10

Araling
Panlipunan 10
Ikalawang Markahan
Modyul 4: Pagtugon sa mga Isyu
ng Paggawa

1
 Modyul
Pagtugon sa mga Isyu sa Paggawa
4
Ikaapat na Linggo
Pamantayang Pangnilalaman:
Ang mag-aaral ay may pag-unawa sa sanhi at implikasyon ng mga lokal at
isyung pang ekonomiya upang mapaunlad ang kakayahan sa matalinong pagpapasya
tungo sa pambansang kaunlaran.
Pamantayang Pangkasanayan:
Ang mag-aaral ay nakabubuo ng pagsusuring papel sa mga isyung pangekonomiyang
nakaaapekto sa kanilang pamumuhay.

Kakayahan:
Nasusuri ang pagtugon sa mga isyu sa paggawa.
Paksa/Subject Code: Patugon sa mga Isyu sa Paggawa

Subukin
Sagutin ang mga sumusunod na mga katanungan na may kaugnayan sa
pagtugon sa mga isyu sa paggawa at bigyang pagwawasto ang maling kasagutan sa
pamamagitan ng ibat-ibang aralin sa mudyol na ito.

PAALALA: Sa pagsagot ng mga katanungan sa ibaba maging tapat at huwag

munang basahin ang talakayan. Pag-aralang mabuti ang bawat gawain at huwag
kalimutan ang pagpapahalaga sa aralin.

PAGPIPILIAN: Isulat ang titik ng tamang sagot sa sagutang papel.

1. Alin sa mga sumusunod ang HINDI solusyon sa kawalan ng trabaho?

A. Ang pagkalugi ng negosyo
B. Ang pagdami ng dayuhang mamumuhunan sa bansa
C. Ang pag-aangkop sa kaalaman at kakayahang teknikal sa paggawa
D. Ang pag-akma ang kasalukuyang kurikulum para sa demand ng globally
standard na paggawa

2. Alin sa mga sumusunod ang halimbawa ng pag-aangkop sa kasalukuyang

kurikulum na basic education para sa demand ng global standard?
A. Ang kakulangan ng pondo sa edukasyon
B. Ang pagkaantala ng pasukan dahil sa pandemya
C. Ang pagpapatupad ng Department of Education sa K-12 Curriculum
D. Ang pagkasira ng silid aralan dahil sa dumaan na sakuna tulad ng bagyo

2
3. Ang mga sumusunod ay angkop na kasanayan para sa ika-21 siglo sa globally
standard na paggawa ayon sa DepEd noong 2012. Alin ang HINDI kabilang
dito?
A. Ang kasanayan sa Military and Combat Skills
B. Ang kasanayan sa Media and Technology Skills
C. Ang kasanayan sa Learning and Innovation Skills
D. Ang kasanayan sa Communication Skills at Life and Career Skills

4. Ano ang negatibong dulot ng pagbubukas ng pandaigdigang pamilihan?

A. Paglikha ng trabaho sa loob ng bansa
B. Pagkalugi ng mga lokal na mamumuhunan
C. Pagtaas ng bilang ng Overseas Filipino Workers o OFW
D. Pagpapatayo ng mga paggawaan at pabrika ng dayuhang
mamumuhunan

5. Ano ang nakasaad sa Omnibus Investment Act of 1987 and Foreign Investment
Act of 1991?
A. Magbigay ng istriktong pagsunod ng mga employers sa safety and health
standasrds sa negosyo at paggawaan.
B. Pagpapatayo ang Bataan Export Processing Zone (BEPZ), at iba pang
Economic Processing Zone (EPZ) bilang show case ng malayang kalakalan
C. Pagbabawal ng pagpapakontrata ng mga trabaho at gawaing
makakaapekto sa mga manggagawang regular na magreresulta sa
pagbabawas sa kanila at ng kanilang oras o araw ng paggawa.
D. Nagbigay ng buong laya sa daloy ng puhunan at kalakal sa bansa ay
nagsilbing malawak na impluwensiya ng mga kapitalista upang ilipat
lipat ang kanilang produksyon sa mga itinayong branch companies sa
panahong may labor dispute sa kanilang itinayong kompanya.

