Presenter 2: Ang mga manggagawang Pilipino na kabilang sa sektor ng

paglilingkod ay hindi pahuhuli sa nasabing larangan. Taglay nila ang mataas na

antas na katangian ng isang mahusay na tagapaglingkod. Sila ay masipag,

malikhain, matiyaga, at nakatutulong nang malaki upang umangat sa larangang ito.

Presenter 3: Kaya mayroon tayong mga Mga Ahensiyang Tumutulong sa Sektor

ng Paglilingkod.

Presenter 4: Una ay ang Department of Labor & Employment (DOLE), ito

nagsusulong ng malaking pagkakataon para sa pagtatrabaho, humuhubog sa

kakayahan ng mga manggagawa, nangangalaga sa kapakanan ng mga

manggagawa, at nagpapanatili sa kaayusan at kapayapaan sa industriya ng

paggawa sa bansa.

Presenter 1: Sunod nama’y ang Overseas Workers Welfare Administration

(OWWA), isa itong ahensiya ng pamahalaan na tumitingin sa kapakanan ng mga

Overseas Filipino Workers.

Presenter 2: Mayroon rin tayong Philippine Overseas Employment Administration

(POEA), itinatag sa bisa ng Executive Order 797 noong 1982 na may layuning

isulong at paunlarin ang mga programa ukol sa paghahanapbuhay sa ibayong-dagat

at pangalagaan ang kapakanan ng mga Overseas Filipino Workers.

Presenter 3: Ang Technical Education and Skills Development Authority

(TESDA) naman ay itinatag sa bisa ng Republic Act 7796 noong 1994. Isinusulong
ng batas na ito na hikayatin ang buong partisipasyon ng industriya, paggawa, mga

lokal na pamahalaan, at mga institusyong teknikal at bokasyonal upang sanayin at

paunlarin ang kasanayan ng mga manggagawa sa bansa.

Presenter 4: Ang Professional Regulation Commission na nangangasiwa at

sumusubaybay sa mga manggagawang propesyonal upang matiyak ang kahusayan

sa paghahatid ng mga serbisyong propesyunal sa bansa.

Presenter 1: Ang nangangasiwa sa gawain ng mga pamantasan at kolehiyo sa

bansa upang maitaas ang kalidad ng edukasyon sa mataas na antas ay ang

Commission on Higher Education (CHED)

Presenter 2: Noong taong 2014 ay naglabas ang Bureau of Working Conditions

ng Department of Labor and Employment ng handbook ukol sa mga benepisyo ng

mga manggagawa ayon sa batas.

Presenter 3: Ito ang magsisilbing gabay at makapagbibigay ng dagdag kaalaman

tungkol sa mga umiiral na batas sa larangan ng paggawa. Narito ang ilan sa

mahahalagang probisyon ng nasabing handbook.

Presenter 4: Una ay ang Republic Act No. 6727 (Wage Rationalization Act) –

nagsasaad ng mga mandato para sa pagsasaayos ng pinakamababang pasahod o

minimum wage na naaangkop sa iba’t ibang pang-industriyang sektor.

Presenter 1: Ang DAGDAG NA BAYAD TUWING PISTA OPISYAL (Holiday

Pay - Artikulo 94) - tumutukoy sa bayad sa isang manggagawa na katumbas ng

isang (1) araw na sahod kahit hindi pumasok sa araw ng pista opisyal.

Presenter 2: Batas ukol sa DAGDAG NA BAYAD TUWING ARAW NG

PAHINGA O SPECIAL DAY (Premium Pay - Artikulo 91-93) - karagdagang

bayad sa manggagawa sa loob ng walong (8) oras na trabaho sa araw ng pahinga at

special days.

Presenter 3: DAGDAG NA BAYAD PARA SA TRABAHO NG LAMPAS SA

WALONG ORAS (Overtime Pay - Artikulo 87) - karagdagang bayad sa

pagtatrabaho na lampas sa walong (8) oras sa isang araw

Presenter 4: DAGDAG NA BAYAD SA PAGTATRABAHO SA GABI (Night

Shift Differential - Artikulo 86) - karagdagang bayad sa pagtatrabaho sa gabi na

hindi bababa sa sampung porsiyento (10%) ng kaniyang regular na sahod sa bawat

oras na ipinagtrabaho sa pagitan ng ikasampu ng gabi at ikaanim ng umaga

Presenter 1: SERVICE CHARGES (Artikulo 96) - Lahat ng manggagawa sa isang

establisimyento o kahalintulad nito na kumokolekta ng service charges ay may

karapatan sa isang pantay o tamang bahagi sa walumpu’t limang porsiyento o

bahagdan (85%) na kabuuang koleksiyon. Ang service charges ay kadalasang

kinokolekta ng halos lahat ng hotel, kainan o restaurant, night club, cocktail

lounges at iba pa.

