I.

LAYUNIN

PANONOOD (PD) (F7PD-Ic-d-2)

 Nailalarawan ang isang kakilala na may pagkakatulad sa karakter ng isang

tauhan sa napanood na animation.

PAGSASALITA (PS) (F7PS-Ic-d-2)

 Naibabahagi ang sariling pananaw at saloobin sa pagiging karapat- dapat /

di karapat- dapat ng paggamit ng mga hayop bilang mga tauhan sa pabula.

II. PAKSA

Panitikan: Pagkilala sa Pabula

Kagamitan: Video clip mula sa youtube, pantulong na visuals

Sanggunian: Pinagyamang Pluma 7 Elma M. Dayag et. al.

Bilang ng Araw: 1 Sesyon

III. PROSESO NG PAGKATUTO

Gawaing Rutinari

 Pagtatala ng Liban

 Pagtse-tsek ng Takdang Aralin

 Balik- Aral

AKTIBITI

1. Motibasyon

Mungkahing Estratehiya ( ANG GUSTO KONG ALAGA)

Magbabahagi ang mga mag-aaral ng hayop na inaalagaan nila sa kanilang

tahanan at ang dahilan kung bakit sila nag-aalaga ng mga ganitong hayop.

Gabay na Tanong:

a. Ano ang mga kabutihang naidudulot ng pag-aalaga ng mga hayop?

b. Bukod sa nagsisilbing alaga, mayroon pa bang kabutihang naidudulot ang

mga hayop sa tao ng mundo? Ano ito?

Pag-uugnay ng guro ng ginawang aktibidad sa kasalukuyang aralin.

2. Pokus na Tanong

Pagbibigay ng mga mag-aaral ng mga tanong hinggil sa mga naunang gawain.

Pagbibigay ng guro ng pokus na tanong para sa aralin.

Unang Markahan| 31

3. Presentasyon

Mungkahing Estratehiya (WATCH AND LEARN)

Pagpapanood ng video clip mula sa youtube ng isang halimbawang pabula.

ANALISIS

1. Ilarawan ang pangunahing tauhan sa pinanood. Ano-ano ang kaniyang

mga positibo at negatibong katangian?

2. Mayroon ka bang kakilala na may pagkakatulad ng karakter sa napanood

na animation? Ipakilala siya.

3. Anong akdang pampanitikan ang napanood? Isa-isahin ang katangian ng

pabula bilang akdang pampanitikan.

4. Bakit patuloy na lumaganap ang mga pabula mula noon hanggang sa

kasalukuyan?

5. Karapat dapat ba o hindi karapat- dapat ang paggamit ng mga hayop bilang

mga tauhan sa pabula? Pangatwiranan ang kasagutan.

Pagbibigay ng Input ng Guro

D A G D A G K A A L A M AN- (FOR YOUR INFORMATION)

Kaligirang Pangkasaysayan ng Pabula

Ang pabula na katumbas o kasingkahulugan ng salitang Griyegong

muzos na ang ibig sabihin ay myth ay nagsimula sa tradisyong pasalita at

nagpasalin-salin sa iba’t ibang henerasyon.

Sa pagdaan ng panahon ay isinilang ang pabula ni Aesop na

gumamit ng mga hayop na nagsasalitang parang mga tao bilang mga

pangunahing tauhan. Si Aesop ang itinuturing na ama ng sinaunang pabula.

Tinatayang siya ay nakalikha ng 200 pabula sa kanyang buong buhay.

Ang mga pabula ay lumaganap na rin sa iba’t ibang bansa. Naging

laganap ito maging nang bago pa dumating ang mga mananakop. Nagamit

din ng ating mga ninuno ang mga kuwento at aral na taglay ng mga pabula

sa pagtuturo ng kagandahang-asal at mabuting pamumuhay sa mga tao

lalong- lalo na sa kabataan.

Sanggunian: PINAGYAMANG PLUMA 7, Alma M. Dayag et. al.

ANG PAGONG AT ANG MATSING

https://www.youtube.com/watch?v=IbGAqbmkYfg

Ano-ano ang masasalamin sa akdang pampanitikang pabula na

makatutulong sa kultura ng bawat isang Pilipino?

Unang Markahan | 32

ABSTRAKSYON

Mungkahing Estratehiya ( GUESSING GAME)

Sasagutin ng mga mag-aaral ang mga bugtong na may kaugnayan sa mga

hayop. Kapag nasagutan ay magbibigay ang guro ng mga pahayag na

magsisilbing clue upang matukoy ang pangkalahatang konsepto ng aralin.

APLIKASYON

Mungkahing Estratehiya (THINK AND SHARE)

Sasagutin ang katanungang inihanda ng guro.

V. KASUNDUAN

1. Magsaliksik ng isang pabulang tagalog at ibigay ang buod nito.

2. Basahin ang akdang “Natalo rin si Pilandok”. Isulat ang buod nito sa inyong

kwaderno.