TEKSTONG DESKRIPTIBO

“MAGULANG”

Nagmamahal, nagpalaki, nagpapa-tawad sa mga mali mong nagawa, takbuhan sa oras ng kagipitan,
masasabihan ng mga problema. Hindi mapapalitan ng mga materyal na bagay ang pagmamahal ng ating
magulang. Sa paglabas pa lang natin ay natutuwa na sila dahil nakita na nila ang pinaka inaantay nila na
anak, kahit napapagod na sila na mag alaga sa atin ay hindi pa rin sila sumusuko. No’ng bata pa lang tayo
sila na ang nag-aalaga, nagpapakain, nagpapaligo, nagpapalit ng lampin sa atin, gumising pa sila ng
madaling araw para tayo ay bigyan ng gatas, ganyan sila katyaga para maalagaan tayo. Nandyan ang mga
magulang natin no’ng mga panahon na tayo ay natutong maglakad, nadapa, at sa pag gapang natin tayo ang
kasiyahan nila. Hanggang sa lumalaki na tayo tinuturuan nila tayo kung ano ang tama at mali, tinuturo nila
sa atin ang magagandang asal. Tuwing umaga ay pinaghahanda na nila tayo ng makakain bago tayo
pumasok sa paaralan nakahanda na agad yung mga susuotin natin at plantsado na ito. Ang mga magulang
na din ang nagiging guro natin dahil sa mga aral na nakukuha atin galing sa kanila, naging doctor sa atin
tuwing tayo ay nasusugatan, nandyan sila lagi para tayo ay protektahan at kahit mga dalaga at binata na
tayo ay hindi pa rin nila tayo pinapabayaan

Mapapansin natin na masyado nila tayong pino-protektahan habang tayo ay nakakapag desisyon na para sa
sarili natin pero para sa ating ikabubuti naman natin ‘yon. Paulit-ulit nila tayong binibilinan kahit na tayo
ay ‘di nagagawa ang kanilang binibilin sa atin, pinapakita nila sa atin ang mga mangyayari sa hinaharap
kapag may ginagawa tayong hindi maganda. ‘Yan ang ating mga magulang. Hindi natin kailangan ng
magagandang regalo para sila ay matuwa sa atin ang pinaka magandang regalo na maibibigay natin sa
kanila ay ang tapusin ang edukasyon na ipinamana nila sa atin, maging responsible at sumunod lagi sa mga
sinasabi nila ‘wag natin binabalewala ang sinasabi nila dahil balang araw maiisip natin na tama pala ang
mga sinasabi nila.