Matapos maihanda ang adyenda, tungkulin naman ng kalihim na gumawa ng katitikan ng
pulong. Ano ang katitikan ng pulong? Ang katitikan ng pulong ay tumutukoy sa maikli at tuwirang detalye ng mga napag-usapan sa isang pulong. Ito ay naglalaman ng lagom ng talakayan at desisyong napagkaisahan. Itinuturing itong legal na dokumento sa loob ng ahensya o institusyon na inilalagak sa mga talaan.
Kahalagahan ng Katitikan ng Pulong
Ginagamit ang katitikan ng pulong upang ipabatid sa mga sangkot sa pulong, nakadalo o di- nakadalo, ang mga naganap: saan at kailan ito naganap, sino-sino ang lumiban, sino-sino ang nagbahagi at ano ang mga naging desisyon at iba pa. Makikita sa mas detalyadong katitikan ng pulong(depende sa sitwasyon) ang mga ibinahagi ng mga kasali sa pulong at naging tugon ng tagapamahala rito. Katulad ng korespondensya opisyal, nagiging permanenteng dokumento ito sapagkat nagsisilbi itong mapanghahawakang kopya ng mga pinag-usapan sa naganap na pulong at sa paglipas ng panahon, ito’y nagiging mahalagang dokumentong pangkasaysayan na mapagsasanggunian. Sa tulong ng katitikan ng pulong, maaari itong paghanguan ng impormasyon para sa susunod na pagpupulong gayundin ang mahahalagang ideya para sa isasagawang proyekto.
HAlimbawa ng Katitikan ng Pulong
TANDAAN Ang katitikan ng pulong ay nagsisilbing lagom o sintesis ng mga talakayan at mga napagkaisahang pasya at rekomendasyon ng isinagawang pulong. Mahalagang dokumento ang katitikan upang pagsanggunian ng mga impormasyong magagamit sa pagpapatupad ng mga plano’t gawain ng institusyon.