1. Ano ang ibig sabihin ng intelektwalisasyon?

Ang intelektwalisasyon ay isang uri ng proseso upang ang isang wika na hindi pa
intelektwalisado ay maitaas at mailagay sa antas na intelektwalisado nang sa gayo'y mabisang
magamit sa mga sopistikadong lawak ng karunungan. Ito ay kung saan galing sa salitang ugat na
"intelektwal" o ang pag-iisip at pag-unawa ng isang tao. Kung ganoon, ang intelektwalisadong
wika ay nangangahulugan na isang wikang malawak na nagagamit sa isang bansa. Mayroong
apat na katangian tungo sa intelektwalisasyon ng wika ayon kay Torres Yu (2005): Una,
ginagamit ito ng mga dalubhasa sa kaniyang pagdidiskuro. Pangalawa, may sapat na
terminolohiya at teknikal na angkop sa mga hiniram na salitang dayuhan. Pangatlo, may sapat na
bokabularyong ginagamit sa pagpapahayag ng mga abstraktong kaisipan. Pang-apat, may
modernong alpabetong makakaangkop sa pagpasok ng mga salitang hiniram. 

Isa sa pangunahing hakbang para maging intelektwalisado  ang isang wika ay sa pamamagitan ng
pagpapaunlad nito. Ang patuloy na paggamit ay isa nang mahalaga at malaking tulong upang
mas lalong makilala at mapalago ang katayuan ng wika. Ang salitang intelektwalisasyon ay
madalas ring mabanggit sa sikolohiya. Ito ay malalim at maingat na ginagamit sa isang usapin o
istandard ng pag-iisip upang mabisang maihatid ang nilalaman ng salita o wika. Isa din itong
pamamaraan upang mahadlangan ang pag-uusap o salitaan ng masidhing damdamin. 

Ang pagiging intelektwalisado ng isang wika o ng wikang pambansa ay maaaring magsilbing

isang batayan upang malaman ang pinagmulan at pagkakakilanlan ng isang bansa at sakop nito.
Nilalayon na bilang isang matatag na bansa, ay mahalagang magkaroon rin ng matatag na
sariling wika.

Ang isang intelektwal na Pilipino ay kinakailangang may kakayahan magsuri, mag taya at
makaunawa sa lipunan bilang isang kabuuang ugnay-ugnay. Makakapagbigay ng kahulugan at
interpretasyon sa isang tiyak na pananaw. Mapanlikha at pagpuna na nakakapagbigay ng bagong
ideya at obserbasyon ng walang takot at limitasyon. Radikal silang nag-aangkat sa bagong
kamalayan at kaayusan mula sa luma. Nagagamit ang sariling wika sa pagpapaunlad at
pagpapaimpluwesya ng kanyang dapat katayuan sa ating bansa. 

2. Paano ito makakatulong sa pagpapaunlad ng wikang Pambansa? 

Bilang isang mamamayan na may layuning iangat ang antas ng wika ay mahalagang magkaroon
ng intelektwal na pag iisip, kaalaman at kakayahang imulat ang sarili sa tunay dapat kinalalagyan
ng wikang pambansa. Ang intelektwalisasyon ay makakatulong sa pag unlad ng wikang
pambansa sa pamamagitan ng napapagbuklod- buklod at napag uugnay-ugnay nito ang bawat
kasapi o mamamayan ng isang bansa. Natutugunan ang kakulangan ng pagkakakilanlan nito at
mas nahuhubog ang kaisipan at kamalayan ng mga mamamayang Pilipino sa nararapat na estado
nito. Mas nagagamit ito sa iba't ibang larangan tulad ng akademya, medisina, pamahalaan,
industriya at iba pa.  Dahil sa paggamit ng wikang Filipino bilang wika ng karunungan at
iskolarling talakayan ay mas napapakintal sa mga mamamayan lalo na sa kabataan; sapagkat sila
ang susunod na henerasyong magtataguyod ng pag- asa at kamalayan sa ating bansa. 

