Our Lady of Fatima Academy of Davao, Inc.

Fatima Street, Brgy. 24-C, Davao City

Tel No. (63-082) 227 – 4880; (63-082) 227 - 4162
Email: olfadavao@gmail.com
PAASCU ACCREDITED - LEVEL 1

ARALING PANLIPUNAN GRADE 9 EKONOMIKS –

Modyul 1
Pangalawang Markahan – Aralin 7

Adapted from DEPED

MR. DANILO O. MAHUSAY

Guro

Week 7: January 18-22, 2021

 ARALIN 7:

MGA ORGANISASYON NG NEGOSYO

GAWIN MO 1: BUSINESS AS USUAL (Tingnan ang mga kalakip na worksheet)

GAWIN MO 2: WQF DIAGRAM (Tingnan ang mga kalakip na worksheet)

MGA ORGANISASYON NG NEGOSYO

Ang negosyo ay tumutukoy sa anumang gawaing pang-ekonomiya na may layuning kumita o

tumubo. May apat na pangkalahatang uri ng organisasyon ng negosyo. Ang mga ito ay ang (1) sole
proprietorship, (2) partnership, at (3) corporation (4) cooperative.

Sole Proprietorship

Ang sole proprietorship ay negosyo na pag-aari at pinamamahalaan ng isang tao. Ang nagmamay-
ari ay tinatawag na sole proprietor o sole trader. Siya ang may kabuuang kapangyarihan at responsibilidad
sa negosyo. Pag-aari niya ang lahat ng mga bagay na nauukol sa negosyo at lahat ng kapital ay
nagmumula sa kaniya. Siya ang nakikipagsapalaran at humaharap sa lahat ng pagsubok o hamon. Ang
lahat ng kita at pagkalugi ay tanging sa kaniya lamang. Siya ang nangangasiwa sa lahat ng gawain na
ang layunin ay kumita. Wala o mas kaunti ang mga nauukol na mahihigpit na usaping legal sa mga
ganitong uri ng organisasyon.

Ang kakayahan ng maliliit na negosyo na umuunlad ay nakadepende sa kakayahan ng sole

proprietor. Kung mangangailangan siya ng maraming pondo, maaaring kumuha siya ng karagdagang
pondo mula sa kaibigan, bangko, o kita ng negosyo. Bilang kabahagi sa pagsulong ng ekonomiya, naging
papel ng sole proprietor ang magbigay ng hanapbuhay sa mga mamamayan sa pamamagitan ng maliliit
na negosyo na matatagpuan sa mga pamayanan.

Partnership

Ang partnership ay isang organisasyong binubuo ng dalawa o higit pang indibidwal na nagkasundo
at sumasang-ayong paghatian ang mga kita at pagkalugi sa pagtatayo ng isang negosyo. Ang mga kasapi
ng isang partnership ay tinatawag na partners. Ang mga kasapi ng ganitong uri ng samahan ay maaaring
tawaging general partners o limited partners. Sa unang uri, ang mga partner ay pantay-pantay na
pinangangasiwaan ang isang negosyo samantalang ang mga kasapi ay mayroon ding pantay-pantay na
pananagutan sa mga maaaring maging pagkakautang at pagkalugi. Samantala, sa ikalawang uri, ang
mga partner ay maaaring mamuhunan subalit wala silang tuwirang pakikilahok sa pangangasiwa. Maging
sa puhunan, ang tanging pananagutan ng limited partners ay nakatuon lamang sa halaga na kanilang
ibinigay na puhunan sa negosyo.

Corporation

Corporation o korporasyon ang pinakamasalimuot na organisasyon ng negosyo. Kadalasan, ito ang may
pinakamaraming bilang ng mga nagmamay-ari. Ito rin ay may mga legal na katauhan na hiwalay sa katauhan ng mga
taong nagmamayari, kumokontrol, at nagpapatakbo ng korporasyon. Ang korporasyon ay maaaring bumili at
magbenta ng mga ari-arian, pumasok sa mga kontrata, magsampa ng kaso, at nararapat na magbayad ng buwis.
Katangian din nito ang limitadong pananagutan ng mga may-ari at ang pagbibigay ng mga bahagi o shares sa anyo
ng mga stocks, at ang pananatili nito ay isang mahalagang bagay.

