Kuusaa Walaloo

[Kuusaa Walaloo] 2014
Kuusaa Walaloo
[F/taa Koo’eel Shawaa]
1 F/taa Koo'eel Shawaa .....(0912203344)

Walaloo 150 iddoo tokkotti
BAAFATA
Kuusaa Walaloo............................................................................................................................... 1
1.Galata Qubeedhan.........................................................................................................................9
2.Silayyuu hundeen cimaadha....................................................................................................... 10
3.Ergamaa Gabri'eel.......................................................................................................................12
4.Ofii nyaachuuf............................................................................................................................ 13
5.Qajeelaa malee............................................................................................................................ 14
6.Akkamiinan Obsaa?.................................................................................................................... 15
7.Dhalate Gooftaan........................................................................................................................ 17
8.Guyyaa Fayyinaa........................................................................................................................ 19
9.Jireenya kooti Fil 1:21............................................................................................................... 21
10.Nan salphadhe...........................................................................................................................22
11.Jaalala Sillaaseetiin................................................................................................................... 24
12.Jaalala isa kam?.........................................................................................................................26
13.Baga geessan.............................................................................................................................28
14.Bubbee isa kamtu?.................................................................................................................... 30
15.Oduu Gammachisaa.................................................................................................................. 31
16.Caaltu uummamaa.................................................................................................................... 33
17.Isxifaanoos................................................................................................................................ 34
18.Gabri'eel.................................................................................................................................... 35
19.Ishoo baga geessan!.................................................................................................................. 36
20.Dhiisaa mee jallina!.................................................................................................................. 39
21.Giyoorgis...................................................................................................................................42

22.Ati mee......................................................................................................................................44
23.Hin ta'in.....................................................................................................................................45
24.Fayyisaa Addunyaa...................................................................................................................47
25.Yaa jireenya Mooraa.................................................................................................................48
26.Biyyi lafaa.................................................................................................................................50
27.Arseemaa...................................................................................................................................51
28.Abdii dhugaati...........................................................................................................................53
29.Abdii dhugaati...........................................................................................................................55
30. #Fannoo #Iyyesuus.................................................................................................................. 57
31.Mikaa'eel...................................................................................................................................57
32.WaaqAbbaa...............................................................................................................................58
33.Maaf wal haleellaa?.................................................................................................................. 59
34.Kakuu Araaraa.......................................................................................................................... 61
35.Gabri'eel yoon jedhuu............................................................................................................... 62
36.Araarsituu Hundaa.................................................................................................................... 63
37.Abbaa Pheexiroos..................................................................................................................... 66
38.Soomaa jirtaa?...........................................................................................................................69
39.Eenyurraan Baradhe?................................................................................................................ 71
40.#Nuufis_qulqulleessi.................................................................................................................74
42.Gaarummaa............................................................................................................................... 76
43.Maaf taanee?............................................................................................................................. 81
44.Nuti humna hin qabnu...............................................................................................................84
45.Haa gallu Gaabbii..................................................................................................................... 88
46.Abbaan murtii Dhugaa..............................................................................................................91
47.Martuu waan gaariif..................................................................................................................94

48.Kidaneemaratii..........................................................................................................................95
49.Kennaa keenya!.........................................................................................................................97
50.Maalin si fakkeessa?................................................................................................................. 99
51.Miila Yihuudaa....................................................................................................................... 100
52.Cimaatii kadhadhaa.................................................................................................................101
53.Si malee ta'aaree?....................................................................................................................103
54.Ati nuuf qalamte!.................................................................................................................... 104
55.Haa ta’u Yidiidiyaa................................................................................................................. 105
56.Maafan kutaa?.........................................................................................................................106
57.Waaqa duratti salphaadha!......................................................................................................107
58.Sitti iyyanna............................................................................................................................ 109
59.Miila koo...Faar 116:8.............................................................................................................110
60.Hoosa'inaa_1...........................................................................................................................111
61.Hoosa'inaa_2...........................................................................................................................114
62.Torbee Dhukkubbii_Wiixata.................................................................................................. 115
63.Torbee Dhukkubbii_Kibxata.................................................................................................. 117
64.Torbee Dhukkubbii_Roobii.................................................................................................... 118
65.Torbee Dhukkubbii_Kamisaa................................................................................................. 119
66.Miila koos naaf dhiqi.............................................................................................................. 123
67.Dhungoo Yihuudaa................................................................................................................. 125
68.Fannoo baatte.......................................................................................................................... 127
69.Tikseen rukutamnan...Zak 13:7.............................................................................................. 130
70.Akkuma jedhe ka’eera............................................................................................................ 131
71.Kiristoos Du'aa ka’eera...........................................................................................................133
72.Maaliif boo'u?......................................................................................................................... 138

73.Maaf na rukkutta?................................................................................................................... 140
74.Tajaajilli.................................................................................................................................. 141
75.Akkamiin gante Pheexiroos?.................................................................................................. 143
76.Hin jedhin na ilaala!................................................................................................................145
77.KOTTAA ILAALAA............................................................................................................. 146
78.LUKKUU GAABBII.............................................................................................................. 149
79.Fayyisaa Koo!......................................................................................................................... 154
80.Hoomaa isa Kami?..................................................................................................................156
81.Yohaannis Cuuphaa................................................................................................................ 158
82.Caamsaa tokkotti.....................................................................................................................160
83.Waadaan kee........................................................................................................................... 162
84.Uumaa Koo............................................................................................................................. 164
85.Aduu Ajaa’ibaa....................................................................................................................... 166
86.Godaannisa Seenaa................................................................................................................. 168
87.Siifan jilbiiffadha.................................................................................................................... 171
88.Beellama hin qabu...................................................................................................................173
89.Misiraachoo kee...................................................................................................................... 175
90.Mallattoo eenyummaa Koo.....................................................................................................176
91.Waraani Diina Koo................................................................................................................. 178
92.Takliyyee Koo.........................................................................................................................180
93.Habtiyyee Koo!.......................................................................................................................182
94.Qoricha Addunyaa!.................................................................................................................184
95.Amaanu'eel Waaqa Koo..........................................................................................................186
96.Pheenxaqoonxe....................................................................................................................... 188
97.Sooma Duuka Bu’ootaa.......................................................................................................... 190

98.Gebremenfesqiddus.................................................................................................................191
99.Ilaaltee Ati Arseemaa?............................................................................................................193
100.Dargaggummaa..................................................................................................................... 195
101.Mikaa'eel Ergamaa................................................................................................................197
102.Arjummaan WaaqAbbaa.......................................................................................................198
103.Wangeela qooqa sadi’i..........................................................................................................200
104.Ililchaa...................................................................................................................................204
105.Dargaggummaa.. Lall 12:1................................................................................................... 204
106.Kuffisi Fara'oon.................................................................................................................... 206
107.Qeerroo lidiyaa......................................................................................................................208
108.Maaliif kan nuti qalamnu???.................................................................................................210
109. Buheef Aadaa oroo.............................................................................................................. 217
110.Dhugaadha ol-baatetti........................................................................................................... 221
111.Aad-Amantii......................................................................................................................... 224
112.Rufaa'eel................................................................................................................................226
113.Baricha haa bitnu!................................................................................................................. 229
114.Wargeemtu Arseemaa...........................................................................................................233
115.Ibidda bara kanaa!.................................................................................................................235
116.Itiyoophiyaa.......................................................................................................................... 237
117.Akka mataa sigaaraa............................................................................................................. 241
118.Daandii..................................................................................................................................244
119.Cuuphamaa!.......................................................................................................................... 246
120.Na taasisi Gooftaa................................................................................................................. 248
121.Hoolicha Nagaa!................................................................................................................... 250
122.Sagalee labsii........................................................................................................................ 252

123. Dirree nageenyaa................................................................................................................. 253
124.Ibsaa gadamootaa..................................................................................................................255
125.Ani Kiristaana....................................................................................................................... 257
126.Kottu Milkaa'eel....................................................................................................................259
127.Baattuu Ifaa...........................................................................................................................262
128.Isxifaanoos............................................................................................................................ 263
129.Abbaa Farda Adii..................................................................................................................265
130.Anaaf Gaaffiidha!................................................................................................................. 268
131.Maal barbaadda?................................................................................................................... 272
132.Ugum yaa mistaaguu.............................................................................................................275
133.Maaliif Raafamtaa?...............................................................................................................280
134.Dhuguma Amantee?..............................................................................................................282
136.Sagalee himata koo............................................................................................................... 284
137.Yaa hojii kee......................................................................................................................... 285
138.Faajjii Jaalalaa.......................................................................................................................286
139.Ati......................................................................................................................................... 287
140.Na ajaa’iba............................................................................................................................ 288
141.Mugee beeku.........................................................................................................................290
142.Lama miti.............................................................................................................................. 290
143.Ol Ba'eera..............................................................................................................................292
144.Nu qoraa jira......................................................................................................................... 294
145.Hin raafamu.......................................................................................................................... 297
146.Jiraatadha.............................................................................................................................. 298
147.Sillaasee Abbaa koo..............................................................................................................300
148.Aduun sirraa ba'e...WDB...................................................................................................... 301

149.#OCN.................................................................................................................................... 302
150.Mararfannaa gatii qabne....................................................................................................... 304

1.Galata Qubeedhan
A,B,C.....
A:Abbaa ilma afuura qulqulluuu
B:Barreerra nutoo kan itti bulluu
C:Cal jedhaa hin feenu barumsa haaraa
D:Daandii duraatiirra imala egalleerraa
E:Eebbi waaqayyoo hundarra guutee
F:Foolii jaalalaan inni nu waammatee
G:Gama Gamanaa Walitti nu qabee
H:Hattuun lubbuu naasun gaggabee
I:Ija keenyadha Agartuu ganamaa
J:Jaalala deesse Abbaa amanamaa
K:Kennaa Iyyesuus kan ilmaan Addaam
L:Lamummaan dhugaa karaa maariyaam
M:Mootii keenyarra nuuf kennamaa
N:Nageenyi Gaariinis achiin argamaa
O:Otoo hin nyaatamin at of yaadadhu
P:Poostaa du’a keeti ofirraa qoladhuu
Q:Qulqulloota Gooftaa adaraa simadhuu
R:Ragaa siif ta’u jilbiffadhuu kadhadhuu
S:Sitti himeera maaloo na qalbeeffadhuu

T:Tarree qulqullootaa mirga dhaabbadhu
U:Ummanni Gooftaa warri Abbaa keenyaa
V:virus seexanaa moo’un argatan nageenya
W:Waadaa qabduu Waaqa jaalalaa irraa
X:Xaxaa Daabiloos tasaa qabdan of biraa
Y:Yaadni keenyaa Mootummaa Waaqayyootii
Z:Zayitif Kadhaa Faranjii Ija keessa laalu mitii
Kanaaf bayyannee taane dacha dacha
Nutis galataan waaqa keenyaf ililchaa
Ni guunna lafa akka urjiif mansaa
Gooftaa fulduratti galata lolaasaa
==•|•==
2.Silayyuu hundeen cimaadha
WaaqAbbaan Sanyii facaasee
Ilmi dhufee Dhiigan kunuunse
Afuurri qulqulluun dursee eebbisee
Sanyittis Tawaahidootti moggaasee
Warri Albaadheesi itti dhaadatuyyuu
Hin baddu Orotodooksiin yoomiyyuu
Dhiiga kiristoosiin jabaattee dhuftee

Gadadoo baayyee hedduusaa obsitee
Jarjaraan re'ee tasumayyuu hin horu
Taajjabaa ilaala hojuma warra moruu
Seefiidhaan nutti fiigu takka gubanaan
Garuu nuti hin shakkinu gochaa isaanin
Xiqqaanis guddaanis nutti dheekkamuu
Muummichis Tikseenis nutti aggaamuu
Waan fedhees ta'u nuti beeknu ajjeessu
Ajjeefamneeti waaqni kan nu baayyisuu
Ajjeesuudhaan tasuma haaloo hin baanu
Qalamnee duune dadarban kan jiraannuu
Seenaa Abbaa isaanii deebisuuf dhaadatuu?
Ta'us garuu Tawaahidoon duubatti jettuu
Yaa ilmaan Tawaahidoo hundi keessanii
Ajjeestonni yoo deebisaniis seenaasaanii
Qulqulluu Giyoorgis Isxifaanos daqonicha
Jabaadhaa Isaaniis fakkeenya godhachaa
Kumaatamni dhaloota isaa wajjiin
Yeroo gubatan baayyeen callisaan
Har'a immoo hunduu afaan bananii
Hubannoo malee nutti dheekkamanii?

Sanaaf obbolootaa mudhii hidhadhaa
Kadhannaa keessanitti mee jabaadhaa
Tawaahidoo silayyuu hundeen cimaadha
Hin buqqaatu hammeenyaafi roorodhaa!
==•|•==
3.Ergamaa Gabri'eel
Sooraa kakuu haaraa Ergamaa Gabri'eel
Kan gargarte Ananiyaa Azaariya Misa'eel
Har'as nuuf koottu gidduu kan keenyaa
Ati nuuf buusi maaloo jaalalaf nageenya
Biyyi lafaa dhiphatee kuno wal dhiphisaa
Sanyiin wal qoodee hunduu wal faccisaa
Diinni gidduu dhaabbatee daba faacasuu
Isa of hammeenyaa ta'ee jallina barsiisuu
Albee keetin koottu ati nurraa ifadhuu
Mana keetti jaalalaan nu waammadhu
Gammachuu baadhuu gara keenya koottu
Ergamaan nagaa siidha hunda kan jaalatu
Hunduma keenyaafu Jaalala kadhadhuu
Kochoo kee jalattii diinarraa nu tikfadhu
==•|•==

4.Ofii nyaachuuf
Ofii nyaachuuf kan biraa hin miidhin
Daandii namootaa qoraattin hin cufin
Arraba ati murteessiteen sitti murtaa’a
Jireenyi kan keetis ni ta’a dhangagga'aa
Ofii jiraachuuf tasuma nama hin hubin
Qufudhaaf jettee hiyyeessa hin nyaatin
Kan mara jiraachisu kan hunda caaluu
Uummama isaa ija tokkoon kan ilaaluu
Sitti murteessa Albee ati baattu dhuman
Kanaaf of jaalachuun nama hin dhiibin
Dureessan jaallatamuf hiyyeessa miidha
Kan doorsistu at booji'ameette garaadha
Albeedhan rakkata morma isaa kukkutaa
Gateettii Addunyaa kana of irratti ilaaltaa
Garuu dagatteera dhoqqeerraa dhufu kee
Achumatti dhoqqeetti taatee deebi’uu kee
Garaa dhoqqeetiif bitamteetta yoo ta’e
Dhiisitoo filadhu lubbuu isa qulqulla'e
Namoota hin dhiphisin jaalala baayyisi
Of-tuulummaa laphee gonkuma dhiisi
Akka Gooliyaad dhagaacha takkan kuftaa

Fira dhabdee jiruu kee allacha nyaachifta
==•|==
5.Qajeelaa malee
Qajeelaa malee, jal'aa Eenyutu xuqaa
Sororoo irraa, hundumtuu obsa fixaa
Jal'aan jallatumaa, dursuma isaayyuu
Yoo xuqanis, maal irra argataniiyyuu?
Qajeelatti garuu, dhagaatu bayyataa
Martuu mataa keessa, gad rukkutaa
Kun burrusaan, kun Abiddaan kataa
Balleessudhaf, walqabatee watwataa
Silaayyuu dursuma, muka firii qabutti
Dhagaan warra hamoota, itti baayyatti
Ilaala mee jaraan, gaafa guyyaa sanaa
Jal'aan yoo xuqamee, maal irra argina?
Xuqaniis turaanii, keenyatti fakkeessuuf
Dubbii tolchanii, Addunyaaf gabaasuuf
Garuu hooma hin arganne, daaraa malee
Martuu iyyee, gamaaf gamana caffarullee
Gaafa keenya, kumaatamni yoo gubatuu
Soba jedhanii, midiyaalee irratti watwatu

Onni gubannan, daaraa wajjin gabaasanii
Osoo dhugaati kanas, soba jechun callisanii
Garuu nuti beekna, nu balleessu barbaadu
Albee Addunyaattin, morma keenya gaadu
Mootummaan iyyuu, keenya kana jibbaa
Gaafa sana garuu, midiyaa irratti lallabaa
Yoo dhugaan ta'ee, lachuuf hin dubbatu
Guyyaa aantee isaa, qofa kan watwatuu?
Silaayyuu jal'aa, maaltu xuqee ilaala!
Keessoo duwwadha, maaltu madaala
Abdiin nageenyaa, waaqni waaqotaa
Qabna nuti, falmaa iyyesuus Gooftaa
Callisnee dabraa, hunduma irraa
Gaafa murtii, martuu walagarraa
==•|==
6.Akkamiinan Obsaa?
Yeroo diigamuu mallattoon nageenyaa
Akkam gooneet nuti obsuu dandenyaa?
Akka Abidda saafaa laboobaa nuttu ka'u
Hammeenyaafi haaloo nurraatti lakka'u
Baduu kan keenyaf daandii barbaadu
Baay'een isaanii Albeedhan nutti aadu

Murtii Qajeelaa digirii 90n dabsanii
Oduu isa dharaa nurrattii odeessanii
Tawaahidoodhan haa baddu jedhanii
Eenyu akka hundesse maaf dagatanii
Kan holola isaanii oliif gad facaasanii
Hiddi ishee jabaadha in baddu tasuma
Balballi si'ool hin danda’um gonkumaa
Tawaahidoo Tawaahidoo harmee koo
Akkamiinan obsaa didera garaan koo
Hundeessaa keeti Dachee kan uumee
Dhagaan bu'uraa dhiigasaan kaa'ame
Har'a warri galgaloo Maaf dhaadaturee
Kan balleessuuf kaatu maaf bayyaturee?
Kan ergamaan uraa'eel Addunyaaf laate
Dhiigni Gooftaa keenya Hundaaf laatee
Sanyii ilaalee moo, lafa itti buhuu ilaale
Har'a martiinu kan wacuu akka qaacilee
Maaloo yaa Gooftaa murtii kee buusi
Araara kan kee giddu keenya bayyisi
Itiyoophiya teenya seekeem hin godhin
Ija jaalala kan kee nurraa hin buqifatiin
Maaloo nu balleessin Adaraa Gooftaa

Ati sirreessi Gooftaa garaa dhalootaa
Hubataa taasisi jireenya namootaa
Deebisi iyyesuus Nageenya ummataa
==•|•==
7.Dhalate Gooftaan
Waadaa isaa hin diigu, Gooftaan keenya
Yeroodhaan rawwataa, Abbaan nageenya
Dhalli nama hundu, yeroo ofiisa wallalee
Addunyaa Cubbuu keessa, yeroo itti imale
Kunoo ilaala ji'a sagaliif, guyyaa shan guutuu
Abiddaa waaqummaa, ishee dhugaan battuu
Gadameessa durbootti, Gooftaan murteeffame
Kunoo dhugaan dhalate, kan raajotan lallabame
Egaa Ayyaana waggaa, Ayyaantuutu argaa
Baga ittiin isin gahe, gooftaan Waaqni dhugaa
ijoolleen Waaqayyoo, hundumti keessanii
Ifa dhaloota Gooftaa, ishoo baga geessanii
Guyyaa eebbifamaa hundarraa adda ta’e
Hidhan dukkanaatis diigamee itti barbaada’e
Golgi cubbuu guddaan Addaamiirraa tarsa’e
Garbummaa seexanaa jalaa guyyaa bilisa ba’e
Inni jaarraa dheeraa waadaan dura galame

Abbootaa fi raajotaan raajiin dubbatame
Beellamasaa eegee guyyaa abdiin raawwatame
Waaqayyoo fi dhalli namaa gaafa itti araarame
Ergamoonni samiif ilmi namaa wal tahee
Gamtaan tokko tahe inni dura adda bahee
Galanni Waaqayyoof samii gubbaarrattii
Nageenyi ilmaa namaaf haat’u lafarraatti
Guyyaa jedhamee hundumtuu aarsaa dhiyeessanii
Tiksoonnis gammadanii Beetiheelemitti faarfasanii
Hayyoonni torbatamnis biyya fagoo dhufanii
Warqee fi karbee qumbiidhan harka fuudhanii
Keenyaan dukkanaa jaarrotaaf dhaabbate
Limixiin cillimmasaa Addaamiitti marfate
Biiftuun hinlixne Beetiheeleemirran baatee
Dukkana barkumaatamaa ifasheen ibsitee
Hunduu arganneerra dungoo hin dhaamnee
Jireenyi keenya guutee abdii hin mulqamnee
Dhaloota Gooftaatiin nageenyaaf nuuf ta'ee
Jaalallisaa nutti naanna’ee amma ifati ba'ee
Hundumtuu baguma geenye Ayyaana Gooftaa
Garuu wayinii baay'iftee maalumaaf macooftaa
Mana kiristaana baqatte boolla maaf ooltaa
Jireenya gaarii dhiiste maaf du'a qopheessita?