Presenter 2: SERVICE INCENTIVE LEAVE (SIL – Artikulo 95) - Ang bawat

manggagawa na nakapaglilingkod nang hindi kukulangin sa isang (1) taon ay dapat

magkaroon ng karapatan sa taunang service incentive leave (SIL) na limang (5)

araw na may bayad.

Presenter 3: MATERNITY LEAVE (RA 1161, as amended by RA 8282) - Ang

bawat nagdadalang-taong manggagawa na nagtatrabaho sa pribadong sektor,kasal

man o hindi, ay makatatanggap ng maternity leave na animnapung (60) araw para

sa normal na panganganak o pagkakunan; o pitumpu’t walong (78) araw para sa

panganganak sa pamamagitan ng caesarian section, kasama ang mga benipisyong

katumbas ng isang daang porsyento (100%) ng humigit kumulang na arawang

sahod ng manggagawa na nakapaloob sa batas.

Presenter 4: PATERNITY LEAVE (RA 8187) - maaaring magamit ng

empleyadong lalaki sa unang apat (4) na araw mula ng manganak ang legal na

asawa na kaniyang kapisan; Para sa layuning ito, ang “pakikipagpisan” ay

tumutukoy sa obligasyon ng asawang babae at asawang lalake na magsama sa

iisang bubong.

Presenter 1: PARENTAL LEAVE PARA SA SOLONG MAGULANG (RA

8972) - ipinagkakaloob sa sinumang solong magulang o sa indibidwal na

napagiwanan ng responsibilidad ng pagiging magulang

Presenter 2: LEAVE PARA SA MGA BIKTIMA NG PANG-AABUSO LABAN

SA KABABAIHAN AT KANILANG MGA ANAK (Leave for Victims of

Violence Against Women and their Children - RA 9262) – Ang mga babaeng

empleyado na biktima ng pang-aabusong pisikal, seksuwal, sikolohikal, o anumang

uri ng paghihirap, kasama na rin dito ang hindi pagbibigay ng sustento,

pagbabanta, atbp.

Presenter 3: SPECIAL LEAVE PARA SA KABABAIHAN (RA 9710) - Kahit

sinong babaeng manggagawa, anoman ang edad at estadong sibil, ay may

karapatan sa special leave benefit kung ang empleyadong babae ay mayroong

gynecological disorder na sinertipikahan ng isang competent physician.

Presenter 4: THIRTEENTH-MONTH PAY (PD 851) - Lahat ng empleyo ay

kinakailangang magbayad sa lahat ng kanilang rank-and-file employees ng

thirteenth-month pay anumang estado ng kanilang pagkakaempleyo at anoman ang

paraan ng kanilang pagpapasahod. Kinakailangan lamang na sila ay

nakapaglingkod nang hindi bababa sa isang buwan sa isang taon upang sila ay

makatanggap ng proportionate thirteenth-month pay. Ang thirteenth-month pay ay

ibinibigay sa mga empleyado nang hindi lalagpas ng ika-24 ng Disyembre bawa’t

taon.

Presenter 1: BAYAD SA PAGHIWALAY SA TRABAHO (Separation Pay -

Artikulo 297-298) - Kahit sino mang manggagawa ay may karapatan sa separation

pay kung siya ay nahiwalay sa trabaho sa mga dahilan na nakasaad sa Artikulo 297

at 298 ng Labor Code of the Philippines. Ang karapatan ng manggagawa sa

separation pay ay nakabase sa dahilan ng kaniyang pagkakahiwalay sa

paglilingkod. Maaaring mahiwalay sa trabaho ang manggagawa kung may

makatwirang kadahilanan (i.e., malubha o palagiang pagpapabaya ng manggagawa

sa kaniyang mga tungkulin, pandaraya, o paggawa ng krimen), at iba pang mga

kahalintulad na dahilan na nakasaad sa Artikulo 296 ng Labor Code. Sa

pangkalahatan, maaari lamang magkaroon ng bayad sa paghihiwalay sa trabaho

kung may mga awtorisadong kadahilanan.

