4

ARTS
Ikaapat na Markahan4 – Modyul 1

Kasuotan at Palamuting
Etniko

Name: ______________________________________________
 Aralin
Kasuotan at Palamuting
1 Etniko
Panimulang Ideya

Mahal kong mga mag-aaral, ang modyul na ito ay naglalayong makapagbigay

ng dagdag na kaalaman sa Arts/Sining at magsisilbing gabay upang maging kasiya-
siya ang inyong pang-araw-araw na karanasan sa mga gawain sa modyul na ito.

Sa araling ito, matututuhan ninyo ang :

• Kasuotan at Palamuting Etniko

Layunin
Pagkatapos ng mga gawain ay kaya kong:
1. matalakay ang kasuotan at palamuting pangkat-etniko sa isang pamayanang kultural sa
bansa.
2. makalikha ng sariling disenyo ng isang katutubong kasuotan.

Pangunahing Pagtataya
Gawain 1.
Panuto: Basahin at unawain ang sumusuod na mga tanong.Bilugan ang titik ng tamang sagot.
1. Anong elemento ng sining ang binigyang diin sa overlapping na disenyo?
A. Tekstura C. Porma
B. Linya, hugis at kulay D. Espasyo

2. Anong katangian ng kulay ang tumutukoy sa paglalagay ng mapusyaw at madilim na kulay sa

isang larawan?
A. Hue C. Value
B. Intensity D. Contrast

3. Bukod sa linya at hugis, ano pa ang nagbibigay ganda sa isang disenyo lalo na sa disenyong
palamuti at kasuotan?
A. Kulay C. Tekstura
B. Espasyo D. Porma

4. Bakit iba-iba ang mga likhang sining ng mga pangkat-etniko sa mga pamayanang kultural?
A. Iba-iba ang kanilang kultura at kapaligirang kinagisnan.
B. Nagpapagalingan sila ng mga disenyo.
C. Wala silang kamalayan sa mga bagay-bagay sa kapaligiran.
D. Kanya-kanya silang mag-isip ng mga disenyo.

5. Paano nakatutulong ang mga kulay sa pagbibigay ng mensahe sa larawan?

A. Ang kulay ay may kahulugan na ipinapabatid.
B. Ang kulay ay nagtataglay ng ng mga tekstura na pwedeng bigyan ng kahulugan.
C. Ang kulay ay nagpapatingkad ng larawan ng dibuho
D. Ang mga kulay ay nagbibigay aliw sa mga manunuri.
 Aralin
T’boli

Ang mga T’boli ay makikita sa Cotabato sa Mindanao. Pangangaso, pangingisda at

pangunguha ng mga prutas sa kagubatan ang kanilang ikinabubuhay. Kaingin ang sistema ng
kanilang pagsasaka. Naghahabi sila ng tela para sa damit na ang tawag ay t’nalak na hinahabi
mula sa hibla ng abaka. Sila ay tanyag sa kanilang kasuotan at palamuting kuwentas, pulseras, at
sinturon na yari sa metal at plastik. Ang kuwentas ay yari sa maliit na butil na tinuhog.

Karaniwang kulay ng mga butil ay pula, Itim at puti. Ang kuwentas na ito ay nilalagyan ng
palawit na yari sa tanso. Nangingibabaw sa mga kulay na ginagamit ng T’boli ang pula, itim at puti.

Ang kasuotan at palamuti ay nagiging kaakit-akit sa paningin kung maganda ang

pagkadisenyo ng mga elemento ng sining tulad ng hugis at kulay.

Ang overlapping ay ang pagpapatongpatong ng mga hugis at larawan.

Ang pagpapatungpatong o overlapping ay nakatutulong upang makatawag pansin ang

isang disenyo.

Nagagawa nitong maipakitang gumagalaw ang isang larawan at makatotohanan sa

pamamagitan na tamang proporsiyon.

Tandaan:

Ang paggamit ng pagpapatongpatung (overlapping) ng mga linya, hugis, at matitingkad na

kulay ay nakatutulong upang maging kaakit-akit ang kasuotan. Nagagawa nitong maipakitang
gumagalaw ang isang larawan at makatotohanan sa pamamagitan ng proporsiyon.
Nakatutulong din ang pagpili ng kulay sa kagandahan ng disenyo .Ang paggamit ng matitingkad
na kulay kasama ang mapusyaw na kulay ay nakatutulong upang mapansin ang hugis
o bagay sa larawan.
Gawain 2.
Panuto: Hanapin sa loob ng kahon ang tamang sagot at isulat ang sagot sa patlang na nakalaan.

1. Sila ay matatagpuan sa Cotabato sa Mindanao _______________.

2. Ito ay sistema ng pagsasaka ng mga T’boli ___________.
3. Ang kuwintas,pulseras,at sinturon ay halimbawa ng ____________.
4. Ang nangingibabaw na mga kulay sa mga gamit ng mga T’boli ________.
5. Ang elementong ginagamit sa pagpinta ng kasuotan at palamuting etniko. ____________________

Pula,itim,at,puti Palamuti

Hugis at kulay Kaingin

Tboli

Ebalwasyon

Pagtataya 1. (Performance Task)

Pagpipinta ng Kasuotan at Palamuting Etniko

Kagamitan: lapis, manila paper, gunting, water color, at lalagayan ng tubig at basahan

Mga Hakbang:

1. Mag-isip ng disenyo at tabas ng kasuotang maaring isuot para sa nalalapit na pagdiriwang o

okasyon.

2. Maaring gumamit ng simbolo ayon sa gawain o pamumuhay tulad ng pangingisda, pagsasaka,

pangangaso o pangunguha ng prutas.

3. Gumawa ng pattern sa manila paper at gupitin na parang kasuotan.

4. Lagyan ng disenyo ang pattern ayon sa napag-aralan sa kasuotan ng pangkat-etniko. Gumamit

ng iba’t ibang hugis. Maaring lagyan ng mga disenyong kuwintas at iba pang palawit.

5. Kulayan gamit ang water color. Gumamit ng natural o walang halong kulay para upang maging
malamlam ang kulay nito. Patuyuin.

6. Linisin ang mesa pagkatapos ng gawain.

Rubriks:
20 points - malinis at angkop sa paksa ang ginawang pagpipinta.
10 points - hindi masyadong malinis at angkop sa paksa ang ginawang pagpinta.
5 points - hindi malinis at hindi angkop sa paksa ang ginawang pagpinta.
0 point - walang ginawa
Pagtataya 2. (Written Works)
Panuto: Isulat sa patlang ang titik ng tamang sagot.

1. Saan matatagpuan ang mga T’boli?

A. Mindanao C. Luzon
B. Ifugao D.Visayas
2. Ano ang sistema ng pagsasaka ng mga T’boli?
A. Kaingin C. Pag-aalaga ng hayop
B. Pagtatanim ng palay D. Pagtatanim ng gulay
3. Ano ang tawag sa telang hinahabi ng mga T’boli para sa damit?
A. t’nalak C. Seda
B. Satin D. Katsa
4. Nakakatulong din ang pili ng ________ sa kagandahan ng disenyo.
A. Kulay C. Disenyo
B. Linya D. Bagay
5.Ang paggamit ng __________ ay nakatutulong upang makatawag pansin ang isang disenyo.
A. Lapis C.Proporsiyon
B. Overlap D. Background

“Magaling! Ikaw ay handing-handa na sa susunod na aralin.”