nakapatong sa aking mga balikat upang
Magturo'y di biro: Isang
pagpupugay sa mga guro
Maituturing nating pinaka mahalagang
kayamanan ng bawat isa sa atin ang
edukasyon, ito lamang ang tanging
kayamanan na hindi kayang makuha ng
kahit sino man.
Malaki ang kontribusyon ng mga guro sa
paghubog sa ating mga kaisipan, pag-
uugali, at pakikitungo sa iba, sila din ang
tumatayong pangalawang magulang ng
bawat isa sa atin.
Noong ako'y bata pa, lagi kong naririnig
sa aking mga naging guro, na ang
pagtuturo ay hindi birong propesyon, at
napakalaking responsibilidad ang
nakaatang sa kanilang mga balikat.
Sa aking murang pag-iisip noong mga
panahong iyon, hindi ko lubos
maintindihan ang kanilang sinasabi.
Subalit, makalipas ang maraming taon,
nagtapos ako ng pag-aaral, naging
ganap na guro sa Mababang Paaralan
ng Villalucban, ngayon ko pa lang
napagtanto ang kanilang mga sinabi..
Tuwing pupunta ako sa paaralan at
nadadaanan ko ang tao sa bukid,
pumapasok sa aking isipan ang awiting
"Magtanim ay Di Biro," pero, sa aking
situwasyon, ito ay nagiging "Magturo'y Di
Biro," hindi dahil sa nahihirapan ako sa
pagtuturo o ayaw kong magturo, kundi,
dahil malaki ang responsibilidad na
magbigay ng wasto at tumpak na
kaalaman sa aking mga estudyante.
Pero, ang karanasang ito ay hindi lamang
naging dahilan upang ako ay
magpatuloy sa aking pagbibigay-
kaalaman, ito rin ang naging dahilan
upang makilala ko at maging kaibigan
ang mga mababait na guro at mag-aaral
sa Mababang Paaralan ng Villalucban
kung saan ako bagong lipat mula sa
Mababang Paaralan ng Yeban Sur.
Sa pamamagitan ng aking pagiging guro,
naibabahagi ko ang isang parte ng aking
sarili sa aking mga estudyante. Sa
pamamagitan nito, hindi lang sila
natututo, kundi ako man ay marami ring
natututunan sa kanila.
Ngayon ay naintindihan ko na kung bakit
ganoon na lang ang pagpupursige ng
aking ina na maging guro: sa
pamamagitan ng propesyong ito, ako
nakakatulong sa paghubog ng kaisipan
ng mga kabataang, isang araw ay silang
mamumuno ng ating mundong
ginagalawan.
Dahil diyan, maraming salamat po sa
aking uanang guro. Maraming salamat sa
lahat ng aking naging guro, at lahat ng
guro sa buong mundo, nawa'y lagi
kayong maging malakas.
Mabuhay po ang lahat ng kaguruan!