Professional Documents
Culture Documents
Mga tagapagtanghal:
Isa sa mga pinakahuling balita ng pag-aresto ang kinumpirma sa midya ni Police Brig.
Gen. Rolly Miranda, hepe, Manila Police District. May 20 miyembro ng komunidad ng
LGBTQ+ mula mga grupong Bahaghari, Gabriela at Children’s Rehabilitation Center ang
dinakip at dinala sa presinto. Wala raw kasing permit ang mga nagrali. May nilabag pang
alituntuning pangkuwarentina. Ngunit hindi masagot ng heneral ang tanong ng mga
mamamahayag kung aling partikular na probisyon ng batas ang ofensa.
Nilinaw ni Rep. Sarah Elago, Kabataan Party List, hindi suspendido ang karapatan sa
mapayapang pagtitipon habang nahaharap sa emergency ang publikong kalusugan.
Sumususog ito sa nauna nang posisyon ng Commission on Human Rights, hindi
maaaring supilin ang aktibismo kahit nakakuwarentina ang mga komunidad sanhi ng
CoViD 19.
Hindi sapat ang credits ng bidyo kung kaya hindi direktang matukoy kung kaninong
responsabilidad ang partikular na mga aspekto ng dulang musikal maliban sa graphics na
takdang lumilitaw sa simula ng bidyo. Gayon man, tanging si Granada kaagad ang
matutukoy sa mga istap, crew at cast na may kapital kultural na pirmis ang interes sa
ganitong uri ng tema at sining.
(Itim na bidyo)
1.
Pagkamulat
“Kung Matututo Ka Rin Lang”
(Itim na bidyo)
2.
Pagkilos
“Buhay ay Rebolusyon”
Tampok ang talaban ng tunggaling pananaw, tindig nina Rizal at Bonifacio, bilang
representasyon ng mga kaisipang elit ng uring ilustrado at masang anakpawis, sa
paghalaw ng solusyon pausad mula pagbaklas sa kolonyalismo tungo sa pagsasabansa sa
soberanya ng arkipelago. Masisiwalat din ang iba-ibang gawain ni Dr. Pio sa lihim na
kilusang may lihim pa uli. Gayon din ang pagdadalawang isip niya sa interaksyon ng
personal na buhay dala ng pagnanasang pangkasarian at pagiging Katipunero. Ngunit
dinidiinan dito, ang nabanggit na sa unang kanta tungkol sa kahalagahan ng talino, bilang
salalayan ng paghahandog sa bayan upang ganapin ang pagbabago. Mababanggit din ang
kanyang misyon na kumbinsihin si Rizal. Pinaiigting ng pagtatalo sa loob-loob ni Dr. Pio
ang tining ng tapatan ng sistematikong metodo laban sa pananampalataya; idea laban sa
aktuwal na ganapang mapaghimagsik.
(Itim na bidyo)
Iniaargumento ni Dr. Arturo E. Valenzuela Jr. (apo ni Dr. Pio) sa “If Not For Dr. Pio
Valenzuela, There Would Be No Katipunan Uprising”, sa website ng Lungsod ng
Valenzuela, na,
3.
Pagtatasa
“Dal’wang Doktor, Dal’wang Pasyente”
(Itim na bidyo)
Umalis sina Dr. Pio, Mata, Bracken, Narcisa Rizal, Lopez at Rufino Magos, alalay ni
Mata noong pagitan ng alas-10 at 11 n. u., Hunyo 15, 1896 sakay ng bapor tabong Venus.
Gamit ni Dr. Pio ang pangalang Procopio Bonifacio. Narating nila ang kanlungan ni
Rizal bandang alas-6 n. g., Hunyo 21 (2018). Ihinayag pa ni De Guzman,
4.
Pagkagapi
“Sa Piitan na Mundo”
Ligalig si Dr. Pio. Nakaabot sa kanya ang amnestiyang alok ng mga Kastila. Isinalaysay
ang mga naobserbahan sa detensyon: kapwa detenido mula sa iba-ibang nasyong supil
din ang karapatan at dumanas ng iba-ibang anyo ng pagpapahirap tulad ng Pilipino.
Nauwi ang doktor sa pagmumuni tungkol sa pagkakaugnay ng mga pakikibaka upang
palayain ang inaapi sa buong daigdig. Sa kanyang paglaya, natuklasan ni Dr. Pio na ang
“Imperyong dati” naging “impyernong Puti”. Sukdulan ang pagkabigo.
