Основи на маркетинг

Прашања и одговори

I тема:
1. Што подразбираш под маркетинг?
- Маркетинг потекнува од зборот market со значење пазар и ing со значење некоја активност.
Под маркетинг се подразбира општествен и менаџерски процес со кој поединците и групите го
стекнуваат она што им треба и што го сакаат, преку создавање и размена на производи и
вредности со други.

2. Суштинските маркетинг концепти се: потребите, желбите и барањата; производите

и услугите; вредноста, задоволството и квалитетот; размената, трансакциите и
односите; и пазарите. Објаснете ги поединечно?
- А) Човечките потребите се состојба на почувствувана лишеност и ги вклучуваат основните
физички потреби за храна, облека,топлина и сигурност; општествените потреби за припадност
и љубов; и потребите на поединецот за знаење и самоизразување. Овие потреби се основен
дел на човековата природа. Кога една потреба не е задоволена, човекот ќе направи една од
следниве две работи: ќе побара предмет што ќе ја задоволи потребата или ќе се обиде да ја
намали потребата.

Б) Желбите се видот на формата која човечките потреби ја земаат, бидејќи тие се обликуваат
од културата и индивидуалната личност. Истакнатите маркетинг компании на долго и на
широко ги проучуваат и разбираат потребите, желбите и барањата на нивните клиенти, тие
спроведуваат: истражување кај купувачите/ корисниците за она што им се допаѓа, а што не им
се допаѓа, ги анализираат податоците за жалбите, поплаките, прашањата, гаранциите и
сервисирањето на производите/ услугите, ги набљудуваат клиентите користејќи ги своите
сопствени и конкурентни производи / услуги и ги обучуваат продавачите да внимаваат на
неисполнетите желби и потреби на купувачите/ корисниците. Деталното разбирање на
потребите, желбите и барањата на клиентите обезбедува важни инпути за дизајнирање на
маркетинг стратегиите.

3. Што се подразбира под човечки потреби?

- Човечките потребите се состојба на почувствувана лишеност и ги вклучуваат основните
физички потреби за храна, облека,топлина и сигурност; општествените потреби за припадност
и љубов; и потребите на поединецот за знаење и самоизразување. Овие потреби се основен
дел на човековата природа. Кога една потреба не е задоволена, човекот ќе направи една од
следниве две работи: ќе побара предмет што ќе ја задоволи потребата или ќе се обиде да ја
намали потребата.

4. Што се подразбира под човечки желби, а што под барања на купувачите?

- Желбите се видот на формата која човечките потреби ја земаат, бидејќи тие се обликуваат од
културата и индивидуалната личност.
Истакнатите маркетинг компании, многу години детално ги проучуваат и разбираат потребите,
желбите и барањата на нивните клиенти. Тие постојано спроведуваат:
А) Истражување кај купувачите/корисниците за она што им се допаѓа, а што не им се допаѓа,
Б) Ги анализираат податоците за жалбите, поплаките, прашањата, гаранциите и сервисирањето
на производите/ услугите,
В) Ги набљудуваат клиентите користејќи ги своите сопствени и конкурентни производи/услуги
и Г) Ги обучуваат продавачите да внимаваат на неисполнетите желби и потреби на
купувачите/корисниците. Деталното разбирање на потребите, желбите и барањата на
клиентите обезбедува важни инпути за дизајнирање на маркетинг стратегиите
- Кога желбите кои се формата на човечките потреби, обликувани од културниот и
индивидуалниот идентитет, се поддржани со куповната моќ, истите стануваат барања.

5. Што е производ?
- Производ е сè што може да се понуди на пазарот за да се задоволи одредена потреба или
желба. Поимот производ не е ограничен само на физички предмети (како што се автомобил,
ТВ апарат или сапун), туку на сè што може да задоволи одредена потребаПокрај материјалните
добра, производите вклучуваат и услуги кои се активности, или користи понудени за
продажба, а кои во суштина се нематеријални и не резултираат во сопственост на нешто.
производите вклучуваат и други ентитети, како што се искуството, луѓето, местата,
организациите, информациите и идеите. Производ е се што може да се понуди на пазарот за
да привлече внимание, да се набави, користи или консумира и кое може да задоволи желба
или потреба, тој вклучува материјални предмети, но и услуги, лица, места, организации и
идеи.

6. Што е услуга?
- Под услуга се подразбира активности, користи или задоволства кои се понудени за
продажба.

7. Под задоволство на купувачите/ корисниците од производот/ услугата мислиме

на?
- Задоволството кај клиентите е степенот до кој перципираната успешност на производот се
совпаѓа со очекувањата на купувачот. Ако успешноста на производот не ги исполни
очекувањата, купувачот е незадоволен. Ако успешноста се совпадне со очекувањата или ги
надмине, купувачот е задоволен, односно, задоволството кај клиентот е тесно поврзано со
квалитетот.

8. Што значи градење долготрајни односи на компаниите и маркетарите со

клиентите?
- Покрај дизајнирањето стратегии за привлекување нови клиенти и вршење трансакции со нив,
денешните компании мора да се фокусираат на задржување на постојните клиенти и градење
долготрајни односи преку нудење супериорна вредност и нивно задоволство. Клучот во
задржување на клиентите е во понуда од производ кој има супериорна вредност и кај нив
предизвикува задоволство.
9. Што се случува во процесот на размена, трансакции и односи на компаниите со
купувачите?
- а) Размена- Маркетингот се појавува кога луѓето одлучуваат да ги задоволат потребите и
желбите преку размена. Размена е чинот на стекнување посакуван предмет од некого, нудејќи
нешто за возврат. Размената е само еден од многуте начини на кој луѓето можат да го добијат
посакуван предмет. Размена е чинот на стекнување посакуван предмет од некого, нудејќи
нешто за возврат, за да дојде до размена, мора да се исполнат неколку услови, мора да
учествуваат барем две страни, и секоја мора да има нешто што вреди за да го понуди на
другата. Секоја страна мора секогаш да сака да работи со другата страна, и секоја од нив мора
да биде независна за да ја прифати или одбие понудата на другата. На крај, секоја страна мора
да биде способна да комуницира и испорачува. Овие услови едноставно ја овозможуваат
размената. Всушност, дали ќе се случи размената зависи од тоа дали страните ќе се договорат.
Ако тие се договорат, мораме да заклучиме дека чинот на размена им носи и на двете страни
подобра, или барем не полоша финансиска позиција. Најпосле, секој е слободен да ја прифати
или одбие понудата. Во оваа смисла, размената создава вредност, исто како што
производството создава вредност. Таа им дава на луѓето потрошувачки избори или можности.