Presenter 2: BAYAD SA PAGRERETIRO (Retirement Pay - Artikulo 3015) -

Ang sinumang manggagawa ay maaaring iretiro sa sandaling umabot siya sa edad

na animnapung (60) taon hanggang animnapu’t limang (65) taong gulang at

nakapagpaglilingkod na ng hindi kukulangin sa limang (5) taon.

Presenter 3: BENEPISYO SA EMPLOYEES’ COMPENSATION PROGRAM

(PD 626) - isang programa ng pamahalaan na dinisenyo upang magbigay ng isang

compensation package sa mga manggagawa o dependents ng mga manggagawang

nagtatrabaho sa pampubliko at pampribadong sektor sakaling may kaganapang

pagkakasakit na may kaugnayan sa trabaho, pinsala, kapansanan, o kamatayan.

Presenter 4: BENEPISYO SA PHILHEALTH (RA 7875, as amended by RA

9241) - Ang National Health Insurance Program (NHIP), dating kilala bilang
Medicare, ay isang health insurance program para sa mga kasapi ng SSS at sa

kanilang dependents kung saan ang walang sakit ay tumutulong sa pananalapi sa

may sakit, na maaaring mangangailangan ng pinansiyal na tulong kapag sila ay na-

ospita BENEPISYO SA SOCIAL SECURITY SYSTEM (RA 1161, as amended

by RA 8282) - nagbibigay ng isang pakete ng mga benepisyo sa pagkakataon ng

kamatayan, kapansanan, pagkakasakit, pagiging ina, at katandaan ng empleyado.

Ang Social Security System (SSS) ay nagbibigay bilang kapalit sa nawalang kita

dahil sa mga nabanggit na contingencies.

Presenter 1: BENEPISYO SA PAG-IBIG (Republic Act No. 9679) - Ang Home

Development Mutual Fund, na kilala bilang Pag-IBIG (Pagtutulungan Sa

Kinabukasan: Ikaw, Bangko, Industriya sa Gobyerno) Fund ay isang a mutual na

sistema nang pag-iimpok at pagtitipid para sa mga nakaempleyo sa pribado at

pamahalaan at sa iba pang grupo na kumikita, na suportado sa pamamagitan ng

parehas na ipinag-uutos na mga kontribusyon ng kani-kanilang mga may-pagawa

na ang pangunahing investment ay pabahay.

Presenter 2: Maliban sa mga batas na nabanggit, ayon naman sa International

Labor Organization (ILO) ang pinakamahalagang karapatan ng manggagawa ay

ang sumusunod: Una, ang mga manggagawa ay may karapatang sumali sa mga

unyon na malaya mula sa paghihimasok ng pamahalaan at tagapangasiwa.

Presenter 3: Ikalawa, ang mga manggagawa ay may karapatang makipagkasundo

bilang bahagi ng grupo sa halip na mag-isa.

Presenter 4: Ikatlo, bawal ang lahat ng mga anyo ng sapilitang trabaho, lalo na

ang mapangaliping trabaho at trabahong pangkulungan. Dagdag pa rito, bawal ang

trabaho bunga ng ng pamimilit o ‘duress’.

Presenter 1: Ikaapat, bawal ang mabibigat na anyo ng trabahong pangkabataan.

Samakatuwid mayroong minimong edad at mga kalagayang pangtatrabaho para sa

mga kabataan.

Presenter 2: Ikalima, bawal ang lahat ng mga anyo ng diskrimasyon sa trabaho:

pantay na suweldo para sa parehong trabaho.

Presenter 3: Ikaanim, ang mga kalagayan ng pagtatrabaho ay dapat walang

panganib at ligtas sa mga manggagawa. Pati kapaligiran at oras ng pagtatrabaho ay

dapat walang panganib at ligtas.

Presenter 4: At ang ikapito, ang suweldo ng manggagawa ay sapat at karapat-

dapat para sa makataong pamumuhay.