Professional Documents
Culture Documents
საჭმლის მომნელებელი სისტემის განვითარება
საჭმლის მომნელებელი სისტემის განვითარება
კუჭი. მეორე თვის განმავლობაში ნაწლავის მილის შუა ნაწილი ინტენსიურად იზრდება
და თითისტარისებურ გამსხვილებას - მომავალ კუჭს წარმოქმნის. მისი ფორმა
იმთავითვე დეფინიტური კუჭის ფორმას წააგავს, თუმცა სივრცითი ორიენტაცია
განსხვავებულია. ასე, ჩანასახის კუჭი სხეულის შუა ნაწილშია განთავსებული, თან მისი
კარდიალური (საყლაპავისკენ მიმართული) ნაწილი უფრო დორსალურადაა
განლაგებული, ვიდრე პილორული (ნაწლავისკენ მიმართული) ნაწილი. შემდგომში
კუჭის ლოკალიზაცია იცვლება მისი სიგღძივი ღერძის გადახრის და მის გასწვრივ
კუჭის შემობრუნების ხარჯზე. კუჭის ლორწოვანი გარსის ჰისტოგენეზი ( ნაოჭების და
გასტრალური ფოსოების წარმოქმნა) განვითარების მე-2 თვის ბოლოს იწყება, თუმცა
პრენატალურ პერიოდში სეკრეტორული უჯრედები არც ტრიპსინს და არც მარილმჟავას
გამოყოფენ.