Sinasabing ang wika ay “kaluluwa ng kultura” at ito rin ay apoy
ng kamalayan sa sangkatauhan, ngunit ano nga ba ang ating kultura?
Taong, 2020, ay taon na kung saan bukana pa lamang ng bagong taon
ay sunod-sunod na ang mga trahedyang naganap. Pinakamabigat na suliranin ngayon ng buong mundo ay ang lumalaganap na COVID-19. Maraming taong binalot ng pangamba at marami ring tila ba walang pakialam.
Ang wika o salita ay may kapangyarihan na pag-ugnayin ang mga
tao, at sa tulong ng wikang ating kinalakihan; na siyang pinagpasapasahan na ng heneresyon, ating muling angkinin ang bansang ating sinilangan sa sakunang lumulupig sa atin, at sa patuloy nitong pagsakop, tayo’y ‘wag pasisiil.
Bilang mamamayang Pilipino, isa sa ating kultura ay ang
pagbabayanihan o pagkakaisa at bawat tao ay binigyan ng kalayaan na ipahayag ang kanilang saloobin sa pamamagitan ng salita o wika o kung ano pa mang pamamaraan, kaya naman mapa-guro man, mag-aaral, opisyal at kahit ano pang estado sa buhay ating IDEKLARA ang PAGKAKAISA upang tayo’y tuluyan nang MAKAWALA sa mahigpit na pagkakahawak ng PANDEMYA.