- Б) Трансакците се состојат од тргување на вредности помеѓу две страни: едната страна дава
производ на другата и добива пари за возврат. Размената помеѓу две страни вклучува најмалку
две работи од вредност, договорени услови, време и место на договорот. Трансакциите во
маркетингот се дел од поголемата идеја на маркетинг односи

10. Ако го разгледуваме маркетингот како менаџерска функција мислиме на?

- Маркетингот се дефинира како менаџерска функција на компанијата. Во тој случај е на исто
ниво како и функциите што се извршуваат во работните единици и служби како: производство,
инженеринг, набавка на суровини, финансии, одржување, и сл. Во тој случај, улогата на
маркетингот е во управувањето и раководењето на компанијата

11. Кои се маркетинг активностите во една компанија?

- Маркетингот е дефиниран како активност на компанијата која е насочена кон превземање на
такви деловни акции во кои приоритетна улога добива односот производител -
купувач/корисник, а не само класичната продажба производител – трговија. Активности:
утврдување на желбите и потребите на купувачите/корисниците, проценка на конкуренцијата
(benchmarking), избор и проектирање на производот и донесување одлука за квалитетот и
обликувањето на производот, определување на големината на серијата, оптималниот циклус
на усвојување на нови производи, политика и на цените и услугите, канали на продажба.

12. Зошто маркетинг активностите и маркетинг стратегиите ја креираат деловната

политика на компанијата?
- Маркетингот се дефинира и како “специфична филозофија” врз која се гради деловната
политика на компанијата. Од нејзините активности зависи колку ќе се произведе за да се
задоволат потребите на купувачите/ корисниците. Деловната политика на фирмата, како
процес на донесување одлуки во пазарното стопанство, мора да поаѓа од можностите на
компанијата, можностите на пазарот и потребите на купувачите/ корисниците

13. Кои се функциите на маркетингот ако го разгледуваме од макроекономски

аспект?
- Остварување на профит на компанијата на долгорочна основа, задоволување на желбите и
потребите на купувачите/ корисниците, задоволување на општествените интереси.

14. Која е користа (бенефитот) од маркетинг активностите за една компанија?

- Бенефитот е вредност која доаѓа како резултат на задолството на човечките потреби. Во
производството ги стимулура иновациите, го мери задоволството, овозможува економски
раст.

15. Зошто е важен маркетингот и за компаниите и за купувачите/ корисниците?

- Маркетинг влијае врз сите нас во нашите животи како купувачи/ корисници: ни дава избор, ги
стимулира иновациите и економскиот раст, е предизвик да си дел од тимот во маркетинг
службите. Значењето на маркетингот и за компанијата и за купувачите е големо бидејќи оваа
служба ги насочува активностите во правец на:
А) Задоволување на потребите на потрошувачите,
Б) во согласност со индивидуалните потреби на поединците, групите,
В) Извршување на индивидуалните и организираните дејности;
Г)) Олеснување на измените кои настануваат во околината, односно го олеснува
производството и потрошувачката.

II тема:

1. Зошто велиме дека маркетингот е менаџерска функција?

- Маркетингот се дефинира како менаџерска функција на компанијата и е на исто ниво како и
функциите што се извршуваат во работните единици и служби како: производство,
инженеринг, набавка на суровини, финансии, одржување, и сл. Во тој случај, улогата на
маркетингот е во управувањето и раководењето на компанијата.

2. Кои се маркетинг активностите во една компанија?

-Утврдување на желбите и потребите на купувачите/корисниците;

-Проценка на конкуренцијата (benchmarking);
-Избор и проектирање на производот, како и донесување одлука
за квалитетот и обликувањето на производот;
--Определување на големината на серијата;
-Утврдување оптимален циклус на усвојување нови производи;
-Утврдување на политиката на цените и услугите;
-Утврдување на каналите на продажба.

3. Зошто маркетинг активностите и маркетинг стратегиите ја креираат деловната политика на

компанијата?
- Маркетингот се дефинира и како „специфична филозофија“ врз која се гради
деловната политика на компанијата, бидејќи од нејзините активности зависи
што и колку ќе се произведе за да се задоволат потребите на
купувачите/корисниците.

Деловната политика на фирмата, како процес на донесување одлуки во

пазарното стопанство, мора да поаѓа од можностите на компанијата,
можностите на пазарот и потребите на купувачите/корисниците.
4. Кои се функциите на маркетингот ако го разгледуваме од макроекономски аспект?
- Стратегиското планирање на ТОП менаџментот се однесува на дефинирање на мисијата,
визијата и целите на компанијата врз основа на внатрешните можности и анализа на
можностите и заканите што доаѓаат од надворешната средина.

5. Која е користа (бенефитот) од маркетинг активностите за една компанија?

- Маркетингот влијае врз сите нас во нашите животи во улога на купувачи/корисници, но и

поттикнува иновации во самата компанија, бидејќи дава избор на купувачите; ги
стимулира иновациите и економскиот раст на компаниите; и е предизвик да се работи како
дел од тимот во маркетинг службите

6. Зошто е важен маркетингот и за компаниите и за купувачите/ корисниците?

- Значењето на маркетингот и за компанијата и за купувачите е големо бидејќи оваа служба ги

насочува активностите во правец на: Задоволување на потребите на потрошувачите;
Извршување на индивидуалните и организираните дејности; Олеснување на измените кои
настануваат во околината, односно го олеснува производството и потрошувачката.

7. Кои се основните елементи на маркетинг миксот и со кои други

елементи се надополнува? (Треба да се знаат, покрај четирите основни
елементи: производ, цена, дистрибуција и промоција и физичките
параметри, деловните процеси, луѓето, продуктивноста и квалитетот);
- Производот (product): со производот се задоволуваат потребите на купувачите/корисниците.
- Цената (price) е инструмент на маркетингот со кој се верификуваат напорите на сите учесници
во размената. Цената е клучен фактор во одлучувањето на потрошувачот дали да го купи
производот, а од друга страна е инструмент на компанијата со кој продавачите настојуваат да
ги покријат трошоците од своето работење и да остварат профит.
- Дистрибуцијата (place) ги опфаќа активностите од завршувањето на производствениот
процес, па сè до наплатата на активностите кои следат после тоа.
- Промоцијата (promotion) е незаменлив инструмент во маркетинг концептот. Промоцијата е
средство за комуникација со кое се информираат купувачите и јавноста за производот и
неговите карактеристики.
- Физичките параметри (зградите, продавниците, штандовите, рекламните уреди, персоналот,
како и рекламниот материјал на компаниите);
- Процесите (управување со деловните процеси во компанијата);
- Вработените (потребниот кадар за маркетинг активностите
- Продуктивноста покажува колку ефективно и ефикасно се искористени инпутите (ресурсите)
во нивната трансформација во аутпути, односно во вредности кои ги задоволуваат потребите
на потрошувачите.

