Learning Target: Naipaliliwanag ang kalagayan, suliranin at pagtugon sa isyu ng paggawa
sa Bansa Naibibigay ang pagkakaiba ng umeployment sa underemployment
References: Kayamanan: Kontemporaryong Isyu, REX pahina 91-95
Concept: Ang unemployment ay ang kawalan ng trabaho ng maraming tao.
Kabilang sa yaman ng bansa ay ang yamang tao na itinuturing na bumubuo sa labor force o lakas paggawa na siyang tumutugon sa pagbuo, paggawa at pagbibigay ng produkto o serbisyo sa bansa o sa mga bansang nangangailangan ng empleyo.
Ang labor force ay ay binubuo ng 15 taon gulang pataas na nagtatrabaho
ng walong oras at nakakatanggap ng benepisyo ng kaniyang pinaglilingkuran. Ang unemployment ay nasusukat sa pamamagitan ng paggamit ng umemployment rate. Ito ay nakakalkula sa pamamagitan ng paghahati ng bilang ng mga mamamayang walang trabaho sa bilang ng mga mamamayan sa lakas paggawa.
Ang underemployment ay ang pagtatrabaho ng mga manggagawa na
may mataas na antas ng kasanayan at edukasyon na postecondary na mababa ang trabaho kesa sa natapos o pinag-aralan. Halimbawa, ang isang may degree sa kolehiyo ay maaaring tending bar, o nagtatrabaho bilang isang manggagawa sa linya ng pabrika Ang mga underemployed ay mga nagnanais na magkaroon pa ng karagdagang oras sa kanilang kasalukuyang trabaho o magkaroon pa ng karagdagang pagkakakitaan o mas mahabang oras.
Sa pag-aaral ng Department of Labor and Employment (DOLE), ang
underemployment ay laganap sa mga rehiyon sa ating bansa lalo na sa mga lugar na agrikultural.
Ang mga sumusunod na datos ay tungkol sa kalagayan ng paggawa sa
ating bansa.
Labor & Employment April 2019 April 2018
Total 15 years old and over (in 000) 72,538 71,015 Labor force participation rate 61.4% 60.9% Employment rate 94.9% 94.5% Unemployment rate 5.1% 5.5% Underemployment rate 13.5% 17.0% Total employed person (in thousands) 42.242 40.896 Total underemployed persons (in 5.709 6.735 thousands) Total unemployed persons (in thousands) 2.286 2.361
PAGSASANAY: Suriin ang datos sa taas at sagutin ang tanong:
1. Batay sa datos, ano ang nakikita mong suliranin ng ating bansa tungkol sa paggawa? Ipaliwanang ang iyong sagot sa hindi bababa sa 3 pangungusap, at magbigay ng isang mungkahi upang ito ay matugunan ng pamahalaan. DAILY LEARNING ACTIVITY SHEET ARALING PANLIPUNAN 10
2nd Quarter, Week 4, Day 2
Activity Title: Mga Dahilan ng Unemployment
Learning Target: Naipaliliwanag ang kalagayan, suliranin at pagtugon sa isyu ng paggawa
sa Bansa Natatalakay ang mga dahilan ng unemployment
References: Kayamanan: Kontemporaryong Isyu, REX pahina 96-102
Concept: Mga Dahilan ng Unemployment
1. Kakulangan ng oportunidad para makapagtrabaho – batay sa estadistika ng PSA, hindi lamang sa walang natapos o hindi nakapag-aral ang dahilan ng kawalan ng trabaho kundi pati na rin ang kakulangan ng oportunidad para sa kanila. 2. Kakulangan sa edukasyon – dahilan din ng kawalan ng trabaho ang kakulangan sa akademikong paghahanda dulot ng mababang kalidad ng Sistema ng edukasyon gaya ng wala o kulang sa maayos na kapasidad, hindi magandang pagtuturo, at mga programa o kurikulum na hindi angkop sa kailangan ng industriya. Ang mga employer ay nahihirapan sa pagpuno ng kanilang mga bakante dahil sa kakulangan ng mga aplikante na may angkop na edukasyon at kwalipikasyon para sa trabaho. 3. Paglaki ng populasyon – sinasabing isa sa dahilan ng kawalan ng trabaho sa ating bansa nitong nakaraang dekada ay ang mabilis na paglaki ng populasyon. 4. Kawalan ng pamahalaan ng komprehensibo at pangmatagalang plano na makalilikha ng trabaho – umaasa ang pamahalaan sa mga dayuhang mamumuhunan sa bansapara magkaroon ng trabaho ang mga mamamayan nito. Dahil sa maraming tao ang walang mahanap na trabaho, nagtitiyaga sila sa anumang ibinibigay na trabaho sakanila kahit na maliit ang sahod, kulang samga benepisyo at hindi maganda ang kondisyon ng pinagtatrabahuan. 5. Hindi tugma ang pinag-aralan sa maaari nilang pasukang trabaho – ayon sa PSA na tila walang kaugnayan ang pagtatapos ng pag-aaral sa pagkakaroon ng trabaho. 6. Kakulangan sa kinakailangang kasanayan para sa trabaho – may malaking proporsyon ng hindi tugma o mismatch sa pagitan ng pagsasanay at aktuwal na trabaho. 7. Hindi pagbibigay ng wastong sahod samanggagawa, kaunting benepisyo, at hindi maayos na kondisyon ng pinagtatrabahuhan (poor working condition) – may mga kapitalistang mayayaman na hindi nagbibigay ng wastong sahod at benepisyo sa kanilang mga manggagawa. 8. Pananalasa ng mga kalamidad sa bansa – nakapipinsala sa mga manggagawa ang kalamidad. 9. Masalimuot na paraan para makapagtatag ng negosyo – ayon sa mamumuhunan mahirap magtayo ng negosyo sa bansa. 10. Pamumulitika at katiwalian ng mga nanunungkulan sa pamahalaan – maraming pulitiko ang sangkot sa katiwalian.
