Платно на бизнис модел (canvas)

1. Платно на бизнис модел е стратешка алатка за управување која што овозможува

да се развие и претстави нов или постоечки бизнис модел.
2. Бизнис моделот опишува како една организација креира, испорачува и стекнува
вредност. Целта на бизнис моделот е да им помогне на претприемачите,
инвеститорите и другите партнери да разберат како бизнисот се прилагодува за да
создаде и испорача вредност.
3. Елементи на бизнис модел платно :
- Вредност (производ или услуга) - кои треба да се креираат и испорачаат до
купувачите или корисниците. Овој елемент е резултатот на бизнис идеја,
односно производ или услуга кои ќе се креираат преку таа идеја.
- Клучни ресурси - oдносно кои со чија помош може да се создаде и испорача
вредноста.
- Клучни активности - односно кои треба да се имплементираат за да
функционира бизнис моделот.
- Клучни партнерства – кои ќе се користат за нормално функционирање на
бизнис моделот, односно кој може да помогне за имплементација на бизнис
моделот.
- Односи со купувачи - односно како ќе бидат основани и одржувани односите
со секој сегмент на купувачи.
- Сегменти на купувачи - односно кои купувачи или корисници ги опслужува
претпријатието.
- Канали на дистрибуција – односно како вредноста ќе се испорача до
купувачите преку комуникациски, дистрибутивни и продажни канали.
- Трошочна структура – односно кои ќе бидат главните трошоци кои ќе ги
создава претпријатието со овој бизнис модел.
- Приходи – oдносно како ќе се генерираат приходи за испорака на производите
или услугите до купувачите.

Пронаоѓање на купувачи

1. Купувачи се оние кои ви плаќаат за производот или услугата кои ги продавате.

2. Квалитетни купувачи - купуваат повеќе пати во иднина во поголеми износи
3. Корисници се оние кои ги користат производите или услугите коишто вие ги
продавате.
4. Хиреархија на купувачи за една компанија :
- Крајни купувачи – Без разлика дали се продава на крајни корисници или
не,односно дали крајните корисници се купувачи или не се, разбирањето на
нивните потреби, проблеми, желби, како и начинот на користење на
производите/услугите претставува клуч за успехот на компанијата.
- Влијателни купувачи – Тие имаат силно влијание на социјалните медиуми и
само со една порака можат да го направат некој бизнис успешен или
неуспешен. Можат да бидат и блогери кои сакаат да тестираат нови производи
или услуги и да пишуваат за нивниот квалитет, перформанси и корисност.
 - Препорачувачи – Освен влијателните лица кои креираат јасни пораки и
мислењен за производот или услугата, важна улога во успехот на бизнисот
може да имаат и препорачувачи.
- Одлучувачи – Тие го контролираат или одобруваат купувањето или пак
буџетот. Одлучувачи може да бидат менаџери од средно ниво, може да биде и
еден од сопружниците кој го контролира буџетот.

Крива на прифаќање на нови технологии

1. Поделба на купувачи согласно степенот на прифаќање на производ – услуга :

- Иноватори – тоа се ентузијасти, луѓе со разбирање од техниката и
технологијата. Луѓе коишто сакаат нови работи, сакаат да експериментираат со
нови технологии, да ги поседуваат, користат и да покажат пред другите дека се
први што имаат пристап до еден таков производ.
- Рани прифаќачи - на нова технологија исто како и иноваторите доста рано во
животниот циклус на еден производ купуваат, но за разлика од иноваторите тие
не се луѓе од техниката, оваа група на купувачи се оние кои лесно успеваат да
ги разберат и ценат бенефициите кои ги добиваат со новиот производ.
- Рано мнозинство - иако се врзуваат лесно со новата технологија, сепак
најчесто се водат од чувството на практичноста на новиот производ или услуга.
Тие знаат дека повеќето од овие иновации завршуваат како неуспеси, затоа и
чекаат да видат како другите луѓе кои веќе го купиле производот го користат и
дали им врши работа.
- Доцно мнозинство - ги има скоро сите карактеристики на раното мнозинство
со таа разлика што оваа група на купувачи не е комфорна со нова технологија.
Заради тоа оваа група на купувачи чека новиот производ, односно новата
технологија да стане стандард во користење, поддршка од страна на
компаниите и висока репутација и кредибилитет на оној од кој ќе купат.
- Влечковци - односно луѓе кои едноставно не сакаат да имаат ништо со нова
технологија без разлика дали станува збор за лична или пак економска
причина. Тие се последните кои купуваат или пак воопшто нема да купат.
 Алатка за тестирање на претпоставки во бизнис модел