8. Кои се актери во маркетинг системот?

- Актери се: А) Компанијата (основен актер во управувањето со маркетинг активностите и
неговата поставеност е од големо значење за вкупниот маркетинг систем),
Б) Добавувачите (треба да ја снабдат компанијата со материјали и суровини). Пореметувањето
на овој план ќе ја оневозможи компанијата да ги реализира целите.
В)Посредниците (компании кои помагаат во промоцијата, продажбата и дистрибуцијата на
производите/ услугите). Основни посредници се: трговски застапници, компании за физичка
дистрибуција, агенции за маркетинг услуги, финансиски посредници и сл.
Г) Банките
Д) Купувачите (пет основни пазари на потрошувачи): купувачите на стока за широка
потрошувачка; индустриски пазари; азар на препродавачи; пазар на државните
органи;меѓународен пазар.
Ѓ) Конкуренцијата: конкуренција на желбите; генеричка конкуренција се однесува на начинот
на задоволување на потребите; конкуренција на карактеристиките на производите;
конкуренција на марките на производи

9. Кои фактори од микрооколината влијаат врз маркетингот и неговите активности?

(Треба да се знаат факторите како: компанијата, купувачите, доставувачите,
посредниците, конкуренцијата, јавните групи)
-

10. Кои фактори од макрооколината влијаат врз маркетингот и неговите активности?

(Треба да се знаат факторите како: демографско опкружување, економското,
природното опкружување, технолошките сили, политичките и културните сили)
- Демографската околина (населението, семејството, образованието, етничките и расните
разлики);
-Стопанската околина (динамиката и реалниот доход, постојаниотинфлаторен доход);
-Физичката околина (недостиг на некои основни суровини, зголемување на степенот на
загадување);
-Технолошката околина (брз развој на технологијата, трошоци заистражување и развој);
-Политичко правна околина (законодавството, измените во прописите);
- Општествено културна околина.

11. Зошто велиме дека маркетинг стратегиите треба да се во правец на преземање

агресивни акции за да се влијае врз купувачите, корисниците, доставувачите,
конкуренцијата, јавните групи и заедницата наместо едноставно да се набљудува
околината и да се остават стихијно да се решаваат работите?
-

12. Која е улогата на маркетингот на глобално ниво?

- Да ја поготви компанијата на глобален пазар
- Да се има компаративна предност
- Постојано да се подобруваат производите и деловните процеси
- Да го зголеми профитот на компанијата

3 час прашања:

1. Што е пазар?
- Концептите на размена и односи со купувачите водат до концептот на пазар. Пазар е збир на
постојните и потенцијалните купувачи на производ. Овие купувачи споделуваат одредена
потреба или желба која може да биде задоволена преку размена и односи. Пазар е целосен
однос на понудата и побарувачката кои на определено место и во определено време влијаат
врз продажбата на определени производи (стоки) и збир на сите институции, подрачја, уреди
кои овозможуваат организиран и постојан контакт помеѓу купувачите и продавачите.

2. Кои се главните елементи на пазарот?

- Основните содржински елементи на пазарот се: –понудата, побарувачката и цените. Овие
елементи сами по себе не ја искажуваат сложеноста на пазарниот механизам.

3. Што е потенцијален пазар?

- Потенцијален пазар - збир на купувачи кои изјавуваат некакво ниво на интерес за некој
производ.

4. Што е расположлив пазар?

- Расположив пазар - збир на купувачи кои имаат интерес, приходи и пристап до одреден
производ или услуга

5. Што е освоен пазар?

- Освоен пазар - збир на купувачи кои купиле одреден производ/услуга.

6. Што е пазар за лична потрошувачка?

- На пазарот за лична потрошувачка на кој има производители, потрошувачи и маркетари само
поединци или домаќинства купуваат производи и услуги за лична потрошувачка.

7. Што е пазар за производно – услужна потрошувачка?

- Сите организации што купуваат добра и услуги за да ги користат во процесот на производство
на други производи и услуги или со цел да ги препродаваат или изнајмуваат на други за
одреден профит.

8. Кои поединци учествуваат, а кои влијаат врз процесот на донесување одлуки за

купување од страна на потрошувачот?
- Единица за донесување на одлуки Сите поединци кои учествуваат и кои влијаат врз процесот
на донесување одлуки за купување од страна на потрошувачот.
• Одлучувач Лицето кое на крајот, сепак, ја донесува одлуката за купување или некој дел од
неа, на пример, што да купи, како да купи или каде да купи.
• Купувач Лицето кое, всушност, ја прави набавката. Штом е донесена одлуката за купување,
може и некој друг да ја изврши набавката за одлучувачот.
• Корисник Лицето кое го консумира или користи производот или услугата.
- Фактори кои влијаат врз однесувањето на потрошувачите се: Економски фактори на
потрошувачката, Социолошки фактори на потрошувачката, Психолошки фактори на
потрошувачката, Демографски фактори на потрошувачката

9. Наброј и објасни ги главните фактори кои влијаат врз однесувањето на

потрошувачите (се мисли на економските, социолошките, психолошките,
демографските)?
-

10. Кои се Економските фактори кои влијаат врз потрошувачката?

- 1. Доходот – нивото и структурата на потрошувачката зависи од доходот.
2. Цената на производите и услугите. При се останато непроменето, ценовните промени имаат
за последица измена на потрошувачката.
3. Системот на кредитирање - ова е значајно за проиводите од трајна употреба и со поголема
вредност, бидејќи со кредитирањето на купувачите се стимулираат потрошувачката и доходот
кој дополнително ќе се оствари.

11. Кои се Социолошките фактори кои влијаат врз потрошувачката?

- 1. Културата Тоа се карактеристики по кои едно општество се разликува од друго.
2. Семејството Семејството е референтна група која ума најголемо влијание врз поединецот
при процесот на купување.
3. Улогата на поединецот- нАктивностите, однесувања кои треба да ги извршува една личност
соодветно на очекувањата на луѓето околу него или неа.
4. Статус Општото почитување што и е укажано на улогата од страна на општеството.
5. Стил на живеење Модел на живеење на поединецот изразен преку неговото однесување.
6. Општествен слој е дел од една рамка во опшествена класа или социјална група која се наоѓа
помеѓу општествените класи.

12. Кои се Психолошки фактори кои влијаат врз потрошувачката?

