Republic of the Philippines

Department of Education
Region III
SCHgOOLS DIVISION OF ZAMBALES
Zone 6, Iba, Zambales
Tel./Fax No. (047) 602 1391
E-mail Address: zambales@deped.gov.ph
website: www.depedzambales.ph

Pangalan: ____________________________________ Baitang/Pangkat:__________

Paaralan: _____________________________________ Petsa: ____________________

GAWAING PAGKATUTO
FILIPINO 10
Unang Markahan-Ikaanim na Linggo

I. Panimula

Natatandaan mo pa ba ang mga kuwento tungkol sa batang babae na

nagkaroon ng maraming mata at tinawag itong pinya at sina Malakas at
Maganda? Nakapagbasa ka na ba ng iba pang alamat ngayong nasa Baitang
10 ka na? Ano ang paborito mong alamat?
Marami tayong alamat sa Pilipinas gaya ng Alamat ng Pinya, Alamat ng
Saging at Alamat ng Ampalaya. Ilan iyan sa mga di natin malilimutang
alamat. Ano nga uli ang mensahe ng mga alamat na ito?
Ang Alamat ng Pinya ay nagsasaad ng pinagmulan ng pinya at
nagbabahagi ng aral ng pagiging masunurin at masipag.
Ang Alamat ng Saging ay nagsasaad ng pinagmulan ng saging at
nagbabahagi ng aral ng pagiging pasensyoso at maunawain.
Ang Alamat ng Ampalaya ay nagsasaad ng pinagmulan ng ampalaya at
nagbabahagi ng aral ng pagiging kontento
Ang alamat ay kuwentong bayan na naglalahad kung saan nagmula
ang mga bagay sa mundo. Ito ay nagsasalaysay ng mga pangyayari na
nagdulot ng pagkabuo ng mga tunay na tao, pook o bagay sa mundo. May
kaugnayan ito sa mitolohiya na kung saan tumatalakay sa mga likas na
nagaganap sa kapaligiran. Halimbawa ay kung paanong nagkaroon ng
malakas na hangin, bagyo o karagatan.
Sa gawaing pagkatuto na ito, matutulungan kang sumuri ng mitolohiya
bilang isang sangay ng panitikan na kinagigiliwang basahin sa buong mundo.
Nawa’y makinabang kang mabuti sa mga gawaing inilaan sa iyo sa
linggong ito.
II. Kasanayang Pampagkatuto

Natutukoy ang mensahe at layunin ng nabasang mitolohiya.

(F10PD-la-b-61)

III. Layunin:

Sa pagtatapos ng gawaing pagkatuto na ito, ikaw ay

inaasahang:

1. naipaliliwanag ang kahulugan ng mitolohiya;

2. natutukoy ang mensahe at layunin ng nabasang mitolohiya; at
3. nakasusulat ng ‘Ulat Sulat’ tungkol sa mensahe o layunin ng bayan
sa panahon ng pandemya mula sa napanood, nabasa o narinig na
balita.

IV. Pagtalakay

Ang mitolohiya ay mga tradisyonal na kuwento na pantasya at

kababalaghan na karaniwang tumatalakay sa buhay ng mga diyos,
diyosa, at iba pang makapangyarihang nilalang. Kadalasang
nagbibigay ito ng paliwanag sa mga likas na nagagaganap sa
kapaligiran. halimbawa ay kung paanong nagkaroon ng malakas na
hangin, bagyo, karagatan. May kaugnayan din ito sa mga alamat.

