5

ARALING PANLIPUNAN
Ikaapat na Markahan- Modyul 5 at 6
Ikalima at Ikaanim na Linggo

SDO TAGUIG CITY AND PATEROS

 Paunang Salita
Para sa tagapagdaloy:
Ang modyul na ito ay pinagtulungang dinisenyo, nilinang at sinuri ng mga edukador mula
sa pampubliko at pampribadong institusyon upang gabayan ka, ang gurong tagapagdaloy
upang matulungang makamit ng mag-aaral ang pamantayang itinakda ng Kurikulum ng
K to12 habang kanilang pinanagumpayan ang pansarili, panlipunan at pang-ekonomikong
hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay at malayang

pagkatuto na mga gawain ayon sa kanilang kakayahan, bilis at oras. Naglalayon din
itong matulungan ang mag-aaral upang makamit ang mga kasanayang pan-21 siglo
habang isinasaalang-alang ang kanilang mga pangangailangan at kalagayan.

Bilang tagapagdaloy, inaasahang bibigyan mo ng paunang kaalaman ang mag-aaral kung

paano gamitin ang modyul na ito. Kinakailangan ding subaybayan at itala ang pag-unlad nila
habang hinahayaan silang pamahalaan ang kanilang sariling pagkatuto. Bukod dito, inaasahan
mula sa iyo na higit pang hikayatin at gabayan ang mag-aaral habang isinasagawa ang mga
gawaing nakapaloob sa modyul.
Para sa mag-aaral:
Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad din
nitong madulutan ka ng mga makabuluhang oportunidad sa pagkatuto.

Ang mga sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang marka o sulat
ang anumang bahagi nito. Gumamit ng hiwalay na papel sa pagsagot sa mga
pagsasanay.
2. Basahing mabuti ang mga panuto bago gawin ang bawat pagsasanay.
3. Obserbahan ang katapatan at integridad sa pagsasagawa ng mga gawain at sa
pagwawasto ng mga kasagutan.
4. Tapusin ang kasalukuyang gawain bago pumunta sa iba pang pagsasanay.
Kung sakaling ikaw ay mahirapang sagutin ang mga gawain sa modyul na ito, huwag
mag-aalinlangang konsultahin ang inyong guro o tagapagdaloy. Maaari ka rin humingi ng
tulong kay nanay o tatay, o sa nakatatanda mong kapatid o sino man sa iyong mga
kasama sa bahay na mas nakatatanda sa iyo. Laging itanim sa iyong isipang hindi ka
nag- iisa.

Umaasa kami, sa pamamagitan ng modyul na ito, makararanas ka ng makahulugang

pagkatuto at makakakuha ka ng malalim na pang-unawa sa kaugnay na mga kompetensi.
Kaya mo ito.

1
 Aralin Partisipasyon ng Ibat-ibang Rehiyon
at Sektor( Katutubo at Kababaihan) sa
5 at 6 Pakikibaka ng Bayan

Ano ang target ko?

Sa pagtatapos ng modyul na ito, inaasahang natataya mo ang partisipasyon ng iba’t-

ibang rehiyon at sektor (katutubo at kababaihan) sa pakikibaka ng bayan.

Ano ako magaling?

Panuto: Basahin ang mga pangungusap na nasa ibaba.Isulat ang titik ng tamang sagot sa
sagutang papel.
1. Ano ang isa sa naging dahilan ng pag-aalsa ng mga katutubo sa mga Espanyol?
A. Pagyakap sa relihiyong Kristiyanismo.
B. Mabuting pakikitungo ng mga Espanyol sa mga katutubo.
C. Malupit na pamamalakad ng mga pari at pinunong Espanyol.
D. Paniningil ng tamang buwis sa mga katutubo.
2. Ano ang tawag sa pagtutol sa mga patakaran na nakakahadlang sa kalayaan ng
bansa?
A. Kolonyalismo C. Kolonya
B. Pag-aalsa D. Imperyalismo
3. Sino ang pumatay sa mga kasapi ng pag-aalsa sa Pampanga?
A. Heneral Santiago de Vera C. Heneral Jose Basco
B. Heneral Pedro Balingit D. Heneral Christian Cruz-Herrera
4. Sino ang namuno sa pag-aalsa ng mga Itneg sa Cagayan at Apayao ?
A. Miguel Lanab at Alababan C. Felipe Catabay at Gabriel Taya
B. Pedro Almazan at Tapar D. Miguel Lanab at Francisco Rivera
5. Sinong paring Dominikano ang naging dahilan ng pagtigil ng pag-aalsa ng mga
Gaddang?
A. Jose Santa Maria C. Padre Juan Burgos
B. Pedro de Santo Tomas D. Padre Jose Arias
6. Sino ang tinaguriang “Ina ng Biak na Bato”?
A. Gabriela Silang C. Melchora Aquino
B. Trinidad Tecson D. Patricinio Gamboa
7. Ang nag-iisang babae sa kasaysayan ng Kabisayaan na binangsagang “Joan of Arc
ng Kabisayaan” ay si ________.
A. Gabriela Silang C. Teresa Magbanua
B. Trinidad Tecson D. Gregoria de Jesus

