DEPARTMENT OF EDUCATION

REGION IX
Western Mindanao
Aurora Pioneers Memorial College
(FORMERLY: Cebuano Barracks Institute)
Bonifacio St. Pob. Aurora Zamboanga Del Sur
Tel. No. : (062) 331-2332

PAPEL SA PAGSASAGAWA NG
REBYU NG PELIKULA

FLOR CONTEMPLACION STORY

(Nora Aunor)

Mula sa Departamento ng Edukasyon

Dalawang Taon sa Kolihiyo

Filipino 21

Ipasa kay:

GNG. LILYBETH A. VILLEGAS

Guro

Ipinasa ni:

DENNIS S. BOOC
Mag-aaral

Oktobre 17, 2019

I-Panimula

Ang pelikulang ito ay hango sa tunay na buhay ni Flor Contemplacion, isang OFW na nagtrabaho
sa Singapore. Inakusahan sya sa pagpatay sa isa pang OFW na domestic helper, si Delia Maga at isang
batang Singaporean si Nicholas Huang, ang inaalagaan ni Delia. Ang mga Pilipino ay nagsasakripisyo,
nagpapakahirap para sa pamilya. Lumalayo upang mabigyan lang ng magandang buhay ang pamilya, at
nagpapaka alipin. Pero hindi lang basta hirap at pagsasakripisyo, napapahamak pa. Napagbibintangan, at
nahahatulan ng kamatayan kahit wala namang kasalanan.

Pero kapansin-pansin na ang mga Pilipino ay nagkakaisa sa tuwing may problemang kinakaharap.
Nagtutulungan, nagkakapit bisig upang mapagtagumpayan ang problemang kinakaharap. Maraming tao
ang nakikisimpatya at nagpapakita ng pagmamalasakit. Kahit may problema, marami parin ang
tumutulong sa kapwa Pilipino. Sempre sino-sino pa nga ba ang magtutulungan kundi tayo rin mga
magkakalahi, patunay na buo ang bansang Pilipinas. Nakikita ang pagkakaisa ng bawat isa.

May mga organization na tumutulong sa katulad ng kaso ni Flor. Concerned sa mga overseas
Filipino workers. Katulad ng grupong Migrante International, nagpopokus sa ibat-ibang uri ng problema
ng mga OFW. Inaalam nila ang kanilang kalagayan, at sinisigurado ang kanilang kaligtasan. Ang Bagong
Alyansang Makabayan, na nagpopokus sa human rights. Gabriela na nagpopokus naman sa  human
rights, poverty, globalization, militarism, violence, health, sex trafficking, censorship at sempre ang
pinaka importante sa kanila ay ang kababaihan. At nariyan din ang iba pang mga organisasyong
makakatulong sa problema ni Flor na handing tumulong. Sa buhay ng tao, hindi ka nag-iisa. Maraming
taong magmamalasakit sayo kahit hindi mo kamag-anak.

Ang kahirapan, ang mga squatters area, kakulangan ng sapat na edukasyon, kakulangan ng
matinong trabaho, nakanino ba ang problema, problema sa droga? Sa pamamahalan o sa namamahala.
Kasi sa tagal na ng gantong sitwasyong kinasasadlakan ng Pilipinas parang wala namang nangyayari.
Parang mas lalo lang lumalala. Mas lalong nagiging mahirap para sa ating ang umahon sa lusak ng
pagiging kadiring bansa.
II- Buod

