Proseso ng Pagsulat ng

Modyul 2 Akademikong Sulatin

Pamantayang Pangnilalaman:
a. Natitiyak ang angkop na proseso ng pagsulat ng piling sulating akademiko.
b. Nagagamit ang angkop na format at teknik ng pagsulat ng akademikong sulatin.
Pamantayan sa Pagganap:
a. Nakasusulat ng 3-5 na sulatin mula sa nakalistang anyo na nakabatay sa pananaliksik.
b. Nakagagawa ng palitang pagkikritik ng sulatin.

Mga Tiyak na Layunin

Pagkatapos ng aralin ang mga mag-aaral ay inaasahang:

1. Natatalakay ang mahahalagang proseso ng pagsulat.
2. Nagagamit ang mga proseso ng pagsulat sa pagbuo ng
maikling sanaysay
3. Nakasususnod sa estilo at teknikal na pangangailanagn

Panimula

B akit maraming mag-aaral ang natatakot sumulat ng komposisyon?Sadya nga

bang mas mahirap magsulat kaysa magsalita?

Kung minsan, nagsasalita ang tao nang hindi gaanong nabibigyang-pansin ang
kawastuhan sa gramatika sapagkat walang taia o dokumentong pagbabatayan ng kanyang
sinabi kung kai0 wala siyang masyadong pananagutan dahil ito ay lumipas na. Hindi gaya sa
pagsulat, isang dokumento ang nalilikha na nagpapatunay ng kaalaman, opinyon, at
kahusayan o di kahusayan sa paggamit ng wika ng manunulat.
 Malaki ang naitutulong ng pagsulat sa paglinang ng damdamin at isipan ng manunulat
sapagkat naipahahayag niya ang kanyang damdamin at mithiin tungo sa maayos na
pakikipag-ugnayan sa kanyang mambabasa.

Ang pagsulat ay umiinog sa mga paksa, tema, o mga tanong na bibigyang-kasagutan

ng mag-aaral sa kanyang sulatin depende sa kanyang kaligiran, interes, at pananaw. Ang
kabuoan ng katawan ng sulatin ay magiging depende rin sa kung gaano kabisa bumuo ng
pahayag ang manunulat na mag-aaral at kung gaano rin kalawak ang kanyang kaalaman sa
kanyang isinusulat. Ang prosesong ito ay mahigpit na nangangailangan ng kaalamang
teknikal sa pagsulat, pamamaraan sa pagsusuri at pananaliksik, at ideyang sarili na nais
sabihin sa mambabasa.

Paunang Gawain: Simulan Mo Na

Proseso ng Pagsulat

Mahalagang malaman dahil…. Maitutulong sa kurso…..

Ang aking konsepto sa Proseso ng Pagsulat

_________________________________________________________________________________

_________________________________________________________________________________

Unawain Natin

Proseso ng Pagsulat
Ang proseso ng pagsulat ay hindi lamang nakapokus sa akto ng pagsulat. Kasangkot
dito ang mga manunulat sa pag-iisip, pagtalakay, pagbabasa, pagpaplano, pagsulat, pag-eedit
at pagsulat muli ng nabuong sulatin. Ang pagsulat ay isang prosesong paulit-ulit na pagsulat
at pagkatapos ay pagsulat muli hanggang sa mabuo ang sulatin.

Sa pagsulat natin ng teksto ay nagsisimula tayo sa isang blankong papel patungo sa

isang kumpletong sulatin. Kaya lang, nagkakaroon tayo ng suliranin kung paano at saan
kukuha ng mga kailangang impormasyon na siyang pupuno sa mga pahina. Sinasabing
mahirap ang magsulat lalo na kung hindi natin alam ang ating isusulat.

1. Bago Sumulat

Sa bahaging ito, ang mga mag-aaral ay dumaraan muna sa brainstorming. Dito ay malaya
silang mag-isip at magtala ng kanilang mga kaalaman at karanasan na may kinalaman sa
paksa. Dito rin mapagpapasiyahan kung ano ang susulatin ng mag-aaral, ano ang layunin sa
pagsulat, at ang estilong kanyang gagamitin.

