10

Araling
Panlipunan 10
Ikalawang Markahan - Modyul 5:
Ang Konsepto, Dahilan at
Kahalagahan ng Migrasyon

1
 Modyul Ang Konsepto, Dahilan at
5 Kahalagahan ng Migrasyon
Ikalimang Linggo
Pamantayang Pangnilalaman:
Ang mag-aaral ay may pag-unawa sa sanhi at implikasyon ng mga lokal at
isyung pang ekonomiya upang mapaunlad ang kakayahan sa matalinong pagpapasya
tungo sa pambansang kaunlaran.

Pamantayang Pangkasanayan:
Ang mag-aaral ay nakabubuo ng pagsusuring papel sa mga isyung pangekonomiyang
nakaaapekto sa kanilang pamumuhay.

Kakayahan:
Nasusuri ang konsepto, dahilan at kahalagahan ng migrasyon.

Paksa/Subject Code: Ang Konsepto, Dahilan at Kahalagahan ng Migrasyon

Subukin
Tayo na magsimula, sagutin ang paunang pagsusulit upang matukoy ang iyong
kaalaman tungkol sa mga paksang tatalakayin. Bigyang pansin ang bawat
katanungan upang maiwasto sa pamamagitan ng iyong matutunan sa ibat-ibang
gawain sa araling ito.

PAALALA: Sa pagsagot ng mga katanungan sa ibaba maging tapat at huwag

munang basahin ang talakayan. Pag-aralang mabuti ang bawat gawain at huwag
kalimutan ang pagpapahalaga sa aralin.

PAGPIPILIAN: Isulat ang titik ng tamang sagot sa sagutang papel.

1. Ito ay tumutukoy sa proseso ng pag-alis o paglipat mula sa isang lugar o

teritoryong politikal patungo sa ibang panig maging ito man ay pansamantala o
permanente.
A. Employment C. Migrasyon
B. Globalisasyon D. Outsourcing

2. Ano ang tawag sa tao na lumilipat ng lugar o bansa?

A. Migrate C. Krusada
B. Nomadiko D. Pananakop
3. Ano naman ang tawag kung permanente ang paninirahan ng tao sa lugar o
bansa?
A. Migrant C. Nomadiko
B. Immigrant D. Krusada

2
4. Ito ay tumutukoy sa dami o bilang ng mga nandarayuhang pumapasok sa isang
bansa sa isang takdang panahon na kadalasan ay kada taon.
A. Flow C. Net migration
B. Departures D. Stock

5. Ito ay ang bilang ng nandayuhan na naninirahan o nananatili sa bansang

nilipatan.
A. Departures C. Net migration
B. Flow D. Stock

6. Maraming mga dayuhan ang pumapasok sa bansa sa nakalipas na mga taon

dahil sa magagandang lugar. Ano ang tawag sa konseptong ito?
A. Departures C. Net migration
B. Flow D. Stock

7. Ano ang tawag sa bilang ng mga taong umaalis o lumalabas ng bansa?

A. Departures C. Net migration
B. Flow D. Stock

8. Ano naman ang tawag kapag ibinawas ang bilang ng umalis sa bilang ng
pumasok na tao sa bansa?
A. Departures C. Net migration
B. Flow D. Stock

9. Tumutukoy sa uri ng migrasyon sa paglilipat o pagpunta ng tao sa ibang

bansa.
A. Inflow C. Panlabas na migrasyon
B. Return migration D. Panloob na migrasyon

10. Ito ay tumutukoy sa panandaliang paglipat ng tao sa isang lugar dahil sa

trabaho o nararanasang klima sa lugar na pinanggalingan.
A. Seasonal migration C. Panlabas na migrasyon
B. Return migration D. Panloob na migrasyon