Gamit ng mitolohiya

• Ipaliwanag ang pagkalikha ng daigdig

• Ipaliwanag ang pwersa ng kalikakasan
• Magkuwento ng mga sinaunang gawaing panrelihiyon

Elemento ng Mitolohiya

1. Tauhan-ang mga tauhan sa mitolohiya ay mga diyos

o diyosa na may taglay na kakaibang
kapangyarihan

2. Tagpuan-mga kaugnay na tagpuan sa kulturang

kinabibilangan at sinaunang panahon

3.Banghay
a. maraming kapana-panabik na aksyon at
tunggalian
b. maaring tumalakay sa pagkakalikha ng mundo
 c. nakatuon sa suliranin at paano ito malulutas
4.Tema
a. magpaliwanag sa natural na pangyayari
b. mga paniniwalang panrelihiyon
c. pinagmulan ng buhay sa daigdig
d. katangian at kahinaan ng tauhan
e. pag-uugali ng tauhan
f. mga aral sa buhay

Mga halimbawa ng mitolohiya

-Ang Handog na Apoy ni Promethesus sa
Sangkatauhan-Gresya
-Si Thor sa Mitolohiyang Norse-Eueopa

Mga halimbawa ng mitolohiya sa Pilipinas

-Juan Tamad
-Biag ni Lam-Ang
-Kapre

Ang MITOLOHIYA ay nagsasaad ng:

MENSAHE LAYUNIN

Ang mensahe ay gusto mong Ang layunin ay salitang may

ipahayag sa isang tao, tinatawag
itong komunikasyon. Ang
komunikasyon ay isang proseso ng
pagpapadala at pagtanggap sa
pamamagitan ng simbolikong cues
na maaring di-berbal o berbal.
Halimbawa:
1. Mahalin mo ang iyong mga
kapatid.
2. Mag aral ka nang mabuti.
kaakibat na pagkilos at may
katiyakang maisasakatuparan ang
anomang gawain o bagay na layong
gawin.
Halimbawa:
1. Makapagpatayo ng bahay
para sa mga magulang.
2. Makabili ng sariling
sasakyan.
V. Gawain

Gawain 1
Panuto: Piliin ang angkop na salita sa loob ng panaklong upang mabuo ang
kaisipan na ipinapahayag ng pangungusap. Isulat ang sagot sa sagutang
papel.

1. Layunin ng pamahalaan na (mabigyan,

mapagdamutan) ng sapat na pagkain ang lahat ng
mamamayang Pilipino ngayong panahon ng pandemya.

2. Palakihin mo ang iyong mga anak na marunong

(magpahalaga, magwaldas) sa pera.

3. Mahalin natin ang ating mga magulang habang sila ay

(mahina, malakas) pa.

4. Nilalayon ng Pambansang Estratehiya laban sa COVID-19

para sa pagtugon sa kakulangan sa Personal na Kagamitang
Pamproteksyon o Personal Protective Equipment (PPE) na tiyakin ang
(proteksyon, pabayaan) ng mga maggagawa laban sa Covid-19.

5. Layunin ng pamahalaan ang (pagsagot, pagbalewala)

sa suweldo ng mga guro sa pribadong paaralan.

Gawain 2
Panuto: Basahin ang buod mitolohiyang ‘Cupid at Psyche’.