Maaliif faaruu dhiistee iyyaasee dhiichistaa
Ayyaana Waaqayyoo akkasiin dabarsitaa?
Lakkii koottu obboleessa atis obboleettii
Waan sitti himadha akka nama tokkootti
Ofi hin gaitin Jabaadhu Amantaa keetti
Abbaa Pheexiroos Abbaa Taklahaymanaoot
Warra wareegan Amantaa daandii dhugatti
Imala kee imali isaan fakkeenya godhadhuti
Tasuma hin laafin adaraa amantii keetti
Jabaadhu dhaabbadhuu hamma dhumatti
==•|==
8.Guyyaa Fayyinaa
Sa'aatiin guyyaatti guyyaanis ji'atti
Hundu ofirraa dafte daftee darbatti
Maali kan akkanaa mee yaa namaa?
Mee ilaala kaa waa'ee bara ammaa!
Gaddi baayyate guyyaan garuu figaa
Hin jiru gammachun hin qabu nagaa
Addunyaan guutuu boo'e wal abaraa
Walittis jijjiramaa akkuma gaarrarraa
Tokko mi'eesse tokko moo hadheessa
Kana haa dhiisnu hin tolu xumurrisaa

Hawwin foon kee baayyee yoo utaalee
Itti gammaddee akka hin laanne ilillee
Teellaa deebitee dandeeche hin qabdu
Bu'aansaa Boochee sammuutti gadduu
Kanaaf gaabbiif qopha'i ta'i qaxalee
Jabaadhu qormaanni hammaatullee
Luugama itti godhi soomaf kadhannaa
Akka si jala dabarre guyyaan fayyinaa
Akka sitti cufamnee balballi jireenyaa
Achi malee jiru boqonnaan nageenyaa
Guyyaa fiigdu tana duuka akka fiignee
Gaaf dhufa Gooftaa deebii akka dhabne
Sa'aatitti fayyadamii guyyaa fayyina beeki
Fuuldura kan kee fayyinaf gaabbiif akeeki
Jireenyi Addunyaa cabsee si buusa boolla
Koottuu deebi’i si ga'a gara Abbaa jaalalaa
Yeroon fayyina Ammaa isayyu sa'aati kana
Akka sitti cufamne ammas balballi fayyinaa
Hundi keenyaa haa taanu gamna qaxalee
Kan Daawitii jireenyaa keessatti of ilaalee

Akkasin fayyinaa yeroo keenyas abbomne
Hundi keenyayyuu jaalalaan wal simanne
==•|•==
9.Jireenya kooti Fil 1:21

Anaaf kiristoos jireenya kooti
Utubaa koo xumuraf jalqabati
Akka qurxummiiti keessan jira
Alatti baanan du’af qophaa’era
Eenyummaa hin qabu lamummaas
Dhiise deemnan Gooftaa Iyyesuus
Isattin waammama dhalootan miti
Dhiigan hundeessee naaf Amantii
Dhugaan isa qofa waaqa jiraataa
Bulchaa hundaa mootii moototaa
Marartee kooti naaf Abbaan koo
Dhiiga isaatu jira keessa kan koo
Tola isaatin burqee utaalaa oola
Isa malee eenyuutu qaba jaalala
Dhandhameen mi’eefadhe arge
Danqaraa diinarraa isat na eege

Fayyina koof naa kenne fannoo
Alaaba dhugaa anaf dhaadannoo
Dirree qabsootti isaanan moo’adha
Morma koottis jabeessen hidhadha
==•|•==
10.Nan salphadhe
Paaster na jedhan maqaa moggaasanii
Waan sobu himu halkanin natti eganii
Du'a ni kaasta dhaqii boolla san qotii
Kan siif kenname humna qotiyyootii
Nan jedhee wayyoo Abjuu koo keessa
Natti dubbattee halkanuma kaleessaa!
Wayyo salphadhe yaa maqaa paasterii
Jireenya koo guutuu gaggeessituu aarii
Abbaan kan koo maqaansaa daabilosii
Hin jaalatu inni dhugaa wangeelaarasi
Sobaan na qabee ija kan koo jaamseraa
Harka koo hidhe kan saa na taasiseeraa
Wayyoo yaa dubbii ta'e jireenya gadadoo
Maaltu as na fide gadhiisee karaa guddoo
Hubadheera ano hojii koo kun qaanidhaa

Ijaa waaqayyo duratti anoo cubbamtudha
Dhugaarra ijaaje sobaan dhaloota jaamsee
Kan Gooftaan kabaje arraba koon salphisee
Mootummaa gurrachatti gad of cuqaalee
Mana duwaa keessa olif gad ta'ee utaalee
Wayyoo bagan baree akkan salphattu ta'ee
Yoommu du'an didu bayyuma tokkon na'ee
Duddi koo qottoon citee hunduu natti kolfee
Anis ol jechuu dadhabee boquu buusee hafe
Lamuu hin deebi’u andaraasha duwwaatti
Itti dhiiseraa ano adeemu dirree salphinatti
Lafa sagaagalummaa boolla awwaalchaa
Mana dhagaa namnis ta'e achitti dhagicha
Jette paaster caaltuun kaasu dhadhabdee
Du'a boolla waamun yoomu bu'aa dhabde
Kanaaf namoota yaa warra garee paastarii
Jedha altokkicha kan akkanaa nun baraarii
Nu deebisi maaloo Gooftaa Mana jalqabaati
Jedhaa kadhadha deebi’aa dirree dhugaatti
Daabiloos yeroo hunda gonkuma si jaalatu
Hamma garbicha taatutti inni kan si simatu

Sana booddee innoo hojiisaa karatedhaa
Gidiraaf haaloon isaa baayyee cimadhaa
Karaatti si salphisaa awwaara sitti uwwisaa
Daandii qullaa irraa duwwaa si kaachisaa
Yoo soba jettee immoo calturraa baradhu
Daandii dhugaa daf arifadhuu qabadhuu
==•|•==
11.Jaalala Sillaaseetiin
Waaqa Abbaa Ilmaa Afuura qulqulluu
Uumamni hundumtuu kan isaan bullu
Mootii jaalalaf nagaa abbaa qabeenya
Sillaasee uumaan nagaa mana keenya
Baga ittin isin gahe obboloonni hundii
Guyyaa har'a gahun carraa adda qabdi
Sababi malee miti kan Har'a geenyee
Jaalala Sillaaseetiin Bitamnee teenye
Egaa ergaan qaba barsiisaa wangeelaa
Babaloon kan jedhaniin waldaan jallina
Gamoo ijaaran kaa sillasee waraanuuf
Uguma jedheera ano qalbii rarraatuuf
Mee dhiisa jaraana gamoo hin ijaarinaa

Sillaasee waraanuf tasuma hin dham'ina
Innoo ni diddiiga gamoo warra haminaa
Sillaaseen itti uwwisaa leeyyoof salphina
Har'as warri taatan lapheen baabiloonii
Dhaabbatatti garaaf kan nama nyaatani
Garaa Guutuuf tuullaa soba kan ijaartani
Nu dhiisaa maaloo sinis gaaf tokko badan
Tuullaa sobaa kan ijaartan of mullisuuf
Lubbuu namoota hallayyaatti naqudhaf
Halkaniif guyyaatti dubbii totolchitanii
Akka leencaa warri ofuma tuullatanii
Aangoonis qabeenyis ni darbaa eegaa
Kan moo'u soba miti qofaasaa dhugaa
Kanaaf dhiisaa tullaa siyaasaa gataa
Wangeelaf qofaf ta'aa duuka bu'oota
Hundaaf laadha, akka nagaan baratuu
Afaaniif eenyummaasan, akka hubatuu
Tajaajilaf dursee akka ta'u wareegamaa
Akka lallabuuf waaqa dhuga amanamaa
Yoo akkas ta'e malee maalitti beekaaree

Dubbii wangeelaa akkamittin hubataree
Waaqa Abbaa Ilmaa Afuura qulqulluu
Maal beekaniiti maalumaan tajaajiluu?
Eega akka baabiloon hin badiinaa adaraa
Waaqayyoof jedhaatoo kadhadha araaraa
Sana yoo taane akka baabiloon daara taatu
Mootummaa Dabiloos ganamaan fudhattu
==•|•==
12.Jaalala isa kam?

Jaalala isa kam kan si keessa jiru
Isa dhugaa moo isa ofuma jijijjiru?
Mee natti himaa obboloottaan koo
Isa Gaariidha moo, baattu rakkoo?
Silaa yoo saaqne kitaaba qulqulluu
Ajajni keenya inni nuti ittiin bulluu
Dhugaan jiraadha hamma dhumaa
Wal jaaladha yeruma hundumaaa
Garuu Garuu mee ya dhala namaa
Hojiin keenya sirrumaa dhugumaa
Har'a yeroo gabaabaaf sin jaaladha
Wayyoo dhugaa ani lubbuu si laadha

Jechuun wal goyyoomsu ija wal ilaala
Adeemsa keessaa fidu yaadaa falfalaa
Gaafa akkasii moo gajaraf qoottoo
Abaarsaaf ka’ee walin jedha cittoo
Mee Adaraa, kan jedha Wangeelli
Shimala arraban, qabi wal-haleelii?
Lakkii kana miti, didaa obbolootaa
Jaalalli qofa isaa, hunduma moo'ata
Gaarii hin ta'u, adda faca’un keenya
Hamaa yaadu,barbaadu hammeenya
Wal qoqqoodun, akka dhakaa gomjii
Maaf walitti taatu? akka nama tabjii
Jaalalli dhugaan tasuma hin inaafu
Hunda danda’a namas hin laffafuu
Raajii dubbachuufu kennaa ni qaba
Namni jaalala qabu maaluma dhaba?
Lubbuus ciccirtee arraba bobessitee
Ba'aaf gala keetti Abidda of taasistee
Ati maaf taataree jiruutti manchaas
Kan hin jaalatuu Gooftaan kiristoos

Kan sitti himamee wangeela gubbaatti
Hunduma jaaladhu akka Obboleessatti
Sin jedhe malee, mee Adaraa obbolootaa
Yoom walcuffadha, jedhe akka sarootaa?
Akkas jedhaa, Wangeelli inni dhugaa
Jibba dhiisaa adaraa namootaa eegaa
Jaalala baayyisaa Tokkummaaa cimsaa
Jireenya gaariif kadhadhaa Fayyisaa
==•|•==
13.Baga geessan
Baga geessan
Ayyaana wagga
Isa akkana kana
Ayyaantutu arga
Guyyaa itti barbada'e
Xalayaan garbummaa
Guyyaa itti deebi’ee
Mucummaan namaa
Kan addan ba'e ture
Cuuphaman hidhame
Yoorii fi daanoosiin

Illee tokko taasifamee
Ilmaan nama fi waaqni
Yemmuu gar-gar ba'ee
Baroonni jireenya nama
Hundumtu dukkana ta'e
Garuu Iyyesuus Gooftaan
Cuuphamuu kan isaatiin
Ilmaan namaa fayyisee
Daabiloos salphisuudhan
Cuuphamu fi Amanuudhaan
Fayyinni lubbuu argamaa
Mucummaan Sillaasee
Cuuphaadhan kennamaa
Hunduu koottaa warri alagaa
Cuuphamuun ta'a amanamaa
Cuuphaan Gooftaa uffachuun
ilmummaa isaaf carroomaa
Warri Raajoota ofiin jettan
Cuuphaan keessan zayitaa
Fakkeenya godhadhaa mee

Iyyesuus kiristoos Gooftaa
Cuuphaa dhugaa kan qabdu
Tawaahidoo harmee hundaa
Koottaa irraa hubadhaa
Haadha namoota hundaa
==•|•==
14.Bubbee isa kamtu?

Bubbee isa kamtu na raasa ree?
Kiyyoon diina baayyates saare
Na rifaasisu tasuma tasa illee
Gooftaan qaba duraa eegalee
Seexanni hamaan daandii cufee
Nan mormuuf yoo Anatti dhufe
Qormaata fide dura koo dhabee
Foon koo jabeessee yoo adabee
Lubbuu kootiif gonkaa hin ta'u
Abdiin qaba kan mara danda’u
Akkasiin morme yoo dhugaa dabse
Mallattoo kaa'un yoo na arrabsiisee
Laphee namootaa dhagaa taasisee
Yoo haqa wangeela cimsee dabsee

Wangeela dhokse sobas baayyisee
Laphee obbolootaa yoo fafacaasee
Hin rifadhu tasaa hojiisaa ilaalee
Kan amanadhuutu hundaa caalee
Macaafa qulqulluu yoo lallabdee
Lapheen diinicha bayyee gaddee
Hinaafan ka'aa summii facaasee
Hiddaaf hiddaa wal nyaachisee
Harka nama kaase boca hojjisisaa
Hiikkasaa gaarii isinitti fakkeessaa
Tolfamaa hojjetee Waaqa taasisaa
Osoo hin beekin Namnis waaqeessa
Dhaloota akkasis ta'ee seexanicha
Yoo kadhannee waaqni nu oolcha
Tolfamaatti leeyyoo itti uuwwisaa
Ilmaan jaalala innoo ni baayyisaa!!!
==|==
15.Oduu Gammachisaa
Guyyaan kaleessaa, dirree qabsootti
Waraanatti boba’ee, hunduu lolattii

Waraansi eegalee, gareen lama ta'ee
Gareen tokko garuu, ni barbaada'ee
Of-tuulummaan bahee, Tulluus ta'ee
Turtii keessa garuu, qilee keessa bu'e
Miiltoosaa qabatee, salfatee baqatee
Mataansaa guddaa, salfii haguggatee
Eenyuu gareen kun, kan jecha turtanii
Olaantumma sabaan, warra oftuulanii
Nun malee maaf, hundi jannata dhaala
Yoo akkas ta'ee, qooqatu bada nuu jalaa
Jechun warra bokkisan, arraba baasanii
Dhugaa wangeelarras, gad aqanqaalanii
Isaanidha isaanoo, warra bultoo haminaa
Sammuun duwwaa, kan utubaan jallinaa
Salfiin saan sechi,hin geenye ammayyuu
Akka sinbirroo barii, walqabatanii iyyuu
Lafatti dukkana’e, boolla lixan dhabanii
Dhugaa hin dhiisuu, ganuma maraatanii
==|==

16.Caaltu uummamaa
Haadha koo caaltu uummamaa
Deessuu dhugaa waaqa uumaa
Yaadaf fooniin lubbuun durbaa
Kanaaf Galata kennaa siif qaba
Maariyaam maariyaam jedhee
Boqonnaa lubbuu koo argadhe
Dhalootadha ano, siinan faarsaa
Harmee koo, yaa haadha fayyisaa
Baayyeen jiru, gaarii kan godhan
Adda yaa durbee, kee kan isaanin
Kaadhima Abbaa, Bultoo ilmaatii
Durboota keessa, filatamteetta ati
Haadha koon jedha, sodaa malee
Ija koo olkaasee, gara kee ilaalee
Kennaa kootii, waadaa qaraniyoo
Si qofam durbee, haati waaqayyoo
Si waamnaan, Afaan koo urgaa’aa
Maqaa keetu, dammarra miyaa’aa
Kanaaf siif sagada, jilba koo bitee
Jaalala kan keetin, Ati na boojitee

==|==
17.Isxifaanoos
Qulqulluu isxifaanoos
Wareegamaa Gooftaa
Dhuguma dhugaadha
Hangafa daaqonootaa
Kan muddaman keessaa
Isaanirraa kee addaaaaa
Waaqayyoo caalchisee
Siif laate kennaa guddaa
Afuura qulqulluudhaan
Keessa kee kan guuttee
Afuura warra xuraa’oo
Mataa lafa ilaalchiftee!!!
Jaalala waaqayyoooof
Dhugaaf wareegamtee
Wangeela lallabuudhaf
Morma seefiif laattee!!!
Warreen si rukkutaniif
Dhiifama waaqa kadhatte

Dhiisif yaa Waaqayyoo
Jechuun samii ol ilaaltee
Hamoonni yeroo baayyate
Kennaa keen ati qaanessite
Wareegamaa kakuu haaraa
Ta'uudhaan ati kan argamte
Har'as dafi nuuf koottuu
Dhabbadhu giddu keenya
Amantaan akka cimnuuf
Hundumaaf ta'i fakkeenya!!!
==|==
18.Gabri'eel
Himaa misraachoo Ergamaa waaqa
Tajaajilaa Dhugaa kan akka maqaa
Ergamaa Nagaa Qulqulluu Gabri'eelii
Hundumtuu haa laatufi galataaf ilillii
Inni nu baraaraa balbala si'ool irraa
Araara nuuf kadhataa Gooftaa biraa
Isatu dhaabbataa fuulduraa waaqaa
Innoo guddaadhaa ergamicha haqaa

Deemsa kan keenyaaf nuuf ta’a ibsaa
Nurraa ifataa Daabiloos fi miiltoosaa
Himaa Gammachuu ergamaa raamaa
Sooraa kakuu haaraa Nuyiif Ergamaa
Kan ijji joobiraa wangeela ni hubataa
Kan ijjo cufama sobasaa ni dudubbata
Nuti kan amanuuf Gabri'eel ni kadhata
Dhugaadha fuldura waaqa dhaabbataa
==|==
19.Ishoo baga geessan!

