SANAYSAY TUNGKOL SA WIKA

Wikang Filipino, ang pambansang wika ng Pilipinas. Wika ang pinaka-

pangunahing ginagamit ng tao sa araw-araw na pakikipagsapalaran sa buhay.
Sa halos 7,107 na mga pulo ng Pilipinas, iba’t iba man ang kultura, etniko, o
lokal na wika, pinag-iisa tayo ng bigkis ng lahi sa pamamagitan ng ating
pambansang wika. Kung walang iisang wika, ang wikang Filipino, mararating
kaya natin ang kaunlaran ng bansang Pilipinas?

Sa palagay mo, may pagkakaisa ba kung hindi nagkakaintindihan ang mga tao
dahil sa kalat-kalat at iba’t-ibang wikang kinamulatan nating mga Pinoy?
Napaka “obvious” ang sagot. Hindi. Marahil sa ganitong mga katanungan,
napagtanto mo na ang kahalagan ng iisang wika, ang wikang pambansa ng
Pilipinas, ang wikang Filipino. Kaya marapat lamang na bigyan ng napakataas
na pagpapahalaga ang ating pambansang wika. Ngunit paano? Marahil
nalilito ang iba sa inyo kung anu-ano ang mga kailangang gawin upang
bigyang halaga ang pambansang wika. Nais kong ilahad sa inyo ang kung
paano mapapakita ang pagpapahalaga sa ating pambansang wika.

1. Palawakin o paunlarin ang unawa tungkol sa wikang Filipino. Ito’y

magagawa sa pamamagitan ng mga sumusunod:

Kailangan may sarili kang diksiyonaryong Filipino. Sa panahon natin ngayon,

pwede ka ring magsaliksik at magpaunlad ng paggamit ng wikang Filipino sa
pamamagitan ng internet.
Magbasa ng mga libro, mga babasahin, lalo na ng mga “research papers” na
gumagamit ng wikang Filipino.
Mapanuring pakikipagtalakayan sa mga bihasa sa wikang Filipino

2. Mataas na pagpupugay at paggalang sa mga lumikha ng Batas Pambansa

Blg. 7104 at Proklamasyon Blg. 1041, sa mga mananaliksik o sa mga taong
tumutulong sa pagpapatibay at pagpapaunlad ng kasanayan sa paggamit ng
wikang Filipino.

3. Makilahok sa mga aktibidad at proyekto ng pamahalaan na may kinalaman

sa pagpapahalaga ng wikang pambansa.
4. Sa araw-araw na panangalangin mo sa Diyos, kay Bathala, kay Allah, kay
Buddha, o sa sinumang sinasamba mo, maaari mong gamitin ang wikang
Filipino. Ito ay napakabisang paraan upang lalong malinang ang iyong
paggamit ng wikang Filipino.

5. Paglikha nga mga nakakatuwang tula, mga kinapupulutan ng aral na mga

sanaysay, kwento, o anumang artikulo gamit ang wikang pambansa.

6. Paghubog ng isang sining; “drawing, iskultura, sand animation o anumang

uri ng sining” na may kinalaman sa papapahalaga ng ating wikang pambansa.

Ito’y ilan lang sa mga napakarami pang paraan. Alam kong marami pang mga
paraan ng pagpapahalaga ng ating wikang pambansa (ang wikang Filipino). At
alam ko rin na kayong nagbabasa nito ay mayroong tinatagong mga
natatanging ideya kung paano pahalagahan ang ating wikang pambansa.
 TALUMPATI TUNGKOL SA KAHALAGAHAN NG
SOCIAL MEDIA SA KOMUNIKASYON
Ano nga ba ang social media ayon sa guro namin sa e-tech Ang Social Media
ay tumutukoy sa sistema ng pakikipagugnayan sa mga tao na kung saan sila
ay lumilikha, nagbabahagi at nakikipagpalitan ng impormasyon at mga ideya
sa isang virtual na komunidad at mga network.
Mapabata, matanda pati na rin ang mga lolo’t lola halos lahat tayo ay
gumagamit nito. Ayon sa isang pag aaral na isinagawa noong Abril 2018 7.5
billion katao ang gumagamit ng social media. Ngunit bakit nga ba maraming
kabataan ang nahuhumaling dito? Sabi nga nila ang social media na ang
nagiging pampalipas oras nating mga kabataan. lingid sa ating mga kabataan
na madaming pwedeng gawin Ito rin ang pinaka- ginagamit ngayon ng mga
milenyal at ginagawang libangan. Sa pamamagitan nito ay mas napapadali
ang pakikipag-komunikasyon paglalahad ng nararamdaman at pagkakaroon
ng kaalaman sa ibat ibang bagay At minsan dito rin nagkakaroon ng ugnayan
ang dalawang tao. Hindi na nakapagtataka na sa dami ng gamit ng social
media ay may mga negatibong epekto rin ito sa mga kabataan tulad ng hindi
pamamahala ng oras na nagiging dahil ng hindi pagtulong sa mga gawaing
bahay, hindi tamang oras ng pagkain at maging sa ating pag-aaral ay
nagkakaroon nadin ng epekto, lalo na sa mga kabataang naglalaro ng e-
games, dahil marami sa mga ito ay sobrang nahuhumaling na nang sobra at
naapektuhan na ang kanilang pag-aaral. Marahil nga na may mga kabataan
ngayon ang bumababa na ang grado at hindi rin nakakapagtaka ang ganito.
Sa aking obserbasyon sa ating kabataan ay mas nagiging produktibo at aktibo
tayo sa mga bagay bagay dahil ayaw nating nagpapahuli sa nagaganap sa
ating paligid dahil ang mas gusto natin ay makisabay, na may punto din
naman ngunit may mga bagay din na hindi sa lahat nang oras ay kailangan
lumibang tayo ng husto, kailangan alam din natin kung hanggang saan lang
ang limitasyon natin at kung paano maibabalanse ang tamang paggamit ng
social media. Sa kabilang banda kasi alam nating isa ito sa nakakatulong sa
ating pag-aaral gaya nalang ng paggamit sa google at iba pang mga
napagkukunan natin ng mga impormasyon, kaya mas nararapat na gamitin
natin ito ng tama at maayos.
Ano pa nga ba ang dapat gawin ng nating mga kabataan upang mas
magkaroon pa ng magandang epekto ang madalas na paggamit natin ng
social media? Gamitin natin ito sa pamamagitan ng pa gamit natin ang ating
boses upang ipaglaban ang nararapat. Na kinakailangan ng disiplina upang
hindi manakaw ng social media ang iyong oras