Noong unang panahon sa isang kaharian may tatlong magkakapatid

na parehas magaganda. Si Psyche ang bunso ang may pinakamagandang
mukha at sinasamba ng mga kalalakihan. Ang mga kapatid niya ay may sarili
ng mga buhay at siya na lamang ang wala.
Sa Kaharian ng mga diyosa, nagagalit si Venus dahil tinalo siya sa
kagandahan ni Psyche. Mas marami ang nag-aalay kay Psyche kaysa sa
kaniya na pinakamagandang diyosa. Agad niyang inutusan ang anak na si
Cupid na pumunta sa mundo ng mga mortal at paibigin si Psyche. Nabighani
si Cupid sa kagandahan ni Psyche at siya’y umibig ngunit inilihim niya sa
kaniyang ina. Malungkot si Psyche dahil walang umiibig sa kaniya.
Nabahala ang kaniyang ama at nakiusap kay Apollo. Ngunit bago pa
ang ama ni Psyche nauna na si Cupid na makiusap kay Apollo. Dinala si
Psyche ng kaniyang ama sa itaas ng burol at iniwan siya nito. Agad siyang
hinipan ni Zephyr sa isang maaliwalas na kaharian at nakilala ang kaniyang
mapapangasawa. Malungkot pa rin si Psyche sapagkat gusto na niyang
makita ang kaniyang mga kapatid ngunit tinutulan ng kaniyang asawa.
Naawa ang asawa niya kaya pinayagang makita ang kapatid. Agad na
nagkaroon ng suspetsa ang kapatid na halimaw ang asawa ni Psyche. Kaya
inutusan nila na patayain si Cupid. Laking tuwa niya nang makita na hindi
ito halimaw. Iniwan siya ni Cupid dahil sa pagtitiwalang nawala.
Hinanap niya ang lalaki at napadpad kay Venus. Agad na nagalit si
Venus at binigyan nito ng maraming pagsubok. Sa awa ng mga diyos
nalampasan nila lahat ng pagsubok at nagkita sila ni Cupid. Ipinatawag ang
mga diyos at diyosa upang ikasal silang dalawa. Dito naging imortal si Psyche
at tinanggap na rin ni Venus.
Si Cupid ang anak ni Venus na umibig kay Psyche at naging asawa
nito at si Psyche ang babaeng pinakamaganda ngunit walang umiibig na
naging diyosa sa lugar ng imortal.

Panuto: Ilahad at ipakita ang mensahe ng binasang buod ng mitolohiya sa

pamamagitan ng ‘Mensahawan’ bilang pagsusuri sa akda. Iguhit ito sa
sagutang papel.

Hakbang sa Pagsasakatuparan:

1.Maghinuha kung anong sagisag ang sumisimbolo sa

susunod na pangyayari mula sa nabiting
pahayag o teksto sa dulo ng akda.
2.Ilagay sa papel ang sagisag na nahinuha.
3. Mula sa iginuhit, isusulat sa ibaba ang inyong
paliwanag kung bakit ito ang napili mong
simbolismo? Ano ang kaugnayan nito sa tinalakay na
aralin?
4. Makatutulong na maging batayan ang pamantayang
rubrik sa pagpapaunlad ng iginuhit na
produkto ng pagsusuri.

RUBRIK SA PAGGUHIT
Puntos
Mensahe
 Malinaw ang mensaheng nais iparating sa iginuhit kaugnay 15
ng paksa.
Interpretasyon
 May organisadong pagpapakahulugan mula sa literal 10
patungong mapanuring antas ng pagpapahayag ng
kaisipan sa anomang iginuhit na simbolo o pangyayari.
Kasiningan
 Malinis, maayos, at makulay ang iginuhit. Kasama ring 5
pinagsanib ang berbal at di-berbal na sangkap ng
pagpapahayag gamit ang masining na paraan.
KABUOAN 25
Gawain 3
Panuto: Basahin ang buod ng kuwentong Sina Thor at Loki sa Lupain
ng mga Higante ni Snorri Sturluson.

Napagpasiyahan nina Thor at Loki na maglakbay patungo sa

Utgaro, lupain ng mga higante, ang kalaban ng mga diyos sa
Norse. Kinaumagahan, sila ay naglakbay sakay ng karwahe na hinihila
ng dalawang kambing. Naglakbay sila hanggang sa makita nilang ang
natutulog na si Skymir isang uri ng higante na naninirahan sa
kakahuyan. Sa tuwing umiinit ang ulo ni Thor at habang si Skymir ay
natutulog, pinupukpok niya ng kaniyang maso ang ulo nito upang ito
ay magising. Dinala ni Skymir sina Thor kay Utgaro Loki ang hari ng
mga higante. Nakipag paligsahan sila rito upang malaman kung gaano
kalakas sina Thor, ngunit sa kasamaang palad ay natalo sina Thor sa
lahat ng paligsahan na kanilang sinalihan. Ngunit ang totoo nito ay
nilinlang lang sila ni Utgaro Loki dahil walang kapantay ang kaniyang
lakas at ayaw ni Utgaro na may makatalo sa kaniya. Nang matapos na
ang mga paligsahan. Si Thor ay muling lumisan at ipinagpatuloy ang
kaniyang paglalakbay hanggang sa makabalik sa Thruovangar, ang
mundo ng mga diyos.