Hundumaayyuu dursaa Isin yaa obbolootaa
Ishoo Baga geessan Ayyaana haadha Gooftaa
Warri dhugaan hubattan Dhugaa wangeelarraa
Kan gonka jijjiramne Akka qilleensaf garaarraa
Warri ijaan dudaa, Kan wangeela hin agarree
Doonii keessaa bahanii, Diinnichi isaan ciccire
Jaalala harmee iyyesuus, waan hin hubanneef
Harka isaanii laataniif, simannaa daabiloosiif
Warri lakkii hin feenu, hordofuu daabiloosii
Nuti ni jaalannaa, harmee kiristoos iyyesuusi
Jechuun morman, kitaaba qulqulluu ilaalanii

Walitti qabamuf, jaalala harmeen dirqamanii
Eeyyee kaa Dhugaadha, jaalalli durboo booji’ee
Hundumti isaayyuu, kadhaannaa isheetiin ta'ee
Obboloonni afuuraa, Xoofoo nuuf hundeessanii
Tokko lama jechaa, bayyatanii nuyiif argamanii
Fedha waaqayyootiin hojii isaaniin cimaanii
Waldaa ta’udhaaf, karooraan isaan eegalanii
Waldaa ijoollee Dubroo maaram, hundeessani
Guyyaaniis bubbulee, kunoo waggaa 6 gahanii
Baga nuuf dhalatte, Waldaa ijoollee maariyaam
Miseensoonni isaas,mee isaan Nagaadha akkam
Ishoo Baga geessan, guyyaa dhaloota waldaa
Moggaasni maqaa isaas, kan haadha waadaa
Tasa miti eegaa, waldaan kun kan hundaa’ee
Dardarbaaf haaloo addaa, hundasaa danda’ee
Baayyeedha kaayyoonsaa, layyooo miti Innoo
Kan qabudha mudhiirraa, jabaata hidhannoo
Maarree eegaa kunoo Waldaan keenya kunii
Tajaajila isaa cimsuudhaan, sirritti eegaluunii
Afaanota hedduun, Kayyoosaa jabeessunii

Miseensoonni isaas, kunoo tajaajilaa jiranii
Afaan Oromiffaa, Tigiranyaaf Amaariffaa
Baayyeedha eegaa,sidaamaaf walaayittiffa
Mana Amantaa baadiyyaa, hunda gargaaru
Waldaalee maraan tokkomee, rakkoo furuu
Badda gammoojjii bu'ee, biyya alatti balali'ee
Wangeela barsiisuudhaa, bakka hundaa ga'ee
Hubadhaa kaa mee, kaayyoo Waldaa kanaa
Koottaa Wajjiin hiriira, maddi hin deeminaa
Cimanii Tajaajiluu, sirritti irraa mee baradhaa
Jireenya Addunyaarraa, mana durbee filadhaa
Iphifaaniiyaa jennee,wangeela haa saaqnu mee
Barsiifata isa dhugaas, sirritti haa hubannu mee
Akka obboloota keenyaa, isaan gaarii hojjetanii
Kitaaba qulqulluu hubadhaa, lapheen cimuunii
Eegaa hojii waldichaa, Barruu xiqqoo hin dhumu
Kaayyoon isaas ibsamee, tasuma hin xumuramuu
Gabaabseen xumuraa, kanuma mee hubadhaatoo
Ishoo ammas baga geessan, ijoollee haadha naatoo
===|===

20.Dhiisaa mee jallina!

Oduu tokkoon qabaa
Anaanoo kan na jeequ
Yoon cal jedhe callisee
Keessa koo kan qeequ
Waan gabaabaan qabaa
Obboleessa atis obboleettii
Na dhaggeeffadhu maaloo
Waaquma Abbaa keetii
Maaf namni jaarraa kana
Danqaraaf doomaa baataa?
Wal gorfachuu dhiiseetoo
Maa qarshin wal gurgurataa?
Mee Maaluma siif gooti
Qarshiinoo boru baddi
Sanarraa mee yaa namaa
Jaalala dhugaa barbaadi
Kan ati waamtuu
Mataansaa jaalalaa
Gooftaan Iyyesuus
Hundumaa ilaalaa

Arraba kan kee qartee
Albee gaarii fakkeesita
Tottolchitee dubbattee
Maaf nama cunfattaa?
Yaa'iqoob boqonnaa 3
Lakkoofsa jaha gubbatti
Arrabni isheen Abiddaa
Qulqullummaa balleessiti
Jedhe dubbata dhaloota
Laphee gaariin hubadhu
Hamaa hojechuu irraa
Yeroon ariifadhu fagaadhu
Irra deddeebitee atumti
Maaf jaalaluma faarsitaa
Jechuun keessan hin hafu
Eega anoo beeka namoota
Deebiin isaa gabaabaadha
Jaalalatu iyyesuus Gooftaa
Waan biraaf miti anoo
Yeroo keenyuma kanaa

Hunduu jaalala dhiise
Barbaada karaa jalinaa
Sunis gamaa kanati as
Kunis hubannoo malee
Hamiin haaloon wal ciree
Waliisaa nyachisa culullee
Eergan koo kan dhumaa
Mee isin yaa obbolootaa
Dubbii hamaa dhiisaa
Jaalalaan hunda moota
Kan baayyee balleessee
Dhiifama gaaffu gorsii
Daandii sirriif dhugaa
Itti agarsiisi qabsiisii
Quba itti hin akeekni
Isa jaalataa kiristoosis
Waan gaarii gochuuf
Qabaadhaa cimina
Laphee keessanirraa
Dhiisa mee jallina!!!!
==|==

21.Giyoorgis
Qulqulluun Giyoorgis
Dargaggeessa liidiyaa
Warri isaa jaallatuuf
Gara Gooftaatti iyyaa
Kadhannaa ijoollee isaa
Gara Gooftaa dhiyeessaa
Waadaa inni qabuun
Aboo diinaa balleessaa
Baaburatti daakkamee
Akka daakuu hurrefamuu
Hundumaa isaa obsee
Mooyyeetti tamamuu
Tulluu Yiidiraasittii
Qilleensaaf laatamuu
Baayyee itti hammatus
Mootiichi didiyaanoosiin
Inni Addaan hin baanee
Jaalala Gooftaa kiristoosiin
Ofiisaatii cimuudhaan
Soosinnaas jabeessee

Amantii kan isheetiin
Guutuu ishee taasisee!
Dargaggummaa isaatti
Rakkina kan danda’ee
Addunyaa moo’achuun
Wareegamummaaf ga'e
Mee dargaggeessi har'a
Rakkina simachuu mitii
Amantaatti jabaatanii
Fedhii moo'un ulfaattetti
Dargaggonni ka mee,
godhadhaa jabinaa
Kitaaba lallabaa,
hojiitti hiiknaa
Waaqaaf Abboomne,
Seera isaan jiraanaa
Mootummaa isaatiif,
ilman isaa taanaa!!!!!
==|==

22.Ati mee
Ati mee yaa Arrabaa
Akkamiin lafee cabsitaa?
Yemmuu sitiin ilaalanii
Hin fakkaattu jabaataa
Akkamitti dandeessee
Waan Hamaa dubbattaa?
Haalli kee akkamumaa
Hundumtuu si iyyaafata
Xiqqaadha jettu guddaa
Hunda keessa hoollattaa
Gaarii lafa gochuudhaan
Jallinaan oliif gad utaalta
Mee mee atumti Adaraa
Akkamii uumamni kee
Qamoota hunda keessaa
Hin jiru jallana akka kee
Qulqullummaa balleessuf
Sammuutti yaddoo naqxaa
Ofii kee moo tottolchitee
Baasta dubbii isa falxaa

Kan si abboommatuuf
Nadhii buustee roobda
Namoota biraaf iyyuu
Taata fakkeenya guddaa
Mee waan si gorsaa
Dhagahi yaa Arrabaa
Hin Hojjetiin tasumaa
Hojii isaa gabaabaa
Hundumaaf qixa ta'i
Dubbadhu ajaa’ibaa
Gaarii gochuun keetis
Kan biraaf bu'aa qaba!
Isa waa Beekufis ta'ee
Nama wallala keessatti
Waan tolaasaa dubbadhu
Bu'a qabeessa ta'atii !!!!!!!
==|==
23.Hin ta'in
Hin ta'in maaloooooooo
Nama sammuu duwwaa
Gidiraan keessa nyaatee
Kan ta'e boca qaawwaa

Xinxaalaaf hubataa ta'i
Kan Dhalootaf yaaduu
Hin ta'in kaa gonkumaa
Nyaata garaaf kan aadu
Dhaloota irra dhaabbattee
Gaara Dagam hin fakkatin
Qorkeet si nyaata innoo
Dhugaan qoosaa hin se'in
Barsiisi Hundee oldeemuu
Waan uummanni jaalatuu
Yommuu rakkatte illee
Namoonni siif owwaatuu
Yoo sana hin taane
Hojiin kee inni xaxxuu
Albee ati qarteen
Martuu suma falxu
Sanaaf yaa namootaa
Gaarii hojjedhaa mee
Yeroo hundumaatti
Jaalalaan bitamaa mee

Sammu duwwaa gataa
Itti guutaa gaarummaa
Waan akkanaa jaallataa
Waaqni Abbaan uumamaa!!!
==|==
24.Fayyisaa Addunyaa
Fayyisaa Addunyaa
Kiristoos Iyyesuusii
Barruu jaalala keen
Mara keenya eebbisi
Addunyaan wal jibbitee
Akka sangaa gaarreeffatti
Cancala haaloo baattee
Funyoon wal sakaaltiii
Mee maaloo Gooftaa
Gara keenya miladhuu
Dirree nageenyaa keetti
Laphee namaa simadhu
Addaam jechuun hafee
Baayyeen ofiin dhaadhata

Nyaatee wal kukkutuuf
Albee Du'aa luqqifataa!!!
Laphee namootaa sirreessi
Haaloo nurraa barbadeessi
Gidduu keenya koottu
Tokkummaa nuuf taasisi
Koottu gidduu keenyaa
Yaa Fayyisaa Addunyaa
Ati hundumaaf baayyisii
Jaalalaaf nageenyaaaaaa!!!
==|==
25.Yaa jireenya Mooraa

Yaa jireenya Mooraa
Ishee guggubattuuuu
Dhala nama rakkista
Boqonnaa hin laattu
Kan si hin agarree
Yuuniverstii jedhaa
Kan hojii kee hubateef
Maqaan kee gubaadha

Life jedhu engiliiffaan
Hundu maqaa jijjiiree
Gochaan kee garuuuu
Gara namootaa cicciree
Si hin abaaru garuuuu
Boqonnaa dhabi jedhee
Dhaloota dagagsi jechuun
Si eebbisuun filadhee!!!!!!
Toftaa kee innii baree
Hundumaa danda’ee
Kadhanna saan cimee
Albee qar-lamaa ta'ee
Dhaloonni waaqa qabu
Siif gonka hin jilbifatuu
Life mooraa jechuudhan
Guyyuman hin watwaatu
Ganamaaf galgala cimee
Gaaddisa dhugaatti fiigaa
Ijaaf harksaa ol-kaasee
Kadhata Jaalalaaf nagaa

Koottuu mee Sittin hima
Yaa mooraa yuuniverstii
Warreen gamoo hirkisuu
Halkaniif guyyaatti
Mee naaf gorsi waa
Itti siiqitoo gurraatti
Qo'adhu jedhiin maaloo
Haa cimu ofiisaaf biyyaa
Maraatee cubbuudhan
Qooda hurgufu wayyaa
Eega kaa mee namootaa
Waa xiiqqoon odeessaa
Mooraaf harka kennitee
Hin jedhin mancaasaa
Kan nama mancaasuu
Qalbii ofii qofaadhaa
Sanaaf yaa obbolootaa
Baha Tabbatti jabaadha
==|==
26.Biyyi lafaa
Biyyi lafaa tunii

Gaarii hin qabdu
Jaalalli hin jiru
Namaf nama jidduu
Martuu wal cunfataa
Akka foon alagaa
Jiffuu walitti baataa
Wal dhabsiisee nagaa
Kanarraa nu olchii
Ati yaa Gooftaa
Jaalala baayyisii
Gidduu namootaa
Hammataa fageessii
Tolaa nuuf dhiyeessi
Nurraa hin fagaatin
Gooftaa Iyyesuusii
==•|•==
27.Arseemaa
Arseemaa haadha koo
Na dhibaam Waa'ee kee
Dhugaadha dhabbattee
Wareegamuun kan kee

Bareedinni Addunyaa
Akka gatii hin qabnee
Gaa'illis ta'e qabeenyi
Akka maayii hin baafne
Amantiin taatee argamtee
Hunda namootaa barsiiste
Sagadni kan barbaachisu
Gooftaaf ta'u hubachiiste
Nama lapheen dudaa
Mooticha dirxaadisitti
Simboon koo kiristoos
Jechuun itti lallabde ati
Mootittii maqaan jedhamu
Amantii guutuun mormitee
Qabduuraaf jabina kan kee
Addunyaa guutuuf ibsitee
Waadaa gooftaarraa argattee
Dhukkubsataa ittin fayyistee
Har'as raajii guddaa hojjeta
Bishaan maqaa keen burqee

Gophaaf naafoota qacheechaa
Dhibee fayyisa namarraa faqee
Har'as koottu gidduu keenyaa
Nurraa hin fagaatinii tasumaa
Maqaa kan kee waamudhaan
Arganna kuno jabina cimaa!!!!
==•|•==
28.Abdii dhugaati
Balballi rakkinaa
Yoo nama rakkisees
Kan cufu ni jira
Innoo Mootii kiristoos
Imimmaan gidiraa
Fuula yoo burreessee
Seenaan baroota kalee
Garaa nama booressee
Waan tasa hin dabarree
Sammuu naman fakkatee
Namoonni wal ilaalee
Lammiin yoo wal filatee

Barri dhiphanaa cimee
Gidiraan yoo baayyate
Imimmaan lakkuu lakkuu
Fuula yoo dhuunfatee
Waaqa dhugaa malee
Eenyu kana kan beeku?
Jireenya bilisummaaf
Arjummaan kan akeekuu!
Namoonni yeroo kanaa
Baay'een boolla qotu
Keessatti darbamanii
Ofuma itti nyaatamu
Albee Abbaan qaree
Abbaa qale jedhamaa
Dhugumaa dhugaadha
Waan dhaloota ammaa!
Gidiraa hunda dabarsee
Gammachuun kan taasisu
Gooftaan malee eenyudhaa
Kan namootaas Eebbisu!!!!

Seenaa taasisee dabarsaa
Kiyyoo Du'aa kukkuteeti
Kan gonka hin jijjiramne
Waaqni Abdii dhugaatiiii
==|==
29.Abdii dhugaati
Balballi rakkinaa
Yoo nama rakkisees
Kan cufu ni jira
Innoo Mootii kiristoos
Imimmaan gidiraa
Fuula yoo burreessee
Seenaan baroota kalee
Garaa nama booressee
Waan tasa hin dabarree
Sammuu naman fakkatee
Namoonni wal ilaalee
Lammiin yoo wal filatee
Barri dhiphanaa cimee
Gidiraan yoo baayyate
Imimmaan lakkuu lakkuu

Fuula yoo dhuunfatee
Waaqa dhugaa malee
Eenyu kana kan beeku?
Jireenya bilisummaaf
Arjummaan kan akeekuu!
Namoonni yeroo kanaa
Baay'een boolla qotu
Keessatti darbamanii
Ofuma itti nyaatamu
Albee Abbaan qaree
Abbaa qale jedhamaa
Dhugumaa dhugaadha
Waan dhaloota ammaa!
Gidiraa hunda dabarsee
Gammachuun kan taasisu
Gooftaan malee eenyudhaa
Kan namootaas Eebbisu!!!!
Seenaa taasisee dabarsaa
Kiyyoo Du'aa kukkuteeti
Kan gonka hin jijjiramne

Waaqni Abdii dhugaatiiii
==|==
30. #Fannoo #Iyyesuus

Fannoo Iyyesuus
Mallattoo Fayyinaa
Moo'a Daabiloos
Barbadeessaa Diina
Isaan moo’annaa
Mootummaa Seexana
Mormatti qabannee
Fayyinaa argannaa
Ilmaan Addaam
Dhagaha namoota
Humna jireenyati
Fannoon Gooftaa
Amanaa qabadhaa
Ni taatu jiraatoota!!!!!
==|==
31.Mikaa'eel
Hangafa Ergamaa
Qulqullu Mika'eeli
Gaaddisa koochoon
Koottu nuun ilaali

Doorsisa Diinaa
Ati nurraa qolii
Nu gargaari ati
Akkuma Daani'el
Akkuma Afoomiyaa
Nuu faana ta'i
Deemsa keenyaaf
Nuu duukaa bu’i.
==•|•==
32.WaaqAbbaa
Yaa waaqa Abbaa
Jiraata Samiirraa
Araara nuuf buusi
Maaloo Ariyaamirraa
Dhiphinni Addunyaa
Baayyee heddumaate
Nagaan Nama giddudhaa
Gonka badee dhabamtee
Nageenya nuuf ergi
Hundu sumatti baqatee

Ilmaa kee jaalattee
Akkuma nuuf ergitee
Hidhaa cubbuu jalaas
Akkuma nu baafattee
Ammas nuu yaadadhuu
Lubbuun keenya sitti iyyitee!!!
33.Maaf wal haleellaa?

Maaf wal haleellaa mee???
Qabannaa Shimalaa malee
Kan Abbootoota darbanii
Dagachuun seenaa kalee
Jaalalli dhugaa Badee
Hunduu jibba faarsaa
Dubbii hololaa qabee
Soba oliif gadi afarsaa
Mee maaltu hirdhatee
Yaa Dhaloota ammaaa?
Kan wal gaarrefannuu
Taanetoo ilmaan hamaa
Silaa kunoo ni agartuuuu
Guddaan guddaa hin ta'u

Eegaa Namni xiqqaanis
Akka xiqqumatti in danga'u
Phaaphasii hin jedhu luboota
Hamma amantoota xixiqqatti
Faarfataa hin jedhu barsiisaa
Daangaa hin qabu hundumtii
Kan garraamumma agarsiisu
Tasuma tasaayyuu dhabamee
Kan lapheen of tuulu immoo
Kiiloodhaan nuuf argamee
Kan uummamne hundi
Biyyoo tortoraa irraaa
Maqaa Gooftaan garuu
Kabajamne bara baraa
Akka biyyootti deebinu
Baayyeenni daganneeee
Wantuma gatii qabneef
Wal wal keenya jibbinee
Dhugaarra dhaabbannee
Yoo hundee soba faarsinee

Bu'aan argannu mee maali
Yoo walii keenya ifanneee?
Mee Adaraa dhala namoota
Akkuma ofii keetif yaadduu
Sammuun hamaan kee suni
Namootaa biroof haa yaadu
Waaqayyoo Abbaa gaarii
Fuuldura kan keetti ilaalii
Wanta hojjettu hundumaaf
Dursa sammuu kee madaali
==|==
34.Kakuu Araaraa
Yaa Kakuu Araaraa
Ati haadha nageetti
Umamaa hundarraa
Ayyaana qabeetti
Galanni siif yaa ta'u
Nageenya keenya ati
Waadaa addaa qabda
Mucaa kee irraaaaaa
Kadhannaa keetiin

Nuuf buusi Araaraa
Barruu ol ballisnee
Gara keeti iyyannaa
Karaa kadhaa keen
Fayyina argannaa!!
==•|•==
35.Gabri'eel yoon jedhuu

Gabri'eel yoon jedhuu
Hamajaajiitu dhiphataa
Lafa itti lixuu dhabee
Sodaan baay'ee hoollataa
Ergamaa Nageenyaati
Eegaa namoota hundaa
Akka nuun gargaaruuf
Qabaam kennaa guddaa
Dargaggoota sadeen sana
Baasee laboobaa Abiddaatti
Har'as Gabri'eel Ergamaan
Nu baasa gubaa Addunyaatti
===|===

36.Araarsituu Hundaa
Araasituun hundaa
Maariyaam Giiftiidha
Ilmi namaa hundii
kan ittino fayyeedha
N waammanna ammallee
maariyaam haadha hunda
Burqituu dhangaa jireenyaa
kan gonka qabne muudaa
Garaa toleeti koo
kan yeroo hundaa
Gaddes kan jiraatu
hunduu siin gammada
Olmaan Kee heddudha
waa hedduu rawwatee
Fayyisaa ilma namaa
gadaameessa keeti baatte
Ilma Kee nuuf dahuun
fayyina nuuf laate
Ulfaadhu maariyaam
situ hundaa jaallatee

Hababoon in collogne
si'idha yaa haadha koo
Maqaa Kee waamadha
bara jireenyaa Koo
Gonkuma hin shakkuu
ergaan sii argadhee
Jireenya Koo kessaa
anoo sii kawwadhee
Burqituu jireenyaa
lalistuu urgooftuu.
Ulee aaronin
kan fakkeeffamtuu
Hundeen Kee in citu
yoomiyyuu ni jiraataa
hanga Kee maariyaam
eenyuutuu nu jaalataa?
Kan inni jaalatee
eenyutu hadheessaa
Gooftaan siin filatee
Dubartoota keessaa
Foon Kee ufatee
sirraati dhalatee