Exercises: Ipaliwanag kung bakit ang sumusunod ay dahilan sa kawalan ng trabaho
o unemployment sa hindi bababa sa tatlong pangungusap.Pumili ng isa lamang sa mga dahilan. 1. Paglaki ng populasyon 2. Pagkukulang ng pangmatagalang plano ng pamahalaan 3. Kakulangan sa kwalipikasyon ng mga mamamayan DAILY LEARNING ACTIVITY SHEET ARALING PANLIPUNAN 10
2nd Quarter, Week 4, Day 3
Activity Title: Implikasyon ng Unemployment sa Pamumuhay ng Tao
Learning Target: Naipaliliwanag ang kalagayan, suliranin at pagtugon sa isyu ng paggawa
sa Bansa Natutukoy ang implikasyon ng unemployment sa pamumuhay
References: Kayamanan: Kontemporaryong Isyu, REX pahina 103-106
Concept: Implikasyon ng Unemployment sa Pamumuhay ng Tao
1. Tumitinding kahirapan – ang kawalan ng trabaho ay nagdudulot ng matinding kahirapan ng mga tao. Walang mapagkukunan ng pera ang mga tao para sa kanilang ikabubuhay at mga pangangailangan May mga gumagawa ng krimen tulad ng pagnanakaw at panghoholdap Nagkakaroon ng malnutirsyon ang mga tao dahil walang pambili ng pagkain Hindi makapag-aral ang mga bata dahil hindi matustusan ng mga magulang ang pangangailangan sa paaralan Napipilitang magtrabaho ang mga bata upang matulungan ang magulang Dumadami ang bilang ng mga babaeng pumapasok sa prostitusyon Bumababa ang standard of living ng mga tao Dumarami ang mga informal settelr Dumarami ang mga taong umaasa sa gobyerno 2. Naapektuhan ang mental health o kalusugan ng pag-iisip ng mga tao Bumababa ang tiwala at pagtingin nila sa sarili Dumaranas sila ng depresyon at pagkawala ng pag- asa sa buhay Nagkakaroon ng negatibong pag-uugali Tumataas ang bilang ng nagpapakamatay Nagkakaroon ng stigma o masamang tingino husga sa kapwa
Exercises: Pumili ng isang katanungan. Ipaliwanag ang iyong sagot sa hindi bababa sa tatlong pangungusap.
1. Paano nakakaapekto sa ating bansa ang pagkakaroon ng
unemployment at underemployment? 2. Batay sa iyong sariling karanasan o pag-aaral, alin ang totoong sanhi ng unemployment at underemployment sa Pilipinas? Bakit mo ito nasabi? DAILY LEARNING ACTIVITY SHEET ARALING PANLIPUNAN 10
2nd Quarter, Week 4, Day 4
Activity Title: Implikasyon ng Unemployment sa Pag-unlad ng Ekonomiya ng Bansa
Learning Target: Naipaliliwanag ang kalagayan, suliranin at pagtugon sa isyu ng paggawa
sa Bansa Natutukoy ang implikasyon ng unemployment sa pag-unlad ng ekonomiya ng bansa
References: Kayamanan: Kontemporaryong Isyu, REX pahina 106
Concept: Implikasyon ng Unemployment sa Pag-unlad ng Ekonomiya ng Bansa
1. Nagpupunta sa ibang bansa ang mga manggagawa upang maghanapbuhay at iniiwan nila ang kanilang pamilya. Nasisira ang pagkakabukold ng pamilya Maymga napapariwarang anak dahil walang gumagabay nang maayos sa kanila Nagkakaroon sila ng brain drain 2. Dumami ang mga dayuhan at dambuhalang local na negosyante kaya nalugi ang napakaraming maliliit na negosyo na nakapagbibigay ng trabaho sa ating bansa Temporary o contractual employment lamang ang inaalok ng mga dayuhan Maliit ang sweldong binibigay ng malalaking local na negosyante 3. Humihina ang ekonomiya ng bansa dahil sa mas mahina ang produksiyon ng bansa at marami ang mahihirap. 4. Mabagal ang pag-unlad ng bansa dahil mahina ang ekonomiya nito.
Exercises: 1. Ano ang maimumungkahi mong solusyon para sa bawat suliranin na
kaugnay ng unemployment sa ating bansa. Buuin ang problem-solution idea map.