- Изборот на купувачот при купување, исто така, е под влијание на четири важни психолошки
фактори: мотивацијата, перцепцијата, учењето, уверувањата и ставовите.
1. Мотивацијата Потреба која е доволно итна за да ја насочи личноста да бара задоволување
на потребата.
2. Карактер Психолошките карактеристики со кои се одликува една личност кои водат до
релативно веродостојни и трајни реакции на неговото или нејзиното сопствено окружување. 3.
Претстава за себе си Слика за себе си или сложените ментални слики што ги имаат луѓето за
самите себе. Основната премиса на претставата за самиот себе е дека предметите во
сопственост на луѓето придонесуваат и ги одразуваат нивните идентитети: тоа значи дека “ние
сме тоа што го имаме”.
4. Перцепција Процесот преку кој луѓето ги избираат, организираат и интерпретираат
информациите во форма на разбирлива слика за светот.
5. Селективно излагање Тенденцијата на луѓето да се заштитат од најголемиот број
информации на кои се изложени.
6. Селективна дисторзија (искривување) Тенденцијата на луѓето да ги адаптираат
информациите според личните убедувања.
7. Селективна ретенција (заборавање) Тенденција на луѓето да паметат само дел од
информациите на кои се изложени, кои обично се информации што ги поддржуваат нивните
ставови и убедувања.
8. Учењето опишува промени во однесувањето на поединецот кои настануваат од
искуството.Теоретичарите за учењето велат дека поголемиот дел од човечкото однесување е
научено. Учење се јавува преку меѓусебно дејство на мотиви, поттикнувачи, сугестии, реакција
и засилувачи.
9. Уверување Описна мисла што ја има личноста во врска со нешто.
10. Став Трајни, поволни или неповолни процени, чувства и тенденции на личноста спрема
некој предмет или идеја.

13. Кои се Демографски фактори кои влијаат врз потрошувачката?

- Во групата на демографски фактори спаѓаат: бројот на население, неговата географска
дистрибуција, внатрешните миграции на населението, образовната структура на населението.
Сите овие фактори претставуваат појдовна основа за сегментација.

14. Наброј и објасни ги фазите во процесот на купување на производ?

- Процесот на купување се состои од повеќе фази:
1. Препознавање на потребата
Првата фаза од процесот на донесување одлуки на купувачот во која потрошувачот препознава
проблем или потреба. Некои потрошувачи се под влијание на моменталната состојба, кога
утврдуваат дека производот кој го имаат ќе престане да функционира, додека другите се под
влијание на посакуваната состојба, кај кои желбата за нешто ново може да ги води во процесот
на одлучување. Денес, целта на компаниите не е само да ги пресретне желбите на
потрошувачите, туку нешто повеќе што ќе ги надмине нивните очекувања.
2. Потрага по информации
Потрага по информации е фаза од процесот на донесување одлуки на купувачот во која
потрошувачот е предизвикан да: бара повеќе информации; потрошувачот може едноставно да
има зголемено внимание; или може да преземе активна потрага по информации.
3. Оцена на алтернативите
Оцената на различните алтернативи се дефинира како процес преку кој се вреднуваат
одделните алтернативи, со цел да се стигне до онаа алтернатива која најдобро ги задоволува
потребите на купувачите. Во оваа фаза купувачот прави споредба меѓу различни марки на
производ користејќи свои критериуми. Маркетарот има потреба да знае во врска со оцената
на алтернативите - тоа е како потрошувачот ги обработува информациите за да дојде до
изборот на марка на производ. За жал, потрошувачите не користат едноставен и единствен
процес на оцена во сите ситуации на купување
4. Одлука за купување
- Одлука за купување е фаза од процесот на донесување одлуки на купувачот во која
потрошувачот навистина го купува производот. Можноста одлуката на потрошувачот да се
смени, одложи или, пак, да се избегне донесување одлука за купување во голема мерка е под
влијание на осознаениот ризик. Многу набавки вклучуваат преземање ризик.
5. Однесување по купувањето
- Фаза од процесот на донесување одлуки на купувачот во која потрошувачот презема други
дејства по купувањето, кои се базираат на задоволство или незадоволство

15. Како се однесува купувачот по купувањето на новиот производ?

- 5. Однесување по купувањето
- Фаза од процесот на донесување одлуки на купувачот во која потрошувачот презема други
дејства по купувањето, кои се базираат на задоволство или незадоволство

4 час прашања и одговори:

1. Што претставува маркетинг план?

- Маркетинг планот претставува мост за комуникација на пораките за производите
и/или услугите со тековните или потенцијалните потрошувачи. Со други зборови,
маркетинг планот претставува детален патоказ кој ги опфаќа маркетинг стратегиите,
тактиките, активностите, трошоците и проектираните резултати во однос на
временскиот период за кој се однесува маркетингот. Маркетинг планот претставува
пишан документ каде се опфатени неопходните маркетинг активности со кои треба да
се исполнат една или повеќе маркетинг цели.

2. Зошто е потребен маркетинг план?

- Маркетинг планот помага за следниве активности на компанијата:
• ја поттикнува компанијата да има независен и критичен однос кон сопственито
бизнис,
• маркетинг планот како оперативно средство може да помогне за успешно водење на
маркетинг активностите, бидејќи истиот помага да се воочат проблемите пред да
станат големи, како и да се пронајдат патишта за нивно надминување и решавање,
• маркетинг планот ги пренесува бизнис идеите на компанијата и како таков може да
привлече инвеститори, кредитори и други соработници.

3. Кои се елементите на маркетинг план? (Наброј и објасни ја твојата бизнис идеја,

производ/ услуга преточени во маркетинг план) зошто е неопходно маркетинг
организирање?
- 1. Резиме
2. Анализа на пазарот
2.1. Општа анализа на пазарот: o демографски карактеристики; o потреби на пазарот; o
трендови на пазарот; o раст на пазарот.
2.2. SWOT анализа: o анализа на силните страни; o анализа на слабостите; o анализа на
можностите; o анализа на заканите.
2.3. Анализа на конкуренцијата.
2.4. Клучни фактори за успех.
3. Маркетинг стратегија
3.1. Мисија.
3.2. Маркетинг цели.
3.3. Финансиски цели на маркетингот
3.4. Позиционирање на пазарот
3.5. Маркетинг микс: o производ или услуга (во зависност дали бизнисот нуди производи или
услуги); o цени; o промоција; o дистрибуција.
4. Финансии
4.1.Проценка на продажбата
4.2. Проценка на трошоците
4.3. Маркетинг стратегија и проценки.
5. Контрола
5.1. План на имплементација.

4. Наброј и објасни ги видовите на маркетинг организирање?

- Поради специфичностите со кои се среќава секоја компанија не постои единствен модел на
организирање. Изборот на модел ќе зависи од големината, целите, стратегијата, визијата, но
пред се од улогата на маркетингот во самата компанија. Видови на маркетинг организирање:
– Функционален модел на организирање
– Географски модел на маркетинг организирање
– Производен модел
– Сегментиран модел
– Комбиниран модел

5. Што значи функционален модел на маркетинг организирање?