6. Ano ang batas na ipinanukala ni Senator Ernesto Herrera na kilala rin na

Herrera Law?
A. Replubic Act No. 6715 C. Republic Act No.8759
B. Replubic Act No. 5490 D. Republic Act No.11058

7. Ano ang epekto ng Herrera Law sa manggagawang Pilipino?

A. Nagdulot ng mataas na sahod at seguridad sa paggawa
B. Tumaas ang kita ng mamumuhan dahil sa murang paggawa
C. Dumami ang dayuhang pamumuhan dahil sa malayang kalakalan
D. Paglaganap ng mura at flexible labor o kontraktwalisasyon sa paggagawa

3
8. Ito ay tumutukoy sa kaayusan sa paggawa kung saan ang
pinagmulang/punong kompanya (principal) ay komukontrata ng isang ahensiya
o indibidwal na subcontractor upang gawin ang isang trabaho o serbisyo sa
isang takdang panahon.
A. Iskemang Subcontracting C. Regular Employment
B. Job fair D. Employment

9. Ito naman ay isang paraan ng mga kapitalista o mamumuhunan upang

palakihin ang kanilang kinikita at tinutubo sa pamamagitan ng pagpapatupad
ng mababang pagpapasahod at paglimita sa panahon ng paggawa ng mga
manggagawa.
A. Salary Increase C. Payment Adjustment
B. Mura at Flexible Labor D. Salary and Incentives Benefit

10. Ito ay isa sa negatibong katangian ng mura at flexible labor?

A. Sapat na sahod
B. Sapat na benepisyo
C. Regular na trabaho
D. Kontraktwalisasyon sa paggawa

11. Paano nakatutulong ang pagdami ng dayuhang mamumuhunan sa mga

mangagawang Pilipino?
A. Pagkalugi ng lokal na mamumuhunan
B. Pagdagsa ng maraming produkto sa pamilihan
C. Pagtaas ng kita ng pamahaan dahil sa buwis na binabayaran ng mga
dayuhan na kompanya
D. Pagkaroon ng maraming trabaho dahil sa pabubukas ng mga dayuhang
kompanya, pabrika at paggawaan

12. Ano ang mabuting dulot ng Department Order 18-02 ng DOLE sa

manggagawang Pilipino?
A. Nagbigay daan ito sa mura at flexible labor
B. Nagbigay ng istriktong pagsunod ng mga employers sa safety and health
standasrds sa negosyo at paggawaan
C. Pagbabawal ng pagpapakontrata ng mga trabaho at gawaing
makakaapekto sa mga manggagawang regular na magreresulta sa
pagbabawas sa kanila at ng kanilang oras o araw ng paggawa.
D. Isinaad dito ang pagbabawal ng pagpapakontrata ng mga trabaho at
gawaing makakaapekto sa mga manggagawang regular na magreresulta
sa pagbabawas sa kanila at ng kanilang oras o araw ng paggawa

4
 13. Alin sa mga sumusunod ang HINDI kabilang sa mga karapatan ng mga
manggagawa ayon sa International Labor Organization (ILO)?
A. Ang pagbabawal sa sapilitang pagtrabaho
B. Ang karapatang makipagkasundo sa kompanya
C. Ang pagbabawal na sumali sa mga unyon ng mga manggagawa
D. Ang pagbabawal ng mabibigat na anyo ng trabahong pangkabataan

14. Ano ang nakasaad sa Republic Act 11058, Occupational Safety and Health
Standards Law?
A. Patnubay ng mga kompanya sa pagsunod sa labor code
B. Pagpapaunlad sa kasanayan at kakayahan ng manggagawa
C. Pagbibigay ng benepisyo sa mga mangagawa na apektuhan ng pandemya
D. Nagbigay ng istriktong pagsunod ng mga employers sa safety and health
standasrds sa negosyo at paggawaan

15. Ano ang positibong dulot ng kontraktwalisasyon sa mga kompanyang

nagpapatupad?
A. Pagkalugi nito dahil sa mataas na sahod ng manggagawa
B. Pagliit ng kita dahil sa regular na pagpasok ng mga manggagawa
C. Pagtaas ng gastos sa produksyon dahil sa pagbibigay ng benepisyo sa
manggagawa.
D. Pagbaba ng halaga sa produkto na kinakalakal at pagtaas ng kita ng
kompanya dahil sa mura na salik ng produksyon.