Mahihinuhang ang araw panahunan (time setting) sa kantang ito ay mula Agosto 19,
1896, ang sinasabing araw na ibinunyag ni Teodoro Patiño sa mga Kastila ang
Katipunan, at lagpas. Makalipas ang pagtatago sa loob ng kulang-kulang dalawang
linggo, sumuko noong Setyembre 1 (2009; 2018). Itinala pa ni De Guzman, mula sa
pagkakakulong sa Madrid, inilipat si Dr. Pio sa isang bilibid sa Barcelona, hanggang sa
isang outpost sa frontierang sakop ng Spain sa Africa. Sa kanyang pagbabalik noong
1899, naagaw na ng US ang kalayaan na kanilang ipinaglaban (2018).
5.
Pagtatalaga
“Kung Mamumuno Ka Rin Lang”
Bagaman katutubong Espanyol ang mga henerong seguidilla at fandango, ang musikang
dala nila ay enkulturado rin ng musika ng iba-ibang bansa sa Europa at Amerika tulad ng
tango, balse, chotis. Gayon din ang katutubong Espanyol na pagliliriks tulad ng copla-
estrebillo at villancico minumutawi, halimbawa, tulad ng bosesang aria hango sa operang
Italyano (298). Sa pagpapalawig pa ni Santos, tinukoy rin ang aspektong sosyokultural
bilang dulog ng impluwensya. Aniya,
Sa kablang banda, ang mobilidad panlipunan ni Dr. Pio mula ilustrado, natransporma rin
sa kategoryang burgesya iniangat ng Amerikanisasyon sa mga larangang kultural,
politikal at pang-ekonomya ng lipunang Pilipino. Ngunit upang mailugar ang sinapit ng
Katipunerong doktor, kinakailangang ipasok din sa kontexto: Ang kontrobersyal na
pagkakapatay kay Bonifacio noong Mayo 10, 1897 sa ilalim ng pamumuno ni Emilio
Aguinaldo sa Katipunan; Pakikipagkasundo ni Aguinaldo sa mga Kastila sa Biak na
Bato, Pakikipagkasundo ni Aguinaldo sa mga konsulado ng US at kay Commodore
George Dewey habang nakadistiyero sa Hongkong at Singapore (Agoncillo 1981, 178;
Encyclopaedia Britannica N. D).
Bagaman patikim lamang ang bidyo sa lasa ng kabuuan ng produksyon, parang naglilihi
ngayon ang mga nakapanood, natatakam sa sunod na hain.
Ito marahil ang masasabing kahinaan ng produksyon. Maliit na bagay para sa pansin ng
burgis. Ngunit napakamahalaga sa diwang tinalakay sa una at ikalawang repertoryo ng
bidyo. Padalisdis na arko ito sa buhay ng mga bayaning huwaran ng pagpapakatatag.
Natuluyan maging trahedya sa huling piyesa. Pinalalakas ng disiplina ng kadakilaan ng
malasakit sa pamumuno ng mga api at walang tinig. Upang sa gayon kahit paano,
maiwasan ang paghingi lagi, ng exkyus sa husga ng kasaysayan.
Mga sanggunian
Agoncillo, Teodoro A. Ang Pilipinas at ang mga Pilipino Noon at Ngayon. Teodoro A.
Agoncillo. 1981. p. 178.
BannedThought.net. “Relationship of the Party with the NPA and the United Front”.
Documents and Publications of the Communist Party of the Philippines. August 1992.
bannedthought.net/Philippines/CPP/1992/RelationshipOfPartyToNPAandUF-
920800.pdf. Hunyo 27, 2020.
Buan, Lian. “Lawyer killed in Nueva Ecija, 48th since 2016”. Rappler. Pebrero 29, 2020.
rappler.com/nation/253031-bayani-dalangin-lawyer-killed-nueva-ecija#:~:text=MANILA
%2C%20Philippines%20–%20Lawyer%20Bayani%20Dalangin,killed%20in%20the
%20Duterte%20administration. Hunyo 29, 2020.
CLTV36. (ND). facebook.com/watch/live/?v=193581905364896&ref=watch_permalink.
Hunyo 29, 2020.
CNN Philippines Staff. “Duterte keeps confidence in Sinas amid birthday party flak”.
CNN. Mayo 20, 2020. cnnphilippines.com/news/2020/5/20/Duterte-keeps-confidence-in-
Sinas-amid-birthday-party-flak.html. Hunyo 29, 200.