- Функционалниот модел на маркетинг организирање се реализира според деловните
функции, Сл. 27. Стр. 55
Тие можат да бидат за воспоставување комуникации со купувачите, маркетинг функцијата за
пробој на нови производи, маркетинг функцијата за тековните клиенти, за маркетинг
истражување, за продажба, и сл.

6. Кога се организира географски модел на маркетинг организирање?

- Географски (просторен) модел на маркетинг организирање: Просторната поделба ги
собира во еден сектор сите активности што се извршуваат во еден регион, Сл. 28.
Стр.55

7. Што значи производен модел на маркетинг организирање?

- Производниот модел на маркетинг организирање поделбата ја прави според производите,
каде секој сектор е одговорен за поединечен производ или за група на производи, Сл. 29.
Стр.56

8. Кога се применува сегментиран модел на маркетинг организирање?

- Сегментираниот модел на маркетинг организирање поделбата ја прави според
купувачите/корисниците, односно, според одредена класа купувачи/корисници каде се
продаваат повеќето или сите производи, Сл. 30.стр.56

9. Кога се користи комбиниран модел на маркетинг организирање?

- Комбиниран модел на маркетинг организирање: Комбинираниот модел на маркетинг
организирање се користи со комбинирање на функционалниот и просторниот модел, каде
маркетинг службата е организирана по функции, а секоја потфункција по региони, Сл. 31стр.57

10. Зошто се неопходни контролни механизми во маркетинг активностите?

- Контролирањето на маркетинг активностите се врши со цел да се направи оценка на
успешноста во остварување на плановите, Сл. 32. Стр.57 Основниот процес на маркетинг
контролирањето се реализира во три чекори:
 Поставување на стандарди (нормативи) и/или планови (критериуми за извршувањето);
 Мерење на резултатите според овие стандарди/планови;
Мерење на резултатите Мерење на резултатите се врши со цел да се откријат девијациите,
односно, можните отстапувања од маркетинг планот. Мерењето треба да биде насочено и кон
откривање на девијациите пред тие да се случат и да се овозможи нивно избегнување со
превентивни мерки. Претпазливиот 58 маркетинг менаџер насочен кон иднината, може да ги
предвиди можните отстапувања од планот.
 Коригирање на отстапувањата од поставените стандарди и/или планови
Менаџерот може да ги коригира отстапувањата или со корекции на планот, или со
модификација на поставените цели или преку разјаснување на должностите на подредените.
Корекции можат да се прават со постојана обука на персоналот, подобра селекција и со
дефинирање на обврските и одговорностите на вработените

5 час прашања

1. Што е производ?
- Производот го дефинираме како сè она што се нуди на пазарот со цел да предизвика
внимание, стекнување потреба од консумирање и нешто што може да задоволи нечија желба
или потреба

2. Што е услуга?
- Услугите се активности, корисности или задоволства што се нудат за продажба

3. Што се подразбира под главен производ?

- Се подразбира користа што компаниите им ја нудат на потрошувачите, односно им даваат
решение за нивниот проблем со купувањето на производот. Односно, тоа се услуги за
решавање на потрошувачките проблеми што ќе се добијат со купување на производо

4. Што се подразбира под фактички производ?

- Под фактички производ се подразбира конкретниот производ со утврдено ниво на квалитет,
перформанси, дизајн, марка на производот, амбалажата и други внимателно искомбинирани
атрибути, сè со цел да се испорача главната корисност од употребата на производот. Планерот
на производот мора да го изгради фактичкиот производ околу (основниот) главниот производ.

5. Што се подразбира под подобрен производ?

- Дополнителните услуги што ги добиваат потрошувачите и корисностите изградени врз база
на главниот и фактичкиот производ. Планирањето на производот мора да создаде подобрен
производ околу основниот и фактичкиот производ, преку понуда на дополнителни услуги на
потрошувачите.

6. Наброј и објасни ја основната поделба на производите според видот на

потрошувачи?
- Потрошувачки производи претставуваат производи купени од страна на финалните
потрошувачи за лични употреби
- Индустриски производ претставува производ кој е купен од страна на поединци и
организации за понатамошно процесирање или употреба.

7. Кои типови на потрошувачки производи постојат?

- Конвенционални, шопинг, специјални и непознати.

8. Што спаѓа под конвенционални (обични) производи?

- Производи за широка потрошувачка кои потрошувачот ги купува вообичаено, веднаш или со
минимална споредба и без напор за купување.
1. Главни производи Производи за широка потрошувачка кои потрошувачите редовно ги
купуваат (леб, цигари, весници, млеко и сл.)
2. Имплусивни производи Производи за широка потрошувачка кои потрошувачите ги купуваат
со многу мало планирање или барање како и напор (покрак касата за наплата се купуваат
мастики за џвакање, бонбони, марамчиња, и сл.)
3. Итни производи Производ купен од страна на финалниот потрошувач за итна употреба
(чадор кога врне и сл.)

9. Наброј и објасни ги атрибутите на производот?

Брендот,
Квалитет ,
Асортиманот ,
Пакувањето и етикитирањето,
Дизајн,
Диференцирањето на производот.

10. Што е бренд?

- Брендот е комбинација на карактеристики што го диференцираат (разликуваат) производот
или услугата од останатите. Брендот се создава и постои во свеста на купувачите/ корисниците

11. Што се подразбира под квалитет на производот?

- Под квалитет на производот се подразбира способноста на производот да ги извршува своите
функции. Тоа вклучува комплетна трајност на производот, релевантност, прецизност, леснотија
во ракувањето и поправките и други вредни атрибути.

12. Што се подразбира под ниво на квалитет на производ?

- Маркетарот мора најпрво да го избере нивото на квалитет што ќе ја одржи положбата на
производот на избраниот пазар. Нивото на квалитет е максималната ангажираност на
компанијата во градењето атрибути на своите производи. Компаниите избираат ниво на
квалитет кој се совпаѓа со потребите на избраниот пазар и нивото на квалитет на
конкурентните производи.

13. Зошто велиме дека производите треба да имаат конзистентност?

- Квалитетот на производот значи квалитет на конформизам, односно ослободување од
дефекти и конзистентност (постојаност) во испораката на таргетирано ниво на работење.

14. Кои се особини или перформанси на производот?

- Брендот,
- Квалитет ,
- Асортиманот ,
- Пакувањето и етикитирањето,
- Дизајн,
- Диференцирањето на производот.

15. Што се подразбира под дизајн на производот?

- Дизајнот е поширок концепт отколку стилот. Стилот само го опишува изгледот на производот.
дизајнот оди малку подлабоко, односно до самото срце на производот. Добриот дизајн
придонесува за корисноста на производот исто како и неговиот изглед.