Ang proseso ng pagiging isang korporasyon ay tinatawag na incorporation. Ito ay nagbibigay sa kompanya
ng katayuang legal na hiwalay sa mga nagmamay-ari. Dahil dito, nabibigyang proteksiyon ang mga nagmamay-ari
mula sa mga pananagutan, halimbawang ang kompanya ay mahabla. Ang kondisyong ito ay tinatawag na limitadong
pananagutan (limited liability).Sa pamamagitan ng incorporation, ang mga may-ari ng korporasyon ay walang
pananagutan sa utang ng kompanya. Kung ang kompanya ay malugi, ang tanging mawawala sa may-ari ay ang salapi
na kanilang pinuhunan bilang common stock.

Cooperative

Mayroon pang ibang uri ng samahan ng negosyante. Ito ang kooperatiba na binubuo ng mga kasapi na
karaniwan ay hindi bababa sa 15 miyembro na kabahagi sa puhunan at tubo. Pangunahing layunin ng kooperatiba
ang makapagbili o makapagbigay ng mga produkto at serbisyo sa mga kasapi sa pinakamababang
halaga.

Sa isang kooperatiba, kabahagi ang mga kasapi sa pagtatatag at pamamalakad ng samahan kaya interesado
silang magtulong-tulong sa ikatatagumpay ng kanilang samahan. Nagaganyak din silang magtipon ng karagdagang
puhunan sa pagnanais lumago ang negosyo. Higit sa lahat, hinahati-hati ng pantay ang kapakinabangan
ng samahan.

Sa kabilang dako, maliit ang tubong natatanggap ng mga kasapi sa saping ipinasok sa kooperatiba dahil na
rin sa hindi pangunahing layunin nito ang magkaroon ng malaking tubo. Gayundin, kulang sa kapital ang isang
kooperatiba. Maliit lamang ang saping puhunan na inilalagay rito kung ihahambing sa isang korporasyon.
Pinagkunan: Balitao, B., Ong, J., Cervantes, M., Ponsaran, J, Nolasco, L, & Rillo, J. (2012). Ekonomiks: Mga Konsepto at Aplikasyon.
Quezon City, Philippines: Vibal Publishing House, Inc.

GAWIN MO 3: CHECKLIST(Tingnan ang mga kalakip na worksheet)

GAWIN MO 4: TSART NG KALAKASAN - KAHINAAN

(Tingnan ang mga kalakip na worksheet)

GAWIN MO 5: ISANG PANAYAM (Tingnan ang mga kalakip na worksheet)

Matapos mong mapalalim ang iyong kaalaman ukol sa mga organisasyon ng negosyo,
maaari ka nang tumungo sa susunod na bahagi ng aralin. Ihanda mo ang iyong sarili
para sa mas malalim na pag-unawa ukol sa mga organisasyon ng negosyo.

GAWIN MO 6: 3M’s MAGPLANO, MAGSIGURO, MAGNEGOSYO!

(Tingnan ang mga kalakip na worksheet)

GAWIN MO 7: WQF DIAGRAM (Tingnan ang mga kalakip na worksheet)

GAWIN MO 8: TALA NG TAGUMPAY (Tingnan ang mga kalakip na worksheet)

GAWIN MO 9: REPLEKSIYON (Tingnan ang mga kalakip na worksheet)

 MAGALING! Natapos mo na ang iyong mga gawain!

Ang gawaing ito ay naglalayong maitampok o maitaguyod ang mga pinagkukunang-yaman na

mayroon ang iyong komunidad. Bukod sa mga likas na yaman ay maaari ding maitampok ang produkto at
serbisyo na kilala, mahalaga, at ipinagmamalaki ng komunidad na iyong kinabibilangan. Sa bahaging ito
ng modyul ay inaasahang alam mo na at napag-aralan ang mga pinagkukunang-yaman ng iyong lokal na
komunidad at ang katangian at kahalagahan ng mga ito.

GAWIN MO 10: COMMUNITY ASSETS (Tingnan ang mga kalakip na worksheet)

"Nang walang mga plano ng payo ay mabibigo, ngunit sa maraming tagapayo ay magtatagumpay sila."

Proverbs 15:22:

References

James R. Platon and Edwin D. Mendoza,et.al Ekonomiks Para sa Makabagong Panahon

Copy Right [2015]. Abiva Publishing House Inc. Makati City

Consuelo M. Imperial et.al PANA-PANAHON WorK Text Para Sa Ikaapat Na Taon Ekonomiks

Rex Book Store Quezon City

https://www.slideshare.net/jaredram55/ekonomiks-10-teachers-guide

https://www.slideshare.net/sherwinm29/ekonomiks-learning-module-yunit-1
.