11. Ito ay tumutukoy sa migrasyon sa loob ng bansa.

A. Seasonal migration C. Panlabas na migrasyon
B. Return migration D. Panloob na migrasyon

12. Ano ang dahilan sa paglipat ng lugar ng tao dala ng digmaan o sakuna?
A. Paghahanap-buhay
B. Paghahanap ng ligtas na tirahan
C. Panghihikayat ng mga kapamilya
D. Pag-aaral o pagkuha ng mga teknikal na kaalaman

3
 13. Ang mga sumusunod ay dahilan ng pangingibang bansa ng mga Pilipino
MALIBAN sa isa. Ano ito?
A. Paghanapbuhay
B. Paghahanap ng ligtas na tirahan
C. Panghihikayat ng mga kapamilya
D. Pagdami ng dayuhan mangangalakal sa bansa

14. Alin sa mga sumusunod na sitwasyon ang HINDI dahilan ng pangingibang

bansa ng mga Pilipino?
A. Ang pangingibang bansa ng OFW
B. Ang paghahanap ng ligtas na tirahan dahil sa digmaan
C. Ang pag-aaral o pagkuha ng mga teknikal na kaalaman
D. Ang pagkakaroon ng mataas na sahod at regular na trabaho sa loob ng
bansa

15. Ano ang mahalagang papel ng Overseas Filipino Workers sa ekonomiya ng

bansa?
A. Lumiliit ang dami ng lokal na turista sa bansa
B. Nagkakaroon ng negatibong sosyo-kultural na ugnayan
C. Nagkakaroon ng kawalan ng manggagawa sa loob ng bansa
D. Ang pagtaas ng dollar remittances na may malaking tulong sa daloy ng
ekonomiya ng bansa

Alamin

Kumusta butihin at masinop na mag-aaral, mayroon tayo na bagong paksang

tatalakayin ito ay tungkol sa bagong bayaning Pilipino. Alam mo ba, sino sila?

Sa mudyol na ito, matutunan ang konsepto, dahilan at kahalagahan ng migrasyon

at sa pagkatapos ng araling ito, ikaw ay inaasahang:
1. nasusuri ang mga konsepto ng migrasyon,
2. natatalakay ang mga dahilan at kahalagahan ng migrasyon, at
3. napahahalagahan ang papel na ginagampanan ng mga Pilipinong nangingibang
bansa.

Panimulang Gawain

4 Pics-One-Word. Suriin ang apat na larawan upang mabuo ang puzzle word sa ibaba
at sagutin ang mga katanungan sa sagutang papel.

4
Mga pamprosesong katanungang:
1) Ano ang nabuong salita mula sa larawan?
2) Sa iyong palagay, ano ang ibig sabihin ng salitang ito?
3) Bakit kaya mahalagang pag-aralan ang konseptong ito? Ipaliwanag.

Tuklasin at Suriin
Tayo na! tuklasin at suriin ang konsepto,dahilan, at kahalagahan ng migrasyon
bilang hamon dulot ng globalisasyon.

Kahulugan ng Migrasyon
- Ito ay tumutukoy sa proseso ng pag-alis o paglipat mula sa isang lugar o
teritoryong politikal patungo sa iba pa maging ito man ay pansamantala o
permanente.
-
Konseptong Migrate, Migrant at Immigrant
- Migrate - tawag sa mga taong lumilipat ng lugar
- Migrant - kapag ang paglipat ng tao ay pansamantala
- Immigrant – tumutukoy sa pampermanente ang paninirahan ng tao sa lugar o
bansang nilipatan

Ibat-ibang uri ng migrasyon

1. Panloob o lokal na migrasyon (internal migration) – ito ay tumutukoy sa
migrasyon sa loob ng bansa.
Halimbawa: Paninirahan ng isang pamilya mula sa probinsya papunta sa
lungsod.
2. Panlabas na migrasyon (external migration) – tumutukoy sa paglipat ng mga
tao sa ibang bansa. Halimbawa: Overseas Filipino Workers (OFW)

5
 3. Return migration – tumutukoy sa tao na bumalik sa lugar na pinanggalingan.
Halimbawa: Mga OFW na umuwi sa bansa dahil sa pagbabakasyon o
pagkatapos ng kontrata.
4. Seasonal migration- ito ay tumutukoy sa tao na panandaliang paglilipat ng
lugar dahil sa trabaho o nararanasan na klima sa lugar na pinanggalingan.
Halimbawa:
Pansamantalang paglilipat lugar ng manggagawa sa ibang lugar dahil sa
proyekto ng kompanya na pinapasukan.

