Filipino 8

1
Filipino – Ikawalong Baitang
Ikaapat na Markahan- Modyul 17: Mga Salitang Naghahayag ng Pagsang- ayon at
Pagsalungat
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.
Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Frances Evelyn B. Rendon
Tagasuri: Estelita R. Portillano, MT I
Editor: Paul John S. Arellano at Josefina T. Salangsang, HT III

Tagapamahala: Ma. Evalou Concepcion A. Agustin

OIC-Schools Division Superintendent
Carolina T. Rivera, EdD
OIC-Assistant Schools Division Superintendent
Victor M. Javeña, EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)

Inilimbag sa Pilipinas, Kagawaran ng Edukasyon – Pambansang Punong Rehiyon

Tanggapan ng mga Paaralan ng Sangay-Lungsod Pasig

2
 Filipino 8
Ikaapat na Markahan
Modyul 17 para sa Sariling Pagkatuto
Mga Salitang Naghahayag ng Pagsang-ayon at Pagsalungat

Manunulat: Frances Evelyn B. Rendon

Tagasuri: Estelita R. Portillano, MT I / Editor: Paul John S. Arellano at Josefina T. Salangsang, HT III

3
Paunang Salita

Para sa tagapagdaloy:
Malugod na pagtanggap sa asignaturang FILIPINO 8 ng Modyul 17 para sa araling
Mga Salitang Naghahayag ng Pagsang-ayon at Pagsalungat

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.

4
Para sa mag-aaral:

Malugod na pagtanggap sa Filipino 8 Modyul 17 ukol sa Mga Salitang Naghahayag

ng Pagsang-ayon at Pagsalungat

Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.

5
 MGA INAASAHAN
Sa bahaging ito malalaman mo ang mga dapat mong
matutuhan pagkatapos mong pag-aralan ang modyul na ito:

Kasanayang Pampagkatuto:
• Naipahahayag ang pansariling paniniwala at pagpapahalaga gamit ang
mga salitang naghahayag ng pagsang-ayon at pagsalungat.

Mga Inaasahang Layunin:

a. Nakikilala ang mga salitang naghahayag ng pagsang-ayon at

pagsalungat.
b. Nailalahad ang iyong sariling paniniwala at pagpapahalaga na
maaaring sumasang-ayon o sumasalungat sa kaisipang hango sa
binasa.
c. Nagagamit ang mga salitang naghahayag ng pagsang-ayon at
pagsalungat sa paglalahad ng paniniwala at pagpapahalaga.

PAUNANG PAGSUBOK
Panuto: Suriin ang mga bahagi ng tula sa bawat bilang. Lagyan ng
mukhang nakangiti kung ito’y nagpapahayag ng pagsang-ayon at
mukhang malungkot kung nagsasaad ng pagsalungat.

1. Hindi na inulit ni Florante naman

Luha ni Aladin, pinaibayuhan
2. Hindi ko makita ang patas na wika
Sa kaguluhan ko’t pagkawalang-diwa.
3. Tunay na ligaya ang kanyang nadama
Nang muling makita ang nawalay na sinta
4. Walang kahihinatnan ang ugaling inggit
Sa taong hangad ay mag-angkin ng pilit
5. Tamang pag-ukulan ang bagong kaibigan
Ng kalutasan sa problemang tangan

6
 BALIK-ARAL
Panuto: Ayusin ang mga hakbang sa pagbuo ng radio broadcasting batay
sa wastong pagkasunud-sunod nito. Gumamit ng letrang A- H sa pagsasa-
ayos.

__________ 1. Maghanda ng mga awiting patutugtugin mo sa iyong pagbo-

broadcast.
__________ 2. Ang mga paksang ito ay maaari ring salihan ng iyong mga
tagapakinig.
__________ 3. Maghanda ng mga paksang tatalakayin kasama ang iyong co-
anchor.
__________ 4. Pakinggan kung paano magsalita ang mga DJs sa radyo.
__________ 5. Pumili ng pangalan para sa inyong estasyon.
__________ 6. Magbigay ng ilang balita tungkol sa mga tauhan o pangyayari
sa Florante at Laura
__________ 7. Humanda ka ring bumasa ng ilang liham mula sa mga tauhan
ng awit na nagsasaad ng kanilang suliranin
__________ 8. Maging maingat sa mga salitang gagamitin mo sa pagbo-
broadcast.