Ilan sa mga dahilan kung bakit nakakatulong ang intelektwalisasyon sa pagpapaunlad ng wikang
pambansa ay dahil sa paggamit wikang Filipino sa pag- iisip at pagbuo ng teorya o konsepto at
metodong bunga ng kaisipang Pilipino. Napapalaganap ang paggamit nito sa iba't- ibang
disiplina katulad ng edukasyon, gobyerno, negosyo at iba pa. Napapagyaman din ang ating
sariling kulturang pag-aaral sa Agham panlipunan. Nagagamit ang sariling wika sa pananaliksik
na kung saan nakakapaglunsad o nakakabuo sila ng modelong Filipino na nakakatulong upang
mas mapalawak ang kaalaman ng mga mamamayang Pilipino. Na kung saan, sa patuloy na pag-
angat ng ating sariling wika ay inaasahang mapapalakas ang ating pagkakaisa bilang mga
Pilipino at maibalik ang ating pagka nasyonalismo. Gayon din na tuluyang maitakwil ang
paglaganap ng mga banyagang wika; ito'y sapagkat mas lalo nang nangingibabaw ang kamalayan
at karunungan sa wikang Filipino; wikang marapat na simbolo ng ating bansa.

3. Sa iyong palagay masasabi bang intelektwal ang Wikang Filipino? 

Isang kakayahan ng wika ang pagiging intelektwal at masasabi kong ganap nang intelektwal ang
Wikang Filipino kahit na marami pa ring humahadlang sa pag- angat nito. Noon pa man ay
nakamit na ng wikang Filipino ang pagiging intelektwalisadong antas nito sa ating bansa.
Nagagamit na ang wikang ito bilang malaya sa matalinong talakayan, pag-iisip at pag-unawa. Isa
sa mga problema at pumipigil lamang sa mga mamamayang Pilipino ay  pagsasawalang
kamalayan at patuloy na pagkatali sa mga kolonyal na kapansanan nating mga Pilipino. Isa na
dito ang Ingles na pinaka malaking impluwensya sa ating bansa. Ito’y sapagkat mas
napapatangkilik pa nating pagyabungin ito kaysa sa sariling wika. Maraming takot gamitin at
ipagmalaki ang wikang Filipino sapagkat nilason na ang pag-iisip na ang salitang Filipino ay
kinabibilangan lamang sa mababang uri. Ang ganitong ideya at pag-iisip ay malaking sagabal sa
pag-unlad ng wikang pambansa. Isa sa maaaring halimbawa ko ay ang sinabi ni Renato
Constantino na “Ang wika ay instrumento ng pag-iisip. Sa pamamagitan ng wika ay umuunlad
ang kaisipan. Sa pag-unlad naman ng kaisipan ay umuunlad ang wika. Ngunit kapag ang wika ay
naging sagabal sa pag-iisip, ang pag-iisip ay nababansot o nababaog at nagbubunga naman ng
kulturang bansot. Ang malikhain, mapanuri at mapagbuod na kaisipan ay hindi uunlad sapagkat
ang mga mag-aaral ay nahirati sa pagsasaulo sa dayuhang wika”. Bilang kasapi ng mamamayang
Pilipino, ang lahat ng kakayahan at pagtatangkang paglaganap sa ating wika ay nagsisimula sa
ating mga sarili. Ito ay ang pag-uudyok na mas laliman pa natin ang pagsasaliksik at pagkilala sa
ating indentidad bilang isang buo at hindi huwad na simbolo.

Masasabing ang pagiging intelektwal na wika ay hindi lamang sa paggamit nito sa matalinong
talakayan ng karunungan , ito’y intelektwal kung saan mayroon rin itong malawak na espasyo sa
akademya at sa labas na sektor. Hindi pa man ganoon katatag ang wikang Filipino bilang
intelektwalisadong wika dahil nga sa iba’t- ibang yabong na wika ng mga dayuhan ay sa patuloy
naman na pag mulat ng mga mamamayang Pilipino ay makakamit din natin ang antas na iyon.
Ang tanong ay kung papaano nga ba natin ito makakamit kung hindi natin mismo sisimulan
ngayon.