Tulad ng maraming mga taong mahihirap, naisip ni Flor (Nora  Aunor) na sa pamamagitan ng
pagtatrabaho sa ibang bansa ay maibibigay niya ang kanyang pamilya ng isang mas magandang buhay
kahit na nangangahulugan ito ng pagsasakripisyo ng kanyang sariling kaligayahan. Nagpasya siyang
magtrabaho bilang domestic helper sa Singapore na nag-iisip na maaaring ito ang sagot sa kanyang mga
problema. Hindi tulad ng maraming iba pang mga taga paglingkod, si Flor ay mahusay na ginagamot ng
kanyang mga tagapag-empleyo.Gayunpaman, noong 1995, siya ay na aresto at inakusahan ng pagpatay sa
kanyang kapwa Pilipino, si Delia Maga at ang maliit na batang lalaki na inaalagaan niya. Sa kasamaang
palad, ang lahat ng katibayan ay tumutukoy kay Flor sa ina ay inosente. Matapos ang isang mabilis na
paglilitis, natagpuan ng gobyerno ng Singapore na may kasalanan si Flor at pinarusahan siya ng
kamatayan.

Ang kanyang suliranin ay nagdudulot ng pagbuhos ng simpatiya mula sa mga Pilipino, na

tumangging maniwala sa kanyang pagkakasala. Nagkaroon din ng isang pambansang apela para sa
pagpupumilit at isang muling pagsisiyasat upang magawa. Kahit na ang opisina ng Pangulo ay nag-apela
sa Pamahalaan ng Singapore. Gayunpaman, ang Pamahalaan ng Singapore ay nanatiling matatag sa
kanilang desisyon.
III-Pagsusuri

1. Magbubukas ang pelikula sa eksenang kinakaladkad si Flor Contemplacion (Nora Aunor) papasok sa
bilangguan sa Singapore. Simula ito ng paroo’t parito ng naratibo sa alaala ng mga tauhan sa
pamamagitan ng maraming flashback.

2. Pebrero 1995 nang mabalitaan sa San Pablo, Laguna ang hatol sa bitay kay Flor sa Singapore
sabintantang na pagpatay noong 1991 sa isang pang DH na si Delia Maga at sa alaga nitong bata. Babalik
sa alaala ni Efren, si Neneng. Ididiin din ni Flor ang dahilan ng kaniyang pangingibang-bayan ang mabago
ang takbo ng kanilang buhay.

3. Sa Singapore, 1 Marso 1995, dadalaw ang mga anak ni Flor sa kulungan. Magkikita ang mag-iina
ngunit hindi nila mayapos ang isa’t isa dahil sa nakapagitang salamin. Ibinalita ni Sandrex, isa sa mga
anak, na maraming tumutulong para pigilin ang pagbitay. Ididiin ni Flor sa mga anak na wala siyang
kasalanan.

4. Sa Maynila, kumilos ang mga cause-oriented group, at sa tulong ni Atty. Capulong

tinangkangpabuksang-muli ang paglilitis. Magpoprotesta ang mga cause-oriented group sa Embahada ng
Singapore kasama si Aling Luring, ina ni Efren, na kasamang DH dati ni flor sa Singapore, at siNeneng.

5. Papauwi sa San Pablo, ikinuwento ni Neneng sa isang kasama ang tunay na relasyon nila niEfren. Nang
ligawan daw siya ni Efren ay hindi niya ala mang tungkol sa kanila ni Flor. Naitakwil na siya ng
kainiyang mga magulang nang sumama siya kay Efren. Sa isang pagkakatapon, nag-usap sina Efren at
Neneng. Ipinahayag ni Efren na pareho niyang mahal ang dalawang babaesa buhay niya. Daratnan sila ni
Flor, batid nap ala ang pagtataksil ng asawa, na nagbantangmagdedemanda kapag hindi tumigil si Efren at
Neneng.

