Sinasabing ang bayaning si Jose Rizal ang kauna-unahang Filipino na gumawa ng komiks. Noong 1884 inilathala sa magasing "Trubner's Record" sa Europa ang komiks strip niya na "Pagong at Matsing". Ito ay halaw ng bayani mula sa isang popular na pabula sa Asya. Mula 1896 hanggang 1898, habang ang Pilipinas ay dumadaan sa yugto ng rebolusyon, ilang magasin ang lumabas sa Maynila na may nakaimprentang cartoons. Dalawa sa mga ito ay ang "Miao" at "Te Con Leche". Sa pagkatalo ng Pilipinas sa digmaan, maraming Pilipino na kontra sa pamamahala ng Amerikano ang lumipat sa malalayang pamamahayag. Ang mga nasyonalista ay binitawan ang kanilang rebolusyonaryong pamamaraan upang lumathala ng ilang babasahing satiriko upang batikusin ang mga kolonyalista. Karamihan sa mga magasing ito ay nakalathala lamang sa Tagalog at Espanyol, ang dalawang wikang hindi naiintidihan ng mga Amerikano. Noong 1907, inilathala ang "Lipang Kalabaw", isang magasin na nasa ilalim ng pangangasiwa ni Lope K. Santos. Ang magasin na ito ay nasa wikang Tagalog, at nagtataglay ng mga satirikong cartoons na patungkol sa mga Amerikanong opisyal. Ang paglalathala ng magasin na ito ay natigil din noong 1909. Ang mga unang serye ng Filipino komiks ay lumabas sa simula ng 1920 bilang page filler sa mga magasing Tagalog. Dalawa sa mga magasing ito ay ang "Telembang" at ang muling binuhay na "Lipang Kalabaw", na nagtataglay ng mga satirikong cartoons na laban sa mga Amerikano at mga pederalista. Ang dalawang komiks na ito ay maaaring ituring na nagpasimula sa mga komiks sa Pilipinas. Dalawang komiks sa mga magasin na ito ang naging popular sa mga Pilipino noong mga panahong iyon: ang "Kiko at Angge" sa Telembang, at ang "Ganito Pala sa Maynila" sa bagong Lipang Kalabaw. Noong 1923, isinilang ang Tagalog magasin na Liwayway. Sa simula ay hindi pa ito nagtataglay ng mga serye ng komiks, pero pagdating ng 1929, inilathala kasama ng magasin ang "Album ng Mga Kabalbalan ni Kenkoy" bilang isang filler sa entertainment section nito. Ang karakter na si Kenkoy ang bida sa seryeng ito, isang nakatutuwang batang Pilipino na naging representasyon ng mga kabataang may pagiisip na kolonyal noong 1930’s. Ito ang aking napili sa dinami-rami ng pabalat ng komiks mula sa internet. Talamak na mga pabalat ngunit ito lamang ang bumihag sa aking puso’t paningin sapagkat ang aking perspektibo sa larawan ay maiuugnay ko sa pag-iibigan ng aking mga magulang. Noong dalaga pa lamang ang aking ina’t iniirog ng aking ama, ayaw ng mga aking lolo’t lola sa kanya sapagkat ito’y mahirap lamang, sabi nga walang mapatutunayan kaya hindi naging madali ang kanilang pag-iibigan. Parang may kumurot sa aking puso nang marinig ko ang kwento. Ang pagmamahal at sakripisyo ang agad na pumasok sa aking isipian pagkakita pa lamang ng larawan. Labis na mapagmahal, isang simbolismo ng kulturang Pilipino na aking nakita sa pabalat. Naturang mapagmahal ang mga Pilipino sa maraming bagay ngunit pagtutuunan ko ng pansin ang pagtibok ng puso sa ating napupusuan. Tila isang bituin, napakalayo at kay hirap abutin. Sa labis na pagmamahal, lahat ng posibiladad ay ating gagawin mapatunayan lamang na tayo’y tapat, nagpapahalaga at nagmamahal ng may sinseridad. Sa labis na pagmamahal, natututo tayong labagin ang batas ng ating magulang. Mahirap ka lang, mayaman siya. Hindi kayo nararapat sa isa’t isa. Sa labis na pagmamahal, kahit alam ng trespassing, patuloy pa rin dahil iyon ang hangarin ng damdamin. Ganyan tayong mga Pilipino, sa labis na pagmamahal minsa’y nakagagawa ng tayo ng desisyong taliwas ngunit alam natin sa ating sarili na hindi natin ito pagsisisihan sapagkat isa iyon sa ating kaligayahan. Hindi nakukuha ang pag-ibig sa yaman ng mundo kundi ang nilalaman ng puso.