16. Што го опишува стилот на производот?

- Стилот само го опишува изгледот на производот. Сензационалниот стил може да привлече
внимание и да создаде задоволувачка естетика, но секако дека не предизвикува производот
да функционира подобро. Во некои случаи може да резултира со полошо функционирање.
17. Што се подразбира под марка на производ?
- Марка на производ е име, назив, знак, симбол, дизајн или комбинација од овие кои се
употребуваат за идентификација на добрата или услугите на еден продавач или група
продавачи за да се диференцираат од оние на конкурентите.

18. Кои се елементите на марката на производот?

- – атрибути;
– корисности;
– вредности;
– карактер.

19. Зошто е битно пакувањето (амбалажа на производот)?

- Пакувањето односно амбалажата на производот е значајна карактеристика на производот
ако се има предвид дека продажбата е микс од низа физички карактеристики, економски
психолошки и социјални елементи. Голем број производи понудени на пазарот мораат да
бидат спакувани. Пакувањето вклучува дизајн и производство на амбалажа или обвивка на
производот. Амбалажата може да вклучи:
– основна (примарна) амбалажа на производителот (тубата што ја содржи и ја заштитува
пастата за заби “колгејт”);
– втората (секундарна амбалажа) обвивка што се фрла кога ќе се употреби производот
(картонската кутија во која се наоѓа тубата “колгејт”) и
– пакетот за испорака (транспортна амбалажа) неопходен за чување, идентификување и
испорака на производот (набрана кутија во која се сместени шест дузини туби на “колгејт”
паста за заби).
– етикетирањето, отпечатените информации кои се наоѓаат на или одат во прилог на пакетот,
исто така, се дел од амбалажата.

20. Пакувањето мора да извршува повеќе продажни задачи и тоа?

- Зголемената конкуренција и неред на рафтовите во продавниците на мало значеше дека сега
пакувањето мора да извршува повеќе продажни задачи, почнувајќи од привлекување
внимание, опис на производот, па се до самата продажба. Компаниите ја сфаќаат моќта на
доброто пакување за создавање моментална препознатливост од страна на потрошувачите на
компанијата или марката на производот.

21. Што треба да содржат етикетите?

- Етикетата го идентификува производот или марката на производот. Етикетите треба да ги
насочат потрошувачите, да ги опишат важните состојки и да ги вклучат потребните
предупредувања за заштита

22. Што се подразбира под асортиман на производи во една компанија?

- Тоа е збир на производи кои ги произведува и нуди на пазарот определена фирма.

23. Што се подразбира под производствени линии во една компанија?

- Производствената линија е група на производи кои се тесно поврзани како резултат на
сличните функции, потрошувачите, каналите на дистрибуција или одредувањето на цените на
производите.

6та тема
1. Зошто иновациите можат да бидат многу ризични за една компанија;

- Новите производи не успеваат на пазарот поради многубројни причини:

Развојот на нови производи е скап процес;

За развој на нови производи е потребно време;

Неочекуваните доцнења во развојот, исто така, претставуваат проблем бидејќи постои

опасност од претекнување на конкуренцијата;

Новите проекти можат и да не бидат прифатени од потрошувачите.

2. Зошто новите производи доживуваат неуспех на пазарот;

Причини за неуспех се:

-Иако идејата е добра, големината на пазарот може да биде предимензионирана. Едноставно,

не постои побарувачка за производот;

-Можеби фактичкиот производ не бил добро дизајниран, онака каков што треба да биде

-Можеби новото е т.н. „јас повторно“ производ, кој не е подобар од производите кои веќе
постојат на пазарот;

-Или, пак, можеби производот е лошо позициониран на пазарот, цените се премногу високи и
производот е многу лошо рекламиран или промовиран;

-Менаџерите од повисокото ниво во хиерархијата на компанијата „лошо“ ја процениле

добрата идеја поради слабото маркетинг истражување за нови производи;

-Понекогаш трошоците за развој на нови производи се повисоки отколку планираните со

буџетот, а понекогаш конкурентите многу посилно го возвраќаат ударот отколку што се
претпоставувало

3. Што влијае врз успехот на новиот производ, односно во кои насоки треба да се движи
компанијата за да постигне успех на новиот производ на пазарот;

Различни студии укажуваат дека успехот на новиот производ зависи од:

- Развој на единствени супериорни производи, односно оној што му нуди на

потрошувачот подобар квалитет, нови можности и висока вредност;

- Уште еден клучен фактор за успех е добро дефинираниот концепт на производот пред
самиот процес на развој, во кој компанијата внимателно ги дефинира и навлегува на
таргетираните пазари, барањата за производот и користа пред да се пристапи кон реализација
на тој концепт;

- Новите производи кои се подобри отколку постојните, соодветствуваат со потребите на

пазарот и го испорачуваат она што потрошувачите навистина го сакаат.

4. Да се набројат и објаснат поединечно чекорите за развој на нов производ;

 Чекор 1: Стратегија за развој на нови производи

Стратегијата за развој на нови производи ги формализира одлуките на менаџерите до степен
кога мислат дека е рационално за фирмата да бара можности за иновација, нов производ,
пазар или технологија за да може да се фокусира, како и разновидни цели и предмети
(пазарен удел, плаќање во готово, профитабилност, итн.) и да ги постигне.

 Чекор 2: Генерирање идеи

Генерирањето идеи е систематско барање идеи за нови производи. Генерирањето креира

идеи за можен производ кој компанијата може самата да го понуди на пазарот. Овој процес
треба да биде повеќе проактивен и систематски отколку случаен и треба да ја обезбеди
компанијата не само со нови идеи, туку и со некои кои се добри во нејзиниот домен на
работење. Генерирањето идеи може да биде од внатрешни извори (вработени, инженери,
експерти, и сл.) и надворешни извори (конкуренцијата, доставувачите, дилерите, купувачите, и
сл.).

 Чекор 3: Анализа и селекција на идеи

Целта од генерирање идеи е да се создаде голем број идеи. Успехот на наредните фази е да се
намали тој број. Првата фаза од намалување на идеите е во нивната селекција. Целта на
скринингот е да се забележат добрите идеи и да се отстранат лошите, колку е можно побрзо.
Како што трошоците за развој на производот растат во подоцнежните фази, многу е важно за
компанијата да продолжи понатаму само со оние идеи што ќе се претворат во профитабилни
производи.