Alamin
Magandang araw! Tayo na, ipagpatuloy ang pag-aaral sa mga isyu sa paggawa.
Sa nakaraang aralin, napahalagahan mo ang dakilang sakripisyo ng mga
mangagawang Pilipino bilang mahalagang salik sa ekonomiya ng bansa. Sa araling
ito, tatalakayin natin ang pagtugon sa mga isyu sa paggawa. Sa pagkatapos ng araling
ito, inaasahang ikaw ay:
1. nasusuri ang mga patugon ng pamahalan sa mga isyu sa paggawa,
2. natatalakay ang mga batas at polisiya sa paggawa, at
3. napahahalagahan ang ibat-ibang hakbang sa pagtugon sa mga isyu sa
paggawa.

Panimulang Gawain
Panuto: Basahin at unawain ang mga kataga sa ibaba at sagutin ang mga
tanong. Gumamit ng sagutang papel.

5
 “Workers’ right should be a central focus of development”
- Joseph Stiglitz

“Government’s first duty is to protect the people, not run their lives.”
- Ronald Reagan

Pamprosesong katanungan:
1. Ano ang kabuuang mensahe ng mga kataga na iyong binasa?
2. Ano ang papel ng pamahalaan upang tugunan ang kinakaharap na suliranin sa
paggawa?

Tuklasin/Suriin

Basahing mabuti at unawain ang mga ibat-ibang pagtugon kaugnay sa mga

isyu sa paggawa. Matutunghayan mo, ang daloy ng kasaysayan sa paggawa ng ating
bansa ang mga pagbabago sa batas at polisiya upang bigyang pansin ang karapatan
ng mga manggagawa.

Mga tugon sa hamon ng unemployment and underemployment

1. Pagbubukas ng bansa sa pandaigdigang pamilihan

 Pagtaas ng bilang ng OFW
 Paglikha ng trabaho sa loob ng bansa
 Pagdami ng dayuhang mamumuhunan
 Pagpaptayo ng mga pagawaan at pabrika ng mga dayuhang mamumuhunan

2. Pagbabagong kakailanganin sa kasanayan at salik sa produksiyon

 Upang malutas ang suliranin sa job mismatch at hard-to-fill job kailangan
iangkop ang propesyunal at kakayahang teknikal na pangagnailangan sa
paggawa tulad ng 2-D animinator, cosmetic surgeon, multi-lingual tour guide
at iba pa.

3. Pag-aangkop ang kasalukuyang kurikulum para sa demand ng globally

standard na paggawa.
Halimbawa : Mga programa ng Technical Education and Skills Development
Authority (TESDA) at pagpapatupad ng K-12 Curriculum ng Department of
Education (DepEd)
 Ang naaangkop na kasanayan para sa ika-21 siglo sa globally standard
na paggawa ayon sa Departmnet Education (2012)
 Media and Technology Skills - Communication Skills
 Learning and Innovation Skills - Life and Career Skills

6
Mga batas at polisiya ng pamahalaan kaugnay sa paggawa

1) Administrasyon ni Pangulong Ferdinand Marcos

- Pinagtibay ang Presidential Decree (PD) 442 o Labor Code bilang
patakarang pinaghanguan ng flexible labor.
- Investment Incentive Act of 1967, ilunsad ang malayang kalakalan at
pamumuhunan sa ilalim ng patakarang neo-liberal.
- Republic Act No. 5490 – para itayo ang Bataan Export Processing Zone
(BEPZ), at iba pang Economic Processing Zone (EPZ) bilang show case ng
malayang kalakalan.