3
 8. Kailan iwinagayway ang watawat ng Pilipinas sa naganap na pinasaya ng
Pamahalaang Rebolusyonaryo sa Visaya?
A. Nobyembre 15, 1898 C. Nobyembre 17, 1898
B. Nobyembre 16, 1898 D. Nobyembre 19, 1898
9. Ano ang mahalagang papel ng ginampanan ni Gregoria de Jesus sa Katipunan?
A. Nagbigay ng tulong mga nasugatang katipunero.
B. Nagtahi ng watawat ng Katipunan.
C. Nagtago ng mga mahahalagang dokumento ng samahan.
D. Nangolekta ng tulong para sa mga katipunero
10. Alin ang pahayag na hindi nagsasaad tungkol kay Patrocinio Gamboa?
A. Nangolekta din siya ng salapi, pagkain, gamot at armas.
B. Naging mabuting espiya at tagahatid ng mensahe sa rebolusyon.
C. Pinangunahan niya ang isang pangkat ng mga kalalakihan.
D. Matagumpay niyang nalagpasan ang mga bantay upang dalhin ang watawat na
bahagi ng pagdiriwang.

Ano ang balik – tanaw ko?

Panuto:Isulat ang Tsek (/) kung ang pangungusap ay nagpapakita ng pananaw at

paniniwala ng mga Muslim at Ekis (X) kung hindi. Isulat sa patlang bago ang bilang.
_____1.Malaki ang pagpapahalaga ng mga Muslim sa kalayaan.
_____2.Hindi sila nakikipagkasundo sa mga dayuhan.
_____3.Ang pagsakop sa kanilang teritoryo ay nangangahulugan ng malaking digmaan
hanggang kamatayan.
_____4.Tinalikuran nila ang kanilang relihiyon at tinanggap ang relihiyong Kristiyanismo.
_____5.Ang pakikipaglaban ay nagpapakita ng kanilang pagtatanggol sa kanilang
kinagisnang relihiyon.

Ano ang gagawin ko?

Kilala nyo ba sila?

Ano ang naging epekto ng
pangyayaring ito sa kalagayan ng
mga Pilipino noong panahon ng
Espanyol?

4
 Ano ang kahulugan?

Bago mo simulan ang aralin. Basahin muna ang mga tala.