Rakkoo addunyaa
obsaan fudhatee
kan qofaa mitiim
waa heddu nuu taatee
Sodaa tokko malee
ilma kan kee baattee
Gammojjii heddu
kessaa qaxamurtee
Yooseef gargaara kee
of cinaatti qabattee
Durboonis kaatee
garaashee hidhatte
Mana saaraatti
kan dahoo godhatee
Kana qofaa mitii
rakkoowaan argitee
Fayyisaa keenya baate
waa hedduu nuuf taate
Kennaa guyyaa jimaata
ishee fannoo jalaaa
Mirgasaa dhaabbatee

ija keessa ilaalaa
Imimmaan lolaastee
fannoosaa jalatti
Isheen kennamte
harka Yohaannisiitti
Dubbatamee hin dhumuu
olmana waa'een qulleetti
Warroonni ishee ganan
Nuti ishee ni jaalannaa
Durboo haadha fayyinaa
Maariyaam maariyaam jennee
maqaa ishee ni faarsinaa(2)
==•|•==
37.Abbaa Pheexiroos
Yoo jettes xaaliyaanoonni
Itiyoophiyaan gabroomsa
Qalbiidhaan gaara gubbaa
Yoo taates ofuma leellisaa
Meeshaalee Ammayyaatin
Yoo dhaadattes baay'eesaa
Humni cimaatu jira turee

harka Waaqayyoo Keessaa
Keenya gaachanaan lolaa
Toftaa bobaa jalaa baasee
Iddoo buufata isheettis
Abidda cimaa itti qabsiisee
Takka Garaan ishee bahee
Takka moo hayyalla buusee
Qubannaa ishee dhoowwee
Rakkina guddaa dhungachise
Baay'ee ajaa’ibaa madaallan
Ugum uummata Itiyoophiyaa
Jilbibiibbii ishee deemsisee
Faranjii meeshaa Ammayyaa
Yeroon seenicha yaadhadhee
Goota tokkoon qalbiin ilaalaa
Baay'ee Gootummaan cimaaa
Dubbiinsaa kan kaasu madaala
Abbaa Pheexiroos jedhamuu
Ilma Abbaa gadaa kan Salaalee
Faranjiin waan gootu dhabnaan

Garaa Gootichaatti kan imalee
Uummatoota kee kana mee
Walitti qabi nu bitamsiisii
Jechuudhann itti himaattee
Ajajje Qulqulluu Pheexiroos
Abbaan Pheexiroos ittin jedhe
Ummataasaaf lallaba eegalee
Uumata miti Lafti Itiyoophiyaa
Itti hime isaan akka hin mallee
Gabroofatoonni warra Faranjii
Aariin gubattee murtee laattee
Abbaa Pheexiroos qulqulluu
Hinaaffaan wareegamaa taasiste
Wareegamuun Abbaa keenyaa
Hundaafu waan gaarii ta'ee
Dubbiin isaanii qulqulluudhan
Xaliyaaniin Itiyoophiyaa ba'ee
Har'as nuyiif haa kaasu mee
Abboota gaarii akka isaanii
Kan uummata ofiif jedhanii

Kan dhugaaf wareegamanii
Hunda keenyarra haa bulu
Eebbi Abbaa Pheexiroos
Biyya keenya Itiyoophiyaaf
Nuuf haa kadhatan kiristoos
==|==
38.Soomaa jirtaa?
Mee ka'eetan dubbadhaa
Ofii koof guutuu baadhus
Akka jecha wangeelatti
Baay'eesaa hirdhu ta'us
Bara keenya kanatti
Yommuun ta'ee ilaalu
Waa baay'ee tokko
Kanan An xinxaalu!!!!
Madaalee Madaaleen
Barbaadee waa dhabee
Isa dhugaan soomutuu
Baroota kanatti dhibee
Mee waan si gaaffaa
Ati soomaa jirtaaaaa?

Moo nyaata dhiistee
Dubbii moo alaanfatta?
Sooma waan jedhameefi
Kan ati nyaata dhiistee
Qaama foonii qofaasaa
Dhaabbatan kan gogsite?
Moo maal na dhibdee
Ofirraa baasuuf soomtaa
Inni kunoo Soomaa jira
Akka sin jedhanif lagattaa?
Otuma ati guyyaa guyyaan
Dubbii jallinaa habuqqatuu
Gaarummaa bakkee keessee
Osoo haaloo namaa baastuu
Nyaata Foon ijaaru dhiistee
Namuma soomu fakkaatta
Waan Arraba gabbisu moo
Babbareechitee nyaattaa
Haala kanaan osoo jiraattuu
Mee eegaa #ati_Soomaa_jirtaa?
Abbooliin keenya kalee
Kan nuun barsiisanii

Lallabaa isaaniitiin
Kan hundatti himanii
Iji, Arrabni fi gurrii
qaamni keenya hundi
Tokko osoo hin hafin
Sooma Soomu qabdii...
Kan osoo hin raawwatin
Sooma soomna hin jennu
Balleessaa qabnu hundaaf
Gaabbiif haa qophoofnuu
Mana Waaqayyoo keessa
Seera isaatiin haa jiraannu
Bara dhufaatii Gooftaatti
Mirga isaa haa argannu!!!
==|==
39.Eenyurraan Baradhe?
Yemmuun bu'ee ba'ee
Dhugaa jirtu yaaduu
Kanan irraa baradhee
Yeroon imale barbaadu
Mooticha dhugaa tokko
Fannoorrattin argeeeee
#Fayyisicha_Addunyaa

Isa naaf jedhee dhiige!!
#Eenyurraan-Baradhee????
Hunduma isaa obsuuuu
Wanta natti dhufe maraa
Calliseetuma dabarsuuu
Qalbiidhan of gaafadhee
Deebii yoon barbaaduu
Iyyesuus kiristoos jedhe
Qaamni koo hunduuuu?
Maalidhaaf jedhee ammas
Irra deddeebi’een yaadee
Callisa namni hin dhageenyen
Keessa kootti baay'ee aadee
Garuu Deebiin lubbuu koo
Kan foon kiyyaaf laatteee
Baay'ee isaa ajaa’iba ta'ee
Foonumma koo salfachiiste!
Dhugaadha kaa mee ilaalaa
Gooftaa #Fayyisaa_Addunyaa
Waan hedduu raawwatee
Nuyiif ta'udhaf fakkeenya
Fannoorra ofiisaatii oolee

Fannifamuu nu Baraaree
Ofuma isaatui Du'ee ka'ee
Du'a Garbummaati nu fure!
Uuufff kunoo mee Har'as
Fayyisaan Addunyaaaa
Fannoo gubbaarra jira
Ni arga ijji kan keenya
Bilisummaan Gooftichi
Dhiiga isaattiin kennee
Hunduu dhokseeraaaa
Galata isaa hin jennee
Kan inni harka isaatin
Uumee isa gaddisiisa
Waanuma tokkoon Illee
eenyutuu Gammachisaa?
Madasaa Qaraniyoo sana
Baayyeen golgeera!!!!!!!!
Eenyurraan baradheen
Karaatti hafeera!!!!!!!!!!
Yaa Dhaloota Gooftaa
Kanarraa nu haa oolchu
Qaraniyootti kan nu kenne

Imaanaa waaqa nyaachuu
Hanga dhuma keenyaatti
Fannoo isaa ilaaludhaan
Nama lubbuuf jiraatuu
Nu haa taasisu Gooftaan
==|==
40.#Nuufis_qulqulleessi
Akkuma Mikuraab deemteee
Mana kee akka qulqulleessite
Warra Hattootaaf daldaltoota
Alangaan akka gad baastee
Har'as Ariifadhuu nuuf koottu
Gaaddisicha nuufis qulquleessi
Namoota gargaar nu facaasuu
Gidduu keenyaa nuuf baasii
Inaaffaan mana kan kee
Na nyaate jedhe Daawit
Arrabsoon si arrabsanin
Mataa Koorraa bufateeti
Ilaala Daawwit mootichi
Dhugaasaa lapheen jedhe

Hinaaffaa mana Gooftaa
Anoo Ammaan hubadhe
Daldaloonni bara ammaa
Mana Gooftaa Guutaanii
Hooma dhimma qabanii
Siyaasa itti gaggeeffatanii
Tuullaan siyaasaa guutee
Kitaabni qulqulluun hafe
Yoo sirreessuf dubbattee
#ዘ ረ ኛ Jechuun nutti dhufe
Dubbii isaa nuti wallaale
Kunootii kan bara kanaa
Lallaba waltajjii siyaasati
Hafeera labsiin fayyinaaa
Bara dur-durii irraa eegalee
Sanyii mootota sanaa irraa
Daandii qajeellarra imalun
Seenaan Abboota badeeraa
Gooftaa keenyaa Iyyesuus
Gooftaa hangafa lubootaa

Dafii nuuf koottu maaloo
Baay'ate hojiin yihudootaa
Ariifadhuu nu qaqqabii
Abaarsi nutti baay'atee
Inaaffaan mana kan kee
Hedduusaa nuyii nyaate
Yoo olbaasnee dubbanne
Labsaa sanyummaa taane
Koottu #nufis_qulqulleessii
Nuti dandeenye hin baanne
==|==
42.Gaarummaa
Gaarummaa yoo jedhan
maqaansaa salphaadhaa
Garuu hojiin yoo ilaalan
Baay'ee baay'ee cimaadha
Gaarummaan dhugaan
Arrabaan dubbii mitii
Laphee tolaan Arjummaa
Akkasumas gaarii filattii

Kan nyaattu baayyatee
Filannoo yoo cimsituu
Nama beela’uuf hooo
Muraa xiqqoo hin laattu
Akkasii osoo hin taanee
Gaarummaan jiraachunii
Hiyyeessaa fi dureessaa
Hunduma qixa ilaaluunii
Yoo qabaataa taatee
Hiyyeessa yaadadhuu
Lama yoo qabatte moo
Tokko dhabaaf laadhu
Gooftaan innoo si gaafataa
Hojii gaarummaa kan keee
Biyya lafaa gubbaarratti
Akka yaadatte obboleessa kee
Akas jedhee siin gaafataa
Gaafii guddaa dhiyeessee
Yeroon dheebodhee beela’ee
Eenyutu na nyaachise obasee?
Yeroo uffata uffadhu dhabee

Kamtuu uffata isaa naaf laatee?
Jechuudhan gaaffii qopheessee
Si gaafata fuldura kee dhaabbatee.
Eegaa yaa ilmaan namootaa
Xiqqaanis ta'ee namni guddaani
Mee Dubbii jecha Wangeelaaf
Kan bitamu eenyudha kamiinni?
Hundi keenyaa kuno kaa
Waan baay'ee isaa agarraa
Boollatti gannee awwallaa
Hiyyeessoota gargaarurraa
Wanta gaariin eebbifamu irraa
Hammeenya hojjechuu filannaa
Garaamummaa achi olkeenyee
Balleessummaa baay'ee jaalanna
Wal jaalachuu dagannee
Hammeenyaa leellisnaaa
Wal wali kabajuu dhisnee
Wal salphisuu faarsinaaa
Silayyuu mee yaa namootaa

Dhaloota wangeela amanuu
Jechoota kitaaba qulqulluu
Maalumaaf hin raawwannu
Gaarummaa bakkeetti ganne
Haadha'ummaa simannee
Arjummaa fi tolummaa
Akkamiin achi fageessinee?
Eegaa mee yaa ijoollee
Koottaa wal gorfannaa
Xiqqaa guddaa hin jennu
Martuu wal dhaggeeffannaa
Hundi keenya jabaannee
Harka wal qabannaa
Hiyyeessota gargaaruuf
Mudhii cimsinee hidhanna
Tokko tasaa yoo kufee
Warreen biraa ni kaafnaa
Inni tokkos yoo dadhabee
Ariitiin kaane wal jabeessina
Wal tuffachuu dhiisnaa

Wal jabajuu baayyisnaa
Kan dheebote obaasnaa
Kan beela’e nyaachifnaa
Kan cabee wal'aannaa
Dhukkubsataa gaafanna
Waaqa uumaa keenyan
Baay'isnee eebbifamnaa
Laphee qulqulluudhaan
Yoo isa kan raawwannee
Dhugumaan jabaannee
Amantiin yoo dhaabbanne
Gorsa kitaaba qulqulluu
Sirritti yoo hojjennee
Mootummaa waaqayyoo
Amantiin ni arganneeee!!!
Yaa obboloota koo
Hundi kan keessanuu
Kadhannaa kan keenyan
Mee haa jajjabaanuu
Amantaa dhugaadhaan
Cimnee haa dhaabbanuu
Gaanata galuudhaaf
Mudhii haa hidhannuu

Hanga dhuma keenyatis
Wal wajjin haa jiraannu
==|==
43.Maaf taanee?
Mee yaa ijoollee Addaam
Xiqqaa guddaan keenya
Maaliif gonka dagannee
Ajaja Fayyisaa Addunyaa
Daandii irraa baqannee
Jillana barbaacha bannee
Waan ta'u qabuu gannee
Abaaramaa #maaf_taanee?
Qaraniyoo irra kan oolee
Hoolicha dhugaa dhiisnee
Mee Hojii seexanummaa
Maalumaaf ofitti simannee?
Nuun fayyisuudhaf jedhee
Dhiphuu addaa kan argee
Cubbuu keenya baatee
Garbummaa kan nu lagee

Maaf gadadummaa jiraanna
Gooftaa biraa alatti baaneee
Olmasaa hunda dagachuun
Gowwaa maalummaaf taanee?
Badhaasa inni nuuf kennee
Dubroo Maariyaam dhiisnee
Nama galata hin beeknee
Mee Ayizaaba maa taanee?
Ergamaan Waaqa Gabri'eel
Ayyaana qabeetti kan jedhe
Mee Adaraa Arrabni keenyas
Maaluma qabaa yoo jedhee??
Dadhabbii tokkicha malee
Yeroo hundumaa cimaniii
Fuldura waaqayyoo saanii
Ergamoota dhaabbatanii...
Akka Aangoo argatanitti
Hojii gaarii kan hojjetanii
Ergamoota waaqayyoo
Kabajuu dhiisuudhaanii
Maaf taanee mee nuti

Ijoollee Abaarramanii
Iyyesuus kabajudhanii
Kan laateef Waadaa isaa
Dhukkubinni dhufu jiraa?
Yoo kabajne Qulqullootasaa
Mataa Qulqullootarra
Eebba guddaatuu jiraa
Waadaaf kakuu qabanin
Waaqayyoo Gooftaarraa
Kan qulqulloota kabajee
Gatii qulqulloota argataa
Dhiifama waaqa guddaa
Kadhanna isinin fudhata
Daandii Abboolii dhiisnee
Utubaa Abiddaa qabanne
Dhaaltu mootummaa si'ool
Baay'een maaf taaneeeeeee?
Daangaa Abboota diignee
Balleessummaa filannee
Ilmaan galata hin beekne

Nama mee maaliif taane?
Kanaaf mee yaa namootaa
Xiqqaa guddaan keenyaaaa
Dubbii jifachuu dhiisneee
Wangeelicha dhageenyaa!!!!
==|==
44.Nuti humna hin qabnu

Maaloo Gooftaa keenyaa
Nuti humna hin qabnuu
Dhukkubicha bara kanaa
Kan ittin ofirraa qolannu
Nun beekumsa hin qabnu
Kan itti qoricha argannuu
Nuuf furmaanni guddaan
Gara keetti yoo iyyinu!!!!!
Wantamuna ati hojjetteen
Ol utalanii mormii kaasuu
Humna hin dandeenyeen
Gidiraa ofirra facaasuu!!!!
Waan godhan wallaalanii

Aduu golgina faa jedhuu
Hojii kee isa dinqisiisaan
Dorgommii fedhuuuuuu!!
Har'a hoo eessa lixu laata?
Gaafa dhahichi kee dhufu
Wanti ati jettee silayyuu
Gonga karaatti hin hafu
Aduu dhorkina jedhanii
Duumessa sobaa hojjetu
Har'a qoricha dhabanii
Gara keetti moo watwatu
Maaloo Gooftaa keenyaa
Nuuf humni keenya siidha
Humna hin qabnu nutooo
Ati Gooftaa nuuf hirkoodha
Qoricha dhugaa wana taatef
Dhukkubsatoota ni fayyistaa
Nama dhukkubsatee ciisuus
Sireesaa gateetiiti baachista!!
Nuti humna hin qabnu eegaa

Halkaniif guyyaa si waamnaa
Nuuf moo'ichi hundaa siidhaa
Garuma keetti dafnee iyyanna
Akka balleessaa keenyatti
Maaloo nuun hin ilaaliinii
Hojiin keenya hamaadhaa
Ati Gooftaa hin dheekkaminii
Humna waan qabnu fakkanna
Irree kan keenya yoo ilaalluu
Eenyumti namootaa illeeeee
Hamma ofii gonka madaaluu!!!!
Mistaaguu siree baachisteee
Aangoo waaqummaa keetiin
Har'as maaloo nuun fayyisii
Si waamnaa sumatti iyyuun
Qoricha jijjirama qabnee
Nuuf kadhannaa keenya
Galgala ganama si waamna
Maaloo Fayyisaa Addunyaa
Maaloo nurraa kukkutii

Cancala isa hamaa kana
Sagalee kee dubbadhuu
Nutoo dafnee fayyinaa!!
Wanta nuti hin beeknee
Koroonaa Vayirasii jedhuu
Yaa Waaqayyoo Gooftaa
Nuuf koottu Ariifadhuuu!!!!
Nuyiin kan weeraru qabu
Jaalala kee gudda haa ta'u
Hunda keenya kan moo'u
Humna kee mara danda’u
Seera kee hin sodaanne
Dhahicha kee sodaatee
Seera Eege eebbifamurra
Abarsan dhabamu filatee!
Maaloo ree yaa Gooftaa
Sababa cubbuu keeyatti
Dhahichu hamaan bu'e
Nama kee qulqulluuttii
Arjummaa kee guddaa

Ati hundaaf baayyisii
Dhukkuba bara kanaa
Maaloo nurraa kaasii
Nuti humna hin qabnu
Ati koottuu nuy fayyisi
==|==
45.Haa gallu Gaabbii

Abbaas yoo ta’e ijoolleen
Dhalli namootaa hunduu
Cubbuu ofiisaaf hojjeteen
Mee bayyisee haa gadduu
Gochaa ofiisaa rawwateetti
Hunduu mee haa ceepha'uu
Gaabbii lubbuu isaaf galuun
Dura waaqatti ha qulqulla'u
Mataa kee lubatti agarsiisi
Jedhee nu barsiise Gooftaan
Akka dhaabbaannuuf Nuti
Fuula isaa Qulqullummaan
Eegaa ilmaan namootaa
Sanyiin Addaam martuu

Lubbuu ofii qulqulleesse
Jabaatee haa dhaabbatuu
Gaafa Madaallin dhufee
Akka qaanii hin uffanne
Mee yaa qulqulloofnuu
Amma dafnee dhiqannee
Kunoo Hangafni lubootaa
Iyyesuus waaqni waaqota
Akka nuti Gaabbii galluuf
Nuyiif ka’eera furmaata!!!
Innis karaa Pheexiroosin
Luboota nuyiif muudee
Akka namni hin hafne
Lubbuu isaatiin gaddee
Lubnis nuu baayyatera
Addunyaa nuuf uffisee
Akka nuyii hin hafnee
Cubbuun nutti laliisee!
Guyyaa dhufaatii isaatiif
Raajiin martuu xumuree

Yeroo barichaa gaheeraa
Guyyaan guyyaa jijjiiree!
Garuu ilma nama martuu
Hoomtuu hin qophoofnee
Ani baay'ee nuuf gaddee
Akka Daabiloos nu moone!
Ofirraa teenyee jirraa
Lubbuu gonkuma dhiisnee
Akka Si'ool nu nyaatuuf
Foon qofa babbarechinee!
Yoo nuti Gaabbii gallee
Ergamootatu gammadaa
Diina keenya Daabiloostu
Guggubatee cimsee gaddaa
Aduun nuyitti lixuuf jirtii
Martuu #Gaabbii_haa_galluu
Jaalalaan guddaan golgamnee
Mootummaa isaa haa dhaallu!
==|==

46.Abbaan murtii Dhugaa

Gaafa Ariifannan dhufu
Ergamoota ofdura ergee
Eessuma filatta laata???
Yeroo inni dhufe figee
Maal ta’a fillannoon kee
Mee natti himadhuuuu
Dhaabbadhuu xinaxalii
Sammuu kee gaafadhuu
Samitti ol butamamta moo
Si'ool keessatti darbamtaa?
Daandii dhugaa jireenyaa
Kam akka taate hubateetta?
Maaluma fakkaata meeee
Fillannoo kee qorii ilaalii
Gonfoo jiruu fudhachuuf
Ni kaasta laata madaalli?
Firdii dhugaa jaalatta moo
Dhaadachaa sobaa filattaa
Waanuma lafatti facaaste
Abbaa dhugaarra hammatta

Addunyaan irra jaraannu
Ni dabarti guyyaa tokkoo
Harkuma keen facaastee
Aka ofiitti fidne rakkoo
Inni dhugaan dhugaa labsee
Nuyiin Birmaduu nu baasee
Abbaan murtii dhugaa sun
Ni dhufa inno lola ifaa ibsee
Abba qabeenya gudda taate
Qabaattus baay'eesaa dolarii
Xiyyaara gurgudda qabattee
Balalituus hamma lafa daarii
Qilleensa keessas balaliitee
Dhaqxus hawwaa sana bira
Guyyaa tokko inni ni dhufa
Akka teessu madaalli irraa
Gaafa Guyyaa sana kaa
Eessa si buusa bu'aan kee
Gannata moo si'oolicha
Eessa Si geessa hojii kee???