Mga dahilan ng migrasyon:

 Paghanapbuhay na makapagbibigay ng malaking kita na inaasahang
maghahatid ng masaganang pamumuhay;
 Paghahanap ng ligtas na tirahan;
 Panghihikayat ng mga kapamilya o kamag-anak na matagal nang naninirahan
sa ibang bansa; at
 Pag-aaral o pagkuha ng mga teknikal na kaalaman partikular sa mga bansang
industriyalisado.

Ang Konseptong Flow at Stock Figures

Ang flow ay tumutukoy sa dami o bilang ng mga nandarayuhang pumapasok

sa isang bansa sa isang takdang panahon na kadalasan ay kada taon. Madalas
ditong gamitin ang mga salitang inflow, entries or immigration. Kasama din dito
ang bilang ng mga taong umaalis o lumalabas ng bansa na madalas tukuyin bilang
emigration, departures or outflows. Kapag ibinawas ang bilang ng umalis sa bilang
ng pumasok nakukuha ang tinatawag na net migration.

Ang stock ay ang bilang ng nandayuhan na naninirahan o nananatili sa

bansang nilipatan. Mahalaga ang flow sa pag-unawa sa trend o daloy ng paglipat o
mobility ng mga tao habang ang stock naman ay makatutulong sa pagsusuri sa
matagalang epekto ng migrasyon sa isang populasyon.

Kahalagahan ng Migrasyon

1. Pagtaas ng dollar remittances

- Ang dollar remittances ng mga OFW ay may malaking tulong sa daloy ng
ekonomiya ng bansa. Ang ipinapadalang pera ng OFW sa kanilang pamilya at
kamag-anak ay may malaking tulong sa pagsuporta ng pangangailangan sa
pagkain, edukasyon, at mga bayarin sa bahay. Maaring ang kanilang remittance
o ipinapadalang pera ay nagsisilbing kapital para sa negosyo.

2. Nakatutulong sa kawalan ng trabaho

- Ang patuloy na pagtaas ng demand ng OFW sa ibang bansa ay malaking tulong
sa kawalang ng trabaho sa loob ng bansa dahil nabibigayang oportunidad ang
mga Pilipinong naghahanap ng trabaho lalo na sa mga professional and skilled
workers.

6
 3. Pagkakaroon ng positibong sosyo-kultural na ugnayan
- Nagsisilbing tulay ang migrasyon upang matutunan tanggapin ang pagkakaiba-
iba ng bawat lipunan at magkaroon ng pag-uunawan at respeto sa ibat-ibang
lahi at kultura.
4. Pagdami ng mga dayuhan turista na pumapasok sa bansa
- Ang patuloy na pagdami ng mga dayuhang turista sa bansa ay nagpapasigla sa
lokal na ekonomiya dahil nagdadala ito ng kita at kabuhayan sa mga lugar na
malakas ang turismo.
5. Nalilinang ang teknolohikal na kakayahan
- Ang pagdami ng mga Pilipinong skilled workers sa ibang bansa ay nalilinang rin
ang kanilang kaalaman at kakayahang teknolohikal dahil sa ginagamit na
makabagong makinarya at kagamitan sa paggawa.

Isaisip
Dahil sa globalisasyon, mas dumarami ang mga Pilipino na nakikipagsapalaran
sa ibang bansa sa araling ito natitiyak kung maraming kang natutunan tungkol sa
kahulugan, dahilan at kahalaghan ng migrasyon. Ibahagi muli ang iyong natutunan
at sagutin ang hinihingi sa ibaba. Isulat ang sagot sa sagutang papel.