Ang Partisipasyon ng Iba’t – ibang Rehiyon at Sektor
( Katutubo at Kababaihan) sa Pakikibaka ng Bayan
Pakikibaka ng mga Katutubo
Sa buong pananakop ng mga Espayol, maraming hiwa-hiwalay na pag-aalsa ang
nangyari sa buong bansa. Ang pag-aalsa ay ang pagtutol (hindi pagsang-ayon) sa mga
patakaran o anumang nakakahadlang sa kalayaan ng mga mamamayan sa isang lugar o ng
isang indibidwal.
Ilan sa kanilang mga tinutulan ay ang mataas na buwis, sapilitang paggawa, at
diskriminasyon sa lipunan.Kasama rin ang malupit na pamamalakad ng mga prayle at
pinunong Espanyol.
Narito ang mga pag-aalsa at sektor na bumuo sa bawat pag-aalsang naganap sa kasaysayan.
Pag-aalsa sa Pampanga (1585)
Sila nag-alsa sa mga pang-aabuso ng mga encomendero. Binalak na pasukin ang
Mynila at patayin ang mga kastila ngunit nalaman ng isang katutubong babae na asawa ng
kastilang sundalo.Ipinadakip at ikinulong ni Gob.Hen. Santiago de Vera ang pinuno at
pinatay naman ni Heneral Christian Cruz-Herrera.
Pag-aalsa ng Cagayan at Dingras (1589)
Ang pagmamalabis ng mga conquistadores (sundalong Espanyol na nakatulong sa
pagpapatupad at pagpapalaganap ng kolonyalismo). Sila ay nananakit at nag-aabuso sa mga
Pilipino bukod sa pagbabayad ng mataas na buwis.Nagsimula ito ng patayin ng mga katutubo
ang anim na mga taga-kolekta ng buwis ng pamahalaan.Ipinadala ni Gob-Hen. Santiago de
Vera ang kanyang hukbong binubuo ng mga Pilipino at ilang Espanyol upang pigilan ang
pag-aaklas.
Pag-aalsa ng Gaddang (1621)
Ito ay pinamumunuan nina Felipe Catabay at Gabriel Taya sa Cagayan Valley.Ang
pagtutol sa pagpataw ng buwis at sapilitang paggawa na ipinatupad ng mga Kastila ang
dahilan ng pag-aalsa. Natigil ang pag-aalsa ng pinakiusapan sila ng Dominikanong paring si
Pedro de Santo Tomas na itigil na ang labanan. Dahil sa mahusay na magsalita ang pari
nakinig at sumuko ang mga Gaddang.
Pag-aalsa ng mga Itneg (1625-1627)
Ito ay pinamumunuan ni Miguel Lanab ng Cagayan at Alababan ng Apayao.Pinugutan
ng ulo ang dalawang misyonerong Dominikano. At hinikayat ang mga Itneg na
magnakaw,dumumi sa mga imahen ng santo.Gayundin na sunugin ang mga lokal na
simbahan bilang protesta sa sapilitang pagbibinyag sa kanila sa Kristiyanismo.Nasupil noong
1627 sa utos ni Gobernador Heneral Fernando de Silva.
Pag-aalsa ni Malong sa San Carlos,Pangasinan (1660-1661)
Ito ay pinamumunuan ni Andres Malong.Nag-ugat sa hindi pagbabayad ng mga
Espanyol ng kaukulang sahod sa libo-libong katutubong nagtatrabaho sa pagawaan ng
barko.Kinalaban ang mga opisyal na Espanyol lamang at di ang kaparian o simbahan. Agad
nasupil ng mga Espanyol.