Mee beekaa, guddaas ta'i
Qabaadhu doktorummaa
Hogganaas yoo taatee
Mata nama hundumaa
Mee waan si gaafadhaa
Ni beekta guyya du'a kee
Akkasuma natti ni himta
Iddoo seensa lubbuu kee
Hin beektu waan tokkoo
Waa'ee fayyummaa keetu
Akkuma tasa balaadhan
Dabarti lubbuun teetu!!!!
Kanaaf ano sittan himaa
Filannoowwan isa gaarii
Karaa Daandii jireenyaa
Barbaadii sirriitti bariii
Du'a lubbuu kee jalaa
Ariifadhuu ofkee bararii
Yeroo ariifannaan dhufe
Abbaan murticha dhugaa
Waaqa kee dafi filadhuu

Akka argattuuf nagaa!!!!
Kaayyoon galma kan kee
Haa ta’u tsi'oon qulleetti
#Abbaan_murtii_dhugaa
Akka Iyyesuus jedhetti
Maal facaasa jira anoo
Guyyaa murtii sanaaf
Jedhitoo of gaafadhuu
Ofumaaf matuma keef!!!
==|==
47.Martuu waan gaariif

Dogongora hin qabu, hojiin Gooftaa!
Ija Namaatti garuu, dabaa fakkaataa
Sirri miti jedhees, callisaan gugumaa
Garuu sirriidhaam, innoo amanamaa
Waan xiqqoo isheeyyuu, sirrii muraa
Bilisa kansaa, hundu dogongora irraa
Sobdee gumgumiin, haqa jedhi malee
Huuba irraa hin ilaalin, tasuma illee!!
Kan inni raawwate, Sababa ni qabaafi

Cal jedhee mitii, Martuu waan gaariifi
Madaalli haqa qabuun, madaale ilaale
Teechisa Gooftaan, hundumaa xinxale
#Martuu_waan_Gaariif, ee Dhugaadha
Hundaa kan rawwatu, inni fayyisadha
Sababa malees, gochaasaa hin xumuru!
Murtee yoo murteesses, inni hin jijjiruu
Kan kufee cabees, dhidhiibee Fayyisaa
Hojiin isaa martinuu, nama dinqisiisaa
Ugum raajiidha, jechuudha Oolmaa isaa
Cal jechun hin ta'u,mee koottaa leellisaa
Gumgumuu ta'e inaafuun, tasaa hin ta'u
Eelshaadayiidha Inni, mara kan danda’u
Kan inni hojjete xiqqaaf guddaa isaatiif
Kan taasisu inni #Martuu_waan_gaariif
==|==
48.Kidaneemaratii
Deessee Harmee koo Kidaneemaratii
Wabii koo dhugaa kan lubbuu kootii
Abdiin si godhadhaa, deemsa kootiif
Araarsummaa keen, ta'i hirkoo naaf

Yaa lalistuu Siinaa bultoo waaqummaa
Ibsituun iccitii kan Waaqayyoo Uumaa
Manni qulqullinaa Durbee qulqulleettii
Abdii koo koottu, yaa Kidaana Mihiratii
Kanaafim haadha koo yaa kakuu araaraa
Anis kanan dhaabbadhu balbala kee duraa
Ilma kee gooftichaa naaf gaaffu dhiifamaa
Maaloo haadha koo deessu waaqa uumaa
Cancalli addunyaa qabee na hin gadhiisuu
Ayyallaa na buusudhaaf natti kan farrisuu
Ilma keetti naaf himi inni haa waammatuu
Funcaa jaalala isaatiin ofitti na haa hidhatu
Anoo dadhabeera,addunyicha moo’chuu
Hin dagatin giiftii,waa’ee koof kadhachuu
Akkan ani milkaa’uuf,hirkoo koo naaf ta’i
Deemsa koof midhaginaa,ati na faana ba’i
Burruusin cubbuu,sammuu koo rukkutaa
Waanjoo garbummaa,mataa kootti fe’eta!
Akkan oli hin jennee boquu koo cabsee
Biyyoootti na dabalee du’aa na taasise!

Simalee hin danda’u, eega harmee koo
Mee naaf ta’i ati, Dhabbaannoo hirkoo
Gaaddiduu kee, naa ergi guyyaa murtee
Akka jiraattuu , lubbuun too bilisoomte
==|==
49.Kennaa keenya!
Yoo dafqite, Wangeela lallabuudhaa!
Gatiin nati argattu baay'ee guddaadha
Samii gubbaarratti, Galmeerra korta
Badhaasa Gooftaa, gonfoos ni argatta
Garuu bara keenya, dhaloonni ammaa
Dirree irra ijaajee, komata hundumaa!
Waaqni hin jiru, gonkumayyuu tasuma
Yoo jiraata ta'e, maafin dhabe mudama
Jedhee dubbata! Arraba utubaa baasee
Kan ofiif dadhabee, waaqatti hirkisee!!
Waan dacheerra jirre, akkasin odeessaa
Qalbii isaa xiqqaa, mukarraatti raraasaa
Atoo mee nama, xiqqaa guddaan keenya!
Ni Beekna laataa? Kennaa mataa Keenyaa

Moo kennaa keenya qonneetti awwaallaa?
Dadhabbii qabnus ormatti achi madaalla?
Meetti harka qabnu qonnee gad awwallee
Kan kabajan jiraatu, ija keessa ol ilaallee!!
Baadhasa akka hin qabne, mataa cabsinee
Waaqa nuyi uumee, maalumaaf komanne?
Har'a irraa eegallee, haa tanu fakkeenya
Tajaajilaaf kaane, akka #kennaa_keenyaa
Haa tajaajillu marti, maatiin waaqUumaa
Akka argannuuf, Abdii keenya ganamaa!!
Kan booda hin awwaallu meettii qabnuu
Ittin tajaajiluuf mudhii me haa hidhannu
Mootummaa isaa argachuu abdii qabnaa
Yoo jabaannee cimne, nutoo ni arganna!!
Akka Abbaa meettii, Lamaaf shan argate
Itti gammaduuf, jabaatee cime hojjetee!!
Akkuma bu'a buusee, badhaasas argate
Har'as kan cimu, gonfoo ni qopheeffate!
Akka namichicha, Abbaa meettiin lamaa
Tajaajilli keenya, maaf nuyiin safaramaa?

Tilmamamu hin qabnu, jabaachuu qabna!
Keennaa keenya beekne, tabbas ni baana!
==|==
50.Maalin si fakkeessa?
Maaloo haadha koo Giiftii Aariyamii
Akkan si jajadhu galataaf na waamii
Gaaddisa kee jalatti akkan faarfadhu
Moggaasa kan keen akkan si jajadhu!
Ati baay'eesaa addaa misirroo Abbaa
Bultoo ilmaa, mana Dhugaa ajaa’ibaa
Afuura qulqulluuf mana dhugummaa
Kennaa Qaraniyoo, kan Waaq-uumaa
Haadha Gooftaa, Mootittii Addunyaa!
Hadhaa namoota kan hunda keenyaa
Qulqulleetti qulqulloota Giiftiidha atii
Gonfoo Wareegamtootaa kan hundati
Yaabbannoo Yaa'iqoob Finoota lozatti
Biqiltuu Siinaati, Hundee qulqulinaati
Duumessaa Eeliyaasi, Gaarri Taaborii
Siidha yaa Maariyaam, Aaroon batirii

Laficha Efraataa, Baganaa Daawwitiii
Masaanqoo Izraadha, bidiruu noohiiti
Mallattoo fayyinaa, Sabbata waaqaa!!!
Qulqulleettidha Ati,kan caaltu maqaa!
Leemmatii Warqee, Bultoo waaqayyoo
Dukkaana Abrahaam, Dubree Aayyoo!
Dabbasaa Geediyoon, Cubbuu qabduu
Qulqulluu addaa, Yaa iftu akka Aduu!!
Arjummaa Abeel, Garraamii gugee koo
Kennaan Fannoo jalaa yaa haadha koo
Mee Akkam godhu ano humna hin qabu!
#Maalin_si_fakkeessu? jechi na qaqqabu!
=|=
51.Miila Yihuudaa
Akkamiin dhiqxe laataa,mee miila Yihudaa
Waan ta’eef malee, Arjummaan kee guddaa
Hundaa dursuudhan,isa foon kee kukkutee
Hangami obsi kee garuu, kan ati isa jaalatte

Nama lubbuu caalaa, birrii baay'ee jaalatu
Urgaan Abasxiroos, maa cabdii kan gubatu
Urgaan foolichaa, kan isa gammachiisnee
Nama hamaa kana, akkamiin hin hariinee
Kan ittiin fiigaa, gara Yihudootaa deemee
Gaarummaa kee sana,isa birrin tilmaame
Namicha korjoo keessa, qarshii kee hatuu
Isa dhala namaa, Du'aaf dabarsee laatuu!!
Miila Yihudaa sanaa, Arjummaan ilaalte
Akka gochaasaa beeknee, callisuu filatte
Mirgan osoo si rukkutuu, bitaa itti laatte
Obsa nu barsiisuuf, Miila Yihudaa dhiiste
Hamoonni bara kana, kan dhugaa gatee
Hojii Yihuudaan, Addunyaa warra filate
Akka irraa baratuuf, qalbii isaan hubatee
Miila Yihudaa hamaa, Adabbuu oolchitee
==|==
52.Cimaatii kadhadhaa
Yaa Dhala namaa cimaatii kadhadhaa
Yaaddoo garaa keessanii, itti himadha
Deebii gaarii argattu, Innoo arjaadha!
Isinumti qofti, cimaatii dhaabbadhaa!

Iyyesuus Gooftaan, barumsa nu laate
Duuka Bu'oota isaatti ofiisaa dubbate
Akkas ittin jedhe cimaatii kadhadhaa
Yeruma hundumaa, jedhen jabaadha
Isaaniin qofa miti,nuufis itti himeera
Akka nuti cimnuuf,jabaadha jedhera
Halkaniif guyyaa, haala hundumatti
Kadhadhaa, gammachuuf gadduutti
Garaa lafeessa, hundarra garraamii
Nyaata gaafattee hin kennu summii
Dhugaati feenaan dhagaa burqisiisa
Wanta soorattu, manna samii buusa
Garuu yoo kadhattu, waan saa beeki
Kadhannaa keetin garummaa akeeki
Malee waan hamaa, gooftaa gaafatiin
Du'a diina keeti gonkuma barbaadiin
Kan si abaaruuf,Eebba isaa kadhadhu
Hamaa kan yaadu, gaarii isaaf filadhu
Boolla kan qotu awwalcha hin yaadin
Badii kan fedhuf,Ati badii in kadhatin

Eegaa namootaa, dhalli nama martuu
Qalbii kan qabu, hunduu haa dubbatu
Waa'ee keessaniif ta'ee waa'ee biyyatti
#Cimaatii_Kadhadhaa,hanga dhumatti
==|==
53.Si malee ta'aaree?

Yaa Mootii Ayhuud Iyyesuus Gooftaa!!
Uumaa Addunyaa Fayyisaa namootaa
#Si malee ta'aaree? wanti hundumtuu
Kiyyoon diinotaas sumaani kan ciccitu
Kan fedha kee ajjeestee,waan fete goota!
Ati Humna qabeessa,maaltu siin qixxata
Aangoo keen bulchitaa,haalan rawwatta
Kan dhufu hunda, Ati dursa murteessita!
Waan ta'u kamiiyyuu, si malee ta'aaree?
Uummamni uummame,waa danda’aree?
Heyyama keen alatti, karaarratti kufaa!!
Achumatti badee, soorata Allaattiif hafa!
Alfaaf oomeeggaa,Abbaa Alangaa haqaa!
Yaa Uumaa hundaa,Dhugaa akka maqaa
Hojiin kee addaa, irraa gora hin qabu!

Dogongorees ta'ee,hin beeku gaabbuu
Si malee hin ta'u,Samii fi lafa gubbaatti
Si'in raawwatama, hanga bar dhumatti
Kee dubbadhee fixu, wayya yoon mure
Kan ta'u hundumtuu,si malee ta'aaree?
==|==
54.Ati nuuf qalamte!

Waadaa kee eeguuf jaalalan qabamte
Akka fedha keen samiirraa nu buute!
Samiirratti lafarrattii, Aangoo keetin
Guutuu taate dhufte ati fedha keetin
Garbummaa haadha'a nurraa haquuf
Lubbuu garboomtee, Nuyiif fayyisuuf
Jaalalaan harkifamte samiirra dhufte
Dhiiga kee qulqulluun nuyiin fayyiste(2)
Hoolichi Dhugaa #Ati_nuyiif_qalamte
Dugda kee tolaa,baay'eesaa reebamte
Osoo si hubanii, hunda callisu filatte
Akka hoolaa qalamtuutti,Ati cal jette
Fannoo kee baatte Qaraniyoorra baate
Dhiiga kee lolaaste nuun qulqulleessite

Mootummaa keetti walitti nu qabatte!!
Humnan miti ogummaan Nuyii boojite(2)
Harka uumamaan,fedha kee qabamte
Murtee sobaa, jaalalaan ofitti fudhatte
Dirra kee qullaa'a,Alangaan reebamte
Gonfoo qoraattiin, Fannootti ol baate!
Dhukkubbii keenya ati dhukkubsatte
Cubbuu lubbuurraa,Nuun qulleessite
Xumurameera jettee ati murteessitee
Garbummaa jalaa,mara bilisoomsiste
Atoo Garraamii,Gugee gaariidhaa olii
Afaan ergamoota kan siif galchu ililli
Harka Ayhudootatti,Dhiiga lolaaste
Ilmaan Addaam Ati walqixxeessite!!
Gochaa kee baay'ee,danda’e hin fixu
Bishaan haallu ta'ee,Qubeessuu qixu
Kee Ajaa’iba jedhen,ka'eetin callisaa
Situ nuuf qalame,Ati cufa dandeessa(2)
==|==
55.Haa ta’u Yidiidiyaa

Waanti Martinuu,haa ta’u Yidiidiyaa

Ija waaqayyootti, gaarummaa wayya
Sanaan alattiis, Buqee Dhagaatti bu'e
Lafatti kufee hafa, abjuusaan tarsa'ee
Yidiidiyaa yoo taane wanti hojjennu!!
Adeemsa keenyan,Eebba hin argannu
Caccabneet kan hafnu, karaa gubbatti
Hin argannu iddoo, nut ol Samii irratti
Eegaa namootaa hojiin keenya hamaa
Keessi summaa’aa, kan qabu haramaa
Buqqa’ee hin dhumu ilkeetu nu guutee
Hammeenyi cimaan, Nuyii dhuumfate!
Arjummaa baay'isaa,yeroo hundumaa
Garraamii ta'aa Adaraa, Maaloo nama
Gaarii hojjedhaa, waan siif ta'u fayaa
Hojiin kan keetiis, haa ta'u Yidiidiyaa
==|==
56.Maafan kutaa?
Mee maafan kutaa Fannoo koo
Dhugaadha naaf mallattoo koo
Ittii nan beeka tawaahidoo ta'u
Dhabee jiraachuu, hin danda’u

Eegaa Morma kootu cita malee
Ofirraa hin kutuu tasuma illee!
Guyyaan cuuphamerra eegalee
Morma kootirra jira har'a illee!
Ortodoksii ta'u koo ittin beeku
Martuu isaaf eebba na akeeku
Ofitti bachuun in qabu abarsa
Warra beekuf lubbuu Fayyisa
Kan beekne, isaan gowwoota
Hin dhufaniim, fuula Gooftaa
Kanaaf Anoo, kanan qabadhe
Akka humnatti, kan Abdadhe
Fannoon humna, gubaa Diinaa
Yeroo hundatti, amanaf jabina
Kanaaf Anii, maafan kutaaree?
Amantaa kootis,Garaaf jijjiiree
==|==
57.Waaqa duratti salphaadha!

Akka'aab yoo Waaqeesses Waaqharkee
Pheeni'eel duratti baay'eesa yoo yakkee
Kan tolfamaa caccabsu, Iyyooram ni ka'e
Ilmi Akka'aab kuni, dhugaan soba moo'e

Iyyooram irratti, Moo'aab yoo bane lola
Beeka waan ta'eef, iyye gara biyya ollaa
Lapheensaa garuu,yoo ilaale tolfamicha
Waaqni itti hime, Karaa Elsaa'in dachaa
Karaa Waaqayyoon,martuu salphaadha
Moo'ichi namaa dhufu, dacha dachadha
Bokkaaf duumeessan, alatti lafti Burqaa
Marti salphaadhaa,Karaa harka waaqaa
Har'as hunda keenya,inni nun dhiphisu
Sammuutti ulfaatee, heddu kan rakkisu
Inni akkasii, waaqa duratti salphaadha!
Yeroodhaf malee,Innoo waa xiqqaadha
Addunyaa guutuu, takkaan kan dhabe
Guddaa xiqqaan, abjuu saan gaggabee
Har'an Du'a boru, guyyasaa kan eegu!
Waaqa qofa,waansa hubatee kan argu
Akkuma Iyyooram, martuu ollaatti iyya
Sodaa dhibee qofaaf, ofirra gata wayyaa
Biyya olaatti iyyuurra,Waaqatti yoo iyye
Silayyuu inni akkasii, dursa dafee fayye!