 Чекор 4: Развој на концептот и негово тестирање

Атрактивните идеи мора да бидат развиени во рамките на концептите за развој. Многу е

важно да се направи разлика меѓу идеја на производ, концепт на производ и имиџ на
производ:

Идеја на нов производ е идеја за можен производ кој компанијата може самата да го понуди
на пазарот; Концептот на производот е детална верзија на идејата која го поминала филтерот
на селекција;

Имиџ на производ е начин на кој потрошувачите го гледаат фактичкиот или потенцијалниот

производ.

 Чекор 5: Тестирањето на концептот за нов производ

Тестирањето на концептот на новите производи се реализира со група избрани потрошувачи,

со цел да се открие дали концептите ќе имаат силно влијание врз потрошувачите.

 Чекор 6: Развој на маркетинг стратегијата

Силните концепти понатаму продолжуваат во развој на маркетинг стратегијата, во која,
почетната маркетинг стратегија за новиот производ се развива од концепт на производ во
детална анализа или стратегија за настап на пазарот. Во овој чекор се опишува таргетираниот
пазар, позиционирањето на производот и продажбата, пазарниот удел и целите за
остварување профит во првите неколку години. Во оваа фаза се утврдува и цената,
дистрибуцијата и буџетот за маркетинг во првата година, како и планираната продажба на
подолг рок, профитот, Маркетинг микс стратегијата, и сл.

 Чекор 7: Бизнис анализи

Штом еднаш менаџментот донесе одлука да го усвои концептот на производот и се подготви

Маркетинг стратегијата, менаџментот може да ја евалуира бизнис атрактивноста на ваквиот
предлог.

Бизнис анализите вклучуваат прегледи на можната продажба, трошоците и проекциите на

трошоците за новиот производ, за да се открие дали тие ги задоволуваат целите на
компанијата. Доколку е тоа така, производот продолжува во наредната фаза Развој на
производот.

 Чекор 8: Развој на производ

Развој на производот е фаза каде се прави голем скок во инвестициите, односно се подготвува
прототип. Тука службата за истражување и развој или инженерингот го развива концептот на
новиот производ во конкретен производ. Секторот развива една или повеќе верзии на
концептот на производот. Развојот може да трае со денови, месеци и е сложен процес. Како
што производот станува сè поконкретен, тој е подложен на функционални и потрошувачки
тестови.

 Чекор 9: Маркетинг тестирање

Маркетинг тестирањето му дава на маркетарот искуство со маркетингот на производот пред да

се оди до целосно воведување или комерцијализација.

Во оваа фаза се тестира производот и целата маркетинг програма која опфаќа:

 стратегиска позиција;

 рекламирање;

 дистрибуција;

 одредување на цените;

 утврдување на марката на производот и пакување;

 како и нивото на буџетот во реалните маркетинг ситуации.

Компанијата го користи маркетинг тестирањето за да научи како потрошувачите и дилерите ќе

реагираат на ракувањето, употребата и повторното купување на производот. Резултатот може
да се искористи за да се подобри продажбата и да се предвиди профитот. Добар тест на
пазарот може да обезбеди огромни информации за потенцијалниот успех на производот и
маркетинг програмата.

Маркетинг тестирањето може да се направи на:

стандардни пазари за тестирање;

контролирани пазари за тестирање;

симулирани пазари за тестирање.

Но и на :

трговски саеми;

средби на дистрибутери и дилери и сл.

5. Да се објасни маркетинг тестирањето кое може да се направи на: стандардни пазари за

тестирање, контролирани пазари за тестирање, симулирани пазари за тестирање;

- Со употребата на стандардни пазари за тестирање компанијата во мал број градови ги

користи продавниците, врши истражувања кај потрошувачите и дистрибутерите, како и
применува други мерки за да го измери пулсот кај потрошувачите за производите.

Резултатите од тестирањето компанијата ги користи за предвидување на националната

продажба и профитот, да ги открие потенцијалните проблеми на производот и да ја заврши
маркетинг програмата.

Стандардните пазари за тестирање можат да бидат скапи за компанијата и за да се

реализираат е потребно подолго време.

Во тој период конкурентите можат да се вмешаат во нив преку намалување на цените на

нивните производи на локациите избрани за тестирање, но и преку зголемување на нивната
сопствена промоција или дури преку откупување на тестираните производи.

- Тестирањето на контролирани пазари е преку неколку истражувачки фирми кои држат

под контрола избрани продавници, со кои е договорено да држат нови производи за
одредена сума.

Компанијата која го тестира новиот производ го специфицира бројот на продавници и

географски локации кои таа сака да ги испитува.

Истражувачката фирма го испорачува производот до продавниците што учествуваат во

истражувањето и ја контролира локацијата на производите на рафтовите, големината на
просторот на рафтовите, извршувањето на продажбата и промоциите на продажбата, како и
одредувањето на цените според специфично утврдените планови.

- Компаниите, исто така, можат да ги тестираат новите производи во една симулирана

потрошувачка средина.

Тие им даваат на потрошувачите мала сума пари која треба да ја искористат за купување
производи, а истражувачите бележат колку потрошувачи ги купуваат нивните нови производи,
но и конкурентните марки производи. По извесен период, истражувачите ги контактираат
потрошувачите за да добијат повратни информации околу задоволството или забелешките во
врска со производот и прават анализи.

Оваа симулација обезбедува мерило или обид, како и приказна за комерцијалната ефикасност
во однос на конкурентите.

6. Што се подразбира под животниот циклус на производот;

-Животниот циклус на производот се следи од моментот на неговото воведување на пазарот

(кога компанијата се надева и верува дека производот ќе има долг и среќен живот), па сè до
моментот на негово повлекување.

Стилот, модата, модните трендови и нивната поврзаност со животниот век на производот

Стил претставува основен и различен начин на изразување

Модата е моментално прифатен или популарен стил на одредено поле. Модата расте бавно и
станува популарна извесно време, а потоа бавно опаѓа.

Хит е мода која потрошувачите брзо ја забележуваат и прифаќаат.

Секој производ има свој животен циклус, означен со збир на проблеми и можности кои
постојано се менуваат. Продажбите на еден конкретен производ следат една крива на
животот, која се состои од пет фази

Фаза 1: Циклусот почнува со фазата на развој на производот кога компанијата наоѓа и развива
идеја за нов производ.

Фаза 2: Воведната фаза на производот е претставена преку слаб пораст на продажбата и низок
профит во период кога производот се дистрибуира на пазарот.

Фаза 3: Доколку е успешен, производот влегува во Фазата на раст, која нуди брз пораст на
продажбата и зголемени профити.

Фаза 4: Следува Фазата на зрелост, кога продажбата побавно расте, а профитот се стабилизира.

Фаза 5: На крај, производот влегува во Фазата на опаѓање, во која продажбите и профитот се

намалуваат.