6. Sumunod, isinalaysay ang mahahalagang pangyayari bago ang araw ng pagbitay kayFlor na inilahad na
parang dokumentaryo:
12 Marso 1995, ininterbyu si Lydia Montilla, dating DH sa Singapore at nagpahayag naframe up
ang nangyari kay Flor.
13 Marso 1995, nagtungo si Atty. Capulong sa Changi Prison sa Singapore para makausapsi Flor ngunit nabigo
ito;
14 Marso 1995, ibinalita ng mga guwardiya kay Flor ang petsa ng pagbitay.
15 Marso 1995, ibinalita ni Atty. Capulong na ginawa na niya ang lahat, at sumulat na rinang
Pangulo ngunit hindi na mapipigil ang pagbitay kay Flor; sa kalye patuloy ang kilos protesta para
sa kaso ni Flor; at
 16 Marso 1995, muling makikita ng mga anak ang ina sa bilangguan; magpapaalam silasa isa’t isa.
7. Sa Singapore pa rin, dumating si Evangeline Paral, isa ring DH na nakasama dati ni Florsa Changi
Prison. Ikinuwento ni Vangie ang pagpapahirap kay Flor sa kulungan. Isinalaysay rin niya ang kuwento ni
Flor sa kaniya tungkol sa tunay na nangyari kay Delia. Nagkakilala sila niDelia sa Singapore. Mabait ito at laging
tumutulong. Minsan, Dumalaw si Flor kay Delia sa bahay ng amo nito para ihatid ang mga padala sa
Pilipinas. Nakatakdang umuwi si Delia. Habang nagkukuwntuhan ang dalawa, nalunod na pala sa dram
ng tubig ang inaalagaang batang may epilepsy. Tatawag sana ng doctor si Flor ngunit pinaalis na lamang siya ni
Delia sa takot na mas magalit ang kaniyang amo kapag nalaman na naroon si Flor. Hindi na alam niFlor kung ano ang
nangyari kay delia at sa alaga. May suspesta si Flor na sa sobrang galit ngamo ni Delia ay napatay nito
ang katulong

8 . Isang araw na lang bago ang pagbitay. Nagsalit-salitang eksenang mga pagkilos ng tao para mapigil
ang pagbitay at ang mgaeksenang nagpapakita ng kalagayan ni Flor sa kulungan. Tuluyannang binitay si
Flor.

9. Kasunod, inuwi ang bangkay ni Flor. Dumagsa ang mga tao para makiramay. Sa talumpati, itinampok
ni Atty. Capulong ang kabayanihan ni Flor at ang malungkot na kalagayan ng mga Filipino na kailangan
pang mangibang-bayan para maghanapbuhay at mabuhay. Habang nagtatalumpati ay makikita ang mga
eksena salamay hanggang sa huling hantungan ni Flor.

10. Natapos ang pelikula sa imahen ni Flor na nakabitay. Sa background ay ang boses ni Flor na
nagbibilin-na yakapin siya ng mga nagmamahal sa kanya at ang pasasalamat sa mga taong tumulong sa
kanilang pamilya.

11. Isang halimbawa ng true-to-life story ang pelikula, namumuhunan iato ng ideya naang masasaksihan
ng mga manonood sa iskrin ay hindi likhang-isip lamang kunditalagang nangyari sa totoong buhay. Ang
pagkamakatotohanan ang lagingipinaalaala ng mga lumikha ng pelikula sa mga manonood. Kaya kinuha
ngprodyuser ang istorya ni Flor sa taong pinakamalapit sa kaniya, kay Efren, angkaniyang asawa. Kinumbinsi rin
nilang paartehin ang tunay na mga anak nakambal ni Flor.

12. Bukod sa The Flor Contemplacion Story, dalawa pang pelikula ang ginawa tungkolsa buhay ni Flor, mga
tekstong nakikipagdiyalogo sa mas naunang palikula. Sa OCW’s Bagong-Bayani, ginamit ng director na si Tikoy
Aguiluz ang pamamaraang dokumentaryo na nagpakita ng mga aktuwal na interbiyu, larawan, footage
savideocam. Bukod sa ganitong pamamaraan, sentral na pagkakaiba nito sa pelikul ani Lamangan ay ang
pagsasadula sa dalawang bersiyon ng kaso: si Flor bilang criminal at si Flor bilang biktima.
 