ARALIN
Nananalig ka ba sa sarili mong opinyon? O tinatanggap mo rin
ang opinyon ng iba.
Bahagi sa buhay natin na sa ating pakikipag-usap ay may mga
opinyon na ating sinasang-ayunan, pinapayagan at tinatanggap. Hindi
rin maiwasan na tutulan o salungatin ang mga pahayag ngunit
kailangan nating maging maingat sa pagbibigay ng ating opinyon para
ang damdamin ng iba ay hindi masaktan. Sa araling ito, malalaman
natin ang mga salitang ginagamit sa paghahayag ng ating opinyon,
pagsang-ayon man o pagsalungat.

7
 Pagsang-ayon at Pagsasalungat
sa Pagpapahayag ng Opinyon

1. PAGSANG-AYON - ito ay nangangahulugan ng pagtanggap, pagpayag o

pakikiisa sa isang pahayag o ideya. Ang mga hudyat na salita o pariralang
ginagamit sa pagsang-ayon ay kabilang ang mga pang-abay na pang-ayon
gaya ng sige, sigurado, talaga ,tunay, tama ,siyempre ,opo /oho /oo at tiyak.

Mga Halimbawa:
1. Sige, sumunod ka sa gusto ng iyong amang si Duke Briseo at tiyak na
mapapabuti ang buhay mo.
2. Oo nga, panalo ang grupo ng laging nag-eensayo at may disiplina.
3. Tamang maging magkaibigan ang Kristiyano at ang Muslim.
4. Tunay nga, dakila ang pagmamahal ni Antenor sa kanyang mga mag-
aaral.
5. Tiyak na maliligayahan kayo sa wakas ng Florante at Laura.

Ang mga sumusunod na parirala ay ginagamit din sa lubusang pagsang-

ayon.
• Bilib ako sa iyong sinabi na …
• Ganon nga…
• Kaisa mo ako sa bahaging iyan…
• Maaasahan mo ako riyan…
• Iyan din ang palagay ko…
• Iyan ay nararapat …
• Sang-ayon ako…
• Lubos akong nananalig…

2.PAGSALUNGAT- ito ay pahayag na nangangahulugan ng pagtanggi,

pagtutol o pagkontra sa isang pahayag o ideya. Ang mga pang-abay na
pananggi ay ginagamit sa mga pahayag na ito tulad ng: hindi, huwag, hindi
totoo, mali, ayaw at iba pa

Mga Halimbawa:
• Hindi ko nagustuhan ang mga salitang lumalabas sa dila ni Adolfo.
• Huwag iyan, may mas maganda pa riyan sa napili mo.
• Nagtaksil nga kamo si Laura? Hindi totoo yan.
• Maling husgahan ang isang tao dahil lamang sa kanyang panlabas na
kaanyuan.
• Ayaw kong magkita muli sina Sultan Ali-adab at Flerida.

Gumagamit din ng mga pariralang gaya nito sa lubusang pagsalungat

ng mga opinyon.

• Hindi ko tinatanggap ang iyong sinabi…

• Ayaw ko ang pahayag na…

8
 • Ikinalulungkot ko ang…
• Maling-mali talaga na…
• Sumasalungat ako sa...
• Huwag kang…
• Hindi tama na…
• Ikinalulungkot kong kontrahin ang…

MGA PAGSASANAY

Pagsasanay 1

Panuto: Bilugan ang mga salitang nagpapahayag ng pagsang-ayon at

ikahon ang nagpapahayag ng pagsalungat.

1. “Tunay nga, busilak ang puso ni Duke Briseo.’’

2. ‘”Siyempre naman, maganda kasi si Laura.’’

3. ‘’Huwag na huwag kang maniwala sa mapanlinlang na kabaitan ni Adolfo.’’

4. ‘’Sige, ikuwento ko sa iyo ang puno’t dulo ng paghihirap ko ngayon.’’

5. ‘’Maling-mali na agawan mo ng kasintahan ng iyong anak.’’

Pagsasanay 2

Panuto: Ipahayag ang pansariling paniniwala at pagpapahalaga gamit ang

mga salitang nagpapahayag ng pagsang-ayon at pagsalungat.

Paksa Pagsang ayon – Pagsalungat

(totoo – ngunit)
1. Kahulugan ng radio
broadcast
sa mga kabataan

2. Maingat na paglalarawan
sa radio broadcast
3. Mga aral sa ‘Florante at
Laura” na nagiging bahagi
ng radio broadcast.

9
 4. Pagsasalita ng mga
kabataang
Balagtas sa radio broadcast.

