Republic of the Philippines

Department of Education
Region VI – Western Visayas
Schools Division of Passi City
PASSI NATIONAL HIGH SCHOOL
Senior High School Program
Passi City, Iloilo

SELF LEARNING MODULE FOR

SENIOR HIGH SCHOOL
LEARNERS
Grade Level: Grade 11

Core Subject: Komunikasyon At Pananaliksik sa Wika at

Kulturang Pilipino

Semester: Unang Semester

LEARNING COMPETENCY:

Kwarter I - Modyul 7
(Pagkatapos ng araling ito, inaasahang maisasagawa ng mga
mag-aaral ang sumusunod:

1. Natitiyak ang mga sanhi at bunga ng mga pangyayaring may

kaugnayan sa pag-unlad ng Wikang Pambansa (F11WG –
Ih – 86)

1
 Kuwarter 1

ARALIN 7 – KASAYSAYAN NG WIKA – IKALAWANG BAHAGI

ALAMIN
Pangkalahatang Ideya
Sa modyul na ito, tatalakayin ang Kasaysayan ng Wika.
Ang mga kasanayang matutuhan dito ay makatutulong nang
malaki upang ihanda ka sa mga gawaing may kinalaman sa
pagkakaroon ng mabungang interaksyon.

Nilalaman ng Modyul
Mahalagang matutunan mo bilang mag-aaral ang
Kasaysayan ng Wika. Makatutulong ito sa iyo upang
madagdagan ang iyong karanasan, kaalaman, at kamulatan sa
mga kaalamang pandaigdig nang sa gayo’y mapakinabangan
ito ng iyong komunidad at lipunan.

PAGYAMANIN

2
Basahin mo

Kasaysayan ng Wikang Pambansa

Ang anyong kapuluan ng Pilipinas ang sinasabing sanhi kung

bakit napakaraming wika at wikain sa bansa. Bagama’t may
pagkakaiba ang mga wika, malaki ang pagkakahawig nito sa isa’t
isa bunga ng pagkakabilang sa iisang pamilya ng wika, ang
wikang Austronesian. Matatagpuan mula sa Formosa sa hilaga
hanggang sa New Zealand sa timog; mula sa Eastern Island sa
silangan hanggang sa Madagascar sa kanluran, ang wikang
Austronesian. Ang Tagalog na siyang batayan ng wikang
pambansa, ayon sa pag-aaral na ginawa noong 1934 ni Otto
Dempwolff, ay kabilang sa Indonesian subgroup ng Austronesian.
Naging maliwanag ang landas sa hangaring ito nang magkaroon
ng Kapulungang Pansaligang – batas sa hanagaring ito nang
magkaroon ng kapulungang Pansaligang- batas noong 1934.

Hulyo 10, 1934 binuo ang kapulungang Pansaligang- batas

bilang paghahanda sa itatatag na Malasariling Pamahalaan
(Commonwealth). Ang kapulungang ito ang umugit sa Saligang
batas ng 1935. Sa Artikulo 14, Seksyon 3 ng Saligang –batas na
ito, inatasan ang Pambansang Asamblea na magsagawa ng
kaukulang hakbang sa paglinang ng isang wikang pambansa na
ibabatay sa isa sa umiiral na wika sa Pilipinas. Ang pangulo ng
Komonwelt noon na si Manuel L. Quezon, ang naging masugid na
tagapagtaguyod na magkaroon ng isang wikang pambansa.

Noong Nobyembre 13, 1936, pinagtibay ng Pambanasang

Asamblea ang Batas ng Komonwealth Blg. 184 na nagtatag sa
Surian ng Wikang Pambansa (SWP). Ang tanggapang ito ang
magsasagawa ng pag-aaral hinggil sa pagpili ng wikang
pambansa. Ginamit na batayan sa pagpili ang wikang maunlad sa

3
kayarian, mekanismo, literature at ginagamit ng nakararaming
Pilipino.