Panuto: Isulat ang mensahe na nais iparating ng akda at layunin ng

may akda sa binasang buod ng mitolohiya. Isulat ang sagot sa
sagutang papel.

Mensahe Layunin

Gawain 4
Panuto: Bumuo ng ‘PANGAKO NG KABUTIHAN’ mula sa buod ng
binasang mitolohiya. Lakipan ng isang pangako mula sa napagtibay na
pagpapahalaga o aral mula sa buod ng akda.

Hakbang sa pagsasakatuparan
1. Ang paksang pagmumulan ng pangako ay magmumula
sa aral ng dalawang mitolohiyang tinalakay.
2. Ang lahat ng pagbabago o pagkilos ay mag-uumpisa sa
sarili.
3. Gamit ang makukulay na papel, bumuo ng lima hangang
 sampong pangako. Isulat ito sa binakat na hugis-palad na
papel. Sa likod ng isinulat na pangako, tiyaking bibigyan
ito ng paliwanag kung paano tuwirang maisasakatuparan.

4. Ibigay sa magulang ang mga ito upang ang magulang

ang titingin kong ang mga ito ay naisakatuparan.
Pipirmahan ng magulang ang bawat pangako kapag
naisakatuparan bago ibigay sa guro.

5. Upang maging mabunga, at kapaki-pakinabang ang

gawain, mamarkahan ang binuong pangako batay sa
isinasaad na pamatayan ng rubric.

7-10 – lubhang sumasang-ayon

4-6 – sumasang-ayon
1-3 – bahagyang sumasang-ayon

RUBRIK SA PAGBUO
Puntos Paliwanag
________1. Makatotohanan ang nilalaman ng pangako
________2. Maganda ang nilalaman ng pangako
________3. Maayos at malinis na naisulat ang pangako sa
makukulay na papel
________4. Malikhain at masining ang ginawa upang ipamalas ang
pangako ng pagiging mabuting mamamayan
________5. Kayang-kayang tuparin ang pangako. Hindi ito suntok
sa buwan.

VI. Pagsusulit

Panuto: Sumulat ng ‘Ulat Sulat’ batay sa mensahe at layunin ng

dalawang sinuring mitolohiya. Iugnay ito sa iyong sariling karanasan,
narinig na karanasan at napanood na may katulad na mensahe at
layunin. Gawin ito sa paraang parang nag-uulat. Isulat ang sagot sa
sagutang papel.

Gawing panuntunan ang sumusunod:

Batayan ng Pagmamarka Kaukulang Marka
puntos
Malinaw na naipahayag ang mensahe at
layunin
10
Naiuugnay ang mensahe at layunin batay
sa sariling karanasan, narinig at
10
napanood
Maayos ang pagkakabuo ng bawat 5
pangungusap
Kabuoang Puntos 25

VII. Pangwakas
Panuto: Isulat sa espasyo bago ang bilang ang M kung tinutukoy ng
pahayag ay mensahe at L kung ito naman ay layunin.

_____1. Huwag lumaki ang ulo kapag pinagpala.

_____2. Matutong pahalagahan ang pagmamahal sa
magulang kahit may sariling pamilya na.
_____3. Makapagtapos ng pag-aaral.
_____4. Makatulong sa mga kapos palad.
_____5. Tandaan na pinagpapala ng Diyos ang
gumagalang sa magulang.
_____6. Makapagtrabaho sa ibang bansa.
_____7. Mahalin ang mga kapatid at huwag pagdamutan.
_____8. Maipasyal ang mga magulang sa ibang bansa.
_____9. Alisin ang galit sa puso upang mamuhay ng
payapa.
_____10. Makabili ng sariling lupang sakahan.

VIII. Sanggunian
Panitikang Pandaigdig Filipino 10 Modyul para sa mag-aaral.
Baybayin Paglalayag sa Wika at Panitikan 10.