GRADE 9 - ARALING PANLIPUNAN (Ekonomiks)

MODULE 1: ARALIN 7 WORKSHEET

(submit only this worksheet)

Name:_______________________________Grade/Section:______Date Accomplish:_________

MGA GAWAIN SA ARALIN

GAWIN MO 1: BUSINESS AS USUAL

Panuto: Suriin ang bawat larawan at sagutan ang mga katanungan na nasa susunod na pahina.
Pamprosesong Tanong:

1. Tungkol saan ang mga larawan na ipinakita sa itaas? ____________________________________

2. Pare-pareho ba ang mga negosyo ayon sa laki ng puhunan? ______________________________
3. Kung pagbabatayan ang bilang ng nagmamay-ari, pare-pareho rin ba ito? ____________________
4. May kilala ka bang nagmamay-ari ng negosyo? Ilan ang nagmamay-ari nito?__________________

Sa susunod na bahagi ay sasagutan mo ang WQF Chart upang inisyal na masukat

ang iyong nalalaman tungkol sa konsepto ng mga organisasyon ng

negosyo.

GAWIN MO 2: WQF DIAGRAM

Gawan ng WQF Diagram ang paksa ukol sa organisasyon ng negosyo.

Isaalang-alang ang sumusunod na panuto sa pagbuo nito:

1. Itala sa bawat kahong nasa ibaba ng “W” (words) ang mga salitang maiuugnay sa paksa.
2. Sa kahon ng “Q” (questions), bumuo ng 3-5 tanong na nais mong masagot tungkol sa paksa.
3. Ipagpaliban ang pagsagot sa Bilog “F” (facts). Babalikan ito pagkatapos ng Pagnilayan.

Mga Organisasyon ng Negosyo

GAWIN MO 3: CHECKLIST

Tukuyin at lagyan ng tsek kung anong uri ng organisasyon ng negosyo ang

inilalarawan sa bawat bilang.

GAWIN MO 4:

Gamit ang tsart, isulat ang kahinaan at kalakasan ng bawat organisasyon ng negosyo.
GAWIN MO 5: ISANG PANAYAM

Makibahagi sa inyong pangkat. Magsagawa ng interbyu sa nagmamay-ari ng

isang tindahang sari-sari o kaya ay isang miyembro ng isang kooperatiba na malapit sa
inyong lugar. Itala ang mga sasabihin nila ukol sa kahinaan at kalakasan ng kanilang
negosyo. Ikompara ito sa iyong nagawang katangian. Iulat ito sa klase.

GAWIN MO 6: 3M’s MAGPLANO, MAGSIGURO, MAGNEGOSYO!

Bumuo ng isang mini business plan gamit ang natutuhan sa Technology and Livelihood Education para
sa binabalak na negosyo sa hinaharap. Punan ng kaukulang tugon at impormasyon ang chart base sa
mga nakapaloob sa business plan.
1. Ano ang business plan? Paano ito makatutulong sa pagsisimula ng isang negosyo?
_____________________________________________________________________
_____________________________________________________________________

2. Sa iyong palagay, ano ang pinakamahalagang salik sa pagtatagumpay ng

isang negosyo? Ipaliwanag._______________________________________________
_____________________________________________________________________

GAWIN MO 7: WQF DIAGRAM

Mga Organisasyon ng Negosyo

Gawain 8: TALA NG TAGUMPAY

“Kuwento ng Tagumpay”. Manuod ng mga matagumpay na kwento ng mga negosyante sa isang

programa sa TV o magsaliksik tungkol dito na kung saan ang mga panauhin ay magbabahagi ng mga
kaalaman at kahusayan sa kanilang larangan. Mula sa mga narinig na kaisipan at payo sa mga panauhin,
magtala ka ng mahahalagang bagay sa iyong narinig. Gumawa ng tala gamit ang Three Column Notes.

