Banghay Aralin sa Filipino 2

I.Layunin: Pagkatapos ng aralin,ang mga bata ay inaasahang :

a.Malaman ang kahulugan ng diptonggo,
b.Makasulat ng mga salitang may diptonggo at
c.Mabigyang halaga ang mga salitang may diptonggo.
II.Paksang Aralin:
Paksa:Mga salitang may diptonggo
Sanggunian:Pagdiriwang ng Wikang Filipino 2, pp. 51-54.
Kagamitan:manila paper, plaskards, mga larawan
III.Pamamaraan:
A.Panimulang Gawain:
1.Awit:
2.Balik -aral: Itanong sa mga bata,
a. Paano natin malalaman na ang salita ay may kambal-
katinig?
b. Magbigay ng mga halimbawa ng salitang may kambal-
katinig.
B.Mga Gawain sa Pagkatoto:
1.Pangganyak: Basahin ang mga sumusunod na salita;

bahay daloy reyna tanglaw

inay aruy aliw kasoy

2.Paglalahad:Ipabasa sa mga bata ang nakasulat sa manila

paper.
3.Pagtatalakay:Ipaliwanag sa mga bata;
Ang diptonggo ay binubuo ng alinman sa mga patinig at
ng titik na w o y sa loob ng isang pantig.
Halimbawa:
langoy awit inay kalabaw liliw
ugoy umapaw ilagay palitaw
unggoy kahoy kasaliw huwaran
Ang ay, ey, oy, uy, aw at iw ay mga diptonggo.
Ito ay maaaring matagpuan sa gitna,o hulihan ng salita.
Bihira lang itong makita sa unahan ng salita.
4.Paglalahat:
1.Ano ang tawag sa salitang binubuo ng alinman sa mga
patinig at titik na w o y sa loob ng isang pantig?
2.Ano ang diptonggo?
3.Anu-ano ang mga diptonggo?
4.Anu-anong mga titik ang bumubuo sa mga ito?
 5.May mga diptonggo bang matatagpuan sa unahan ng
salita?Magbigay ng halimbawa.
6.Ang diptonggo ba at kambal-katinig ay pareho?Bakit

5.Paglalapat:
A.Basahin ang salita at salungguhitan ang diptonggo.
okoy payaso awit bahay langaw
duyan baboy diwata saliw buhay
daloy ayungin kulay kasoy agiw
ilaw kahoy kaway lumitaw away
B.Bumuo ng mga salitang may diptonggo
1.aw
2.iw
3.oy
4.ay
C.Sabihin kung ang diptonggo ay nasa unahan,gitna o hulihan.
1.kawayan 6.reyna
2.ilaw 7.malaya
3.sabaw 8.bayan
4.sakay 9.tibay
5.daloy 10.bughaw
IV.Pagtataya:Kilalanin ang mga nasa larawan at salungguhitan ang dip-
tonggong ginamit.Piliin ang sagot sa loob ng kahon.

Duyan hikaw araw sitaw bahay tulay

apoy kasoy sisiw tinapay

1.
 Banghay Aralin sa Filipino 4
I.Layunin:Pagkatapos ng aralin, ang mga bata ay inaasahang;
a.Malaman kung ano ang pangngalan,
b.Matukoy ang pantangi at pambalana at
c.Malaman ang wastong gamit ng pangngalan.
II.Paksang Aralin:Pangngalan
Sanggunian:Hiyas sa Filipino 4, pp.30-35
Kagamitan:manila paper, flashcards
Pagpapahalaga:Mapagmasid
III.Pamamaraan:
A.Panimulang Gawain:
1.Awit:
2.Balik-aral:Itanong sa mga bata
a.Ano ang tatlong kayarian ng pangungusap?
b.Ano ang kahulugan ng payak, tambalan, at hugnayan?
B.Mga Gawain sa Pagkatuto:
1.Pangganyak:Sabihin sa mga mag-aaral na magbigay ng halimbawa ng;
a.pangalan ng tao
b.pangalan ng lugar
c.pangalan ng bagay
2.Paglalahad:Ipabasa sa mga mag-aaral ang nakasulat sa manila paper.
3.Pagtatalakay:Ipaliwanag sa mga mag-aaral ang nakasulat sa manila paper.
Pangngalan- tumutukoy sa ngalan ng tao, bagay, lunan, gawa, at pang-
yayari.
2 Uri ng Pangngalan
1.Pantangi-tiyakang ngalan ang tinutukoy.
– nagsisimula ito sa malaking titik.
Halimbawa:
tao- Aileen, Fe, Austria, Bb. Perez
bagay- Gintong Pamana
lunan- Magallanes, Cavite
pangyayari- Araw ng Maynila
2.Pambalana-karaniwang ngalan ang tinutukoy.
-hindi ito sinusulat sa malaking titik.
Halimbawa:
babae, guro, aklat, paaralan, aksidente
Dalawang uri ng pangngalan ayon sa nakikita at di-nakikita.Konkreto ang
pangngalan kung nakikita at di-konkreto kung di nakikita.