ROSETE, ANNE MARIE B.

BSOA 1-2D
Filipinolohiya sa Pambansang Kaunlaran

Reaction Paper Patungkol sa Dokumentaryo ni Howie Severino na pinamagatang

“Don’t English Me”

Matapos kong matunghayan ang dokumentaryo maraming reyalisasyon ang tumakbo sa aking
isipan, bilang isang mamamayang Pilipino at estudyante sa isang Unibersidad napaisip ako at
aking napagtanto kung gaano nga ba kahalaga ang wika ng isang bansa. Base sa aking napanuod
napakalaki ng impluwensya sa pagkatuto ng isang mag aaral ang wika, nagiging basehan din ito
kung gaano nga ba kabihasa at katayog ang edukasyon na mayroon ang isang bansa. Sa
dokumentaryong ito naihayag na mabuti at naipaintindi ang kalagayan ng bansa sa usaping pag
gamit ng wikang atin at wikang banyaga. Sa pag iikot ni Howie sa kamaynilaan gamit ang kanyang
bisekleta marami siyang napunang kamalian sa ispeling, mga bantas at sa gramatika na nakasulat
mula sa mga karatulang nakasabit at nakapaskil, mga paunawa at maging sa monumento ng isang
peryodista, doon pa lamang makikita na natin na may mali sa sistema, na mabagal ang pag usad
ng ating bansa tungo sa pag unlad.

Makikita sa una palamang na senaryo na may mali na sa sistema, makikita na kahit nasa mataas
na na baiting ay hirap pa rin ang mag aaral na bumasa at umintindi mapa wikang Filipino man o
Ingles. Doon pa lamang mahihinuha mo na sa wika nakabase ang pag unlad ng isang mamamayan
at bansa. Paano uunlad kung hindi marunong magbasa at umintindi? Paano magiging kompetitibo
kung salat sa kaalaman kahit sa sariling wika? Ang pag gamit ng Bilingual na salita ay isinulong
noong 90’s na nasasaad na makakatulong iyon para sa mabilisang pag unlad, ngunit diba dapat
munang paunladin ang wikang atin bago bigyang pansin ang wikang banyaga? Ni tamang ispeling
at gramatika pati ang pag gamit ng mga bantas ay hindi pa maitama pano pa kaya ang pag gamit
ng wikang banyaga. Mayroong malaking epekto ang kakulangan sa kaalaman na napuna ni Howie
sa kanyang pag iikot mula dito sa maynila at sa karatig probinsya. Una na rito ang hindi pagkatuto
sa wikang atin at wikang banyaga ay nakakaapekto rin sa pagkatuto natin ng mga bagay na
kunektado roon gaya na lamang ng mga araling na nakasulat sa wikang ingles. Pangalawa hindi
marunong makipag interaksyon sa iba dahil hindi nila maunawan ang salitang binibigkas, at ikatlo
ay dahil sa kakulangan ng kaalam ang mga tao ay nahihiyang ipakita ang mga bagay na kanilang
natutunan kahit pa ito ay hindi ganoon kalalim at hindi sila ganoon ka sigurado sakanilang mga
sagot. Gayun pa man nakita ko na ang iba ay gumagawa ng paraan para mapaunlad ang wikang
atin at ipaintindi sa iba ang wikang banyaga. Sa paaralan natuto at nakasalalay ang pag unlad sa
kaalaman sa usaping wika ang mga kabataan ngunit gayunpaman dapat din nilang tulungan ang
sarili para mapalalim pa at madagdagan ang kanilang kaalaman sa wikang kinalang ginagamit.

Bilang konklusyon sa buong dokumentaryo masasabi ko na ito ay mulat mata lalo na sa mga
Pilipino, sa pag iikot ni Howie makikita ang kalungkutan sa kanya dahil mukhang hirap pa rin ang
mamamayang Pilipino na paunlarin ang sariling wika at pagyabungin ang kaalaman sa wikang
banyaga. Ngunit makikita na pursigido ang bawat isa na matuto dahil sa mga pangarap na kanilang
bitbit, sa mga bagay na gusto nilang makamit at para na rin sa ikauunlad ng bansa. Ang mga maling
pag gamit ng salita, ispeling, bantas at gramatika ay maaaring maisaayos kung mas pag iibayuhin
ang sistema na mayroon tayo sa edukasyon dahil iyon ang ugat at magbibigay ng sapat na kaalaman
sa mga ganitong bagay. Sa aking mga natunghayan ako ay naging mas mulat sa mga ganitong
usapin, gusto kong paglawigin ang aking kaalaman sa mga lenggwahe at ipamahagi iyon,
naniniwala ako na darating ang panahon na makikila ang bansang sa Pilipinas dahil sa taglay
nitong yaman at pagmamahal sa bansa at dahil na rin tayo ay mahusay gumamit ng wikang
banyaga, ngunit paunting pag iwan ng kaalaman wika muna natin bago wika ng iba.