Hinirang ni Pangulong Manuel L. Quezon ang unang mga

kagawad ng tanggapang ito. Matapos maisagawa ng SWP ang
iniaatas ng batas, ipinahayag ni Pangulong Manuel L. Quezon
noong Disyembre 30, 1937 ang Kautusang Tagapagpaganap
Blg.134 na nagtatakda sa Tagalog bilang batayan ng wikang
pambansa. Maraming patunay na nabibilang sa Austronesian ang
mga wika sa Pilipinas. Ilan dito ang paggamit ng panghalip na
panao tulad ng tayo at kami;mga malapanghalip o pronominal
system tulad ng ito, nito at dito ; sistemang berbal na may pokus
at aspekto ( hal. kumain , kumakain , kakain,kakakain ) ; sintaks
o palaugnayan ( ng pangungusap ), kabilang ang paggamit ng
pantukoy na ang at si ; pang-angkop na na at ng ( tunay na
Pilipino ); ( matalinong pinuno ) sistemang numerikal na batay sa
sistemang decimal; at mga leksikal o palasalitaan.

Ang pagkakaroon ng maraming wika ang sinasabing ugat ng

rehiyonalismo o pagkakapangkat-pangkat ng mga Pilipino,
dagdag pa ang kalagayang kapuluan ng bansa, na itinuturing na
pisikal na sagabal sa pagkakaroon ng isang wikang bubuklod sa
sambayanang Pilipino sa kabila ng pagkakaiba-iba ng mga ito.

Nang sakupin ng mga Espanyol ang bansa, lalong nahati

ang mga Pilipino. Ang pananakop sa pamamagitan ng
pagbubukod-bukod ang ginamit ng mga Espanyol upang
magkalayo-layo ang mga Pilipino. Walang isang wikang pinairal
noon sapagkat sa halip ituro ang wikang Espanyol, ang mga
paring dayuhan ang nag-aaral ng mga katutubong wika.

Sa huling dantaon ng pananakop ng mga Espanyol,

nagkaroon na ng pagtatangkang itaguyod ang Tagalog bilang
wikang pambansa. Ang wikang ayon sa paring Heswita na si
4
Padre Pedro Chirino ang tinataglay ang talinghaga ng wikang
Hebreo, ang katangi-tanging katawagan ng Griyego, ang
kaganapan at kinis ng Latin; at ang pagkamagalang at pagiging
romantiko ng mga Espanyol.

Ang kilusang propaganda ay nagsimula ng paggamit ng

Tagalog sa mga pahayagang isinulat nila. Sinundan ito ng
Katipunan na Tagalog din ang ginamit sa pagbuo nila ng mga
kautusan, gayundin sa pahayagan na inilathala nila. Pormal na
nagkaroon ng kaganapan sapagkat bukod sa mga ilustrado ang
namayani noon sa Kapulungang Pansaligang-batas
(Constitutional Assembly), na ayaw sa wikang Tagalog, hindi
nagtagal (Constitutional assembly ) ang itinuturing na Unang
Republika ng Pilipinas. Sinakop ang bansa ng bagong
manlulupig, ang mga Amerikano.

Sa panahon ng mga Amerikano sapilitang ipinagamit ang

Ingles bilang wikang panturo at ipinagbawal ang paggamit ng
bernakular. Ngunit batay sa pag-aaral na ginawa ng Monroe
Educational Survey Commission, napatunayan na makaraan ng
25 taon na pagtututro ng Ingles hindi ito nakatulong sa
pagkatuto ng mga mag-aaral na Pilipino. Sa kabilang dako,
patuloy ang pagsusumikap ng ilang makabayang lider na
Pilipino na magkaroon ng wikang pambansa.
Komunikasyon sa Akademikong Filipino. Ruzol, H.S. et al.2014. Grandwater Publis

Mga Kautusang Pinairal sa Pagpapaunlad

ng Wikang Pambansa

5
Narito ang ilan sa mga kautusang pinairal sa pagpapaunlad at
pagpapalaganap ng wikang pambansa: Tagalog/
Pilipino/Filipino.