GAWIN MO 9: REPLEKSIYON (PT1)

Mula sa mga tala na nakuha sa tagapag-salita, gumawa ng isang repleksiyon na may kinalaman sa
pagiging matalino at mapanagutang may-ari ng bahay-kalakal. Maaaring pumili ng isang tanong o paksa
sa ibaba: ISULAT ITO SA ISANG MALINIS NA PAPEL.

a. Paano ako magiging responsable at makatarungang bahay-kalakal? ___________________

_________________________________________________________________________
b. Ano ang maaari kong ipangako upang masiguro na makatarungan ako sa pagpepresyo sa pamilihan?
_________________________________________________________________________________
c. Paano ko mapangangalagaan ang aking interes bilang bahay-kalakal at paano ko naman
mapangangalagaan ang interes ng aking kostumer?________________________________________
__________________________________________________________________________________

Repleksiyon:
GAWIN MO 10: COMMUNITY ASSETS (PT2)

Pumili ng isa sa mga pinagkukunang-yaman ng iyong lokal na komunidad. Magsagawa ng isang plano
kung paano mo ito maitatampok o maipakikilala. Maaaring gamitin ang sumusunod bilang batayan sa
paglalagay ng detalye sa iyong pagtatampok.

Upang magkaroon ng makabuluhang output ay iminumungkahing gumamit ng iba’t ibang estratehiya at

kagamitan sa pagkatuto. Maaaring gamitin ang sumusunod na pamamaraan:

1. Pag-uulat gamit ang powerpoint sa presentasyon o,

2. Pag-uulat gamit ang video clip presentation.

PANGWAKAS NA PAGTATAYA

Isulat ang titik ng pinakatamang sagot sa sagutang papel.

1. Sa command economy, ang ekonomiya ay nasa ilalim ng komprehensibong kontrol at regulasyon ng;
A. prodyuser. B. konsyumer. C. pamahalaan. D. pamilihan.

2. Maaaring umiiral ang kakapusan sa mga pinagkukunang-yaman tulad ng yamang-likas, yamang-tao at

yamang-kapital. Ano ang dahilan ng kakapusan sa mga ito?

A. dahil may limitasyon ang maraming pinagkukunang-yaman at walang katapusan ang pangangailangan
at kagustuhan ng tao
B. dahil sa malalakas na bagyo at iba pang kalamidad na sumisira sa mga likas na yaman
C. dahil sa hoarding o pagtatago ng produktong ibinibenta sa pamilihan upang mapataas ang presyo ng
produkto
D. dahilan sa kawalan ng disiplina ng mga tao
3. Kung ikaw ay isang rasyunal na mag-aaral, paano ka dapat gumawa ng desisyon?

A. isinasalang-alang ang relihiyon, paniniwala, mithiin, at tradisyon

B. isinasalang-alang ang mga hilig at kagustuhan
C. isinasalang-alang ang trade-off at opportunity cost sa pagdedesisyon
D. isinasaalang-alang ang mga dinadaluhang okasyon

4. Ang paikot na daloy o circular flow ng ekonomiya ay nagpapakita ng ugnayan at ng gawain ng bawat
sektor. Ano ang papel na ginagampanan ng sambahayan sa ekonomiya?

A. naniningil ng buwis sa bahay-kalakal

B. gumagamit ng mga salik ng produksiyon
C. nagmamay-ari ng salik ng produksiyon
D. nagbabayad ng upa o renta sa lupa

5. Dapat na bigyang-pansin ng pamahalaan ang produksiyon sapagkat ito ay isang gawaing pang-
ekonomiya na:
A. gumagamit ng mga produkto at serbisyo C. lumilikha ng mga produkto at serbisyo
B. lumilinang ng likas na yaman D. namamahagi ng pinagkukunang-yaman

6. Alin sa sumusunod ang pinakaangkop na kahulugan ng ekonomiks kung ang pagbabatayan ay ang
konsepto ng kakapusan?
A. Ito ay tumutukoy sa pag-aaral upang matutugunan ang walang katapusang pangangailanganat
kagustuhan ng tao sa harap ng kakapusan.
B. Ito ay tumutukoy sa agham ng pag-uugali ng tao na nakakaapekto sa kanyang rasyonal na
pagdedesisyon.
C. Ito ay pag-aaral ng tao at ng lipunan kung paano haharapin ang mga suliraning pangkabuhayan.
D. Ito ay masusing pagpapasya ng tao sa pagtugon sa mga suliraning pangkabuhayan na kanyang
kinakaharap.