7. Што е стил, што е мода, а што е хит на пазарот;

-Стил претставува основен и различен начин на изразување.Штом еднаш стилот ќе се измисли,

може да трае со генерации, влегувајќи и излегувајќи од мода. Стилот има циклус кој покажува
неколку периоди на обновен интерес.

-Модата е моментално прифатен или популарен стил на одредено поле. Модата расте бавно и
станува популарна извесно време, а потоа бавно опаѓа.

-Хит е мода која потрошувачите брзо ја забележуваат и прифаќаат. Обично, хитовите не

задоволуваат некоја човечка потреба, живеат краток период, брзо го достигнуваат својот врв,
но и за кусо време имаат тенденција на опаѓање. Вниманието кое им го посветуваат
медиумите може да го зголеми нивниот животен век.

8.Да се наброи и објасни секоја фаза од животниот век на производот откако ќе се пушти на
пазарот, односно се комерцијализира;

Фаза 1: Циклусот почнува со фазата на развој на производот кога компанијата наоѓа и развива
идеја за нов производ. За време на развојот на производот, продажбата е еднаква на нула, а
инвестициите се многу големи.

Фаза 2: Воведната фаза на производот е претставена преку слаб пораст на продажбата и низок
профит во период кога производот се дистрибуира на пазарот. Профитот е недоволен во оваа
фаза поради големите трошоци за воведување на производот на пазарот.

Фаза 3: Доколку е успешен, производот влегува во Фазата на раст, која нуди брз пораст на
продажбата и зголемени профити.

Фаза 4: Следува Фазата на зрелост, кога продажбата побавно расте, а профитот се

стабилизира.

Фаза 5: На крај, производот влегува во Фазата на опаѓање, во која продажбите и профитот се

намалуваат.

9. Кои корисни стратегии можат да се применат во фазата на воведување нов производ;

- Стратегија на брзо собирање на кајмакот, односно брзо, преку претставување на

новиот производ со висока цена и високи трошоци за промоција. Високата цена помага
во покривање на профитот по единица производ, а високите трошоците за агресивна
промоција ги прави со цел да го убеди пазарот во квалитетот на производот, дури и
кога цената е превисока.
- Стратегија на бавно собирање на кајмакот, односно бавно, преку претставување на
новиот производ со висока цена и ниски трошоци за промоција. Високата цена помага
во покривање на профитот по единица производ, додека трошоците за слабата
промоција го држи маркетинг трошењето надолу. И двете стратегии се најмногу
прифатени кај иновативните производи.
- Брза стратегија на пенетрација, односно компанијата може да го воведе својот нов
производ со ниска цена и големи трошоци за промоција. Ваквата стратегија ветува
дека ќе доведе до најбрза пенетрација на пазарот и постигнување најголем удел на
пазарот. Оваа стратегија има смисла кога пазарот е голем, потенцијалните купувачи се
сензитивни во поглед на цените на производите, но несвесни за постоењето на самиот
производ, посилна потенцијална конкуренција, а производствените трошоци по
единица производ за компанијата опаѓаат со обемот на производство и акумулираното
производствено искуство.

- -Стратегија на забавена пенетрација, односно ниска цена по единица производ, но и

ниски трошоци за промоција. Ваква стратегија се користи во услови кога
потрошувачите се свесни за цената, но фирмата поради ограничувањата на ресурсите
сака да ги држи на ниско ниво трошоците за промоција на производот. И двете
стратегии се најмногу прифатени кај генерички слични производи.
10.Кои корисни стратегии можат да се применат за време на фазата на раст на производот;

-Фирмата користи неколку стратегии за да го задржи растот на пазарот што е можно подолго
време.

1. Таа го подобрува квалитетот на производите и додава нови производни можности и

модели;

2. Навлегува во нови пазарни сегменти;

3. Се обидува да ја зголеми продажбата преку нови канали на дистрибуција;

4. Поместува дел од рекламирањето; од градење на запознаеност со производот, до ставање

на знаење за постоење на производот, како и поттикнување интерес за купување;

5. Ги намалува цените во вистинско време за да привлече повеќе потрошувачи;

6. Во Фазата на раст, фирмата се соочува со размена помеѓу повисокиот пазарен дел и високо
остварениот моментален профит;

7. Преку трошење многу пари за одобрување на производот, негова промоција и

дистрибуција, компанијата може да оствари доминантна позиција на пазарот;

8. Во реализацијата на сето ова, таа го дава максималниот моментален профит, за кој се

надева дека ќе го надомести во наредната фаза.

11. Кои корисни стратегии можат да се применат за време на фазата на зрелост на производот;

Менаџерите на производот треба да направат повеќе од едноставно прифаќање на оваа

состојба, да ги одбранат своите зрели производи, односно добрата офанзива е најдобра
одбрана. Тие треба да ја прошират својата имагинација и да пронајдат нови погледи за
иновација на пазарот (Развој на пазарот), или да го изменат производот (Развој на производот)
или да го употребат маркетинг миксот (Маркетинг иновации).

Што значи: Развој на пазарот? Преку развој на пазарот, компанијата се обидува да ја зголеми

потрошувачката. Компанијата ја репозиционира марката на производот и ја насочува кон

новите корисници или сегменти на пазарот, на кои компанијата моментално не е присутна.

Што значи: Развој на производот? Компанијата може да се обиде да го модифицира

производот преку менување на неговите карактеристики, како што се квалитетот, особините
или стилот, за да ги привлече новите корисници и да инспирира поголема употреба.
Компанијата може да го подобри квалитетот и работењето на производот, односно неговата
трајност, доверливост, брзина, вкус.

Што значи: Маркетинг иновации? Маркетарите, исто така, се обидуваат да го модифицираат

маркетинг миксот, односно да ја подобрат продажбата преку менување на еден или повеќе
елементи на маркетинг миксот. Маркетарите можат да применат намалување на цените со
цел да ги привлечат новите корисници и потрошувачите на конкурентите. Маркетарите можат
да направат подобра рекламна кампања или да употребат агресивна промоција на
продажбата, преку трговски договори, рабати, премии и натпревари.
12. Зошто компаниите се стремат кон забрзување на процесот на развој

на новиот производ.

Со цел побрзо да се доведат новите производи на пазарот, голем број компании го напуштаат
методот на секвенционален развој на производот во корист на побрзиот, пофлексибилниот
симултан (истовремен) развој на производот или пристап базиран на тимска работа.

Наместо да се преместува новиот производ од сектор во сектор, компанијата прави тим од

луѓе од различни сектори кои остануваат со новиот производ од самиот почеток, па сè до
крајот. Истовремениот развој е повеќе како рагби натпревар, отколку како вистинска трка,
односно членовите на тимот го префрлаат новиот производ „напред-назад“ како што се
движат кон заедничката цел, за брзо и успешно претставување на новиот производ.