15. Ano nga kaya ang katotohanang ipinatatanggap sa atin ng pelikula ni Lamangan? Maituturing na
bersiyon ni Lamangan ang pinakamapangahas sa tatlong pelikula. Hindi na nito ipinakita angdalawang bersiyon sa kaso
ni Flor. Matapang itong pumanig kay Flor. Pinanindigan nito ang teorya na pinatay ng kaniyang amo si Delia, at
inosente at biktima si Flor.
16. Para higit na maipaunawa at mapatanggap ang posisyong ito samanonood, inilugar ng pelikula ang
trahedya ni flor sa mas malawa nakonteskto ng biktimasyon ng mga manggagawang Filipino sa ibang bansa.
Kasabay ng paglalarawan sa mapait na karanasan ni Flor saChangi Prison, isiniwalat din ang pagpapabaya
ng pamahalaang Filipino sa lugaming kalagayan ng maraming migranteng manggagawa. Tila sinasabi ng pelikula,
biktima sina Flor at Delia dahil biktima rin ang maraming manggagawang Filipino.

17. Bukod sa mapangahas na hatol na ginawa ng pelikula sa kaso ni Flor, may dalawang positibong
katangian pa ang pelikula.  

18. Una, sinuri nito ang personal na buhay ni Flor, at sa pamamagitan nito, naipaunawa ang panlipunang
sanhi at bunga ng pagtatrabaho ng mga manggagawang Filipino sa ibang bansa. Umalis ng Pilipinas si
Flor upang isalba ang buhay ng kaniyang mga-anak sa kahirapan. Ngunit sa pag-alis niyang iyon, umibig
sa ibang babae si Efren. Sinumbatan din siya ng kaniyang anak na si Sandrex dahil sa pag-iwan sa kanila
ng ina. Ipinakikita naman dito ng pelikula ang mga pinsalang panlipunan ng pandarayuhan para
magtrabaho. Isang trahedyang maituturing na ang pamilya na siyang dahilan ng paglis ay lalong
nawawasak dahil sa pangingibang bayan.

19. Ikalawa, inilugar ang karanasan ni Flor sa mas malawak na konteksto ng kalagayan ng mga
migranteng manggagawang Filipino. Pinatingkad ng pelikula ang aktibong pakikisangkot ng
kilusang bayan tulad ng Gabriela, Migrante, at Bayan para tumulong sa pagpapalaya kay Flor. Sa mga
pagkilos na ito lumitaw rin ang mga manggagawa sa iba pang bansa. Umangkas sa kuwento ni Flor ang
kuwento ng iba pang migranteng manggagawa sa iba’t ibang panig ngMundo.

20. Si Nora Aunor bilang Flor Contemplacion, ay hindi lamang mahusay na gumanap sa buhay ni Flor
kundi naging isa ring makapangyarihang talinghaga na naka pagpalusog sa teksto ng pelikula. Matalinong
naisa dula ni Nora ang madalamhating larawan ng babaeng pinagtaksilan ng kaniyang kabiyak at
napabayaan ng kaniyang bayan. Ngunit higit pa marahil dito, sumisigla pang lalo ang kaniyang pagganap
kapag binasa ang buhay ni Flor kaalin sabay ng buhay ni Nora. Ang buhay ng artistang si Nora ay bukas
sa maraming Filipino na biktima rin ng maraming trahedya sa industriya at sa buhay. Ngunit si Flor ay si Nora rin, na
sa pagkalugmok ay bumabangon para itanghal na bayani-ng bayan at ng sining.

21. Gayumpaman, sa isang pagbasa, ang pagdidiin sa imahen ng manggagawa bilang bayani ay
nagpapatingkad sa mga kontradiksyon ng pelikula. Sa ibang salita, ang pelikula ay kapwa nagtataguyod
ng kagalingan at kapahamakan ng mga migranteng manggagawang Filipino. Mauunawaan ito kapag
inilugar ang pelikula sa mas malawag na konteksto ng kondisyon sa paggawa sa Filipinas.

