse ato kanë më pak specializime të punës, më pak rregulla dhe janë më të decentralizuara sesa strukturat mekanike. ◼ Ato mundësojnë fleksibilitet, përshtatje dhe nxitje të ndërthurur të ideve të cilat e bëjnë më të lehtë adoptimin e risive. ◼ Së dyti, një përbërës shumë i rëndësishëm për risitë është edhe aksesi i lehtë në burime të mjaftueshme. Burimet e bollshme i lejojnë menaxherët të blejnë risitë nga burime jashtë organizatës, të përballojnë kostot e krijimit të risive brenda kompanisë dhe të amortizojnë dështimet. ◼ Së treti, komunikimi i shpeshtë mes njësive të punës ndihmon në thyerjen e pengesave të mundshme ndaj risive duke lehtësuar veprimet e ndërsjella që kapërcejnë kufijtë e departamenteve. Sl NDIKON KULTURA E ORGANIZATËS MBI RISITË? ◼ Organizatat novatore tentojnë të kenë kultura të ngjashme. Ato inkurajojnë eksperimentimin. Shpërblejnë edhe sukseset edhe dështimet, ato lavdërojnë gabimet. Për shembull, te General Motors, njësia e APEX-it, punonjësit inkurajohen të eksperimentojnë dhe atyre u jepen shpërblime për eksperimentet me produktet e reja në treg. CILËT VARIABLA TË BURIMEVE NJERËZORE NDIKOJNË MBI RISITË? ◼ Brenda kategorisë së burimeve njerëzore, është zbuluar se organizatat novatore nxisin aktivisht trajnimin dhe zhvillimin e anëtarëve të tyre në mënyrë që njohuritë e tyre të jenë gjithmonë të përditësuara. ◼ Ata u ofrojnë punonjësve siguri të lartë në punë, largojnë frikën e pushimit nga puna, për shkak të gabimeve, si edhe i inkurajojnë individët të bëhen kampionë të ndryshimeve. ◼ Nëse zhvillohet një ide e re, agjentët e ndryshimit e përkrahin këtë ide aktivisht dhe me entuziazëm, sigurojnë mbështetje për punonjësit, kapërcejnë çdo rezistencë dhe garantojnë vënien në jetë të risive. ◼ Punonjësit që shfaqin ide të reja ndryshe mund t’i quajmë kampionë të ndryshimeve. ◼ Kërkimet tregojnë se kampionët e ndryshimeve kanë karakteristika personaliteti të ngjashme: vetëbesim jashtëzakonisht të lartë, këmbëngulje, energji dhe një prirje të natyrshme kah riskut. ◼ Këta kampionë shfaqin gjithashtu karakteristika të lidhura me udhëheqjen dinamike. Ata frymëzojnë të tjerët me vizionin që kanë mbi potencialin e risive dhe u japin energji me bindjet personale që kanë mbi misionin e tyre. ◼ Ata gjithashtu arrijnë të fitojnë mbështetjen dhe përkushtimin e të tjerëve për misionin e tyre. Veç kësaj kampionët kanë pozicione pune që u japin liri të madhe veprimi. Kjo pavarësi i ndihmon ata të prezantojnë risitë dhe t'i vënë në jetë ato. Si i vlerësojnë risitë ndërmarrësit? ◼ Në botën e sotme dinamike të konkurrencës globale, nëse organizatat duan të konkurrojnë me sukses duhet të prezantojnë vazhdimisht produkte dhe shërbime të reja. ◼ Risitë përbëjnë një karakteristikë të rëndësishme të nismave ndërmarrëse. Në fakt, mund të thuhet se janë pikërisht risitë ato që e bëjnë “ndërmarrëse" nismën e ndërmarrësve.
◼ Është vendimtare një kulturë që mbështet novatorizmin. Por si
është një kulturë e tillë? Në këtë lloj kulture punonjësit shohin se mbështetja nga eprorët dhe sistemet e shpërblimit të organizatës janë në pajtim të plotë me angazhimin e tyre ndaj risive.
◼ Dhe kjo është pikërisht në këtë lloj kulture ku punonjësit nuk
e perceptojnë tensionin e mbingarkesës në punë si të tepërt ose të paarsyeshëm. Kërkimet gjithashtu kanë zbuluar se firmat me kultura të cilat përkrahin risitë kanë prirjen të jenë më të vogla; ato kanë më pak praktika të formalizuara të burimeve njerëzore dhe më pak burime rezervë. ◼ Ju faleminderit për vëmendje!
Një qasje e thjeshtë për analizën themelore të tregjeve financiare: Një udhëzues i fillimit për teknikat dhe strategjitë e analizës themelore për parashikimin e ngjarjeve që zhvillojnë tregjet