Professional Documents
Culture Documents
Modyul 1:
Introduksyon sa Pananaliksik sa Wika at Panitikan
Gawain:
Humanap pa ng ibang babasahin tungkol sa kalikasan ng Pananaliksik o Nature of
Research. Banggitin ang mga awtoridad nito (3). Isulat ito sa iyong Dyornal. Gawing gabay ang
mga susmusunod na tanong sa paghahanap ng mga karagdagang babasahin:
1. Kailan nagsimula ang gawaing pang-akademikong pananaliksik?
2. Ano ang pinaka malinaw na kahulugan ng Pananaliksik?
3. Ano ano ang mga hakbang sa pananaliksik sa wika at panitikan?
4. Saan maaaring makakuha ng mga katotohanan o karunungan na magagamit
sa pananaliksik?
Ayon kay Atienza, et. al. (1996), ang Pananaliksik ay ang matiyaga, maingat, sistematiko,
mapanuri, at kritikal na pagsisiyasat o pag-aaral, tungkol sa isang bagay, konsepto, kagawian,
problema, isyu o aspekto ng kultura at lipunan.
Ayon kay Jocson et al. (2005), ang Pananaliksik ay pagtuklas sa isang teorya, pagsubok
sa teoryang iyon at paglutas sa isang suliranin.
Ayon kay Sauco (1998), ang Pananaliksik ay isang pamamaraang sistematiko, pormal at
masaklaw na pagsasagawa ng pagsusuring lohiko at wasto sa pamamagitan ng matiyaga at hindi
apurahang pagkuha ng mga datos sa pangunahing maaaring pagkunan.
Mga hakbang sa Pananaliksik:
1. Pagpili ng Paksa
2. Pagbuo ng balangkas
3. Paghanda ng Bibliyograpiya o Sanggunian
4. Pangangalap ng datos
5. Pagbuo ng konsepto
6. Paggawa ng Dokumentasyon
7. Pagsulat ng burador
8. Pagwawasto at pagrerebisa ng burador
9. Pagsulat ng pinal na sulating Pananaliksik
Ang mga katotohanan o karunungan na maaaring magamit sa Pananaliksik ay makukuha
sa mga aklatan, museo, laboratory, paaralan at sa natukoy na lipunan kung saan makakuha
ang mga tiyak na impormasyon. Gayundin sa pakikipanayam sa mga dalubhasa at/o sa mga
tao sa lipunan na may mapapanaligang opinyon o aktuwal na karanasan.
PAGTATAYA:
SAGUTIN ANG MGA SUMUSUNOD NA TANONG:
1. Paano nagkakaiba ang ‘common sense’ o sariling pagkukuro sa pananaliksik?
Ang common sense ay maayos, praktikal na paghatol patungkol sa pang-araw-
araw na usapin, o isang pangunahing kakayahang makilala, maunawaan, at
humusga sa paraang ibinabahagi ng halos lahat ng mga tao. Samantala, ang
pananaliksik (alt. pagsasaliksik) ay ang "sistematikong pagsusuri o pagsisiyasat ng
isang paksa, pangyayari, at iba pa." Ito ang proseso ng pangangalap sa mga
totoong impormasyon na humahantong sa kaalaman. Ito rin ang "malikhain at
sistematikong gawaing ginagawa para mapataas ang kaalaman." Saklaw nito ang
pangongolekta, pag-oorganisa, at pagsusuri sa mga impormasyon para
mapalawak pa nang husto ang kaalaman tungkol sa isang paksa o isyu.
2. Ano ano ang ibat ibang pinagmumulan ng karunungan?
Ang karunungan o dunong, sa larangan ng pananampalataya, ay ang
pagkaunawang nanggaling sa Diyos. Isa itong marunong o matalinong pag-iisip o
kaisipan; o ang pang-unawa sa tama at mali, at pagkakaroon ng matinong pag-
iisip o pinag-aralan. May kaugnayan ito sa sentido kumon, talino, erudisyon, at
tining ng pag-iisip.
Iba pang mungkahi upang maging epektibo ang mga gawain sa modyul sa
pansariling pagkatuto:
10. Anong bahagi ng modyul ang nakatulong sa iyo upang matutunan ang aralin?
Paano ito nakatulong?
Nakatulong saakin ang bahaging pangnilalaman at ang mga gawain, sapagkat, sa
nilalaman ay nakakuha ako ng ilan mga ideya na nakatulong upang maunawaan ko ang ibang
parte ng Pananaliksik. At ang mga Gawain dahil sa pamamagitan nito ay nagkaroon ako ng oras
magsaliksik upang maghanap ng mga kasagutan, at mahubog din ang aking isipan.