22. Simula noong dekada 1970, naging sistematiko at malawakan ang paglalakbay ng mga Filipino para
magtrabaho sa ibang bansa. Sinamtala ni Marcos ang umuunlad na konstruksiyon sa Gitnang Silangan na
bunga ng tumataas na demand sa langis. Ang sitwasyong ito ay nakatugon sa dalawang pangunahing
problema ng bansa: kawalan ng trabaho at papalaking utang panlabas.

23. Ang pagluluwas ng lakas-paggawa ay parehong tumutugon sa pangangailangan ng mga nagluluwas at

tumatanggap ng bansa. Sa konteksto ng mauunlad na bansa, kailangan nila ng mga migranteng manggagawa
dahil sa pagliit ng domestikong lakas-paggawa nila bunga ng mababang birth rate (ayaw ng mag-asawa na
magkaroon ng maraming anak) at pagtanda ng kabuuang pambansang populasyon. Idagdag pa rito ang
pagkakaakit ng nakababatang populasyon sa mga trabahong non-labor-intensive.

24. Sa konteksto naman ng mahihirap sa bansa, tinutugunan ng pagluluwas ng lakas-paggawaang

suliraning pinansiyal ng bansa. Noong 1995, halimbawa, taon ng paglabas ng pelikula niFlor, 4.7 bilyong
dolyar naman ang kontrbusyon ng migranteng manggagawa. Ang halagang ito ay iyon lamang pumapasok
sa pamamagitan ng remittances na dumaraan sa mga bangko. Kung isasama sa kuwenta ang iba pang
dumaraan sa impormal na tsanel, aabot sa10 bilyong dolyar ang kontribusyon ng migranteng manggagawa
sa ekonomiya noong panahong iyon

25. Samakatwid, ang migrasyon ng manggagawang Filipino ay tugon kapuwa sa pangangailangan ng

pinupuntahan at nililisang bansa-ng Pilipinas at ng maraming bansang mayroong migranteng
manggagawang Filipino. Sa ganitong konteksto na kapag tatakang magpalabas ng isang pelikulang
komersiyal na posibleng manakot o magpawalang-gana sa manggagawang Filipino na mangibang-bansa.

26. Ngunit kung susuriing mabuti, walang dapat ipagtaka. Totoong napatampok sa pelikula ang
kapabayaan ng mga opisyales sa Embahada ng Pilipinas sa Singapore hindi nakagbibigay ng mahusay na
abogado kay Flor at hindi rin sinubaybayan ang kaso. Inilarawan din ang di-makataong sistemang legal sa
militaristikong estado ng Singapore. Pabaya ang gobyernong Filipino at mabangis ang pamahalaang
Singapore. Kaya nang tuluyang bitayin si Flor, tinanggal sa puwesto ang mga opisyales ng embahada at
pansamantalang itinigil ang pagpapadala ng OCW’s sa Singapore. Samantala, sa ibang bansa, na
episyente ang opisyales ng embahada at mas makatao ang batas, tuloy lang ang pagpapadalang mga
manggagawang Filipino.

27. Totoong nailalarawan ng pelikula ang malungkot na kondisyon ng mga migranteng manggagawa at
tinuligsa nito ang labor export policy ng manahalaan. Ngunit ang pelikula ay nakapokus lamang kay Flor
at sa karanasan niya sa Singapore. Ang trahedya ay nangyari lamang kay Flor at siya lamang ang biktima.
Kaya sa huling pagsusuri, hindi talaga salungat ang pelikula sa pag-udyok sa iba pang manggagawang
Filipino na magtrabaho sa ibang bansa.