2) Administrasyon ni Corazon C. Aquino

- Omnibus Investment Act of 1987 at Foreign Investment Act of 1991
Ang mga batas na ito na nagbigay ng buong laya sa daloy ng
puhunan at kalakal sa bansa ay nagsilbing malawak na impluwensiya
ng mga kapitalista upang ilipat lipat ang kanilang produksyon sa mga
itinayong branch companies sa panahong may labor dispute sa kanilang
itinayong kompanya.
- RA 6715 o Herrera Law ni Senator Ernesto Herrera – sa pamamagitan
ng probisyon ng batas sa pamumuhunan at kalalakalan at batas
paggawa, madaling naipataw ng mga kapitalista ang patakarang mura
at flexible labor o kontraktwalisasyon.
* Sa probisyon ng Article 106-109 - nagsimulang gamitin ng mga
kapitalista ang probisyon ng batas paggawa hinggil sa kaswal,
kontraktwal, temporary, seasonal, on the job training at ang
hinggil sa pagpapakontrata ng mga trabaho at gawaing hindi
bahagi ng produksyon gaya ng security guard, serbisyong
janitorial, at messengerial.

Iskemang Subcontracting
Ang iskemang subcontracting ay tumutukoy sa kaayusan sa
paggawa kung saan ang kompanya (principal) ay komukontrata ng isang
ahensiya o indibidwal na subcontractor upang gawin ang isang trabaho o
serbisyo sa isang takdang panahon.
Mga uri ng iskemang subcontracting
a. Labor-only Contracting - ito ay tumutukoy na kung saan ang
subcontractor ay walang sapat na puhunan upang gawin ang
trabaho o serbisyo at ang pinasok niyang manggagawa ay may
direktang kinalaman sa mga gawain ng kompaya.
b. Job-contracting – ay tumutokoy sa subcontrator ay may sapat
na puhunan para maisagawa ang trabaho at mga gawain ng
mga manggagawang ipinasok ng subcontractor. Wala silang
direktang kinalaman sa mga gawain ng kompanya. Hindi
pinapayagan sa batas ang job-contracting dahil naaapektuhan
nito ang seguridad ng mga manggagawa sa trabaho.

7
 Mura at Flexible Labor
Ito ay isang paraan ng mga kapitalista o mamumuhunan upang
palakihin ang kanilang kinikita at tinutubo sa pamamagitan ng
pagpapatupad ng mababang pagpapasahod at paglimita sa panahon ng
paggawa ng mga manggagawa. Isang paraan ito upang sila ay makaiwas
sa patuloy na krisis dulot ng labis na produksiyon at kapital na
nararanasan ng iba’t ibang mga bansa.

Mga katangiang Mura at Flexible Labor ay ang mga sumusunod:

- Panandaliang trabaho - Partime job
- Kontraktwalisasyon - Walang permanenteng trabaho
- Project-based work - Walang sapat na benepisyo at sahod
- Trabaho na hindi hinihingan ng mga kinakailangang
requirements

3) Administrasyong Fidel V. Ramos

- Department Order No. 10 ng Department of Labor and Employment
(DOLE), ang probisyong maaaring ipakontrata ang mga trabahong hindi
kayang gampanan ng mga regular na manggagawa; pamalit sa mga absent
sa trabaho, mga gawaing nangangailangan ng espesyal na kasanayan o
makinarya – ang mga ito ay gawaing ginagampanan ng mga manggagawang
regular.

4) Administrasyong Gloria M. Arroyo

- Department Order 18-02 ng DOLE , isinaad dito ang pagbabawal ng
pagpapakontrata ng mga trabaho at gawaing makakaapekto sa mga
manggagawang regular na magreresulta sa pagbabawas sa kanila at ng
kanilang oras o araw ng paggawa; o kung ang pagpapakontrata ay
makakaapekto sa unyon gaya ng pagbabawas ng kasapi, pagpapahina ng
bargaining leverage o pagkahati ng bargaining unit.

