Ang Mag-amang Haring Edipo at Haring
Layo Katulad sa storya ng mag-amang
Rustam at Sohrab, nagtapos din sa
trahedya ang kuwento ng mag-amang
Edipo at Layo. Nagsimula ang lahat sa
isang hula. Nagkaroon ng hula kay Haring
Layo na ang sanggol na dinadala ng
kanyang asawa ang siyang papatay sa
kanya. Nag-alala si Haring Layo at
inutusan niya ang isang pastol na patayin
ang sanggol nang manganak na si Reyna
Yokasta. Ngunit naawa ang pastol kaya
hindi niya napatay ang sanggol. Iniwan na
lamang niya ito sa bundok. Isang pastol
naman mula sa Corinto ang napadaan at
nakakita sa umiiyak na sanggol. Kinuha
niya ito at ipinagkaloob sa hari at reyna ng
Corinto na hindi pinalad na magkaanak.
Tinuring ng hari at reyna bilang tunay na
anak ang sanggol na nagngangalang
Edipo. Sa paglaki ni Edipo, marami siyang
naririnig na hindi daw siya ang totoong
anak ng hari at reyna. Dahil dito,
nagpunta siya isang manghuhula at
itinanong ang katotohanan. Hindi nasagot
ng manghuhula ang kanyang
katanungan ngunit sinabi na siya ang
papatay sa sariling ama. Sa pag-
aakalang si Haring Polivio, ang hari ng
Corinto, ang kanyang tunay na ama,
lumisan siya sa patungong Tebes upang
hindi matupad ang hula. Sa kanyang
paglalakbay, natagpuan niya si Haring
Layo. Napatay ni Edipo si Haring Layo na
hindi nalalaman na ang hari ang tunay
niyang ama. Hindi nagtagal at naging
asawa ni Edipo si Reyna Yokasta. Lingid
din sa kanyang kaalaman na ang reyna
ang tunay niyang ina. Sila ay nagkaroon
ng dalawang anak na nagngangalang
Eteocles at Polinice. Dumating an
panahon na nalaman na nila ang
katotohanan. Hindi nila ito natanggap.
Binulag ni Haring Edipo ang sarili at si
Reyna Yokasta naman ay nagpakamatay.
Nagtapos ang storya na isang trahdeya.