1. Paano nakatutulong ang migrasyon sa mga sumusunod na aspekto?

A. Ekonomiya
B. Lipunan

Isagawa/Pagyamanin
A. Bayani Ako! Ang mga Overseas Filipino Workers (OFW) ay tinaguriang,
“Bagong Bayani”, dahil sa ambag nila sa ating bansa. Basahin at punan ang
sanaysay sa loob ng kahon sa ibaba upang maisabuhay ang natutunan sa
aralin. Gumamit ng sagutang papel.
Kung ako ay mabibigyang pagkakataon na mangingibang bansa.
a. Ang trabaho ko ay _______________________________________________________
b. Ako ay pupunta sa bansang ______________________________________________
c. Ang dahilan ng pangingibang bansa ko ay _________________________________
d. Ang kahalagahan ng aking ginawa bilang Pilipino na nangingibang bansa ay
_____________________________________________________________________

Pamprosesong tanong:

1. Bakit mahalaga ang papel na ginagampanan ng mga Pilipinong nangingibang

bansa o OFW? Ipaliwanag. ________________________________________________

7
 B. Panuto: Basahin at unawain mabuti ang artikulong balita sa ibaba at sagutin
ang mga katanungan sa sagutang papel.

Mahigit 100K OFWs napauwi

Mula sa Department of Labor and Employment (July 2020)

Mahigit 106,200 overseas Filipino workers (OFWs) ang napauwi sa kani-

kanilang probinsya ng pamahalaan sa gitna ng pandemyang coronavirus, ulat ng
labor department nitong Linggo.
Ang pinakahuling batch na 2,246 umuwing OFWs, na negatibo sa Covid-19 ay
bumalik sa kani-kanilang probinsiya nitong Hulyo 25, batay sa datos ng Overseas
Workers Welfare Administration (OWWA).
Nitong Mayo, mahigit 24,000 OFWs ang naiuwi, at karagdagang 72,000 pa ang
nakauwi ng mga sumunod na buwan.
Sa pagtaas ng bilang ng mga umuwing OFW, sinabi ni Labor Secretary Silvestre
H. Bello III na ginagawa ng pamahalaan ang lahat ng paraan upang tulungan ang mga
OFW na maibalik muli sa trabahong nawala sa kanila dulot ng pandemya.
Nagbuo ang DOLE ng tracking system, ang OFW Assistance Information System
(OASIS), upang gawing mabilis at maayos ang pagpapauwi at pagbibigay ng tulong sa
mga umuuwing OFWs at mga paalis na manggagawa.
Maliban sa transportasyon, ang OWWA, sa pakikipagtulungan ng iba pang
ahensiya, Philippine recruitment agencies, at licensed manning agencies, nagbibigay
din sila ng pagkain, hygiene kits, at pansamantalang matutuluyan ng mga umuuwing
OFW.
Binuo ito ayon sa DOLE ng humigit na sa 250,000 OFW-beneficiaries ng P2.5
billion emergency fund para sa mga migranteng manggagawa na naapektuhan ng
Covid-19.
Makikita sa pinakahuling ulat mula sa overseas office ng DOLE at OWWA,
tumanggap ng 254,846 request for assistance sa ilalim ng programang Abot Kamay
ang Pagtulong (AKAP) ang naaprubahan, kung saan 214,619 OFW na ang
nakatanggap ng emergency aid.
Ang AKAP ay tulong-pinansiyal na $200 o P10,000 at isang beses lamang
matatanggap ng mga OFW na nasa ibang bansa o iyong mga umuwi na dahil sa
pandemya. May 554,966 migranteng manggagawa na ang humiling ng tulong-
pinansiyal mula sa pamahalaan.
Nitong Hulyo 21, naipamahagi ng labor department ang P2.232 bilyon mula sa
P2.5 bilyong pondo ng programa. Humiling na rin ito ng karagdagang P2.5 bilyon para
sa pangangailangan ng mga OFW na humihiling pa ng tulong.