Akka namicha, gara fannoo harka mirga
Hunduma dura,fayyina badhaadha arga
Olis ta'u gadi, hunduu harka waaqadha!
Inni Akkasii, waaqa duratti salphaadha!
==|==
58.Sitti iyyanna
Maaloo yaa Gooftaa
Gara keetti iyyanna
Mee nuu dhaga'i Ati
Yaa waaqa fayyinaa!
Rakkoo hammeenyaa
Nurra dabarsi maaloo
Balleessaa keenyaaf
Nutti hin bahin haaloo
Galaana Dheekkamsaa
Ati irra Nuyiin ceesisi
Arjummaa kan keetiif
Jedhiitoo nuun fayyisi
Ati Garraamii addaati
Kan garaa hin jabanne
Adaraa maaloo waaq

Nuti ni Dhukkubsanne
Si malee tasuma illeen
Hin dandeenye barana
Silaayyuu nuti addaa
Hammeenya qabanna!
Nu yaaddattu Malee
Nut Humna in qabnu
Siin Alatti yaa Gooftaa
Fayyina hin argannu!!!
Hammeenyi kan Keenya!!
Dachaa baay'ee cimaadha
Ati mee nutti in lakkaa'ini
Hunduu nut cubbamaadha
Galgalaas yoo ta'e ganama
#Sitti_iyyanna yaa Gooftaa
Rakkina keenya irratti
Si qofatu nuyiin yaadata!!!!
==|==
59.Miila koo...Faar 116:8

Miilla koo gufachuu,oolchiteetta
Imimmaan koos, naa qorsiteetta

Eelshaadayidha ati,ni raawwatta
Aangoo keetin,hunda gaggeessita
Bara hammeenyarra, na Ceesiste
Boolla dhiphinaa,ofikee duuchite
Rakkina jalas, darbeen hulluuqe
Galata keef, waltajjii keetti hiiqe
Seera kee guddaa,ifa naa taasiste
Deemsa kootiif,Dandii sirreessite
Akkan hin badne,Nan qajeelchite
Ofuma keetiif, fedhaan na boojite
Ana hamaa, nama gaarii taasiste
Wangeela keetiif, Garbicha goote
Oolmaan kee guddaa, anaaf adda
Jilba koo bitee, kanaaf siif sagada
Deebisteetta, jooraa #miilla_koo
Sirreessiteetta,Adeemsa kan koo
Kanaaf sitti galee,bara koo koolu
Sechi Barruu ormaa,Ani in laalu
==|==
60.Hoosa'inaa_1
Maqaa Waaqayyootin,inni dhufu

Eebbifamaadha, tasuma hin hafu
Eega nutis Mee,hoosa'inaa jennaa
Waaqayyoo Tokkumman faarsina
Bartoota keessaa, lama filateeti
Jechuun Abboome fidaa hikaati
Harree lamatuu gama sana jirti
Yoo sin gaafatan Gooftaaf nutii
Jedhaa deebisaa gaaffii isaaniif
Artiin dhaqaa fidaa, jedha anaf
Harreerra taa'un yemmu dhufuu
Hundumtu miila isaatti yoo kufu
Nutis kaanee Gooftaa ni simanna
Baala meexxii harkaatti qabanna
Harree Gooftaarra, uffata afanna
Kabaja Goofticha Hundaa labsina
Osoo arginuu akkamitti callisnaa?
Waaqaa uumaaf galatoo galchina
Hoosa'inaa jenna ilma Daawwitif
Nagaatu ta’a ilmaan namootaatif
Akka Daa'imaa Sagalee olkaasnee
Eebba arganna, yoo nuti faarsine

Gamtaan taanee, Gooftaa simanna
Mee Tokkoomne,Hoosa'inaa jenna
Akka milli harree lafa hin xuqnee
Uffatta Afanna, isa qabnu baasnee
Ayyaana Gooftaa haa ayyanessinu
Hoosa'inaa jechaa mee haa baanu!!
Damee Meexxii harkatti baattanne
Daandiitti haa yaanu mee jabanne!
Daandiittiis hubanne irra jiraanna
Hanga dhumaa,waaqa wammanna
Gaafa murtees, maqaasaa jajannaa
Mirga kansaa yeroo sana arganna!!
Inni waamnannu,waaqa Dhugaadha
Baraan jiraataa, algaaf oomeeggadha
Kan isaatiin qabu, nagaa qabaatadha
Kanaaf immoo, wangeelluu ragaadha
Eega marti keenya,Baguma geenye
Haala baraa, hundumaa dandeenye
Kan Bara isa dhuftuutis,akka geenyu
Seera Gooftaan jabannee haa teenyu

==|==
61.Hoosa'inaa_2
Gooftaanis ni jedhe wal-tajjii ijaajee
Duuka Bu'oota isaatis innoo ni Ajaje
Deematii hiikaa, harroottan lameen
Abboome Pheexiroosif Yohaannisin
Hidhamte jirti mandarattii keessatti
Nama isin gaafate, hunduma isinitti
Isheen Gooftaadhaaf, nibarbaachisti
Dhaqaa Hiikaa isaaniittis itti hinaati
Eenyutu gaafatarree hattuutu hidhe
Gooftaan keenyas icciitiidhaaf jedhe
Harreen sunis,ijoollee saa hatamani
Dabiloosidha,kan jedhame hattuuni
Hiika jedhamanii, isaan Ajajamanii
Kan ibsuu Aangoo qabachuu isaanii
Lafaa fi samiirratti, hidhuuf hiikuu
Kana icciitiinsaa nama waa beekuu
Ennaa deemuu, harree irra taa'unii
Dugda hareerra uffata saanii afanii
Kooran quuqadha uffanni in quuqu

Seerri waaqayyootis nama in xuqu!!
Daa'imnis Arganii,Hoosa'inaa jedhan
Dhugaadha Akkamin Gooftaaf obsan
Jajjaboon Achii faarfachuu dhorkanis
Hinaaffaan kaa'era Dhagaa bitiniyaas
Eegaa Gooftaa, maaloo Amma fayyisi
Ummata kan kee maaloo nuu Eebbisi
Ittiin jedhan, naannoo isaa marsanii
Galateeffannaan, jilba gadi buusanii
Nutis haa kaanu mee isa faarfachuuf
Meexxii qabanne Hoosa'inaa jechuuf
Tokkumman taanee isaa Faarfannaa
Mirga isaas jaalalaan ni dhaabbanna
==|==
62.Torbee Dhukkubbii_Wiixata
Har'as ni jira
Mukti balasiin isheen firii hin qabne
Nyaataaf kan ta'u, ija inni godhanne
Har'as ni jira, Biqiltuun Akka sanaa
Kan hin qabne,Daraaraa bareedinaa
Firii gaarii buusuuf nuti hin geenye

Nuti jabaachuuf tasuma dandeenye
Jirma jabaa qabnu, latii jabeeffataa
Omboboleessan buqqa'uuf hoollata
Akka muka balas firii nurra dhabde
Nu hin abaarin Lapheen kee gaddee
Adaraa Gooftaa barrutti nu baadhu!
Nuti hin taanu atumtu nun simadhu
Nuyii hammoodha Seera hin beeknu
Akka fedha keenyatti Nuti k jiraannu
Daldalummaan mana keetti guunnee
Laphee ol kaasnee of tuultotaa taane!
Akka Ayhudoota qancee gad hariite
Daldala isaanii meeshaas gad yaaste
Akkas nu hin godhin nuti hir'uudha!
Yoo nu harite baay'ee salphachudha
Alatti nun baasiin, nu barsiisi malee
Cubbuun keenyas yoo baayyate illee
Obsa keetiin nu garsii, gad nu baasin
Har'as ni jira badin,nu hin balleessin
==|==

63.Torbee Dhukkubbii_Kibxata
Dhugaa Awwaaltan
Mee Warri Ayhud, kan Dhugaa hattan
Waan Qajeelaa gattanii,kan Dhoksitan
Maal taatan mee,kan isin ofwallaaltan
Dhugaarra ijaajudhan,of tuulaa taatan
Dhugaa Awwaaltanii Akkamin sobdan
Mee natti himaa maalif Gooftaa ifattan
Gaafii hin malee, maalumaaf gaafattan
Moo moo'achudhaa toftaa barbaaddan
Afaan keessan xuraa’aa, isa cubbamaa
Akkamiin ifataa? Goofticha Amanamaa
Isa nun uumee barruu isaatiin xuxuqee
Isa nuyi barbaade jaalalaan nutti hiqee
Barsiisonni fi luboonni kakuu moofaa
Warri Fariisootaa kan dubbatti hafaa
Akkamiin dhiphistu hangafa lubootaa
Aangoo darbuun Goofticha Gooftotaa!
Eessaa fidde Aangoo fi humna Akkasii
Isin Kan Gaafattan, Gooftaa Iyyesuusii
Maal isinitti fakkate Gooftaadham inn
Kan soba jajjanii,#Dhugaa_Awwaaltan

Daba keessaniin, nutoo waa baranne
Iyyesuus irraa, Deebii isaa niarganne
Yohaannis Cuuphaa kan inni dhufee
Jedhee isin gaafate,keessanis ni kufe
Eegaa baranne shakkitoota Ammatti
Kan booda, Gaaffiif deebii qofa mitii
Gaaffiin Gaaffiidhaan, deebii argata
Sechi Iyyesuusiin, taanerra hubataa
==|==
64.Torbee Dhukkubbii_Roobii
Murtii dukkanaa
Jarri seeraa jaal’isuun kan Dhaadhatanii
Shangoon sobaa, qindoominiis ni ka’anii
Haqa dabsun daandii daddabaa tolchanii
Murtii dukkanaaf haala ta’uu mijeessanii
Nama Ajaa’iba gulantaa shangoo gatanii
Waan jal’aa dalaguuf, irratti walii galanii
Waan dhugaa hintaane,ragaa barbaadan
Akkamii akka raggaasiisan, toftaa filatan
Sanbata keenya diige, kunoo namni kuni
Seera abboota keenya hundasa jijjiruuni

Kan qofaa miti,Gooftaa inni ofiin jedhaa
Jechuun barbaadan,waaqa himachudha
Kan nama dhibu, wanta inni hin jenne
Dubbii jijiiruun yoo inni jedhu argine!
Jechun himatan,soban isaan kakachaa
Namchi hamaadha,jechun dhaadacha
Mana qulqullumaa keenya isa jalqaba
Kan nu ijaaree salamoon ogeessi jabaa
Diigetan ijaaraa guyyaa sadii keessatti
Jedhe dubbata,nama baay’ee gidduutti
Jechuun himatan, Dubbii isaanii jallaa
Irraatti murteessan, Goofticha jaalalaa
Guyyaa roobiitti maricha xummuranii
Yihudaa hatticha murtichaaf argatanii
Jarri kan hin beekne yoohannisif masii
Addaa baafachuuf, aragatan yihudaasii
Akka itti himuu,soddamaan walii galan
Murtii Dukkanaas,akkasiin xummurtan
==|==
65.Torbee Dhukkubbii_Kamisaa
Guyyaa Addaati

Torbee kana keessaa!
Tun #Guyyaa_Addaati
Namootaa kan lattame
Waan baay'ee aja'ibati
Waggoota sadiif ji'a sadi
Gooftaan nun barsiisera
Garuu guyyaa tanatti
Waan ba’eessa laateera!
Adeemsi guyyaa sanaa
Gara dhiphinaatti ta'us
Wanta baraan jiraatu
Nuuf kennera kiristoos
Gooftaa Abbaan nagaa
Iyyesuus Mootii hunda
Murtii sana osoo beeku
Nuuf kenne iccitii adda
Kan irratti murteeffame
Waaqummaan ni beeka
Garuu murticha dhisee
Nuu waan gaarii akeeka

Bartoota isaa hundumaa
Gooftaan Walitti qabatee
Icciitii qurbaanaa Nuyiif
Dabarsee maraafu laate
Irbaata faasiikaa sanaa
Bartoota wajjin nyaate
Akka lamuu in nyaanne
Garuu ittiis ni dubbate!
Xoofoo san olfudhatee
Waaqaaf galata galche
Xoofoottis ni roobse!!
Eebba samii fi dachee
Buddeenicha ni cabsee
Bartootaa dabarse laate
Jireenya guutuu argata
Baraan kana kan nyaate
Xoofoos buqqise laatee
Mallattoo ta'u dubbate!
Isa kanarraa kandhugu
Jireenya gaarii argate!!!

Dubbii isaa xummuraa
Waan tokko ifa baasee
Maaddii kanarra ni jira
Harki nakennu dabarse
Duuka Bu'oonni hundi
Yoo dafani walmorkan
Afaan saatin ni callisee
hin dubbanne yihuudan
Gooftaan keenya jabaa
Ni dhiqe miila Bartoota
Akka wajjin hin turree
Icciitiin itti dudubbata!
Gad ofqabummaa saati
Gadjedhe Miila isaanitti
Nunis barsiise Gooftaan
Jabina hamma dhumatti
Deemsi gara dhiphinaa
ta'eera nu guyyaa addaa
Kiristoos Abbaan keenya
Nuuf laate icciitii guddaa!
==|==

66.Miila koos naaf dhiqi
Yaa Gooftaa Iyyesuus Koo
Mooticha hangafa luboota
Bartootaa kee hundumaa!
Gorsitee goote lallabdoota
Addunyaa bishoofte turte
Akka mi'eessan kan goote
Isin Soogidda biyya lafati
Jechun abdii isaanii laatte
Kudhalamaan ijoolleekee
Tokkoyyu osoo in qoodin
Hundumaa jajjabeessite
Miilaa isaanii dhiqudhan
Miila Ati dhiqxen cimnii
Addunyaa guutuu ga'ani
Ishee baay'ee hadhoofte
Akka dammaa mi'eessani
Isaan Dhiqachuu isaaniin
Cuuphaas ni cuphamanii
Barruu harka kan keetiin
Eebbifame miilli isaanii

Ofii waan cuuphamaniif
Kan akka Pheexiroos faa
Kuma sadii Cuuphamani
Kaasuudhan isaan kufaa!
Eegaa Gooftaa Uumaa!
#Miila_koos,naaf_dhiqi
Eebba barruu keetiin
Gara kootti naaf hiiqi
Humna Koo xiqqaatiin
Akka Addunyaa deemu
Afuura kee naaf ergi
Sagaleekee akka himu
Ati na jabeessi Gooftaa
Anoo humna hin qabu
Jabeessaa kee naa ergi
Akkan hunda qaqqabu
Ammas yaa Gooftaa koo
Siin jedha eegaa maaloo
Miila koos naaf dhiqi
Natti hin ba'in haaloo!!!!

==|==
67.Dhungoo Yihuudaa
Dhungoo isa sobatirraa
Madeessu diina wayyaa
Yaaliiwwan adda addan
Dhukkuba dhiisee fayya
Waggaa sadiif ji'oota sad
Gooftaa jal-taa'e baratee
Daandii dhiphuu hamaa
Yihuudan Gooftaaf filate
Korjoo birrii qabu isaan
Kurnoo ni argata ture
Tilmaamni shittoo cabe
Garaa isaa baay'ee mure
Shittoon Albeesxiroos sun
Miila Gooftaatti maa cabdi
Halkanii guyyaa yaaduun
Baay'ee garaasaa guggubdi
Ugooftuun cabde Gooftaaf
Dhibba sadiin kan bitamte
Kurnoo qarshii tanarraas

Ishee argatu ni tilmaamte
Tana argachuuf yihuudaan
Toftaa hedduu ni baafate!!
Gurguramee hiyyeessaaf
Hin hiramuu ni dubbate!!
Yoo gurgurrame Silayyuu
Qarshii soddoma ni argata
Birrii tana argachuudha
Toftaan sirrittiis tattafata!
Deemuudhan yihuudaan
Ayhudotaan walii ni gale
Murtii warra jara sanaaf
Xumura mala isaanif male
Soddoma isaa argannaan
Yihuudaan dhungoo filate
Sobaan Gooftaa hammate
Akka dabarsuus dubbate!
Gooftaa kan isaattis hiiqe
Barsiisaa koo jedhe dafee
Dhungoo waraaansaatiin

Gara Iyyesuusittis dhufe!
Wayyoo yaa boqoo saa
Obse waraansa guddaa
Gooftaan Arjaan keenya
Obse Dhungoo yihuudaa!
==|==
68.Fannoo baatte
Iyyesuus uumaa koo
Nuuf jettee dhiphatte
Arrabsoo hundumaa
Cal jechuun ni obsite
Farsoonni warri Ayhud
Hundu hangafni lubotaa
Humna hin qabdu se'un
Martinuu sitti dhaadata!
Reebicha san Hunduma
Hamma lafee lakka'amu
Hancufa sirratti tutufaa
Martuu yoo sitti gamu!!!
Areeda kee buqqisuun
Reebicha sitti jabeessun

Dubbadhu raajii jechaa
Yagguu sirratti qoosaan
Ija kan kee hidhuudhan
Duuban yoo si dhahani
Cal jechuu ni filatte
Hin saaqne tasa Afaan
Rakkoon sitti cimee
Faannoos yoo baattu
Dubartoonni galiilaa
Imimmaanin watwatu
Eega Sima'oon immo
Hamma humna isaa!!
Si wajjin baate fannoo
Hanguma dandiittisaa
Ati hanga Qaraniyoo
Fannoon kufaa ka'aa
Wajjinis ni dhiphatte
Hundumaa danda’a
Dhiphina kan keetiif
Uumamni kee hundu

Mataa isaanii cabsanii
Baay'ee heddu gaddu
Aduun uumte gaddite
Ifa ishee dhoowwate!
Urjiin samiirra harca'e
Golgi manas ni ciccite!!
Lafti sodatte hoollatte
Dhagootnis tatarsaa'e
Mukti hundu goggoge
Baalli irraa gad-arca'e
Waaqummaa ka keetif
Raajiin gargaaraa ta'e
Diinni miiltoo wajjin
Joonja’ees ni raata'e!!
Fannoo Ati baatteen
Qaraniyoo irra oolte
Fayyina dhukkuboota
Dhaloota maraa laatte
Hoolaa garraamii taate
Hundumaaf ni qalamte

Dhiiga kee qulqulluunis
Namoota wanjoo baaste
==|==
69.Tikseen rukutamnan...Zak 13:7

Wayyoo jedheera, guyyaa gaafa sanii
Haalli jijjirame,Tikseen dhahamnanii
Gargar badani,hoolonnis bittinaa'anii
Heddu yaadan,dhiphuun guuttamanii
Sodaan hadooche, Maatii hundumaa
Baqannaaf kutate,Martuu of mamaa
Anas na rukkutu, ofirraa gagaragala
Gatanii baqatan, barbaadachuu fala
Akka Pheexiroos faa,Antiin Gooftaa
Sin ganu jechuun, inni ture kakataa
Kiristoos fakkaata, yoo ittiin jedhan
Lakkii Ani hin beeku, jedhe sodaan
Yohaannis malee,hundu baqateera
Lafti ifa ture, marattu dukkuna'era
Yoo nan arganii, Anas na ajjeessu
Laphee qabee, gufuun sodaachisu
Yeroo qabamu sana,Inni Gooftaan

Jedheen jaraan, hin xuqinaa isaan
Maqaa saan malee,akkasitti laalee
Waan beekuuf,jabina DB madaale
Kanumaan iyyuu,Ariitiin baqatan
Amma dhufuu, baay'ees sodaatan
Kun hundii,Tikseen rukkutamnan
Kan dafanii,Akkas gar-gar faca'an
Garuu kan jabaate,ni Badhaafame
Kuno haadha kee ilaali jedhamee!
Har'as akkasuma, ni badhaafama
Amantiin kan cime, kennaa cima!
===|===
70.Akkuma jedhe ka’eera

Mootichi Yihuudaa sun
Akkuma jedhe ka’eera!
Kan itti awwallamees
Boolli Duwwaa ta'eera!
Osumaa eegaa jiranuu
Eegduun baay'ee ta'ani
Duuti isa in dandeenye
Iyyesuus ka’eeram inni