5
Pag-aalsa ni Almazan sa San Nicolas,Laoag,Ilocos Norte (1661)
Ito ay pinamumunuan ni Don Pedro Almazan isang mayamang pinuno ng Laoag na
kinoronahan noong 1660 bilang Hari ng Ilocos. At kasama si Juan Magsanop pinuno ng
Bacarra,Bangu.Nagsagawa ng pag-aalsa bilang pagsuporta sa ipinaglalaban ni Malong ng
Pangasinan.Matapos niyang ipapugot ang ulo ng mga prayleng Dominikano na si Jose Santa
Maria at Agustino na si Jose Arias.Nadakip at ibinigti si Almazan sa plaza at tuluyang natigil
ang rebelyon.
Pag-aalsa sa Panay (1663)
Pinangunahan ni Tapar ng Iloilo na naghahangad na magtayo ng bagong sangay ng
Kristiyanismo sa bayan ng Oton.Ito ay kung saan kikilalanin siya bilang “Diyos na
Makapangyarihan”. Agad na nasupil at pinatay ang mga lumahok sa rebelyon.
Pag-aalsa ng Zambal (1681-1683)
Ito ay pinangunahan ng isang datu ng Zambales ang tumangging magpasakop at
naglunsad ng digmaan laban sa mga Kastila.Dagling nagpadala ang mga hukbo na 6000
kawal upang mapigilan.Matapos ang halos dalawang taon tuluyang napasailalim sa
pamamahala ang bayan.Ang lahat na nakibahagi sa pag-aalsa ay pinatawan ng kamatayan.
Pag-aalsa ng mga Magtangaga ng Cagayan (1718)
Pinamumunuan ni Francisco Rivera na ninais na matawag na “Papa (pope) at hari”.
Pinigilan niya ang mga katutubo ng Tuguegarao na ipagpatuloy ang pagtangkilik sa
Kristiyanismo.At hinimok ng pagsasauli sa mga prayle ng ibinigay nilang mga rosaryo at
iskapularyo.
Pag-aalsang Basi (1807)
Pinamunuan ni Pedro Ambaristo sa kasalukuyang Piddig,Ilocos Norte.Nag-ugat sa
paghihigpit ng mga Espanyol sa produksiyon at pagbebenta ng basi ( isang uri ng alak mula
sa tubo).Ipinagbawal ang pribadong produksiyon ng alak.Dahil dito,napilitan ang mga
Ilokano na bumili ng basi sa pamahalaan sa higit na mataas na halaga.Makalipas ang ilang
linggo ng pag-aalsa, nasupil din agad ito ng mga Espanyol.
Partisipasyon ng mga Kababaihan
Napakalaki ng ginampanan ng kababaihan noong panahon ng himagsikan
(pakikibaka). Dahil sa labis na pagmamahal din sa kalayaan ang iba sa kanila ay nakibaka
para sa bayan sa kabila ng kanilang kasarian. Narito ang ilan sa mga kababaihan na nakibaka
para sa kalayaan.
Si Maria Josefa Cariño Silang
Kilala sa tawag na Gabriela Silangat kabiyak ni Diego Silang. Siya ang unang
Pilipinong babae na namuno sa isang paghihimagsik noong kolonisasyon ng mga Kastila sa
Pilipinas. Siya ang tinaguriang “Unang Babaeng Heneral” at “Unang Babaeng Martir” dahil
sa kanyang katapangan at kagitingan para sa kapakanan ng bayan.
Gregoria de Jesus
Siya ang naging kabiyak ni Andres Bonifacio at kilala sa tawag na Orang. Siya ang
“Lakambini ng Katipunan” at tagatago ng mga mahahalagang dokumento ng samahan. Siya
rin ay Pangalawang Pangulo sa sektor ng pambabae ng samahan.
Trinidad Tecson
Siya ay kilala sa tawag na˝Ina ng Biak na Bato”. Binansagan din siyang “Ina ng Red
Cross˝sa Pilipinas para sa kanyang paglilingkod sa mga katipunero. Hinangaan siya ng mga
kalalakihan dahil sa tapang at husay niya sa paghawak ng sandata lalo na sa eskrima.

6
Teresa Ferraris Magbanua
Siya ang nag- iisang babae sa kasaysayan ng kabisayaanang binansagan na “Joan of
Arc ng Kabisayaan”.Pinamunuan niya ang isang pangkat ng kalalakihan sa Labanang Baryo
Yoting,Capiz noong Disyembre,1898.At sumabak din sa Labanang Burol Sapong malapit sa
Sara,Iloilo.Kilala sa tawag na “Inay Isa” at isinilang sa Pototan,Iloilo.
Melchora Aquino
Siya ay kilala sa bansag na “Ina ng Katipunan” at “Tandang Sora”. Sa edad na 84,
hindi siya nag-atubiling magbigay ng tulong sa mga nasugatang Katipunero sa tuwing
napapasabak ang mga ito sa labanan.Siya ang pinakamatandang kasapi ng samahan.
Patrocinio Gamboa
Siya ay kilala sa tawag na “Bayani ng Jaro”. “Tiya Patron” ang palayaw sa kaniya. Si
Tiya Patron at ilang kababaihan ang tumahi ng watawat ng Filipinas na iwinagayway sa
pinasaya ng pamahalaang rebolusyonaryo sa Visaya noong Nobyembre 17, 1898.Bukod sa
mapanganib na pagdadala ng watawat mula Molo hanggang Santa Barbara.Tinupad niya ang
maraming tungkulin bilang espiya at tagahatid mensahe ng rebolusyon.Nangolekta din siya
ng salapi, pagkain, gamot at armas
Sagutin ang mga tanong sa ibaba:
1. Ibigay at ilarawan ang mga pag-aalsa ng ibat-ibang katutubong Pilipino noong
pananakop ng mga Espanyol? ___________________________
2. Paano ipinakita ng mga kababaihan ang kanilang partisipasyon sa pakikibaka?_____

Ano pa ang gagawin ko?