1. KautusangTagapagpalaganap Blg. 263 (Abril 1, 1940) -

Isinaad ang pagpapalimbag ng Tagalog English Vocabulary
at Ang Balarila ng Wikang Pambansa. Inihayag din ang
pagtuturo ng wikang pambansa (Tagalog) sa mga
paaralang pampubliko at pribado simula Hunyo 19, 1940.

2. Batas Komonwelt Blg. 570-Ipinahayag na isa sa wikang

opisyal ang wikang pambansa (Tagalog) simula Hulyo 4,
1946.

3. Proklamasyon Blg.12 – ipinalabas noong Marso 26, 1954 ni

Pang. Ramon Magsayasay ang pagkakaroon ng
pagdiriwang ng Linggo ng Wika mula Marso 29-Abril 4
(Kapanganakan ni Francisco Balagtas).

4. Proklamasyon Blg.186 (1955) - inilalahad ang paglilipat ng

pagdiriwang ng Linggo ng Wika sa Agosto 13-19
(kapanganakan ni Manuel L. Quezon).

5. Kautusang Pangkagawaran Blg.7 – ipinalabas noong

Agosto 13, 1959 ng nooy kalihim ng Kagawaran ng
Edukasyonna si Jose E. Romero na nag-aatas na tawagin
ang wikang pambansa na Pilipino.

ISAGAWA
6
PERFORMANCE TASK (20 puntos)
(Pumili lamang ng isa sa tatlong mga gawain)

Gawain 1

Batay sa inyong binasa, gumuhit ng simbolo o sagisag na

maglalarawan sa naging kalagayan ng ating wika sa
iba’t ibang panahon ng pananakop. Pagkatapos
maiguhit ang simbolo, ipaliwanag ang maaaring
naging sanhi at bunga sa ibaba ng kahon. (F11WG
– Ih– 86)

Bago ang Pananakop Espanyol Rebolusyonaryong Pilipino Amerikano

Gawain 2
Batay sa binasang kasaysayan ng wikang pambansa, itala ang
mga sanhi ng pagkakaroon ng wikang pambansa ng Pilipinas at
7
mga kaukulang naging bunga nito. Sundin ang format sa ibaba.
Isulat ang inyong sagot sa sagutang papel.

Sanhi kung bakit dapat Bunga ng

magkaroon ng nasabing sanhi
wikang pambansa

Sanhi ng pagbuo ng batas , Bunga ng

kautusang nasabing sanhi
pangkagawaran at iba pa
kaugnay ng
wika

Gawain 3

Basahin at unawain ang mga pangyayari. Gamit ang

talahanayan sa ibaba, uriin ang mga pahayag bilang sanhi at
bunga. Isulat sa hanay ng SANHI ang mga pahayag na
nagpapakita ng sanhi at BUNGA naman sa mga pahayag na
nagpapahiwatig ng bunga. Gayahin ang format sa ibaba. Isulat
ang inyong sagot sa inyong sagutang papel.

8
● Filipino na ang wikang pambansa batay sa Art. XIV Sek. 6 ng
Saligang-batas ng 1987

●Kailangang may batayan ang wikang pambansa

 SANHI BUNGA

Paalala:
1.Bawat magulang/guardian ay magsumite ng natapos na
gawain sa oras na nakatakda ng pagpasa.
2. Para sa may access sa internet maaaring ipasa ang output sa
guro sa pamamagitan ng email o messenger
3. Sa mga mag-aaral na nag home quarantine, maaring
ipagpatuloy ang pagsagot sa modyul at hintayin ang instruksyon
ng City Health sa panahon na maaari na kayong makalabas at
ipasa ang mga output.
4. Sa mga mag-aaral na nastranded sa mga lugal na ECQ ,
maaring ipasa online ang mga gawain.
5. Maaaring makipagchat, text or call ang mga mag-aaral sa
mga guro mula Lunes hanggang Biyernes, 8:00 am -5:00 Pm
lamang.
9
 TAYAHIN

Panuto: Basahin at unawain ang bawat pangungusap. Isulat sa

sagutang papel ang tsek (/) kung nagpapahayag ito ng
katotohanan. ekis (x) naman kung hindi.