5) Administrasyong Benigno Aquino III

- Pag-amenda sa R.A. 8759 o PESO Act of 1999, pinalawig at pinalakas
ang polisiya, promosyon at serbisyo sa paggawa. Binigyan diin rin ang
kahalagahan ng Department of Labor and Employment, Local Government
Units at accredited Non-Governement Organization para sa operasyon at
pagtatag ng job placement sa buong bansa.

6) Administrasyong Rodrigo R. Duterte

- Nilagdaan noong Agosto 2018, Republic Act 11058, Occupational Safety
and Health Standards Law nagbigay ng istriktong pagsunod ng mga
employers sa safety and health standasrds sa negosyo at paggawaan.
- Department Order No. 174, series of 2017, identifies two arrangements
that constitute labor-only contracting, which is prohibited under the law. The
first type is when:
a) the contractor does not have substantial capital or it does not have
investments in the form of tools, equipment, machineries, supervision,
work premises, among others, and

8
 b) the contractor’s employees are performing activities which are directly
related to the main business of the principal. The second type is when
the contractor does not exercise the right of control over the
performance of the work of its employees.
- Halaw mula sa Department of Labor and Employment (DOLE)

Mga Karapatan ng mga Manggagawa ayon sa International Labor Organization

(ILO)
1. Karapatang sumali sa mga unyon
- Ang mga manggagawa ay may karapatang sumali sa mga unyon na
malaya mula sa paghihimasok ng pamahalaan at tagapangasiwa.
2. Karapatang makipagkasundo
- Ang mga manggagawa ay may karapatang makipagkasundo bilang
bahagi ng grupo sa halip na mag-isa.
3. Pagbabawal sa sapilitang pagtrabaho
- Pagbabawal sa lahat ng mga anyo ng sapilitang trabaho, lalo na ang
mapangaliping trabaho at trabahong pangkulungan. Dagdag pa rito,
bawal ang trabaho bungang ng pamimilit o duress.
4. Bawal ang mabibigat na anyo ng trabahong pangkabataan
- Bawal ang mabibigat na anyo ng trabahong pangkabataan samakatwi’d
mayroong minimong edad at mga kalagayang pangtatrabaho para sa
mga kabataan.
5. Bawal ang lahat ng mga anyo ng diskrimasyon sa trabaho
- Pagbibigay ng pantay na suweldo para sa parehong na trabaho.
6. Proteksyon at seguridad sa trabaho
- Ang mga kalagayan ng pagtatrabaho ay dapat walang panganib at ligtas
sa mga manggagawa. Pati kapaligiran at oras ng pagtatrabaho ay dapat
walang panganib at ligtas. - ang suweldo ng manggagawa.

Isaisip

Sa pagtatapos ng aralin, natitiyak ko na may marami kang natutunan tungkol

sa hamon at suliranin na nakinakaharap ng mga manggagawang Pilipino. Nasuri at
nalaman mo ang mga hakbang ng pamahalaan sa pagtugon sa ibat-ibang suliranin sa
paggawa. Ngayon, ibahagi ang iyong natutunan at saloobin sa repleksyon table sa
ibaba. Isulat ang kasagutan sa sagutang papel.

Ang Aking Repleksyon sa Aralin

Ang aking natutunan sa araling ay Ang aking saloobin sa aralin ay

____________________________________ ____________________________________
____________________________________ ____________________________________

9
 Isagawa/Pagyamanin

A. Panuto: Basahin at suriin ang ulat ng Philippine Statistics Authority

noong Abril 2020 at sagutin ang mga tanong sa ibaba at gumamit ng sagutang
papel.
Sa ulat ng, Philippine Statistics Authority (PSA) sa kondisyon ng paggawa
noong Abril 2020, sa panahon lockdown dahil sa Covid 19 Pandemic.