A. GAWAIN A.Buuin ang word puzzle.Isulat ang wastong sagot ayon sa tinutukoy sa
ibaba.

1. Tinaguriang na Joan of Arc ng Kabisayaan

2. Unang Babaeng Heneral at Unang Babaeng martir

3. Ina ng Biak na Bato

4. Ina ng Katipunan

5. Bayani ng Jaro

7
GAWAIN B:Panuto: Tumbasang Salita: Ibigay ang salita o salitang katumbas.
1. Miguel Lanab : Cagayan :: Alababan: ________
2. Andres Malong: ______ :: Felipe Catabay : Cagayan Valley
3. Tapar : Iloilo :: Pedro Almazan :_______
4. Gabriela Silang : Diego Silang :: Gregoria de Jesus : ______.
5. Patriciano Gamboa : Jaro, Iloilo – Teresa Magbanua : ________.

GAWAIN C: Panuto: Ibigay ang isinasaad sa bawat bilang.Hanapin ang sagot sa loob ng
kahon.
Melchora Aquino Gabriela Silang Patricinio Gamboa
Pedro Almazan Trinidad Tecson Tapar
______1. Ninais na kilalanin na “Diyos na Makapangyarihan”
______2. Pinakamatandang kasapi ng Katipunan
______3. Mayamang pinuno ng Laoag na kinoronahan bilang Hari ng Ilocos
_____ 4. Magaling mag-eskrima
______5. Espiya ng rebolusyon

Ano ang natamo ko?

Tandaan Natin ito

Maraming dahilan ang nagbunsod ng pag-aalsa ng ibat-ibang rehiyon at sektor sa
Pilipinas.Ang ilan sa mga kadahilanang ito ay ang sapilitang paggawa, tributo, buwis at
relihiyon.Kasama rin ang pangangamkam ng mga lupa at pagmamalabis ng mga Kastila.
Dahil sa pagmamalabis ng mga Espanyol,maraming Pilipino ang nagbuwis ng buhay
para sa kanilang kalayaan.Maging ang mga kababaihan ay sumama sa
pakikidigma.Maraming kababaihan ang naging bahagi ng pakikibaka para sa minimithing
kalayaan.Kasama sina Gabriela Silang,Melchora Aquino,Gregoria de Jesus,Patrocinio
Gamboa,Teresa Magbanua,Trinidad Tecson.

Ano ang kaya kong gawin?

Panuto: Sumulat ng isang sanaysay batay sa tanong sa ibaba.

“Kung sakaling may dayuhang mananakop sa Pilipinas sa kasalukuyan,gagawin mo rin ba
ang ginawang paglaban ng mga katutubong Pilipino?Bakit?
_________________________________________________________________

8
 Kumusta na ang target ko?

Panuto: Basahin ang mga pangungusap na nasa ibaba.Isulat ang titik ng tamang sagot sa
sagutang papel.
1. Sino ang tinaguriang “Unang Babaeng Martir” dahil sa kanyang katapangan?
A. Gabriela Silang C. Gliceria Marella de Villavicencio
B. Gregoria de Jesus D. Patrocinio Gamboa
2. Alin ang hindi kabilang sa mga ginampanan ni Gregoria de Jesus sa Katipunan?
A. Magaling na heneral sa Katipunan.
B. Pangalawang pangulo sa sektor ng pambabaeng samahan sa Katipunan.
C. Lakambini ng Katipunan.
D. Tagatago ng mga lihim na dokumento ng samahan.
3. Sino ang namuno sa pangkat ng mga kalalakihan sa Labanang Bario Yoting, Capiz?
A. Gabriela Silang C. Teresa Magbanua
B. Patrocinio Gamboa D. Trinidad Tecson
4. Ang mga sundalong Espanyol na nakatulong sa pagpapatupad at pagpapalaganap ng
kolonyalismo ay tinatawag na _______________.
A. encomendero B. conquistadores C. Gobernador-Heneral C. prayle
5.Si Melchora Aquino ay naging kasapi sa katipunan sa edad na______.
A. 82 C. 84
B. 83 D. 85
6. Ano ang pangunahing layunin ni Tapar sa pagtatayo ng bagong sangay ng
Kristiyanismo sa bayan ng Oton?
A. Kikilalanin siya bilang Diyos na Makapangyarihan.
B. Kikilalanin siya bilang Hari na Makapangyarihan.
C. Kikilalanin siya bilang Hari ng Tuguegarao.
D. Kikilalanin siya bilang Diyos ng Sanlibutan.
7.Ilang taon ang pag-aalsa ng mga Zambal laban sa mga Kastila?
A. 1 C. 3
B. 2 D. 4
8. Paano ipinakita ng mga Itneg ang kanilang paglaban sa mga Kastila?
A. Hindi pagbabayad ng kaukulang buwis.
B. Pagpatay sa tagakolekta ng buwis ng pamahalaan.
C. Pagsunog sa mga lokal na simbahan.
D. Pagsasauli ng mga rosary at eskapolaryo sa mga pari.
9. Sino ang hindi kabilang na pinuno ng mga katutubo na nag-alsa laban sa mga Kastila?
A. Pedro Ambaristo C. Felipe Catabay
B. Miguel Lanab D. Felipe Agoncillo
10. Ito ay isang uri ng alak na mula sa tubo.
A. Tuba c. lamanog
B. Basi D. suka