2. Habang Sumusulat

Sa bahaging ito, naisusulat ang unang borador na ihaharap ng bawat mag-aaral sa isang maliit
na grupo upang magkaroon ng inter-aksiyon kung saan tatalakayin ang mga mungkahing
pagbabago mga puna. Karaniwang tuon ng bahaging ito ang halaga ng paksa, kabuluhan ng
pag-aaral, at lohika.sa loob ng sulatin. Sa puntong ay hindi matatawaran ang halaga ng ibang
taong makababasa ng sulatin dahil mayroon silang nakikita na kadalasan ay nakaligtaan ng
manunulat o hindi lamang naiayos dahil alam na niya ang aralin.

3. Pagkatapos Sumulat

Sa bahaging ito, ginagawa ang mga pagbabago sa pamamagitan ng pagdaragdag, pagkakaltas,

at paglilipat-lipat ng mga salita, pangungusap, o talata. Bilang pangwakas na hakbang,
pagtutuonan na ang mekaniks ng sulatin tulad ng baybay, bantas, at gramatika.

Sa proseso ng pagsulat, mahalaga ring bigyang-pansin ang mga bahagi ng teksto ayon sa
sumusunod:

1. Panimula

Dapat bigyan ng kaukulang pansin ang panimula ng tekstong isusulat. Ang bahaging ito ay
nararapat na maging kawili-wili upang sa simula pa lamang ay mahikayat ang mambabasa na
tapusing basahin ang teksto.

2. Katawan

Sa pagsulat ng bahaging ito, matatagpuan ang wastong paglalahad ng mga detalye at

kaisipang nais ipahayag sa akda. Mahalagang magkaroon ng ugnayan at kaisahan ang mga
kaisipang ipinahahayag upang hindi malito ang mambabasa dahil ito ang pinakamalaking
bahagi ng teksto. May tatlong hakbang para maisagawa ang panggitnang bahagi ng sulatin.

 Pagpili ng organisasyon
 Pagbabalangkas ng niialaman
 Paghahanda sa transisyon ng talataan

3. Wakas
Dapat isaalang-alang ng manundat ang pagsulat ng bahaging ito upang makapag-iwan ng
isang kakintalan sa isip ng mambabasa na maaaring magbigay buod sa paksang tinalakay o
mag-iiwan ng isang makabuluhang pag-iisip at repleksiyon.

Suriin Mo Na

Gawain 1
1. Ipaliwanag ang kaisipang ito: “Ang pagsulat ay umiinog sa mga paksa, tema, o mga tanong
na bibigyang-kasagutan ng mga mag-aaral sa kanyang sulatin depende sa kanyang
kaligiran, interes at pananaw”.

________________________________________________________________________

________________________________________________________________________

2. Bakit sinasabing ang pagbasa at ang pagsulat ay isang resiprokal na proseso ng

pakikipagkomunikasyon at iba pang katulad?

________________________________________________________________________

________________________________________________________________________

3. Paano maituturing na sukatan ng katalinuhan ng isang tao ang pagsulat?

________________________________________________________________________

________________________________________________________________________

4. Bakit mahalagang mabatid ang mga proseso ng pagsulat?

________________________________________________________________________

________________________________________________________________________

5. Paano naisasagawa ang lohikal na pagsulat?

________________________________________________________________________

________________________________________________________________________
 Isabuhay Mo

Gawain 2

Ilahad ang mga hakbang sa pagsulat at mga bahagi ng teksto. Pagkatapos, ipaliwanag ang
mahalagang ugnayan nito bilang proseso ng pagbuo ng isang komposisyon.

Mga Proseso ng
Mga Bahagi ng Teksto
Pagsulat

Mahalagang Ugnayan

Gawain 3: Likhain Mo!

Pumili ng isang pinakamasayang pangyayari sa iyong buhay ngayong taon.

Sumulat ng maikling sanaysay hinggil ditto. Sundin ang tinalakay na proseso ng pagsulat at
mga bahagi ng isang teksto.