KABANATA 1

INTRODUKSIYON
Tinatalakay sa bahaging ito ang mga mahahalagang pag-aaral na magiging
saligan ng pananaliksik na ito. Inilalahad dito ang iba't ibang literatura, kahalagahan ng
pag-aaral, batayang teoritikal, paradim ng pag-aaral, pagpapahayag sa suliranin at
pagbibigay-kahulugan sa mga katawagan na mahalaga para sa ikabubuo ng
pananliksik na ito.

A. SALIGAN NG PAG-AARAL
Isang malaking hamon ang pag-alam kung ang mga mag-aaral ng isang
paaralan na nakapagtapos ay ganap nang may pakinabang sa lipunan at sa larangang
kinabibilangan nila. Hindi maipakikita ang totoong husay ng isang paaralan o ng isang
guro kapag hindi naitala kung nasaan na ang mga nahulma nilang mag-aaral sa
kasalukuyan. Dahil nga ang labor market sa Pilipinas at sa abroad ay bahagyang
humigpit ang kompetisyon, sa pagbabalak sa paaralang nais puntahan ng isa
mag-aaral ay mas pinipili nila ang mayroong magandang employabiliti profayl (Albina &
Sumagaysay, 2020). Ang pangunahing layunin ng isang graduate tracer study at
paglalahad sa employabiliti profayl ay makapag ebalweyt ng isang midyum sa mas
mahabang epekto nito sa mga programa ng edukasyon ayon kay Kalawa (2019). Sa
pagsisiyasat sa paggamit nito, napagtanto na sa Batsilyer ng Sekondaryang Edukasyon
na nagtapos ay pinaniniwalaan na ang pagtuturo ay isang propesyon na kung saan
kayang masustentuhan ang pang-araw-araw na pangangailangan
at sa kabilang banda ay nangangailangan ng kagalingan sa pagkuha ng kursong
ito. (Aquino et al, 2016) Sa lumabas nga na resulta ng Licensure Examination for
Teachers (LET) habang pinagaaralan ang kahalagahan ng graduate tracer study ay
lumabas na mas mabilis makakuha ng trabaho ang mga gurong nakapasa at mas
nagtatagal sila sa propesyong ito. Nasabi nga ni Ginez (2014) na mas mapapayabong
ang kalakasan ng isang kurikulum kung sapat, may kahusayan, at may pagsasanay sa
mga kakayahan (competency) na kinakailangan ng isang guro sa pagpasa ng LET.
Dahil dito, malaki ang ambag ng paaralan o institusyon sa paghubog ng mga mag-aaral
na kapaki-pakinabang sa lipunan at larangang nais nilang maging bahagi.
Ayon naman kay Cañizares (2015) sa pagsasagawa niya ng graduate tracer study,
kailangang ang kurikulum ay naaangkop at natutugunan ang mga pagbabagong dulot
ng makabagong panahon nang makasabay ang mga nakapagtapos sa kani-kanilang
trabaho. Ang pinakalayunin ng mga unibersidad at institusyun ay mahasa ang mga
mag-aaral nila sa tamang paggamit ng kanilang kaalaman, kasanayan at mga
kaugaliang naaangkop sa kanilang trabaho pagkatapos makapagtapos upang
makasabay ang mga ito bilang isang mahusay na empliyado. (Abas, et al, 2016).
Mahihinuha rin na sa mga isinasagawang graduate tracer na pag-aaral ay
inirerekomenda ang patuloy na pagsasagawa nito upang maging gabay ng paaralan sa
pagbuo ng mas epektibong kurikulum na aangkop sa kasalukuyang sitwasyon.
Sinang-ayunan ito ni Cuadra (2019) na sinabing ang graduate tracer study ay isa ring
magandang kasangkapan sa pag-alam at pagtasa sa mga kakayahan at kasanayan sa
trabaho ng mga nagtapos na. Dagdag pa niya, ito ay isang paksa na naaayon sa
pagtataya ng resulta ng isang edukasyon at kakayahan nito sa pagbibigay ng mga
karapat-dapat na kasanayan sa mga mag-aaral. Ayon nga kay Deblois (2016),
kailangan ng regular ang pagsasagawa ng ebalwasyon sa mga layunin, asisment at iba
pa ng iba't ibang mga departamento nang masiguro na ang mga magsisipagtapos at
nagsipagtapos na ay may maayos at maganda ngang madaratnan at mararating. Ang
kahalagahan ng pag-aaral na ito lalo na sa mga partikular na awdyens o kalahok na
mga Batsilyer ng Sekondarya na nagpakadalubhasa sa asignaturang Filipino sa
panunurang 2016-2019 ay makapagbibigay ng mas mabuting tugon sa mga desisyong
isinagawa nila tulad ng sa trabaho, pamumuhay, at bilang guro ng hinaharap. Kaya
layunin ng pag-aaral na ito na alamin ang employabiliti profayl ng mga estudyanteng
nagtapos at nagpakadalubhasa ng asignaturang Filipino sa taong 2016-2019. Layon
ding malaman ng pananaliksik na ito na kalapin ang mga kakayahang pagtuturo at
demograpikong profayl ng mga nagtapos ng Batsilyer ng Sekondarya, major sa Filipino
upang matanggap sa kanilang mga trabaho.