5. Pag-iral ng “crab mentality”

kay Adolfo.

Pagsasanay 3
Panuto: Ilahad ang iyong sariling paniniwala kung sumasang-ayon o
sumasalungat ka sa bawat pahayag. Isulat ang sagot sa patlang.

1. Maling sabihin na ang ugat ng karahasan ay dahil sa kahirapan.

_________________________________________________________________
_________________________________________________________________
2. Tunay na makapangyarihan ang palagiang panalangin sa Diyos.
__________________________________________________________________
__________________________________________________________________
3. Tiyak na uunlad ang buhay ng taong ang puhunan ay pagsisikap kahit
walang natamong edukasyon.
___________________________________________________________________
___________________________________________________________________
4. Huwag sisihin ang magulang kung sakaling maligaw ka ng landas.
____________________________________________________________________
____________________________________________________________________
5.Tamang paluin ang anak kung siya ay nagkamali.
_____________________________________________________________________
_____________________________________________________________________

10
 PAGLALAHAT

Panuto: Punan ng wastong hudyat na mga salita ang mga nasa bilog.

Mga salitang
naghahayag
ng pagsang-
ayon at pag -
salungat

Pagsang- Pagsa-
lungat
ayon

PAGPAPAHALAGA

Panuto: Buuin ang pahayag sa ibaba upang maibigay mo ang kaisipan ng

araling iyong natutunan

Nalaman ko _______________________________________________________
Natutuhan ko _____________________________________________________
Maisasagawa ko ___________________________________________________

11
 PANAPOS NA PAGSUSULIT

Panuto: Isulat sa kahon kung ang pangungusap ay nagpapahayag ng

PAGSANG-AYON o PAGSALUNGAT.

1. Delikado ang panahon ngayon sa mga batang

katulad mo.
2. Dapat lamang na ipaglaban mo ang iyong
karapatan.
3. Huwag kang aalis nang wala kang kasama.

4. Matupad sana ang iyong mga pangarap sa buhay.

5. Walang katotohanan ang mga sinabi mo sa korte.

Alam kong ang iyong kaalaman ay napagyaman na sa tulong ng

sinagutan mong mga gawain. Higit sa lahat, batid kong nakatulong
ang araling ito upang tumibay ang iyong pagpapahalaga sa
pananaliksik at sa iyong bayan.

Ngayon, upang lalo pang madagdagan pa ang iyong kaalaman at

kasanayan sa araling ito, maaari ka nang tumungo sa susunod na
aralin.

12
 SUSI SA PAGWAWASTO

Pagsang-ayon 5.
Pagsang-ayon 4. 8. C
Pagsalungat 3. 7. F
Pagsang-ayon 2.
Pagsalungat 1. 6. G
Panapos na Pagsusulit
5.A
-Sariling pagka-unawa ng mag-aaral
Pagpapahalaga 4. B.
3. D
at tiyak
,opo /oho /oo 2. E
mali, ayaw tama ,siyempre
hindi totoo, talaga ,tunay, 1.H
hindi, huwag, sige, sigurado,
Balik aral
Pagsalungat Pagsang-ayon
Maaaring kasagutan: 5.
Paglalahat
4.
-Sariling sagot ng mag-aaral
Pagsasanay 2 at 3
3.
5. Maling-mali
4. Sige 2.
3. Huwag na huwag
2. Siyempre 1.
1. Tunay
Pagsasanay 1 Paunang Pagsubok

Sanggunian
Guerrero, Perla, Ruth Hernandez, and Nina S. Magolong. “Pagsasagawa ng Isang
Makabuluhang Radio Broadcast.” Essay. In Kayumanggi Batay Sa Kurikulum Na K-12
(Baitang 8- Ikaapat na Markahan), edited by Magdalena O. Jocson, 38-41. Imus, Cavite,
Philippines: Leo- Ross Publication, n.d.

kathy_mac Follow. “Pagsang Ayon at Pagsalungat Sa Pagpapahayag Ng Opinyon.” SlideShare,

August 21, 2017. https://www.slideshare.net/kathy_mac/pagsang-ayon-at-pagsalungat-sa-
pagpapahayag-ng-opinyon.

Ortiz, Allan. “Radio Broadcast 2.” SlideShare, October 28, 2016.

https://www.slideshare.net/allanortiz/radio-broadcast-2.

13