Osoo nama hin gaafatin
Dhagaa narraa buqqisa
Ka’eera Gooftaan keenya
Raajiidha Gochaan isaa!
Akka cufamarra dhalate
Cufaa keessaa inni ka'e!
Du'aaf miiltoosaa hunda
Kiristoos Aboon moo'ee!
Du'aa moo'u kan saatin
Lubbuun teenya fayye
Dhiiga isaa qulqulluun
Jireenya keenya faaye
Kiristoos du'a ka’eera
humnaaf aangoosaanii.
Seexana hidhudhanii
Addaam bilisoomsunii.
Nageenya saa labseera
si’ool duwwaa ta’uunii.
Osoo Ayhuudoonni silaa
Gooftaa gadhiisa jedhanii

Barbaan samticha sanaa
Du'a isattis murteessanii
Barbadeessan yoo du'e
Maalidha Bu'aa argannu
Kiristoos kan ta'e dhabne
Si'oolin kan nyaatamnu!!
Ishoo Gooftaan nuuf du'e
Baga Aangoo du'a moo'e
Dhiphuu fudhachuusaan
Nageenyi hundumaa ta'
Waan maraayyuu caala
Rakkoo hunda ceetanii
Baga du'a ka'u iyyesuus
Nagaadhan as geessanii
==|==
71.Kiristoos Du'aa ka’eera

Dhukkubbii baay'ee booda
Gooftaan keenya Iyyesuus
Fannoorratti dhiphachun
Bu'eera inni awwaalchas!!
Yooseef fi Niqoodimoosiin
Gooftaan innoo kafaname
Awwaalcha qulqulluuttiis

Kiristoosni awwaallame!!
Yeroo Gooftaan barsiisu
Miila isaa jala kan ta'anii
Gabaa shan ol kan turan
Naannoo saatti marsanii
Yogguu Dhugaa dubbatu
Eenyut hubate xinxaalee
Du'aa moo'ee ka'u isaatis
Dhaggeeffachuu malee!!!
Akkas jechuun dubbate
Mana qulqullinaa kanaa
Yoo diigdan nan ijaaraa
Guyyaa 3tti natti amanaa
Namni tasa hin hubannee
hinaaffaan gubate malee
Martuu ni gumgume itti
Ayhudoonni hundi illee!!!
Salamoon ogeessi iyyuu
Ijaareetoo xumuruudha!
Qabeenya heddu baasee
Dhama’e bara dheeradha
Baay'ees dhaadachaa too

Jechuun moormii eegalan
Dhumarrattis immoo kaa
Filatan hatticha Barbaan!
Reebanii heddu hidhanii
Gooftaa jiraata ajjeesanii
Uumaa uumama hundaa
Ayhudoonnii wallaalanii
Guyyaa muraasa boodas
Du'ee achiin hafa se'anii
Geetee simaanii deemun
Du'oota keessa ilaalanii
Maariyaam maqdalaanis
Shakkiidhan guuttamtee!
Urgooftuushee itti dibuuf
Halkaniin kaa'uun imalte
Yemmuu iddicha geessuu
Iddoo Awwalcha Gooftaa
Naasuudhan ijaajee hafte
Dhabdee hangafa luboota
Yihudootaan hatameeraa
Yaada isheetiin dhiphatte
Yoo ofirraa gara-galtuus

Deebii guddaa ni argattee
Sagalee guddaa tokkoon
Akkuma dubbate ka’eera
Jiraata Du'oota keessa
Maaf barbaadda adaraa?
Waan jedhus dhageessee
Dura isheetti nama argite
Uffannisaa adii balaqqee
Fuuldura shee dhaabbate
Isheenoo dheekkamsaan
Gooftaa koo situ fudhate?
Sagalee guddaan olkaaste
Daftees isaatti dhaadatte!
Dubartii maal barbaadda?
Jedheen maqaa waamee
Lapheen kan isheetiis
Baay'eesaa hurgufame!!
Turtiin booda hubachuun
Rabbuunii rabbuunii jette
Kaattee itti maramuufiis
Barsiisaa koo jette waamte
Natti hin siiqiin jechuunis

Jabeessee ishee akeekeenii
Gara Abbaattin ganan ba'a
Jedhee icciitii itti himuunii
Isheen baay'ee gammadde
Barumsa baay'ees baratte!
Lapheeshee shakkee ture
Sirritti Amanuun hubate!
Waaqummaa isaa biraa
Eenyu akka hin gernye!
Dubartoonni icciitiisaa
Xuquu akka indandanye!
Icciitii kannen hubattee
Ka'u Bartootatti lallabde
Lapheen duuka bu'ootas
Baay'eesaa ni gammade!
Anaan tasaa hin xuqinaa
Samiitti ol in baane Anii
Jedhe Gara Abbaa kootii
Gara Abbaa ka keessanii
Maaram maqdallaanis
Jedheera labsii labsite
Gammachuu Addunyaa

Nama hundaa dabarsite
Eeyyeen dhugaadha....
Kiristoos Du'aa ka’eera!
Gammachuun hundaaf
Kunoo eegaa labsamera!
==|==
72.Maaliif boo'u?
Imimmaan gad cobsuu
Furiin illee kan harca'u
Isa du'ee awwaallamuf
Gaddanii maaliif boo'u?
Ana garuu Na Ajaa’iba!
Baay'ee isaas xinxaale
Martuu wayyoo jedha
Bu'aa tokkoo malee!!!!
Guyyaa wajjin jiraatu
Walitti guura haaloo!!
Hayyalla wal buusuuf
Wal-oofa dandii jalloo
Jibba utubaan dhabe
Abidda boba'aa kaasa
Albeef qottoo baatee

Hedduun wal ajjeesa!
Kan dhiifama qabne
Jibba jabaataa baata
Kan boru darbe du'u
Hunduu ni dhaadata!
Garuu Kan qofa miti
Anan kan na ajaa’ibu
Waan baayyeetu jira
Daangaa illee in qabu
Yeroo tokkoo rakkatu
Kan qabuus ni ilaala!
Yoo ijaan mil'atu ille
Fuulan googa jallaa
Yagguu dhukkubsatu
Hin gaafatum deemee
Gaaffa du'etti immoo
Ni iyya garmaamee!!!
Kanaaf mee namootaa
Isa du'ee maaliif boo'u
Imimmaan sobaatiin
Silaa kaasuu hin ta'u?

Mee akka carraa ta'e
Osoo Du'aan ol ka'ee
Deebiin nama jal'aa
Ijajuu qofam ofii na'e
Eega kana booda mee
Sobneetoo boo'u irraa
Dhugaan Wal jaalanne
Mee wal gargaarraa!!!
Yoo akkana goonee
Taajjabbii hin qabnu
Galata lafaaf samiittis
Nutoo hin dhabnu!!!!
==|==
73.Maaf na rukkutta?
Mee yaa Mistaaguu,Ati maalumaa?
Akkamiin rukkuttaa? Abbaa olmaa
Dagatamte kan turte, yeroo sanatti
Kan siin waame, Sagalee Gooftaati!
Guyyaa murtee, warra Ayhudotaa
Hin dubbanne Mootiichi moototaa
Akka hoolaa callisuutiin qalamtu!!
Cal jedha hooma Deebii hin laatu!!

Garuu yaa Yihuudaa guyyaa sana
Yeroo kabaltu Ati Abbaa fayyinaa
Jedhe dubbate maaf na rukkutta?
Badii koo malee si jedhe Gooftaa!
Dubbachuuf tasaa, kan hin feene
Warra reebanitti,isa in dubbanne
Rukkuttaan Mitsaaguu ni miidhe
Maaf na rukkutta? Innis ni jedhe
Harka namarra, isa fedhu argate
Namas ni aarsa, yoo Inni dagate!!
Gooftaanis kan dubbate akkasitti
Kan yihudootarra dhukkube miti
Atis yaa namaa hin ta'in dagataa
Namarra argatee, oolmaa nyaata
Yoo akkas taate, Gooftaatu aaraa
Abaaramtee barris sitin daraara!
==||==
74.Tajaajilli
Tajaajilli keenya Adoode kormati
Laliseeti dagaagaa akka qilxuutti
Hulluqeeti darba harka diinoota
Afuura qulqulluun gaha Gooftaa

Yoo baay'atee warreen aggooraa
Tajaajilaa dhorkuuf ijaaje karaa!
Kan saaqu qabanne karaa Cufaa
Kan nu gargaaru kasuudha kufa!
Dangeeffamee hin hafu gandattii
Ni babal’ata Addunyaa guutuutti
Latiin saa fagatee jirmisaa cimaa
Harka diina Gooftaan dabarfama
Tajaajilun keenya Gatii dhaf miti
Kan kaaneef barbaacha lubbuuti
Baay'eeru badee Daandii irraatti
Yeeyyiin gogaa hoolaan buteetti!
Kanaaf malee tajaajilun keenya!
Akka jaraa in qabu hammeenya
Yoo nutti fe'anis qarqabbii soba
Cabee in hafu keeny abdii qaba!
Haati hattu ilmooshe hin amantu
Warri tokko tokko waas dubbatu!
Akka ofii isheetti nama gad ilaalti
Hammeenya ishin nama odeessiti

Hunda darbee, tajaajilli ni jiraata
Dhalootaaf ergaa isaas dabarfata!
Wajjin yoo ta'an innoo bor ni ga'a
Tajaajilli cimee, Dhugaan ni taa'a!
==|==
75.Akkamiin gante Pheexiroos?

Siin hin ganu jechuun
Gooftaatti kan kakatte
Akkamiin waadaa kee
Ati kan dagatte??????
Mooraa warra lubaa
Yeroo seente sanatti
Baay'ee sitti hoo'ee?
Abiddi mana sanatti
Xiyyeffannoon si laalte?
Dubartiin manicha sana
Moo maal siin jennani
Kan ati geesse rifannaa?
Si hin ganu ani Gooftaa
Dhuguma dhugaan jedha
Jechuun kan kakatte
Baaste too lapheedha!!!!

Gooftaanis sitti hime
Waanta Ati raawwattu
Ati maaf of hin eegnee?
Sitti himeera akka gantu!
Lukkuun osoo hin iyyin
Si'a sadii naan gantaa!!
Jabeessee sitti himeera
Arrabni kan Gooftaa!!
Siif himameera'oo silaa
Akkamiin gante Pheexiroos
Maaf Atoo hin cimne
Jabaatte Akka Yohaannis!!!
Hundaa caala kan jaalattu
Hunduma caala gante
Ilma waaqa jiraatati
Kan jettes gonga dagatte
Ofirra gara galee toon
Gooftaan sitiin ilaallan
Lukkuun sadi iyyushee
Sammuun kee hubannan
Imimmaanin guuttamtee

Yoona At of yaadachuun
Xiyyaan ija Gooftichaa
Gaabbiif siin waraane
Laphee keen booji’amte
Gaabbiin dafte deebite
Silaayyuu yaa Pheexiroos
Akkamiin Gooftaa ganta?
Gaabbuu kan keetinis
Taateetta nama hubataa!
Gooftaan nuuf haakennu
Laphee gaarii Akka keetii
Nuunis akka deebinuuf
Gara mana qulqulleettii!!!
==||==
76.Hin jedhin na ilaala!

Gaafa cidhaa, mana Dookimaas sanatti
Na ilaalan heddu, Dhangaan yoo jirutti
Keessummeesanis,hudduu baay'eedha
Qabaan dhumnaan, dhumni saalfidha!
Warri duratti ba'u gara booddee ta'ee
Keessummeessitun, golatti ol dacha'e

Dhangaan heddu nyaadha inni jedhu
Golli onaan, tasuma dubbii hin fedhu
Dura namaa baate, in jedhin nailaala
Baay'een qaba jette,mataa kee tuulaa
Akka keessummeesa,mana dookimas
Saalfiin dachaadha,kan dubbii keetiis
Garuu ni miidhage,godoo sana laalan
Namoonni achii,gammachuun guutan
Kanaaf namootaa ni ilaalaa hin jedhin
Mataa keetu cabaa, salphina guddaan
Gooftaa seensisi, gara laphee keetiitti
Boqonnaa argatta yeroo hundumaatti
Yoo sana hin taane, ni Cabda karaatti
Kan harka gatta, Akka buqqee cabetti
==|==
77.KOTTAA ILAALAA
Nuuf Qaraniyoo kan taate
Qulqulluu mana Amantaa
Eegaa mee kootaa ilaalaa
Yaa warra shakkitootaa!!
Qaraaniyoo gubbaarratti

Gooftaa ilaalaa kan turte
Ergamoota dhiiga qeensu
Achittiis ijaan kan agarte
Dubroo haadha Iyyesuus
Fannoo jalatti kan ilaalte
Kan Ilmicha waaqayyoo
Fannoos kabajje fudhatte
Hundaa yoo barbaaddan
Koottaa ilaalaa hubadha
Eebba fayyinaa kan ta’e
Qaraniyyoo kootta fudha
Xiyyaaraa fi jeettidhaan
Deemuu si hin barbaadu
Ati guraacha diimaadha
Jette tasa si hin qooddu!!
Kiristoos fannoorra oole
Tawaahidoon kan lallabdu
Jalqaba irraayyuu eegalte
Dhugaadhan kan qabdu
Maaloo Koottaa ilaalaa
Mee warra shakkitootaa
Gad ofqabumman seena
Qaraaniyoo M/Amantaa

Tabba qaraaniyoo irratti
Haadha gooftaa argatte
Karaa Yohaannis bartuu
Badhaasaa kan fudhatte
Barruu isheerraa qabdii
Baraan laachafii galata
Koottaa seenaa ilaalaa
Dhiiga Gooftaa qeensun
Aaddunyaa qulqulleessan
Ergamoota baay’ee qabdii
Marsuun kan ishee eegan
Har’as wajjumaan jiraatti
Galchaa waaqaaf galata
Ammas koottaa ilaalaa
Maqaa kiristoos labsaa
Dhiphina kan fudhatani
Dabarsanii of laachuun
Waangeela kan lallaban
Qulqulloota waaqayyoo
Toloota Wareegamtoota

Ol seenatoo ilaalaa mee
Akkasumaan hin jenne
Qulqulleetti M/Amantaa
Mallattoon ishee hundi
Kan ta’e Dhiiga Gooftaa
Ammas in qabdu jijjiraa
Tahaahidoon ko baroota
Kootaa mee hin baqatina
Qaraaniyoo M/Amantaa!
==|==
78.LUKKUU GAABBII
Lukkuun lafaa yoo ka’u
Ofi saarraa waa hurgufa
Kochoos bat bat godhe
Hojiif karaattiis dhufa!!!
Gaafa guyyaa sanaas
Yeroo isheetti malee
Pheexiroosiin kaasuuf
Al-lama Iyyite garmalee
Ajaa’iba hojiin isheetis
Al sadaffaa gubbarratti

Pheexiroos dhugaadhan
Gaabbif dammaqsitetti
Lukkuu carroomtu tun
Lallaba ishee gababdun
Imimmaan lolaasiste
Qulqulluu pheexiroosin
Har’as kuno jiru eegaa
Lallabdoonni baay’een
Wangeela baachuudhan
lallaban iyyaa hedduun
ofii ba’aa cubbuu baate
cubbuu gataa jedhaa
namni gaabbii haa galu
ni roora’a qalbiidhaa!!
Lallabdoonni wangeela
Xiqqaa guddaan martuu
Lukkuu gaabbii irraa
Mee hunduu haa hubatu
Namni imala yoo deemu
Daawwitiin ofisaa ilaala
Maal akka inni fakkaatu

Mimiidhakse of madaala
Lukkuun gaabbiif iyyuu
Duursa of qulqulleessa
Lallabaan wangeelatiis
Haa ta’u mee akka isaa
Lallabudhan dura mee
Mataa isaa gara lubatti
Yaa agarsiifatu eegaa
Akka qulqullaa’uutti
Har’as nuuf haa iyyitu
Daftee lukkuun gaabbii
Nutis akka yaadannuuf
Mana dhugaa ka rabbi
Iyya lukkuu gaabbii
Nutis haa dhageenyu
Akkuma pheexiroos
Gaabbiif haa geenyu
Jeequmsa hin fakkatin
Iyyi lallaba wangeelaa
Ija keessaan ol kaasaa
Kitaaba qulqullu ilaala

Lallabdoonni waliigala
Lukkuu gaabbii wajjin
Uummata dammaqsaa
Mudhii hidhachuudhan
Ilmaan Addaam marti
Mee haa gallu gaabbii
Lubbuun isaatiin fayye
Haa hafu mana Adabbii
==|==
Kan kufee ciisu
Isan kaafamuu
Humni galaana
Isan abomamuu!!!
Kan isa qabuu
Dinni hin rukkutu
Maqaa isaatin
Ofirraa qolatuu!!!
Bookkisun ormootaa
Ana naa hin naasisuu
Kayyoo kootirraas
Gonka na kaachisuu!!!
F/taa Koo'eel(ኮ ኤ ል )

Ajaa’iba keen hima
Maali faan callisaa
Humni kan kee
Diina saalfachiisaa
Kan Abiddaa baatu
Abiddaan salphistaa
Kan seefii baatuu
Seefiin haariitaa
Yaa taabotaa tsiyoon
Har'as jira seenaan kee
Ati yoomi humna dhabde
Nutu humna kee yakkee
Ammaas ati dafi
Raawwadhu waan aja’ibaa
Kakuun sirraa jiru
Nuti jabeesse dhaaba
Akka warra fiilisxeem
Ka’eera dhaloonni bada
Jireenyisa kan ta'ee
Jireenya qadaada
Yaa waadaa waaqa

Bultoon Abboommii
Agarsiisi hojii kee
Isa garraamii
Warra Diinotaa
Mataa lafa laalchisii
Ijoolle waaqayyoo
Nuti nuu Eebbisi!!!
=====|====
79.Fayyisaa Koo!
Abbaa koo Iyyesuus
Mooticha Yihuudaa
Waa'ee keen hima
Abbaa saba hundaa
Fayyisaa Addunyaa
Kiristoos waaqa koo
Maqaa kee qabadhee
Hin beeku rakkoo!!!
Dhiigni kee lola’e
Tabba qaraniyootti
Anan na qulleesse
Gara jireenyaatti !!!