1. Минимално одржлив производ (производ со минимум карактеристики кој служи

само да се добие фидбек од страна на купувачите)
2. Видови на минимално одржлив производ :
- За проверка на концепт - може да биде веб страница на која ќе бидат
опишани карактеристиките на производот/услугата и бенефитите што истиот ќе
ги нуди на купувачите. На таа страна ќе има и повик за акција во вид на
регистрација за повеќе информации.
- Скица – или цртеж на производот преку кој се согледуваат
функационалностите дефинирани со веќе утврдените карактеристики. Со кои
ќе следуваат состаноци во коишто ќе се презентираат скиците и ќе се
разговара за можни подобрувања, цена која би ја платиле и дали би го купиле
решението.
- Прототип на производ – при што потенцијалниот купувач ќе може да го држи
во рацете, да го проба и да ги почувствува бенефитите од него.

Канали на дестрибуција
1. Канали на дестрибуција се физички канали каде физички производ стигнува до
купувачот и веб/мобилни канали каде виртуелен, односно веб или мобилен
производ во вид на апликација стигнува до купувачот
2. Видови на канали на дестрибуција
А) Физички канали
- Сопствена малопродажба – при што директно ќе се продаваат производите или
услугите на крајните купувачи.
- Дилери – независни малопродавачи или пак синџири намалопродажба.
- Дистрибутери – или претпродавачи помеѓу нив како производител или
малопродажба.
- Веб интернет продажба на физички производи – преку користење на поштенски
услуги.
- Директна продажна сила – односно продажен тим која комуницира и продава на
купувачи или бизниси или пак на други препродавачи
Б) Веб мобилни канали
- е-трговија - еден вид на веб канал при што компанијата ги продава производите
директно од сопствен веб сајт за е-трговија.
- Флеш продажба - односно понуди на големи попусти за 24 или 48 часа како што се
компании за групно купување.
- Социјална трговија - (трговија преку Facebook, Twitter...) или продажба преку
социјални мрежи како игри, пристап до софтвер...
- Канал платформа во вид на продавница за апликација – во последно време се
јавува како посебен канал (iOS App Store на Apple, Android App Store)
- Канали за групна продажба - каде продажбата ќе се реализира доколку има
доволен број на продажби по одредени услови на продажба, најчесто цената.
 Потврда на претпоставки за односи со копувачи

1. Продажна инка е начин на визуелизација на продажен процес.

2. Фази на продажната инка
А) Стекнување на купувачите
- Свесност – е првично генерирање односно дека компанијата постои како бренд
или како производ или услуга.
- Интерес - односно да се обезбеди заинтересираност на купувачот за производот
или услугата.
- Разгледување – односно купувачите ќе бидат свесни дека постои некој кој го
решава нивниот проблем и веќе се заинтересирани за тој производ или услуга како
можно решение за нивниот проблем.
- Купување – по разгледувањетологично е да се изведе продажбата, односно да го
купат производот или услугата или да потпишат договор за соработка.
Б) Задржување на купувачи
- Програми за лојалност – повремено наградување на купувачите заради нивната
лојалност
- Ажурирање на производ – континуирани ажурирања како потсетување дека
постои подобрен производ
- Задоволување на купувачите – одличен сервис по завршување на продажбата.
- Праќање на анкети - повремени анкети за да се потсетат купувачите дека
компанијата постои и да се поттикнат да купат уште нешто.
В) Зголемување на број на купувачи
- Натпродажни техники – како продажба на добри производи, поттикнување на
подобри и потоа најдобри. На пример, Apple ги има изградено една од
најсофистицираните инки на продажба.
- Техника на вкрстена продажба – со кои ќе се создаваат групи на производи како
и некои бенефиции од нивно групирање. На пример, ако го купите и овој производ
добивате попуст за друг производ.
- Препораки на тековни купувачи – тоа значи за да добијат нешто доколку го
препорачаат производот на повеќе луѓе.