28. May isa pang estratehiya ang pelikula upang udyukan pa ring mangibang-bayan ang mga
mganggagawang Filipino. Ito ang pagtatampok kay Flor bilang bayani tulad ng taguring”bagong bayani”
sa libo-lubong migrante manggagawa. Bilang ina, nagpakasakit siya para bigyan ng magandang buhay
ang pamilya; bilang migrante manggagawa, binigyan niya ng mukha ang kaapihan ng maraming
manggagawang Filipino sa iba’t ibang panig ng mundo. Para sa estado, si Flor ay perkpektong halimbawa
ng bagong bayani na handang tiisin angkaapihan at pasakit para sa pamilya at sa bayan.

29. Inaakit ang mga migranteng manggagawa na ipagbili ang kanilang lakas paggawa sa pamamagitan ng
titulong bayani at ritwal ang pagpapakabayani. Naging mabisa ng midyum ang pelikula upang likhain ang
kabayanihan ni Flor. Itinampok nito ang madudulang bahagi sa buhay ni Flor: ang pagluha ng inang
nawalay sa asawa’t mga anak, ang pagkagapi sa matigas na selda ng bilangguan, pagsasalikop ng mga
kamay habang humihingi ng awa sa Maykapal, ang muling pagluha sa huling pakikipagkita sa kaniyang
mga anak. Isiniwalat din sa pelikula ang pagiging biktima niya sa piling ng kaniyang asawang may
kalaguyo. Tinutupad ng pelikula ang mga kumbensiyon ng melodrama-ang isang anyo ng pelikula na
nakatuon sa mga personal na ligalig at pakikitunggali ng tauhan at pangunahing layunin ang paiyakin ang
manonood. Umaakit ang pelikula ng simpatya para kay Flor na din ibahagi sa loob at labas ng kaniyang
bayan, biktima ng mga dayuhan, ng kapuwa Filipino, at kahit ng mahal niya sa buhay.

30. Hindi lamang ang kumbensiyon ng melodrama ang kinakasangkapan sa pelikula upang maging bayani
si Flor kundi maging iba pang aspekto ng paklikha ng pelikula. Tututok ang kamera sa mga kamay na
nakalahad sa salaming humahadlang na madama ni flor ang haplos ng kaniyang mga anak, at madampian
ng kaniyang mga anak ang luhang dumadaloy sa kaniyang mata. Dadagundong ang mabibigat na tunog ng
tarangkahan sa piitan, aalingawngaw ang tagulaylay ng musikang nagtatahi-tahi sa malungkot na eksena.
Paglalaruan din ang ilaw para itampok ang mabangis napagtortyur kay Flor ng military at kalunos-lunos
na buhay niya sa bilangguan.

31. Sa kabuuan, iaangkin ng pelikulang The Flor Contemplacion Story ang kapangyarihan nitong lumikha
ng sariling bersiyon ng katotohanan mula sa masalimuotna material ng realidad. Sa ganitong proseso
nailalantad ang isang piraso ng realidad upang mapanood, masuri, at mabigyang kahulugan. Sa kabilang
banda, hindi rinnkaalpas ang pelikula sa diskursong tangka nitong isiwalat, punahin at tuligsahin.
IV-Reflection

1. Sino ang tauhan ang nakakakuha ng inyong pansin? Bakit?

Ang tauhang nakakuha sa aking pansin ay si Flor Cntemplacion. Ang mamatay na kasama
ang pamilya, yung alam mo sa sarili mo na naging maligaya ka. Napagtagumpayan mo ang mga
gusto mo sa buhay. Okay lang na mamatay, kasi alam mo na ang misyong binigay sayo ay
napagtagumpayan mo na, pero ang patayin ang isang taong walang kasalanan. Namatay ng wala sa
kagustuhan, namatay ng hindi man lang naipagtanggol ang sarili, namatay ng hindi dapat.
2. Anong mahalagang kaisipan ang maari mong mabuo sa pelikulang napanood?