De Guzman, Nicai. “Pio Valenzuela, the Katipunero Who Wanted to Bring in Jose
Rizal”. Esquire. Hulyo 11, 2018. https://www.esquiremag.ph/culture/lifestyle/this-
patriot-celebrates-his-birthday-today-a1729-20180711-lfrm. Hunyo 29, 2020.
Maceda, Teresita Gimenez. “The Struggle for Freedom As A Sacred Cause: The Songs of
Radical Social Movements, 1930-1941”. Saysay Himig. Ed., Arwin Q. Tan. The
University of the Philippines Press. 2018. p. 206-211.
Marcelo, Elizabeth. “Farmers’ group leader kidnapped in Cebu”. The Philippine Star.
June 15, 2020. philstar.com/nation/2020/06/15/2020916/farmers-group-leader-
kidnapped-cebu. Hunyo 30, 2020.
Perez-Rubio, Bella. “20 arrested at Pride march against anti-terror bill in Manila”.
Philstar.com. Hunyo 26, 2020. philstar.com/headlines/2020/06/26/2023739/20-arrested-
pride-march-against-anti-terror-bill-manila. Hunyo 29, 2020.
Pabico Lalu, Gabriel. “Arrest of teacher who offered reward for Duterte’s death reeks of
double standard – solon”. INQUIRER.net. May 13, 2020.
newsinfo.inquirer.net/1274014/solon-says-arrest-of-teacher-who-offered-reward-for-
dutertes-death-reeks-of-double-standards. Hulyo 1.2020.
Rappler.com. “At least 20 arrested at Pride march in Manila”. Rappler. Hunyo 26, 2020.
rappler.com/nation/264919-cops-arrest-individuals-pride-month-protest-manila-june-
2020. Hunyo 29, 2020.
Valenzuela, Arturo E.Jr. “If Not For Dr. Pio Valenzuela, There Would Be No Katipunan
Uprising”. Tayo Na Valenzuela. 2011. valenzuela.gov.ph/the_city/drpio. Hunyo 27, 2020.
Welch, Jr., Richard E. “American Atrocities in the Philippines: The Indictment and the
Response. Pacific Historical Review. N. D. watermark.silverchair.com/3637551.pdf?
token=AQECAHi208BE49Ooan9kkhW_Ercy7Dm3ZL_9Cf3qfKAc485ysgAAAnYwggJ
yBgkqhkiG9w0BBwagggJjMIICXwIBADCCAlgGCSqGSIb3DQEHATAeBglghkgBZQ
MEAS4wEQQMKD3mEpM4PJjpZ-
WLAgEQgIICKUF9ZigMm1hQ0X4JRSz0fRxfvyX93gGAqUCxfg0neMCNIIlndwrzP5z
c124FIJQVOpPgqg4F7z75rNGcP1ZOYL03fT-
v503Rf7l3wgBety0hIEdUYUANwIkjF4btxqDYKOn_aT8n5oBc6-
0pVQ_OZqzD5KgNNnPCKe3Y-
GACPtTm_s2VwBP1_WY8YEn8w2bqIprA3dujRnZdflwtQ8i6py4sGV5U4mhf35Wqfty
HJzpsyhEVeDmyrUj1XhbMZ74WsnQ-
rwfm2K3QzD_Yse6N6fMil6y7ioHxoa4HJGlHDylGMXVIHLk2kS4CZ_HCXOkQ7Fl8
kLHbyjlJiyKMFtEIQhJ1WINbGL5pdDBcXElBd6bFSUp_eIyQ9UKqRC2wcQb-
r1IUO5lJXKAtDJ47_L-
3o7teZ8KVgYnZqZcez_VcOgHViNbwOzlFT6FjWbTz9_HICOd0D4GQdeCcImi7eU5F
1PTOaGZHo3f3xTG1O94p2-
x4vLY_vgLn5BUKqys_nT0fZ_e5Ms842VnAQcfaLhH3rITtEYG1giSi8eOJr4QAlCG0Je
d69k963KvbUS5Yw7WjYpmfNNjTAdtUEUlIXv_xvB0_fJZmKw05wMNGuxB0HrDv
HWln5h0cCyCU79lQsagVpKkprHQGY8aWP-
WKVgWCNPiixldfGd23ybqZwWrwySOJwyGlsXk5grEx2xYiItkui4E-
T_1GUSYy4bkKOuOeqcHC9F3_AIyOK84. Hulyo 2, 2020.