ჰემოპოეზი ანუ სისხლის უჯრედების წარმოქმნა ხდება ერთი პლურიპოტენტური
უჯრედიდან.ლეიკოპოეზი, რომელიც ლეიკოციტების წარმოქნას გულისხმობს ვითარდება
შესაბამისი წინამორბედი ღეროვანი უჯრედებიდან. ეს წინამორბედებია: მიელოიდური და ლიმფოიდური ხაზის უჯრედები. მიელოიდური წინამორბედი - კოლონიის წარმომქმნელი ერთეულია (CFU), რომელიდანაც ინტერლეიკინების და კოლონიის მასტიმულირებელი ფაქტორებით CSF ვითარდება ერითროციტები, თრომბოციტები, მონოციტები და გრანულოციტები. ლიმფოიდური პრეკურსორიდან კი წარმოიქმნება ბ და ტ ლიმფოციტები, ასევე ნატურალური კილერები.
ჰემოპოეზი, მათ შორის, ლეიკოპოეზი მიმდინარეობს ძვლის ტვინში, თუმცა ემბრიონალური
განვითარების დროს ის მიმდინარეობდა ჯერ ყვითრის პარკში, შემდეგ ღვიძლში (3-4თვე). შესაბამისად ძვლის ტვინი არის იმუნური სისტემის ცენტრალური (პირველადი) ორგანო. ამ ორგანოში ხდება ყველა იმუნოციტის, გარდა ტ-ლიმფოციტების, მომწიფება. ტ ლიმფოციტი გადის მომწიფების პროცესს თიმუსში, აქედან გამომდინარე თიმუსიც არის ცენტრალური ორგანო. ამგვარად, ყველა იმუნოციტი , გარდა ტ-ლიმფოციტებისა გადის მომწიფება ძვლის ტვინში და სისხლში უკვე მომწიფებული ხვდება, საიდანაც ნაწილი მეორადი ორგანოებისკენ, ნაწილი კი ქსოვილებისკენ მიემართებიან.