   Samakatuwid, ang pelikulang ito ay isang pamukaw sa lahat ng Pilipino na sana

magkaroon ng pagbabago ang sistema ng ekonomiya ng ating bansa. Sana magkaroon ng
matinong trabaho na may sapat na sweldo at prebilehiyo  ang milyun-milyong Pinoy sa Pilipinas
na hindi na kinakailangan pang mangibang bansa at mapalayo sa pamilya.  Kung hindi man
mapipigilan ang pag-alis sa sariling bayan at doon sa ibang bansa makipagsapalaran, mabigyan
sana ng ganap at matibay na proteksyon ang ating mga kababayan mula sa mga banyagang amo.

3. Paano nagwakas ang kwento? Kung bibigyan ka ng pagkakataong gumawa ng sarili mong
wakas, paanomoito wawakasan?

Ang huling tagpong ito sa pelikula ang nagpapatunay na hindi pantay ang hustisya ng mga
Pilipino at ang masama pa nito ay hindi kayang ipagtanggol ng sangay ng gobyerno ang mga
nangangailangan ng tulong tulad ni Flor. Sila ba ay takot lumaban kaya umiiwas na lamang sila sa
problema? o pinapaburan nila ang maling gawi ang hindi makatarungang paggamit ng hustisya sa
tao? Kung pagtutuunan ng pansin ang bawat binitawang salita sa pelikula, mapapansin ang hindi
pagtatanggol ng ahensya sa makabagong bayani ng republika ng Pilipinas. Namatay si Flor na
walang lakas na maipagtanggol ang kanyang sarili.
Kung ako ang ang magbigay wakas sa pilkula, Isang pelikulang nagpapakita ng pagkakaisa
ng bawat mamamayang Pilipino sa pakikipaglaban sa karapatang pantao, sa mapang-aping lipunan at
sa hindi makatarungang paggamit ng hustisyang mayroon ang Pilipinas at Singapore. Ang pelikulang
ito ay isang hamon para sa gobyerno ng Pilipinas na magkaroon ng maunlad na estado ang bansa
upang mabigyan ng karampatang trabaho ang mga Pilipino nang hindi na sila napipilitang
makipagsapalaran at maghanap ng trabaho sa ibang bansa. Magkaroon tayo ng g obyernong dapat
magtanggol sa mamamayan, kapwa Pilipino ang dapat magtulungan. Kung sakaling nagkasala man
si Flor ay dapat mayroong pagpapatawaran sa bawat bansa upang umosbong ang tunay na pag-ibig
at pagmamahal sa bayan at samabayanan lalong-lalo na sa mahihirap na katulad ko.
V-Rekomendasyon

Isa sa mga problemang kinakaharap ng bansa natin ang kawalan ng trabaho ng marami. At marahil
isa itong pangunahing dahilan kung kaya’t marami sa atin ang pinipili na lamang makipagsapalaran sa
ibayong-dagat kahit pa wala silang kasiguraduhan sa magiging buhay nila doon.

            Ang buhay sa ibang bansa ay parang nakqa lakad ka lang sa     sinulid, kunting kamalian ay may
katumbas na parusa.  Aminin natin na minsan iniisip natin na kapag nasa ibang bansa ang kamag-anak o
kababayan natin, masarap na ang buhay nila. Nakakakain na sila ng masasarap na pagkain. Maayos na
ang buhay nila. Ngunit, hindi natin alam na hindi pala ganon kadali ang buhay nila doon. Gaya nang
nangyari kay Flor. Napagbintangan siya sa kasalanang hindi naman niya ginawa. Sa kasalanang, hindi
lang pamilya niya ang naapektuhan kundi maging ang mga kababayan niya. Kasalanang, nagbigay
isnpirasyon at aral sa lahat. At, kasalanang kailanman ay hindi niya magagawa.

Kaya lahat na maroon kayo mula sa inyong mahal sa ibang bansa ay inyong pahalagahan,
paglaguin at isapuso ang lahat na iyon dahil dugo’t buhay nila ang katumbas ng pagsisikap upang
maiahon sa kahirapan at mabigyan ng masaganang buhay.