B. BATAYANG KONSEPTUWAL

B.1. BATAYANG TEORITIKAL

Sinabi nina Knight at Yorke (2004) sa kanilang pagpapaliwanag sa modelo ng
employabiliti na Understanding, Skills (Subject- specifics at generics), Efficacy (self-
theories) at Metacognition (kasama ang mga repleksiyon) o USEM model na ang
pakahulugan nila sa employabiliti ay ang pagiging "distinctive" at tumpak sa kung anong
layunin ng bawat Unibersidad. Ang modelong ito ay mas malawak pa kaysa sa tipikal
na kasanayan lamang. Ayon din sakanila, ang modelong ito ay naimpluwensiyahan ng
konsepto ng "capability" ni Stephenson (1998) na binigyang niya ng kahulugan bilang;
"capable people have confidence in their ability to (1) take effective and appropriate
action, (2) explain what they are seeking to achieve, (3) live and work effectively with
others, and (4) continue to learn from their experiences, both as individuals and in
association with others. In a diverse and changing society, capability is a necessary part
of specialist expertise, not separate from it. Capable people not only know about their
specialisms, they also have the confidence to apply their knowledge and skills within
varied and changing situations and to continue to develop their specialist knowledge
and skills" (Hango mula kina Knight at Yorke, 2004)
Ayon pa rin sa prononent ng modelong ito na sina Knight at Yorke (2004), ang USEM
model ay ginawa base sa konsepto ng "capability" na may halong pag-aaral mula sa
cognitive at social psychology.

Ang kurikulum ay kadalasang nakatuon ang atensiyon sa pag-unawa

(Understanding) sa mga asignatura at mga paksa kasabay ng paglinang ng kasanayan
(Skills) sa mga ito. Sa kabilang banda naman, nagbibigay ang kurikulum ng kaunting
pansin sa pagkilala sa mga personal na katangian at katangiang sosyal (Efficacy at
Metacognition) na kinakailanangang maipakita ng mga nagsipagtapos tungkol sa
pagtulong at pagiging matulungin sa mga nangangailangan na siya namang tinitingnan
at kinakailangan sa aktuwal na trabaho.

Figyur 1. Modelong USEM

B.2. PARADIM NG PAG-AARAL

Figyur 2. Paradim ng Pag-aaral

Ang paradim ng pag-aaral na gagamitin sa pananaliksik na ito ay

Input-Process-Output (IPO). Ang input ay ang pangkahalatang profayl ng mga
nagpapakadalubhasa sa Filipino ng DMMMSU-SLUC ng taong 2016-2019, kasama ang
personal, propesyunal at employment na profayl. Sa proseso naman binabanggit ang
kabuuang proseso sa makakalap na datos. Una ay ang pagbibigay ng mga
talatanungan sa mga respondente. Pangalawa, pangongolekta sa mga datos na
nakalap. Sunod ang pagtrato at ang panghuli ay ang pagaanalisa at pagpapaliwanag sa
mga datos na nakalap. Ang awtput ng mga datos na ito ay ang employability profayl ng
mga nagpapakadalubhasa sa Filipino ng DMMMSU-SLUC ng taong 216-2019.
 C. PAGPAPAHAYAG NG SULIRANIN
Ang pananaliksik na ito ay naglalayong maipakita ang imployabiliti profayl ng mga
nagpapakadalubhasa sa Filipino ng DMMMSU-SLUC. Sasagutin nito ang tiyak na
sumusunod na mga tanong;

1. Ano ang employability profayl ng mga respondent?

a. Personal na Profayl
b. Propesyonal na Profayl
c. Employment na Profayl
2. Ano ang mga aspekto na makakatulong sa kanilang kakayahan sa pagtuturo
upang matanggap at makapasok sa isang trabaho?
3. Ano ang epekto ng kanilang Demograpikong Profayl upang matanggap sa
kanilang mga trabaho?