Tumaas ang unemployment rate sa 17.7% katumbas ito sa 7.3 milyong Pilipino
na walang trabaho sa buwan ng Abril 2020 na kumpara noong Enero 2020 mayroon
lamang na 5.3% at sa buwan ng Abril 2019 ay nasa 5.1%.

Bumagsak rin ang porsyento ng mga Pilipino na may trabaho sa Abril 2020 sa
82.3% mula sa 94.7% noong Enero 2020. Meron lamang na 33.8 milyon may trabaho
sa buwan ng Abril 2020 kumpara sa 41.8 milyon noong Abril 2019. Mga empleyado
na may trabaho ngunit hindi pumapasok ay nasa 38.4% katumbas ito sa 13.0 milyon
sa kabuuan.
Ang lahat ng rehiyon sa bansa ay nagtala ng halos double-digit na walang
trabaho. Ang pinakamalaking porsyento na walang ng trabaho ay ang Bangsamoro
Autonomous Region in Muslim Mindanao (BARRM) na may 29.8% sunod dito ay ang
Region III (Central Luzon) nasa 27.3% at Cordillera Administrative Region (CAR) nagtala
ng 25.3%.
Halaw : Philippine Statistics Authority (PSA), April 2020

Mga iilan na hakbang sa pagtugon ng pamahalaan sa panahon ng pandemya para sa

mangagawang Pilipino.
- Alternnatibong iskema sa paggawa tulad pagbabawas sa normal na oras ng
pagpasok, paglilipat ng empleyado sa ibang branch ng kompanya o job
rotations.
- Pagpapatupad ng standard protocol sa paggawaan, opisina, malls at iba pa.
- Pagbibigay ayuda sa panahon ng lock down tulad ng pamamahagi ng
pangunahing pangangailangan at financial assisatance sa mangagawang
Pilipino.

Mga katanungan:

1. Ayon sa datos ng PSA, ano ang estado o paggalaw sa unemployment o kawalang

ng trabaho mula Abril 2020, kumpara sa nakalipas na buwan at taon?
Mayroon bang malaking pagbabago sa datos ng manggagawang Pilipino?
Ibahagi ang iyong paghahalaw
2. Ano ang naging dahil sa pagbabagong ito?

10
 3. Ano-ano naman ang naging tugon ng pamahalaan sa suliraning ito?
A.
B.
C.
B. Programa ng Pamahalaan sa Pagtugon sa Panahon ng Pandemya (5’s)
Gumawa ng pagtatala sa pamamagitan ng iyong kasalukuyang kaalaman o
magtanong sa magulang/guardian tungkol sa mga epekto ng pandemya sa mga
manggagawang Pilipino dahil sa Covid 19 at alamin ang mga hakbang sa
pagtugon ng lokal o nasyunal na pamahalaan sa suliranin na ito. Gamitin ang
talaan sa ibaba at isulat ang kasagutan sa sagutang papel.

Mga suliranin na kinakaharap Mga hakbang ng pamahalaang Natupad o

ng mga manggagawa sa panahon lokal o nasyunal upang
Hindi Natupad
ng pandemya dahil sa COVID 19 matugunan o masolusyunan
ang mga isyung ito Bakit?

1.

2.

Mga pamprosesong tanong:

1. Ano ang mahalagang gampanin ng pamahalaan sa pagtugon o paglutas ng mga
suliranin sa paggawa sa kabuuan?
2. Nakatulong ba ang mga batas at polisya ng pamahalaan upang matugunan ang
mga isyu sa paggawa? Ipaliwanag
3. Bilang mag-aaral, ano ang iyong mahalagang papel upang matugunan ang mga
isyu sa paggawa sa hinaharap?

Tayahin
PAGPIPILIAN: Isulat ang titik ng tamang sagot. Gumamit ng sagutang papel.