8
Pamprosesong katanungan:
1. Ano ang kabuuang mensahe ng artikulong binasa tungkol sa OFW?
2. Ayon sa artikulo, ano ang pinakamabigat na suliranin na kinakaharap ng mga
OFW?
3. Sa iyong pananaw, naging sapat ba ang suporta ng pamahalaan sa mga OFW
na umuwi sa Pilipinas? Ibahagi ang iyong opinyon

Tayahin
PAGPIPILIAN: Isulat ang titik ng tamang sagot. Gumamit ng sagutang papel.
1. Ano ang ibig sabihin ng migrasyon?
A. Malawakang pagbabago sa sistema ng pamamahala sa buong mundo
B. Pagpapatupad ng murang pasahod at paglimita sa panahon ng paggawa
C. Tumutukoy sa pagkakaroon ng mura at mababa ang labor o pasahod sa
mga manggagawa.
D. Ito ay tumutukoy sa proseso ng pag-alis o paglipat mula sa isang lugar o
teritoryong politikal patungo sa iba pa maging ito man ay pansamantala
o permanente.

2. Ang pamilyang Dalisay ay nakadisesyon magtungo sa ibang bansa dahil sa

natanggap ang kanilang aplikasyon ng mag-asawa upang magkaroon ng
working permit sa ibang bansa at hindi naglaon sumunod din ang kanilang
mga anak upang mag-aaral at manirahan sa ibang bansa. Ano ang tawag sa
pangyayaring ito?
A. Migrasyon C. Outsourcing
B. Subcontracting D. Inflow

3. Ano ang tawag sa migrasyon sa loob ng bansa?

A. Seasonal migration C. Panloob na migrasyon
B. Panlabas na migrasyon D. Return migration

4. Si Paul ay isang Australyanong nakapag-asawa ng isang Pinay at nanirahan sa

Pilipinas. Nagustuhan at natutunan niyang mahalin ang kultura at
pamumuhay ng mga Pilipino kaya siya ay nanatili sa bansa. Ano ang tawag sa
pangyayaring ito ayon sa konsepto ng migrasyon?
A. Flow C. Net migration
B. Outflow D. Stock

9
5. Ano ang ibig sabihin ng Migrate?
A. Ito ay tawag sa taong lumilipat ng lugar o bansa
B. Ito ay ang bilang ng nandayuhan na naninirahan o nananatili sa
bansang nilipatan.
C. Ito ang tawag kapag ibinawas ang bilang ng umalis sa bilang ng
pumasok na tao sa bansa
D. Ito ay tumutukoy sa dami o bilang ng mga nandarayuhang pumapasok
sa isang bansa sa isang takdang panahon na kadalasan ay kada taon.

6. Ano naman ang ibig sabihin ng flow?

A. Ito ang tawag kapag ibinawas ang bilang ng umalis sa bilang ng
pumasok na tao sa bansa
B. Ito ay ang bilang ng nandayuhan na naninirahan o nananatili sa
bansang nilipatan.
C. Ito ay tumutukoy sa dami o bilang ng mga nandarayuhang pumapasok
sa isang bansa sa isang takdang panahon na kadalasan ay kada taon.
D. Ito ay tumutukoy sa proseso ng pag-alis o paglipat mula sa isang lugar o
teritoryong politikal patungo sa iba pa maging ito man ay pansamantala
o permanente.