D. PAGBIBIGAY-KAHULUGAN SA KATAWAGAN
Akademikong Performans- tumutukoy sa mga natamong kakayahan ng mga
nagsipagtapos.
Demograpikong Profayl- tumutukoy sa mga partikular na impormasyon ng mga
respondente tulad ng edad, kasarian, edukasyon, propesyon, trabaho at iba pa.
Employment na Profayl- inilalarawan nito ang karanasan, kasanayan at personalidad
na kakailanganin upang magawa ang isang trabaho.
Graduate Tracer Study- tumutukoy sa pangongolekta ng datos sa mga nagsipagtapos
sa isang paaralan gamit ang isang istandardisadong talatanungan.
Propesyonal na Profayl- inilalarawan ang kasanayan at kadalubhasaan ng isang
empleyado sa larangang kinabibilangan niya.
 KABANATA 2
METODOLOHIYA NG PANANALIKSIK
Inilalahad sa kabanatang ito ang mga pamamaraang gagamitin sa pag-aaral at
paglalarawan sa mga hakbang na isasakatuparan sa pagsusuri at pagpapaliwanag sa
employability profayl ng mga nagpakadalubhasa sa asignaturang Filipino ng taong
2016-2019. Matatagpuan dito ang disenyo ng pananaliksik, popolasyon at lokasyon ng
pag-aaral , instrumento sa paglikom ng datos, paraan ng paglikom at pagtrato sa mga
nakuhang datos.

A. DISENYO NG PANANALIKSIK
Ang maisasagawang pananaliksik ay gagamit ng “Descriptive Survey Method”.
Ginagamit ang descriptive survey method sa mga pananaliksik na naglalayong matamo
ang mga impormasyon patungkol sa mga kasalukuyang pangyayari at mailarawan ang
mga nagaganap sa mga baryabol na natukoy gamit ang isang survey. (Cruz, 2007) Sa
pananaliksik na ito, gagamitin ang survey sa pamamagitan ng talatanungan upang
matukoy ang employability profayl ng mga gurong nagsipagtapos, matukoy ang mga
aspektong nakatutulong sa kakayahan nila sa pagtuturo at maipaliwanag ang epekto ng
kanilang demograpiko o personal na profayl.

B. POPULASYON AT LOKASYON NG PAG-AARAL

Ang mga respondente sa pananaliksik ito ay ang mga gurong kumuha ng kursong
Bachelor of Secondary Education Major In Filipino sa Kolehiyo ng Edukasyon ng
DMMMSU-SLUC ng taong 2016-2019 at ang lokasyon ng pag-aaral ay sa Don Mariano
Marcos Memorial State University, South La Union Campus.

Ang pamamaraan na gagamitin ng mga mananaliksik sa pagpili ng respondente ay

Purposive Sampling, partikular ang total population sampling upang makuha ang lahat
ng gurong nagpakadalubhasa sa Filipino ng DMMMSU. Ayon sa Laerd Dissertation,
ang total population sampling ay isang
klase ng purposive sampling na kinukuha ang kabuuan ng populasyon na may
partikular na katangian.

Ang listahan ng mga magiging respondente ng pag-aaral na ito ay kukunin sa

Student Affairs Services ng DMMMSU-SLUC ayon na rin sa kanilang pahintulot.

C. PAMAMARAAN NG PAGPILI NG RESPONDENTE

 Ang pamamaraan na gagamitin ng mga mananaliksik sa pagpili ng respondent
ay Purposive Sampling, partikular ang total population sampling upang makuha ang
lahat ng nagpakadalubhasa sa Filipino ng DMMMSU. Ayon sa Laerd Dissertation, ang
total population sampling ay isang klase ng purposive sampling na kinukuha ang
kabuuan ng populasyon na may particular na katangian.
Ang pinipiling respondente sa pananaliksik ito ay ang mga mag-aaral na
nakagradweyt mula sa kursong Bachelor of Secondary Education Major In Filipino sa
Kolehiyo ng Edukasyon ng DMMMSU-SLUC ng taong 2016-2019.

D. INSTRUMENTO NG PANANALIKSIK
Ang mananaliksik ay gagamit ng talatanungan o survey questionnaire bilang
pangunahing instrumento sa pagkalap ng mga datos na magagamit sa pag-aaral.
Hinango ng pananaliksik na ito ang talatanungan mula sa Commission on Higher
Education (CHED) sa kanilang Graduate Tracer Study na sadyang binago upang
masagot ang mga ispisipikong tanong.

E. PARAAN NG PAGLIKOM NG DATOS

Paraan:
Ang mga paraan sa paglikom ng datos pagkatapos ma pahintulutan ay pagbibigay ng
mga aprubado na talatanungan na hango mula sa CHED sa mga respondente gamit
ang tatlong Google forms para sa tatlong magkkaibang taon (2016-2017, 2017-2018,
2018-2019). Ibibigay ang mga ito sa kani-kanilang Email o Messenger o ibigay sa kanila
ng personal.
Pagtrato:
Ang makakalap na datos ay gagamitan ng coding at normatibong panukat na
percentage.
𝑓
%= 𝑛
x 100

Kung saan:
%= porsyento
f= bilang ng respondente
n= kabuuang bilang ng respondente