Pinggan

Pol Galang

Nais kong isalaysay

ang yaring kasaysayan

ng dalawang magkaibigan

ang kwento ni Juan at ni Sam

Itong si Sam ay dumayo

sa bayan ni Juan katutubo

dala dala niyay plato

na wala namang laman kahit ano

Si Jua'y kanyang kinaibigan

gumawa pa siya ng kasunduan

sabi ni Sam sagot niya ang pinggan

si Juan naman daw ang bahala sa laman

Nang mapuno na itong pinggan

na handa na sanang paghatian

nawala ang pinggan kasama ang laman

ninakaw ng tusong si Sam

Dahil ang pangyayari'y di nakita ni Juan

kunwari'y nagalit pa itong si Sam

dapat daw ay bayaran ang nawawalang pinggan

kawawang si Juan nabaon sa utang

Nang malapit nang mabayaran ni Juan

ang sanhi ng pagkakautang

pagnanakaw ay muling inulit ni Sam

subalit nakita ni Juan

Nang dahil sa nakita'y nagalit si Juan

kumulo ang dugo pumutok na parang bulkan

nang dahil sa nakita'y nagalit sa Juan

pinggan ay binasag sa ulo ni Sam!