Ang “Don’t English Me” ay isang dokyumentaryo ni Howie Severino mula sa
GMA I-witness. Sa dokyumentaryong ito ay pinakita kung gaano kalawak ang kakahayang lingguwistika ng iba’t ibang pilipino at mga estudyante.
Sa unang mga minuto ay pinakita si Howie na naglalakbay sa sulok ng kalsada
sa metro manila kung saan ay napakarami niyang nakitang karatula na may mga maling ispeling at grammar. Nang tanungin niya ang mga taong kanyang nasasalubong kung may mali ba sa karatula, karamihan sa kanila ay sinasabing “wala”. Sa mga sumusunod pang mga minuto ng dokyumentaryo ay ipinakita naman kung gaano kahirap sa mga estudyante na nasa ikaanim na baitang ang pag-aaral ng tamang pagbigkas ng mga salita mula sa wikang filipino. Ipinakita rito na dahil sa bilingual system na ipinatupad na kung saan ay ginagamit ang wikang ingles at filipino sa pagtuturo ay mas nahihirapan ang mga estudyante sa pagkakatuto ng mga ito. Sa kadahilanang iyon ay tumaas ang drop-out rate sa bansa na kung saan ay sa isang daang mag-aaral sa grade one ay animnaput lima lang ang nakakapagtapos ng grade 6.
Ang kakahayang lingguwistika ng mga estudyante tulad ni jason ay mababa sa
kadahilanang ‘di nila maintindihan ang tinuturo ng kanilang guro sapagkat ang wikang gamit sa pagtuturo ay hindi nila sariling wika. Dahil rito ay nagiging mahirap na rin para sa mga estudyante na makipaghalubilo at makipagsocialize sa iba tulad na lamang ng pagbili ng mga pagkain sa canteen. Sa aking opinyon, nararapat lamang na turuan ang mga estudyante lalo na sa elementarya gamit ang kanilang wikang kinagisnan nang sa gayon ay hindi sila malito at mahirapan pa sa pag-aaral kung paano magbasa at magsulat. Sa paraang ito ay mas napapalago ang kanilang kakayahang lingguwistika at mas napapadali sa kanila ang mag-aral pa ng ibang wika o lengguwahe. Hindi lahat ay may kakayahan na umintindi agad gamit ang ibang lengguwahe kaya naman ay mas mainam na gamitin ang pangunahing lengguwahe ng lahat upang magkaroon ng pagkakaintindihan sa isa’t isa. Sa pagpapalawak ng kanilang kakahayang lingguwistika sa pamamaraang ito ay mas nahuhubog din ang kanilang pagkatao.