Ang KARAGATAN ay isa sa uri ng ating panitikan kabilang siya sa
dulang panlibangan na ginagawa ng mga Pilipino noong panahon ng
mga Kastila, ang karagatan ay batay sa alamat ng isang dalaga na nahulog ang singsing sa dagat batay sa hangaring makapili ng mapapangasawa.
Para mas lubos na maunawaan ang katangian ng karagatan ay
narito ang sumusunod
Ang karagatan ay laro na mayroong paligsahan sa tula.
Ang kwento ay umiikot sa alamat ng singsing ng isang dalaga na nalaglag o nahulog sa gitna ng dagat . Kung sino man ang makakakuha ng singsing ng dalaga ay kanya itong pakakasalan. Ngunit sa larong ito ay hindi naman nangangailangan na lumangoy o sumisid sa dagat ang binata na nais na makai sang dibdib ang dalaga. Ang larong ito ay ginaganap o dinadaos sa bakuran ng isang tahanan. Dito ay mayroong papag na dalawa at sa tigkabila ng mesa ay mayroon namang ibat-ibang pagkain. Ang pangkat ng binata at dalaga ay magkaharap. At ang magpapasimula ng palaro ay isang matanda. Sa larong ito ay maaring magkaroon ng palabunutan at matukoy ang unang binatang mabibigayan. Ang DUPLO ay isa rin sa ating panitikan sinasabing ito naman ang pumalit o humalili sa karagatan, paligsahan sa husay sa pagbigkas ng pangangatuwiran na patula,tinatawag din itong dulang pangtahanan sapagkat ito ay karaniwang idinaraos sa loob ng isang tahanan o sa isang bakuran. Ito ay ginaganap bilang paggunita sa namatay. Para mas lubos na maunawaan ang katangian ng duplo ay narito ang sumusunod
Ito ay isang tulang patnigan sapagkat ito ay larong paligsahan sa
pagtula. Ang mga lalake sa larong ito ay tinatawag na duplero samantalang ang mga babae naman ay duplera. At kapag naglalaro na ay tinatawag silang bilyako at bilyaka. Ang tsinelas o palmatorya naman ang ginagamit ng hari na pamalo sa palad ng natalo bilang parusa. Maari ring parusa sa natalo ang pagpapabigkas ng mahabang dasal para sa kaluluwa ng isang namatay. Ang paksa sa larong ito ay patungkol sa nawawalang loro ng isang hari o di naman kaya ay magsusumbong ang isang bilyako sapagkat siya ay hinamak ng isang bilyaka. Ito rin ay ginaganap sa bakuran ng isang tahanan. Ito rin ay katulad ng karagatan na ginaganap tuwing mayroong patay. Ito rin ay nagpapatalas ng kaispan dahil ang pagmamatuwid ay daglian.
Ibong Adarna
Corrido at Buhay na Pinagdaanan nang tatlong Principeng Magcacapatid na Anac nang Haring Fernando at nang Reina Valeriana sa Cahariang Berbania