__________1. Ang Tagalog na batayan ng wikang pambansa,

ayon sa pag-aaral na ginawa noong 1934 ni Otto Dempwolff ay
kabilang sa Indonesian subgroup ng Austronesian.
__________2. Walang isang wikang pinaiiral noon sapagkat sa
halip na ituro ang wikang Espanyol, ang mga paring dayuhan ang
nag-aaral ng mga katutubong wika.
__________3. Sa huling dantaon ng pananakop ng mga
Espanyol, nagkaroon na ng pagtatangkang itaguyod ang Tagalog
bilang wikang pambansa.
__________4. Ang Kilusang Propaganda ay nagsimula sa
paggamit ng Taglog sa mga pahayagang isinulat nila.
__________5. Buhat noong magkaroon ng Kapulungang
Pansaligang Batas noong 1934, naging maliwanag ang landas sa
hangaring magkaroon ng wikang pambansa.
__________6. Ang pangulo ng Komonwelt noon na si Manuel
Luis Quezon ang naging masugid na tagapagtaguyod na
magkaroon ng isang wikang pambansa.
__________7. Dahil sa pag-aaral ng Surian ng Wikang
Pambansa kung ano ang batayan ng magiging wikang
pambansa, naging malinaw ang katayuan na magkakaroon nito.
10
__________8. Bukod sa pagkakaroon ng wikang pambansa,
kasama rin sa plano ang pagpapaunlad at patuloy na paglinang
sa iba pang wika sa PIlipinas.
__________9. Hinirang ni Pangulong Manuel Luis Quezon ang
unang mga kagawad ng Surian ng Wikang Pambansa.
__________10. Tagalog ang sinasalita ng mayorya sa bansa,
kaya ito ang napiling batayan ng pagkakaroon ng wikang
pambansa.
__________11. Nang sakupin ng mga Espanyol ang bansa,
lalong nahati ang mga Pilipino.
__________12. Ang kilusang propaganda ay nagsimula sa
paggamit ng Tagalog sa mga pahayagang isinulat nila.
__________13. Ang pagkakaroon ng maraming wika ang
sinasabing ugat ng rehiyonalismo o
pagkakapangkat-pangkat ng mga Pilipino.
__________14. Sa huling dantaon ng pananakop ng mga
Espanyol, nagkaroon na ng pagtatangkang itaguyod ang Tagalog
bilang wikang pambansa.
__________15. Ang anyong kapuluan ng Pilipinas ang
sinasabing sanhi kung bakit napakaraming wika at wikain sa
bansa.

SANGGUNIAN
A. Mga Aklat

Dayag, Alma M. at del Rosario, Mary Grace. Pinagyamang Pluma

Komunikasyon at Pananaliksik sa Wika at Kulturang Pilipino. 927
Quezon Avenue, Quezon City: Phoenix Publishing House, 2016.

Jocson, Magdalena O. Komunikasyon at Pananaliksik sa Wika at Kulturang

Pilipino. 1253 Gregorio Araneta Avenue, Quezon City: Vibal Group,
Inc. 2016

11
Bernales, Rolando A., Garcia, Lakandufil, C.,Abesamis Norma, R.,
Villanueva, Joey M., Cabrera , Honorato I. Jr., Jara, Regina G.,at
Ornos Petra S. Komunikasyon sa Makabagong Panahon. # 6
Baltazar St. Pacheco Village, Balubaran , Valenzuela City :Mutya
Publishing House Inc.2002.
Taylan, Dolores R., Petras, Jayson D., at Geronimo, Jonathan
B.Komunikasyon at Pananaliksik sa Wika at Kulturang Pilipino.856
Nicanor Reyes Sr. St Sampaloc, Manila:Rex Bookstore, Inc. 2016

B. Websites

https://www.slideshare.net/bbartizo/mga-batas-pangwika-47280923

https://www.slideshare.net/JeweldelMundo/wikang-pambansa-65672888

https://www.slideshare.net/RainierAmparado/wikang-pambansa-opisyal-at-
panturo

12
A.Posisyong Papel B.Tesis C.Konseptong papel D. Artikulo

13
14
15
16