KARAPATANG PARA SA LAHAT

Fredielyn S. Luyaman

Ikaw at ako’y parehong tao

Naninirahan sa mundo
Anuman ang estado
Sa mata ng Diyos tayo’y pare-pareho

Lahat tayo’y may karapatan

Na dapat ipaglaban
Mahirap, mayaman, bata o matanda
Dapat pantay-pantay sa mata ng hustisya

Lahat ng tao’y may karapatan

Ang mabuhay sa mundong may Kalayaan
Hindi niya karapatang maapi ninuman
At hindi rin karapatang mapagsamantalahan

Sa mga taong gahaman

Tayo’y hindi dapat magpaapi na lamang
Matuto tayong lumaban
Pagka’t tulad nila’y iilan

Maraming bayani ang nagsulputan

Para sa kalayaan ay nakikipagpatayan
Karapatan niyang makipaglaban
At huwag mabuhay sa takot magpakailanman

Mamamayan tayong di dapat naloloko

Ng sinumang ang utak ay liko
Bawat karapatan ay ginto
Sinumang aagaw ay dapat masugpo.
 SABI NILA
Fredielyn S. Luyaman

Sabi nila, kapag mahirap ka

Hindi mo kayang ipagtanggol ang sarili sa iba
Magigipit, maiipit sa gitna
Ng mga buwayang lalo kang hinihila pababa

Sabi nila, kapag nasa taas ang nakabangga

Wag ka nang lumaban pa at akuin na lang ang pagkakasala
Dahil baka idamay pa ang iyong pamilya
Mga makapangyarihan at mapera sila

Sabi nila,
Yung mga natotokhang dapat nang napapaslang
Kaya pati pulis nangunguna sa pagpatay
Tapos sasabihin sa media, nanlaban sila

Sabi nila,
Wala ka daw karapatang magsabi ng opinion mo?
Dahil sino namang makikinig sayo?
Lalo na kapag mahirap ka, papakinggan ka ba?

Kapatid hindi ka dapat nakikinig sa mga sabi-sabi nila

Lalo na’t alam mong hindi naman totoo diba?
Hindi ka dapat inaalipin, sinasaktan ng makapangyarihan
Hindi ka dapat pinagkakaitan ng karapatan

Tao ka!
May lakas kang ipaglaban ang sarili mo
Sa hukumang minsa’y hindi patas kung tumingi
Walang sala ang ikukulong
May sala ang palalayain

Pahalagahan ang karapatang pantao

Susi sa pandaigdigang kapayapaan
Bawat nilalang ay pantay-pantay
Anuman ang estado ng buhay.