7. Maaaring magdulot ng iba’t ibang suliraning panlipunan ang kakapusan. Alin sa sumusunod ang hindi
nagpapakita ng suliraning ito?
A. Maaari itong magdulot ng pag-aaway, kaguluhan, at tunggalian ng mga pangkat ng tao.
B. Maaari itong magdulot ng pagtaas ng presyo ng mga bilihin na makababawas sa kakayahan ng mga
mamimili na bumili ng mga produkto.
C. Maaari itong magdulot ng pag-init ng klima na pangunahing dahilan ng mas malalakas na bagyo at
mahabang panahon ng El Niño at La Niña.
D. Maaari itong magpataas sa pagkakataon na kumita ang mga namumuhunan.

8. Ang trade-off ay ang pagpili o pagsasakripisyo ng isang bagay kapalit ng ibang bagay samantalang ang
opportunity cost ay ang halaga ng bagay o nang best alternative na handang ipagpalit sa bawat
paggawang desisyon (Case, Fair, and Oster, 2012). Ano ang dahilan kung bakit may trade-off at
opportunity cost?
A. dahil walang katapusan ang pangangailangan at kagustuhan ng tao
B. dahilan sa kawalan o limitado ang kaalaman sa pagpili at pagdedesisyon
C. dahil may umiiral na kakapusan at kakulangan sa mga produkto at serbisyo
D. upang makalikha ng mga produktong kailangan sa palengke

9. Ang sumusunod ay maaaring maganap kung uunahin ang pangangailangan

kaysa kagustuhan, maliban sa _______.
A. hindi maisasakatuparan ang lahat ng layunin sa pagpili at pagkonsumo
B. magiging pantay ang distribusyon ng mga pinagkukunang-yaman sa lahat ng tao
C. maaaring malulutas o mabawasan ang suliranin sa kakapusan sa mga pinagkukunang-yaman
D. magiging maayos ang pagbabadyet ng pamilya

10. Iayos ang herarkiya ng pangangailangan ni Abraham Maslow mula sa pinakamababa hanggang sa
pinamataas na antas nito.
1. responsibilidad sa lipunan
2. pangangailangan sa karangalan
3. pangangailangan sa sariling kaganapan
4. pisyolohikal at bayolohikal
5. pangangailangan sa seguridad

A. 2, 3, 4, 5, 1 B. 1, 2, 3, 4, 5 C. 3, 2, 1, 5, 4 D. 4, 5, 1, 2, 3

11. Mahalaga sa paglikha ng mga produkto at serbisyo ang bawat salik ng produksyon. Ang bawat salik
ay may kabayaran kapag ginamit tulad ng
A. upa sa may-ari ng lupa, sahod sa lakas-paggawa, interes sa kapitalista, at tubo sa entreprenyur
B. ubo sa may-ari ng lupa, sahod sa lakas-paggawa, upa sa kapitalista, at interes sa entreprenyur
C. upa sa kapitalista, sahod sa lakas-paggawa, tubo sa may-ari ng lupa, at interes para sa entreprenyur
D. sahod sa entreprenyur, upa sa lakas-paggawa, interes sa kapitalista, at tubo sa entreprenyur

Gamitin ang talahanayan sa ibaba sa tanong sa aytem 12

HOUSEHOLD FINAL CONSUMPTION EXPENDITURE

Annual 2012 and 2013
AT CURRENT PRICES, IN MILLION PESOS

12. Alin sa sumusunod na pahayag ang may katotohanan batay sa talahanayan?

A. Malaking bahagi ng pagkonsumo ng sambahayan ay nagmumula sa kalusugan.
B. Nagpakita ng pagtaas sa kabuuang pagkonsumo sa pagitan ng taong 2012-2013.
C. Pinakamababa ang pagkonsumo ng sambahayan sa transportasyon.
D. Nagpakita ng pagbaba sa kabuuang pagkonsumo sa pagitan ng taong 2012-2013.

13. Maituturing na production efficient ang mga punto ng PPF o Production Possibility Frontier. Ano ang
kaugnayan ng PPF sa kakapusan. Piliin ang pinakatamang sagot?
A. Ang PPF ay nagpapakita ng mga maaaring plano batay sa kakayahan ng isang ekonomiya na lumikha
ng produkto.
B. Ang hangganan ng PPF ay nagpapakita ng scarcity o kakapusan sa mga salik ng produksiyon.
C. Sa pamamagitan ng PPF ay maipapakita ang iba’t ibang alternatibong
magagamit sa paglikha ng produkto upang maging episyente ang paggamit sa mga limitadong

pinagkukunang-yaman.
D. Ito ang mga plano upang kumita nang malaki ang mga namumuhunan at mabawi ang gastos sa
paglikha ng produkto.