9
 Ano pa ang kaya kong gawin?
GAWAIN A: Panuto Isulat ang FACT kung tama ang isinasaad ng pangungusap,
BLUFF naman kung mali.
____1. Ang isa sa dahilan ng pag-aalsa ay labis na paniningil ng buwis.
____2. Makatarungan ang ginawang pamumuno ng mga kastila sa mga Pilipino.
____3. Pansarili lamang ang naging dahilan ng pag-aaklas ng mga katutubo.
____4. Ang mga pag-aaklas ay nilahukan ng mga katutubong mula sa ibat-ibang sektor.
____5.Naging matagumpay ang pag-aaklas ng mga katutubo laban sa mga Kastila.

GAWAIN B: Panuto:Panoorin ang video at sagutan ang pagsasanay na makikita sa

link na ito.
a. https://www.youtube.com/watch?v=zDM585LX1qY

• SANGGUNIAN
• Gabuat, M.A.P, Mercado, M.M, Jose, MD dL. Araling
Panlipunan 5, Pilipinas Bilang Isang Bansa, pp.182-185,Karapatang
sipi , 2016 Vibal Group Inc. FEP Printing Corporation
• https://ncca.gov.ph/philippine-cultural-education-program-
pcep/sagisag-kultura/
• https://www.youtube.com/watch?v=wYjLeoT394U
• Learning Resource Management and development ( LRMD )
• https://philippineculturaleducation.com.ph/category/sagisag-
kultura/page/239/
• https://www.youtube.com/watch?v=zDM585LX1qY

10
 EXECUTIVE COMMITTEE FOR HYBRID MODULE

Chairperson: DR. MARGARITO B. MATERUM – OIC-SDS

Vice-Chairperson: DR. GEORGE P. TIZON – SGOD Chief
DR. ELLERY G. QUINTIA – CID Chief

Ex-Officio Members: EDUCATION PROGRAM SUPERVISORS

ELEMENTARY SCHOOL PRINCIPALS

Secretariat: QUINN NORMAN O. ARREZA

Team Leader/Facilitator: DR. DANILO S. GUTIERREZ

Writer: VIRGINIA B. DOCTOR

Content Evaluator: VIRGINIA B. DOCTOR
Language Evaluator: MARY GRACE B. LINA
Reviewers: FERDINAND PAGGAO
VIRGINIA B. DOCTOR
MARY GRACE B. LINA
SHEILA Z. MALLARI
Illustrator: CRISELLE G. FERRERAS
Lay-out Artist: QUEENE B. BONDOC
Content Validator: JULITA L. MACARANAS
Format and Language Validators: PRIVATE INTERNATIONAL SCHOOLS
REPRESENTATIVES
School Head In-Charge: JOSEFINA R. GRANADA (Primary)
DR. MA. CHERYL S. FERNANDEZ (Intermediate)
EPS In-Charge: FERDINAND PAGGAO, EPS – ARALING PANLIPUNAN
DR. DAISY L. MATAAC, EPS – LRMS/ALS

For inquiries, please write or call:

Schools Division of Taguig City and Pateros , Upper Bicutan Taguig City

Telefax: 8384251

Email Address: sdo.tapat@deped.gov.ph

11