1. Alin sa mga sumusunod ang naaangkop na kasanayan para sa ika-21 siglo sa

globally standard na paggawa ayon sa DepEd noong 2012?
A. Ang kasanayan sa military and combat skills
B. Ang kasanayan sa dancing and theather arts
C. Ang kasanayan sa learning and innovation skills
D. Ang kasanayan sa social and intrepreneurial skills

11
2. Bakit mahalaga ang pagpapatupad ng DepEd sa K-12 Curriculum bilang
pagtugon sa suliranin sa paggawa?
A. Upang bigyan proteksyon ang mangagagawa
B. Nalilinang ang kakayahan ng mga mangagawang Pilipino sa sektor ng
agrikultura
C. Mabibigyang protekston ang pamilyang Pilipino sa ibat-ibang hamon sa
lipunan at kalusugan.
D. Naaangkop ang kasalukuyang kurikulum para sa demand ng globally
standard na paggawa.

3. Alin ang HINDI kabilang sa solusyon sa kawalan ng trabaho?

A. Ang pagdami ng dayuhang mamumuhan
B. Ang pag-angkop sa kaalaman at kakayahang teknikal
C. Ang pagkansila ng diplomatikong kasunduan ng Pilipinas sa ibang
bansa
D. Ang pag-akma ng kasalukuyang kurikulum para sa demand ng globally
standard na paggawa

4. Ito ay tumutukoy sa batas na nagbigay ng buong laya sa daloy ng puhunan at

kalakal sa bansa ay na may malawak na impluwensiya ng mga kapitalista
upang ilipat lipat ang kanilang produksyon sa mga itinayong branch companies
sa panahong na may labor dispute sa kanilang itinayong kompanya.
A. RA 11058
B. RA 6715
C. Department Order 18-02 ng DOLE
D. Omnibus Investment Act of 1987 at Foreign Investment Act of 1991

5. Ano ang masamang dulot ng pagbubukas ng pandaigdigang pamilihan?

A. Pagtaas ng bilang ng OFW
B. Paglikha ng trabaho sa loob ng bansa
C. Pagsasara at pagkalugi ng mga maliliit na lokal na negosyo
D. Pagpaptayo ng pagawaan at pabrika ng dayuhang mamumuhunan

6. Ano ang dulot ng RA 6715 na pinanukala ni Senator Ernesto Herrera?

A. Pagpapatayo ng Bataan Export Processing Zone
B. Nagbigay ng istriktong pagsunod ng mga employers sa safety and health
standasrds sa negosyo at paggawaan.
C. Nagkaroon ng probisyon sa batas ang pamumuhunan at kalalakalan at
batas paggawa, madaling naipataw ng mga kapitalista ang patakarang
mura at flexible labor o kontraktwalisasyon
D. Pagbabawal ng pagpapakontrata ng mga trabaho at gawaing
makakaapekto sa mga manggagawang regular na magreresulta sa
pagbabawas sa kanila at ng kanilang oras o araw ng paggawa.

12
7. Isinaad dito ang pagbabawal ng pagpapakontrata ng mga trabaho at gawaing
makakaapekto sa mga manggagawang regular na magreresulta sa pagbabawas
sa kanila at ng kanilang oras o araw ng paggawa.
A. Department Order 18-02 ng DOLE
B. R.A. 8759 o PESO Act of 1999
C. Omnibus Investment Act of 1987 at Foreign Investment Act of 1991
D. Republic Act 11058, Occupational Safety and Health Standards Law

8. Alin sa mga sumusunod ang HINDI kabilang sa mga karapatan ng mga

manggagawa ayon sa International Labor Organization?
A. Ang pagbabawal sa sapilitang pagtrabaho
B. Ang kawalan proteksyon at seguridad sa trabaho
C. Ang karapatan ng pagsali sa mga unyon ng mangagawa
D. Ang pagbabawal ang mabibigat na anyo ng trabahong pangkabataan

9. Ano ang positibong dulot sa manggagawa sa pagdami ng dayuhang

mamumuhunan sa bansa?
A. Pagkalugi ng lokal na mamumuhunan
B. Pagdagsa ng maraming produkto sa pamilihan
C. Pagbubukas ng maraming oportunidad sa trabaho
D. Pagtaas ng kita ng pamahaan dahil sa buwis na binabayaran ng mga
dayuhan na kompanya