7. Ito ang dahilan sa paglipat ng lugar ng tao dala ng sakuna.

A. Paghahanap-buhay
B. paghahanap ng ligtas na tirahan
C. panghihikayat ng mga kapamilya
D. pag-aaral o pagkuha ng mga teknikal na kaalaman

8. Si Liza ay nakakuha ng permanent visa sa dayuhang bansa kung saan sila

nagtratrabaho bilang nurse sa isang ospital. Ano ang tawag dito?
A. Migrate C. net migration
B. Immigrate D. Outflow

9. Alin sa mga sumusunod ang HINDI kabilang sa uri ng migrasyon?

A. Ang outsourcing
B. Ang seasonal migration
C. Ang panlabas na migrasyon
D. Ang panloob o lokal na migrasyon

10. Bakit mahalaga ang positibong sosyo-kultural na ugnayan sa migrasyon?

A. Nagpapalitan ng ibat-ibang kalakal mula sa ibang bansa
B. Umuunlad ang ekonomiya ng dalawang bansa dahil sa ugnayan
C. Pagtaas ang bilang ng mga turista sa pupunta sa bansa dahil sa
magagandang tanawain
D. Nagsisilbing tulay ang migrasyon upang matutunan tanggapin ang
pagkakaiba-iba ng bawat lipunan at magkaroon ng pag-uunawan at respeto
sa ibat-ibang lahi at kultura

10
11. Patuloy ang pagdami ng bilang ng turista na pumapasok sa loob ng bansa
dahil sa magagandang lugar at tanawin. Ano ang tawag sa pangyayaring ito.
A. Flow C. Net migration
B. Outflow D. Sub-contracting

12. Ano ang ibig sabihin ng Net Migrasyon?

A. Ito tawag sa mga taong lumilipat ng lugar
B. Tumutukoy sa ang bilang ng mga taong umaalis o lumalabas ng bansa
C. Ito ang dami o bilang ng mga nandarayuhang pumapasok sa isang
bansa
D. Ito ang tawag kapag ibinawas ang bilang ng umalis sa bilang ng
pumasok sa bansa.

13. Noong 2017, nagkaroon ng labanan sa Marawi dahil sa pagsakop ng isang

teroristang grupo. Maraming pamilya mula sa lungsod ang lumipat upang
makaiwas sa kaguluhan dulot sa digmaang nangyayari. Alin sa mga dahilan
na lokal na migrasyon ang tinutukoy dito?
A. Ang paghahanap ng ligtas na tirahan
B. Pag-aaral o pagkuha ng mga teknikal na kaalaman
C. Ang hanapbuhay na makapagbibigay ng malaking kita
D. Ang panghihikayat ng mga kapamilya o kamag-anak na matagal nang
naninirahan sa ibang bansa.

14. Si Hannah ay nagtungo sa ibang bansa dahil siya ay nakakuha ng isang

international scholarship mula sa tanyag na unibersidad sa Estados Unidos.
Alin sa mga dahilan ng migrasyon ang tinutukoy dito?
A. Ang paghahanap ng ligtas na tirahan
B. Pag-aaral o pagkuha ng mga teknikal na kaalaman
C. Ang hanapbuhay na makapagbibigay ng malaking kita
D. Ang panghihikayat ng mga kapamilya o kamag-anak na matagal nang
naninirahan sa ibang bansa.

15. Bakit mahalaga ang papel ng OFW sa daloy ng ekonomiya ng bansa?

A. Lumiliit ang dami ng lokal na turista sa bansa
B. Nagkakaroon ng negatibong sosyo-kultural na ugnayan
C. Nagkakaroon ng kawalan ng manggagawa sa loob ng bansa
D. Nadudulot pagtaas sa ekonomiya ang dollar remittances at nalilinang ang
kakayahan ng mga manggagawang Pilipino sa teknikal na kaalaman

11
 Karagdagang Gawain

Panuto: Sagutin ang katanungan sa ibaba at gumamit ng sagutang papel.

Sa iyong pananaw, ano ang pangunahing dahilan ng pangingibang bansa

ng mga Pilipino? Ipaliwanag

Sanggunian

 DepEd LM, CG, TG

 https://www.nationalgeographic.org/activity/introduction-human-migration/
 https://www.workabroad.ph/blog/item/293/epekto-ng-covid-ofws-at-overseas-
employment

12