Gawain # 3 Mapagmuning Papel

Benetiz, Junnel

Danlag, Paulo Michol

Guinto, Angelica

Ramos, Aisa

Telewik, Orlando

Atin ito!

Bawat bansa ay may kani-kaniyang kultura kung saan kabilang dito ang sining, wika , musika at
panitikan. Maging ang pananamit, tirahan, kaugalian, tradisyon at mahahalagang moral ng isang pangkat
ng mga tao. Ito rin ang siyang nagsisilbing pagkakakilanlan ng isang lugar o isang pangkat ng mga tao
na nanahan sa isang pamayanan. Isa rito ang bansang Pilipinas na hindi lamang likas na yaman ang
maipapagmamalaki kundi pati ang mga kultura at tradisyon lalo na ang mga epiko na hanggang sa
kasalukuyan ay patuloy na iniingatan at pinagyayabong.

Sa isinagawang dokumentaryo ni Kara David na pinamagatang Ang Huling Prinsesa ay makikita

na ang mga tao ay pinanatiling buhay ang kanilang kultura. Kung saan dito makikita ang mga binukot o
mga prinsesa kung ituring ng mga nasa lugar na iyon. Isa na rito si Lola Isiang, sila ang mga babaeng
binukot na tinatago sa isang kubo at namumuhay ng parang isang prinsesa sapagkat sila ay binubuhat sa
pamamagitan ng isang duyan upang hindi maputikan ang kanilang mga paa, palaging nakatakip ang
kanilang mga mukha upang hindi masilayan ninuman, sinusuklayan at sa kaniya ang unang sandok sa
pagkain. Subalit sa kabila ng mga ito ang mga binukot ay hindi nakapaglalaro at hindi nakapag-aaral
dahil ang kanila lamang ginagawa ay pag-aralan ang kanilang katutubong sayaw at kumanta ng
napakahabang epiko. Nakalalabas lamang sila tuwing may espesyal na okasyon tulad na lamang ng
kasal o ritwal dahil duon nila pinakikita ang kanilang galing sa pagsayaw at pagkanta kung saan sa
pamamagitan nito ay nailalahad nila ang isang epiko.

Tunay nga namang masarap sa pakiramdam ang maging isang prinsesa subalit hindi makaiilang
nakalulungkot ang kanilang nagiging sitwasyon. Sapagkat hindi nila naranasan ang kasiyahan na maging
bata na nakapaglalaro, nakapag-aaral at nakagagawa ng kanilang sariling desisyon. Ngunit sa
1
nangyaring pananakop noon kung saan ang mga binukot ang unang namatay dahil mahina ang kanilang
mga paa upang maglakad. Kaya’t nagdesisyon ang mga magulang ng mga batang babae na huwag
gawing binukot ang kanilang mga anak. Ngunit sa kabila nito may mga tao pa rin na katulad ni
Frederico kung saan pinananatiling buhay ang kanilang kultura o tradisyon. Kung saan ang mga babae
ay hindi kailangan pwersahin upang maging binukot kaya’t nakapamumuhay sila nang normal at
nakasusunod sa agos ng panahon.

Sa paglipas ng panahon ay hindi natin maitatanggi na unti-unti ng mawawala ang binukot sa

ating bansa subalit mananatili itong buhay sa ating kasaysayan lalo’t higit sa mga isip ng mga taong
nagpapahalaga rito. Lumilipas man ang panahon ngunit habang may mga isang tribo na patuloy itong
pinagyayaman ay mapapangalagaan ang kultura at mga epikong iniwan ng mga binukot. Mahalagang
may maiwan na pagkakakilanlan kung ano ba ang kulturang iyong kinalakihan. Maubos man ang mga
prinsesang binukot ngunit ang pamanahang hawak nila ay hindi na mawawala. Nasa bagong henerasyon
man pero hindi maaaring kasabay ng pagkamatay ng mga naunang henerasyon ang mga epikong
kanilang ipinamana sa bawat isa, kundi ito pa ay dapat mas paglaguin gamit ang mga makabagong
teknolohiya. Epikong atin, ipagmalaki mo!