10. Bakit kailangan ang pagbabago sa kasanayan at salik sa produksyon bilang

pagtugon sa hamon ng kawalan ng trabaho?
A. Upang maiwasan ang kakulangan sa produkto
B. Pagtaas sa kalakalan ng produkto sa ibang bansa
C. Iangat ang kalidad na gawang produkto ng bansa
D. Upang matugunan ang isyu sa job mismatch and hard-to-fill job

11. Ano ang negatibong dulot ng kontraktwalisasyon sa paggawa?

A. May mataas na sahod at allowance
B. Kawalan seguridad sa trabaho ng manggagawa
C. May sapat na benepisyo at allowance tulad ng regular na manggagawa
D. Mayroong laya ang mangagawa na maghanap ng ibang trabaho matapos
ang kontrata sa kompanya

12. Ito ay tumutukoy sa kaayusan sa paggawa kung saan ang pinagmulang

/punong kompanya (principal) ay komukontrata ng isang ahensiya o indibidwal
na subcontractor upang gawin ang isang trabaho o serbisyo sa isang takdang
panahon.
A. Unemployment C. Employment
B. Iskemang subcontracting D. Underemployment

13
 13. Bilang mag-aaral, paano mo maiiwasan ang mga suliranin sa paggawa tulad
ng job-mismacth or hard-to-fill job?
A. Huwag isipin dahil ito ay hindi mahalaga
B. Pumili ng kurso sa kolehiyo ayon sa gusto at impluwensya ng barkada
C. Kumuha ng kahit anong kurso sa kolehiyo ang mahalaga ikaw ay
makapag-aaral
D. Maging mapanuri at magsaliksik upang magkaroon ng sapat na
kaalaman upang iakma sa sariling interes at kakayahan para sa
matalinong pagpapasya sa kursong pipiliin sa kolehiyo.

14. Ano ang epekto ng RA 6715 sa manggagawang Pilipino?

A. Nagdulot ng mataas na sahod at seguridad sa paggawa.
B. Paglaganap ng kontraktwalisasyon sa paggagawa.
C. Tumaas ang kita ng mamumuhunan dahil sa murang paggawa
D. Dumami ang dayuhang pamumuhunan dahil sa malayang kalakalan.

15. Ano ang tawag sa batas na nilagdaan ni Pangulong Rodrigo R. Duterte noong
Agosto 2018, at nakasaad ang istriktong pagsunod ng mga employers sa safety
and health standards sa negosyo at pagawaan?
A. Republic Act 6715 o Herrera Law
B. Investment Incentive Act of 1967
C. Omnibus Investment Act of 1987 at Foreign Investment Act of 1991
D. Republic Act 11058 or Occupational Safety and Health Standards Law

Karagdagang Gawain
Panuto: Ibahagi ang iyong natutunan sa aralin at sagutin ang hinihingi sa ibaba.
Sagutin ito sa sagutang papel.

Mga isyu sa paggawa Mga hakbang o pagtugon ng pamahalaan

1.
2.

Sagutin ang mga tanong at gumamit ng sagutang papel.

1. Natugunan ba ng pamahalaan ang mga suliranin ng mga manggagawang
Pilipino? Ipaliwanag
2. Bilang mag-aaral, ano ang iyong gagawin upang maririnig ang iyong mensahe
tungkol sa mga isyu sa paggawa? Ibahagi ang iyong gagawain

14
 Sanggunian

 DepEd LM, CG, TG

 https://www.azquotes.com/quotes/topics/workers-rights.html
 https://prezi.com/npbbs_2hrrkw/governments-first-duty-is-to-protect-the-
people-not-run/
 https://psa.gov.ph/content/total-employment-and-number-non-regular-
workers-establishments-20-or-more-workers-category-2
 https://psa.gov.ph/statistics/survey/labor-and-employment/labor-force-
survey/title/Employment%20Situation%20in%20April%202019
 https://www.bworldonline.com/by-the-numbers-overseas-filipino-workers/

15