14. Dalawang magkaibang konsepto ang kagustuhan at pangangailangan. Masasabing kagustuhan ang
isang produkto o serbisyo kapag higit ito sa batayang pangangailangan. Kailan maituturing na batayang
pangangailangan ang isang produkto o serbisyo?

A. kapag nakapagbibigay ito ng kasiyahan at kaginhawahan sa buhay ng tao

B. kapag hindi mabubuhay ang tao kung wala ang mga ito
C. kapag makakabili ka ng mas maraming bagay sa pamamagitan nito
D. kapag ang produkto ay magagamit mo upang maging madali ang mahirap na gawain

15. Alin sa sumusunod ang may pinakawastong interpretasyon sa kasabihang “There isn’t enough to go
around.” ni John Watson Howe?
A. May limitasyon ang mga pinagkukunang-yaman kaya’t hindi ito sasapat sa pangangailangan ng tao.
B. Ang walang pakundangang paggamit ng pinagkukunang-yaman ay hahantong sa kakapusan.
C. Walang hanggan ang pangangailangan ng tao gayundin ang mga pinagkukunang-yaman.
D. May hangganan ang halos lahat ng pinagkukunang-yaman sa buong daigdig.

16.Papaano mo gagampanan ang iyong tungkulin bilang kasapi ng pangkat kung ikaw ay kabilang sa
sistemang tradisyonal na ekonomiya,?
A. Wala sapagkat iyong katungkulan sa ekonomiya ay nagmumula sa utos ng pamahalaan batay sa
plano.
B. Malaya kang makakikilos ayon sa sariling kagustuhan o interes nang hindi pinapakialaman ng
pamahalaan.
C. Tulong tulong sa pagsasagawa ang mga gawain at sa pakikinabang sa mga pinagkukunang-yaman.
D. Malaya ang mamamayan subalit ang pamahalaan ay may kontrol pa rin sa ilang mga gawain.

17. Kailan mo masasabing matalino ang isang mamimili?

A. kapag gumagamit ng credit card sa pamimili at laging inaabangan ang pagkakaroon ng sale
B. kapag bumibili ng segunda mano upang makamura at makatipid
C. kapag sumusunod sa badyet at sinusuri ang sangkap, presyo, at timbang ng produktong binibili
D. kapag bumibili ng labis labis sa mga pangangailangan upang matiyak na hindi siya maubusan

18. Ang karapatan sa tamang impormasyon ay maaaring maitataguyod sa pamamagitan ng:

A. palagiang paggamit ng recycled na produkto upang mapangalagaan ang kapaligiran
B. pag-aaral sa nakatatak sa etiketa ukol sa sangkap, dami at komposisyon ng produkto
C. pagpapahalaga sa kalidad at hindi sa tatak ng produkto o serbisyong bibilhin
D. palaging pagpunta sa timbangang bayan upang matiyak na husto ang timbang biniling produkto
19. Ang ilustrasyon sa itaas ay tungkol sa produksiyon, ano ang ipinapahiwatig nito?

A. Ang produksiyon ay ang proseso ng pagsasasama-sama ng mga input tulad ng lupa, lakas-paggawa,
kapital, at entrepreneur upang makabuo ng produkto at serbisyo.
B. Magaganap lamang ang produksiyon kung kumpleto ang mga salik na gagamitin dito.
C. Ang produksyon ay proseso ng pagsasama-sama ng output tulad ng produkto at serbisyo upang
mabuo ang input tulad ng lupa, paggawa, capital, at kakayahan ng entrepreneur.
D. Magiging mas produktibo ang produksiyon kung mas marami ang lakas-paggawa kaysa sa mga
makinarya.

20. Ang produksiyon ay mahalaga sa pang-araw-araw na pamumuhay. Alin sa mga sumusunod ang hindi
nagpapahayag nito?
A. Ang kinita ng bawat salik ng produksiyon ay nagagamit ng mga sambahayan sa pagbili ng produkto at
serbisyo.
B. Ang pagkonsumo ang nagbibigay daan sa produksiyon ng produkto at serbisyo, kaya masasabing mas
mahalaga ang produksyon kaysa sa pagkonsumo.
C. Sa produksiyon nagmumula ang mga produktong kailangang ikonsumo sa pang-araw araw.
D. Ang produksiyon ay proseso na nagbibigay-daan sa paglikha ng Hanapbuhay.