Siin cee'era gaafas
Galaana rakkinaa
Riqicha naaf ta'e
Sagaleen fayyinaa
#yaa_Fayyisaa_koo
Ani si malee beeku
Jaalala Ajaa’ibaan
Kan waa na akeeku
Yoo gufadheeyyuu
Situ ol na kaasa
Waraana Diinotaa
Situ Anan Ceesisa!
Hin shakku takkaa
Dhaadannoon qaba
Siidha Abbaa koo
Na gaachanni jabaa
Kana Booda Anoo
Mana keen jira!!!
Hin jijjiramu tasa
Akka Gaarrarraa!
==|==

80.Hoomaa isa Kami?
Yaa Mana Amantaa
Hundarra qulqulleetti
Hoomaa isa Kami mee?
Kan marsu dallaa keetti
Ati Kan bu'uureffamte
Dhiiga qulqulluudhani
Kan eeggamtus Ati
Warreen qulqulluuni
Hoomaan waraanaa
Maal godha si biraa?
Maaliif marsu laata
Qeyee kee marsarra?
Atoo Addatti qabda
Hoomaa hunda caalu
Ergamoota qulqulluu
Kan mooraa kee ilaalu
Diinummaa ibsu moo
Maal godhu mana kee
Dur sila hin beekanii
Naannoo qayee kee

Har'a Abbaa ta'udha
Mana keetti marsuu
Ijoollee kee bitimsanii
Kophummaa Barsiisu
Kan si marsee eegu
Ati sirritti ni beekta
Rasaasaa miti tasuma
Innis seefii ergamoota
Ergamoonni waaqa
Yeroo hundumaattu
Yaa Mana Amantaa
Waa'ee keef dhaabbatu
Si eeguu hin danda’u
Hoomaan waraanaa
Yoo sirraa badanii
Karaatti hafan argina
Kan hin badne tasuma
Moofaa'uus hin argine
Ergamtoonni waaqa
Gonkumaa si hin ganne

Mana Amantaa hunda
Yaa Qulqulleetti baranii
Nu jiraadhu harmee
Wagguma wagganii
==|==
81.Yohaannis Cuuphaa
Biyya lafa onaa
Yihudaatti labse
Sagalee guddaan
Dubbate ol kaase
Mootummaan olii
Baay'ee dhiyaateera
Yaada garaa Keessa
Dafaa geeddaraa!!!
Jechuun lallabee
Yohaannis cuuphaa
Mudhiitti hidhatee
Hidhannoo teephaa!
Nyaata wanta gaarii
Tasumaa hin agarre
Soorata hawwanisaaf
Moggaa damma ture

Uffata illee hin qabu
Namatti kan hoo'u
Haalan Uffataaf tolee
Akka gaariin kan ta'u
Rifeensa gaalaa irraa
Dha'amee kan tolfame
Harkaan hojjetamee
Uffata kan jedhame!!!!
Uffachuun lallabaa
Sagalee isa guddaa
Inni hin barbaanne
Bu'aa waan Addaa!!
Raajichi isaayyaas
Akkuma inni raaje
Lafa onaa keessaa
Bahee nama ajaje
Goofticha guddaaf
Daandii tottolchaa
Daandii inni irraan
Adeemus qajeelcha!
Akkas jedhes lallabe

Lafa onaa keessaa
Mukti ija hin qabne
Muramu yaadachisa
Har'as kan lallabu
Sagalee wangeelaa
Yohaannis cuuphaa
Qalbiin mee ilaalaa!
Lallabuuf jettee too
Hin barbaadin gatii
Kan Ati argattu waa
Tasa nama irra miti
Kaffaltiin guddaan
Gooftaa bira jiraa
Lafarra osoo taane
Barbaadi samiirra!
==|==
82.Caamsaa tokkotti
Dhaloota baay'een
Raajiin kan raajame
Caamsaa tokkotti
Hundi raawwatame

Teektaaf phaxriqaa
Dhaloonni jahaffaan
Abjuu hunda caalu
Wanta gudda argan
Addeessa dhalatu
Fuldura isaanitti
Addeessa keessas
Aduun yoo bahutti
Waan argan kanatti
Baay'ee aja'ibsifatan
Hiika waan kanatis
Deemani barbaadan
Hiikkan isaas ni ta'e
Wanta baay'ee adda
Dhuma gaaf sanattis
Gammachuu guddaa
Dhaloonni jahaffaas
Iyyaqeemif Haannan
Addeessa argachuuf
Ciman kadhannaan

Yeroo Addeessi Sun
Gadameessa tureetti
Barsabeen Ajaa’ibaan
Ijaa isheeti fayyiteetti
Addeessi nuuf dhalatte
Libaanos gubbaarratti
Eeganni Abbootii durii
Ishoo nuuf dhalateetti
Dubbiin raajotaa
Eegannoin Abootii
Kunoo dhalateera
Dubree qulqulleetti
==|==
83.Waadaan kee
Eegaa Yaa Qulqulleetti
Wareegamtu Arseemaa
Dhugaan naaf ragaadha
Waa'ee Karaa ganamaa
Wareegamumman kee
Hundumaaf ta'e jabina
#Waadaan_kee argatte
Namootaaf ta'e fayyina

Maqaa kee waame too
Xoofoo Kan qopheesse
Hiyyeessoota beela'aa
Xiqqoo kan nyaachise
Dhugaan argata eebba
Kennaa waadaa keeti
Ragaa Amantaa ta'afi
Gaafa bara dhumaatti
Waadaan kee jabaadha
Kan argatte Waaqa irra!
Kakuun kee raajiidha
Nama oolcha diinarra!!!
Maaloo nuuf kadhadhu
Dhiphina nu oolfadhu
Mirga waaqa keeti
Ati nu teexhifadhu!!!!!
Waadaa kee dhugaan
Maaloo mee nu marsii
Kadhanna kan keetiin
Ati nuyiin Eebbisi!!!!!
==|==

84.Uumaa Koo
yaa Mootii moototaa
Sillaasee uumaa koo
Samii fi lafa irratti
Siif Galata Abbaa koo
Bifa kan keetirraa
Bocce na Uumte ati
Kanaafan si faarsa
Sagade fuula keetti
Biyyoo totolchitee
Nama na taasiste
Afuura kee guddaan
Afaan kootti baaftee
Cubbamaa ta'u koo
Osuma sirritti beektu
Sillaasee Uumaa koo
Ati gonka na hin ifattu
Humna koo taatee
Cinaa koo dhaabbatte
Qileef bowwaa keessa
Ati baatte na ceesiste

Humna Diinoota koo
Aangoon hurkutissite
Irreen kan dhaadatu
Ati narraa salphiste!!!
Gaarummaan qabdu
Baay'ee naaf Adda
Kanaaf siif galcha
Galatoo isa guddaa!
Ililleen kan koo siifi
Teessoo kee duratti
Hamma humna koo
Yeroo hundumaatti
Sillaasee Uumaa koo
Maqaa kee qabadhee
Si'in yaa Gooftaa koo
Hin beeku salphadhee
Si dhiise hin deemu
Jaalala kee Argeera
Ati naaf Abbaadha
Lapheen hubadheera!!!

==|==
85.Aduu Ajaa’ibaa
Aduun Aduu caalu
Yagguu fannifame
Ajaa’ibni hedduuni
Gonka rawwatame
Aduun inni Dhugaa
Aduu dukkaneesse
Fannoo irra oolee
Fayyina nu taasise
Gooftaan Iyyesuus
Qaraniyoo baananii
Aduun ni gadditee
Dukkana ta'uunii !!!
Uumaa ishee beekte
Dukkana ni uffatte
Raajii dubbatameef
Xumuras ni taate!!!
Aduun Ajaa’ibaa tun
Ragaa heddu taate
Warreen shakkaniis

Dhugaan amansiiste
Diyoonaasyaas sun
Raajii Aduu dhaga'e
Lapheen isaa rifatee
Baay'ee isaa ni na'e
Sirritti Ilaale hubate
Waaqummaa kiristoos
Guutummaan amanee
Ta'eera inni qulqulluus
Waan #Aduu_Ajaa’ibaa
Guyyaa jimaataa gaaffaa
Dubbadhee xummuruuf
Wanta Baay'een na hafa!!!
Saayittistoonni Ammaa
Gaaddidu Aduu jedhu!!
Daqiqaa 9 olitti garuu
Tasuma hin argadhu!!!
Gaaddiduun Aduu mee
Sa'aati Sadiifi turaa???
Yaada dubbatu malee

Dubbii isaanii faaraa!!!
Akka gaaf guyyaa sana
Lamuu deebi’e in taane
Aduun sirna uumamaa
Ergasii tasaa hin diigne
Aduun guyyaa jimaata
Barumsa guddaa qaba!
Kanaafisi kan jedhame
Isheen #Aduu_Ajaa’ibaa
==|==
86.Godaannisa Seenaa
Inni harka isaati qabu
Baay'ee sirratti boona!
Ragaa sobaa tuullatee!
Mataa gadi si waraanaa
Dhabuu Abbaa Fooniif
Hundumtu na arrabsaa
Haaloo isa hammeenya
Martuu narratti facaasaa!
Sababa Dhaba keenyatiin
Mirgi Koo hin kabajamu!!

Dhugaan Ani qabu tasaa
Seeraan naaf in eeggamu!
Wanta akka carraa badef
Hattuun dursee mogga'a
Maqaan xumura'ummaa
Aanarratti jabeesse ka'a!
Abbaa foonii hin qabu
Ana kan na gargaaru!!!
Jabaadhu At Mucaa Koo
Kan Nan jedhu hin jiru!!
Ijoollee amma baay'ee
Abbaatu qabe Barsiisa
Koo du'e baduu dhan
Bubuleera barri isaa!!!
Waanuma kanaaf jecha
Hundu natti dhaadataa
Mataa koo reebudhaaf
Shimala natti luqqifata
Eegaa obseen dabarse
Baroota koo baay'eesaa

Abbaa Dhugaa kootin
Tareera barichi isaa!!!!
Waaqa koo barbaaduuf
Ana yeroo dhabee ture
Gooftaan ol na qabate
Ana kufee too tortore!!!
Yeroo Abdii koo kutadhe
Cimsees An Du'a filadhe
Garuu Gooftaa argadhe
Jabaadhe dhaabbadhe!!
Waaqa koo argadheera
Abbaa du'e du'a moo'u
Kan foonii achiin hafus
Argadheera kan na ta'u
Gaatii narraa qaba Inni
Kan guyyoota rakkinaa
Kan tasa in dagatamne
Godaannisa koo Seenaa
Martinuu narra tareera
Baroonni koo dhiphina!

Ta'eera kana booddee
##Godaannisa_Seenaa!!!
==|==
87.Siifan jilbiiffadha
Haadhummaa keetiif
Ani siifan jilbiiffadha
Maaf narraa dhabda?
Ati kennaa koo dha!!!
Ciniinsuu maleessaa
Afuuraan na deesse
Ilma keetu Kennaan
Si'in Ana badhaase!!!
Haadhummaa keetu
Anaan Laphee booji’e
Jaalala kee dhugaatu
Chaappaa natti ta'e!!!
Warra Qaraniyoorra
Dhugaan dhaabbatu
Haadhummaan kee
Ifatti kan mullatu!!!!
Kan akka Yohaannis

Kan Gooftaatti hiiqe!
Jechi wangeela irraa
Yoomu sammu jeeqe
Akkuma Yohaannis
Sirritti si'in fudhata
Maqaa kees waama
Jedhe haadha Gooftaa
Waadaa Ati qabduu
Namni sirritti jaalatu
Jecha Gooftaa ta'u
Afurumman hubatu
Ijoollee baay'ee qabdi
Jedhe dubbata shakkan
Nut baay'eedha Eyyee
Kan kee Daa'imman!!!
Godoo koo ilaaludhan
Yoon baay'ee gaddee
Fakkii kan keen ilaale
Garuu si'un gammade
Har'as sagada kennaa

Ani Siifan jilbiiffadha!
Olmaa kee isa guddaa
Maaliifan dagadhaa??
==|==
88.Beellama hin qabu

Mee yaa Dhaloota
Waa na hubadhaa
Keessa koo xuqa
Dubbiin jabaadha
Mee Adaraa waaqaa
Tajaajilaaf bellamtaa?
Waltajjii achi gattee
Hojii foonii filattaa?
Hojii Gooftaa dhaaf
Hin Bellamin guyyaa
Mana Gooftaa ta'un
Nama hundaa faaya!
Yeroo hin tilmaamni
Tajaajila Wangeelati
Yeroo fi Abbaa yeroo
Hin madaalin walitti

Inni guyyaa jijjiiree
Halkan ni taasisa
Dukkana balleesse
Aduu namaaf baasa
Haala mijeessuun
Hunda tottolcha
Kan hin danda’amne
Sirreesse Qajeelcha
Waaqa akkasi kana
Tajaajiluudhaf jette
Mee Adaraa nama
Ati Bellama qabatte?
Eega Kana booddee
Haa hafu Beellamin
Waltajjicha Dhugaa
Haa cimu tajaajilun
Mudhii hidhadhaa
Wangeela labsuuf
Dhugaadhaf jette
Fooniin wareeguuf

Yoo nuti tajaajille
Diinni nu qaqqabu
Qaraniyoo deemuni
Beellama hin qabu!!!
==|==
89.Misiraachoo kee
Ergaan Misiraachoo kee
Gurra koo seenuudhaan
Akka waatii tin burraqe
Guutame gammachuun!!
Samiirraa barrisudhaan
Gara Maariyaam dhufte
Sagalee Gammachuukee
Hasaaste itti dubbatte!!!
Waaqa irraa eergamtee
Hunda gammachiista!!!!
Namootaaf kan labsitu
Sagalee Waaq Gooftaa!
Surraan yoo adeemtu
Abiddi dafee dhaamaa
Laboobaan cabbii ta'e

Qorraas ni taasifama!!
Danfaan bishaaniis
Maqaa keen qorraa
Humni Gooftaa jira
Maqaa kan keetirra
Warra si waamaniif
Kochoon ni golbobda
Humna warra hamaa
Seefiidhan gad gubda!
Dhugaa wangeelati
Kan dubbachaa jiru
Ammas ragaan ba'a
Ani Haqa hin jijjiru
===|==
90.Mallattoo eenyummaa Koo

Hin shakku haadha koo
Ati Naaf ni taata wabii !
Araarsummaan Ka kee
Narraa dhorka Adabbii
Ati Agartuu koo dhugaa
Gooftaa sinan kan arge!

Dhugaatii jireenya koo
Barruu kee irraa dhuge
Kan Qaraniyoo irratti
Dhiigne lafatti namme
Maddii isaa si'i Durbee
Maaf Dhugaan haalame
Nyaata kan bara baraa
Mucaaa keen argadhe!!!
Beetalamii - Qaraniyoo
Wajjin arge si hubadhe
Maaf dagadheera Ani
Abjuu koo isa jalqabaa
Oduu warra shakkoota
Maaliif ofitti qabaa????
Dhugaan sirraa argame
Abbaa Jaalalaa deesse!!!
Sin haadha jaalalaa jechu
Maaltu mee na qaanesse?
Sagalee mucaa keetitii
Deemsa koof galaadha!

Suuraan kan kee mmoo
Dhugaan naaf Abdiidha!
Nageenya mana kootii
Kadhaa keen argadha!
Eega kanaafu Durboo
Oolmaa maaf dagadha!
Maqaan kee naaf Durbee
Meeshaa Nageenyaa koo
Naaf Dhugaan waadaadha
Mallattoo eenyummaa koo!
===|===
91.Waraani Diina Koo

Abbaa Farda isa Adii
Giyoorgisii quqlulluu
#Waraani_Diina_koo
Hamaa gara koo laalu
Jawwicha hamaa sana
Naasuun morma hute
Humna inni abdatuus
Aboon irraa kukkutte!
Soorata jawwee taate

Ishee Du'aa qophoofte
Xoofoo isheef kenname
Kan jawwichaa taasiste
Dargaggeessa cimaa!!!!
Gooftaa isaatti Abdatu
Siidha yaa Giyoorgis
Kan hunda dhaabbatu!
Akkuma Amala isaatti
Yoo dhufu Jawwichi
Lafatti gad isa darbate
Kan keeti seefichi !!!!!!!
Aadaan #Oroo keenyaa
Fardaan deema Adamoo
Giyoorgis wareegamaa
!Ajaa’iba kan kee immoo
Dargoon #Oroo #Ortoo
Si godhatanii fakkeenya
Har'as Ariitiin koottuu
Giyoorgis Abba keenya!
Addunyaa na dhiphisu

Natti roobsuu rakkoo
Yaa Giyoorgisii adaraa
Ati #Waraani_Diina_Koo
===|===
92.Takliyyee Koo
Ijji koo suma ilaala
Qulqulluu Biyya Koo
Ati Naaf Kadhadhu
Eegaa Takliyyee Koo
Ciniinsuun jalqabaa
Addunyaa hollachiise
Sammuus hadoochee
Yaaddoo itti facaasee
Dhiphuu hamaa kana
Itiyoophiyaarra dabrsi
Kadhannaa kan keetiin
Mee Ati nuuf fayyisi !!!!
Silaayyuu lallabni kee
Akkuma duriitti jiraa!
Araarsummaan keetiis
Rakkoo Keenya nu fura

Yohaannis isa lammaffaa
Mudhii kee kan hidhatte
Waadaa siif kennameen
Dhukkubsataa fayyiste!!
Sagaleen Ati nu lallabdu
Waq harkee dagachiisa!
Qabsuurri At qabsuurte
Daandii dhugaa barsiisa!
Barsiisaa Saboota maraa
Gooticha kan wangeelaa
Ati Nutti kan agarsiistee
Daandii karaa qajeelaa!!
Gadaamii kee keesaatti
Ibsaa kan kee nu ibsite
Takliyyee Abbaa Koo
Nageenya nuuf labsite!
Har'as maaloo koottu
Suma eegachaati jirra
Itiyoophiyaa biyya keeti
Akka taatuuf Ati furaa!!!

Balballi nutti cufamee
Yaaddoon nu raasee
Akka dabalii galaanaa
Mana keenya sochaase
Obonboleessi hamaan
Nurratti ol bookkisee
Akka leencaatti Aada
Mara keenya yaaddesse
hin dandeenye takkaa
Humna kan keenyan
Nu faana ta’i takliyyee
Arjummaa kan keetiin
Adaraa kaa maaloo
Nurraa saaqi rakkoo
Hunda keenya ilaali
Takliyyee Abbaa Koo!
==|==
93.Habtiyyee Koo!
Wareegan Argamte Ati
Osoo hin argin rakkoo!
Waaqatu si nuu kenne
Toleessa Habtiyyee Koo!

Dhugaadha na amana
Dubbii namatiif miti !!!
Kabaje kan si uumee
Waaq nama hundaati
Ati Dhalachuun duratti
Gooftichati sin filate !!!
Ergamaa isaa erguunii
Waa'ee kee ni dubbate!
Dhalattees hin hafnem
Dhugaa baate waaqaaf
Galatoos ni galchite Ati
Ulfina Waaqa kan keef
Lafa Waadaa kan kee
Dhaabbadheen Arge!
Bishaan maqaa keetii
Humna diinota luuge!
Kakuun qabdu jabaa
Himamee hin dhumu
Guraaf agartu naman
Tasuma hin tilmamu!

Dhibee inni hamaan
Waadaa keen bada !
Diinoonni of tuulan
Mataan cabe gadda!
Bishaan maqaa kee
Gophaa ni fayyisaa!
Kan ija isaati jaame
Saaqun ni agarsiisa!
Biyyaan dachee kee
Humna cima qaba!
laphee kan hubatu
Hojiin kee Ajaa’iba!!!
Kanaafu ani ilmi kee
Sin faarsa Abbaa Koo
Sodaa tokko malees
jedha #Habtiyyee_koo!
==|==
94.Qoricha Addunyaa!
Yaa Mooticha Yihudaa
Gooftaa Koo Iyyesuus!
Suma Abbaan hundaa

Kaleessas ta’ee borus!!!
Siin Alatti hoomtu jiru
Nu Qorichi kan argame
Fayyina dhala namaati
Daawwan nu kenname
Si'in malee maaltu jiraa
Nuuf Abdiin bara dhuma
Mee Dhuguma Dhugaatti
Waaqni nam hundumaa!
Argineerram Hundumaa
Nuti Ijoolleen Ortodoksii
Waaqni keenya si'umam
Fuuldurattis ta’ee kaleesii
Sin amanachuu dadhabe
Addunyaan wal dhiphisa
Morma funcaan hidhee
Qobbootti wal fannisa!!!!
Ajaa’iba yaa Gooftaa koo
Ka yeroo Ammaa kanaa!

Hunduu si'iin dagateera
Dhugaan rabsaa fayyina
Hundumtuu ni raafama
Hobonboleessa hamaan
Akkamiin fayyee argama
Yoo lapheen hin amanin
Nu Mallattoo Dhugaadha
Maqaa keetu Nageenya!!!
Suma eenyumman maraa
Yaa #Qoricha_Addunyaa!!
==|==
95.Amaanu'eel Waaqa Koo

Amaanu'eel Waaqa Koo
Maalumatu Isa caalaa??
Lafattis ta’e samiirratti
Maaltu saan madaalaa?
Durba durbummaadhan
Afuuraan Ulfoofte irraa!
Jaalala naman qabamee
Bu’eera innoo samiirraa!
Jabaadha hundumarraa

Gorsa Namoottan maraa
Nama rakkate ni kaasam
Isa Kufee ciisu karaarra
Maqaan isaa kan magga'e
Naman miti ergamadhani
Dhalachuun Amaanu'eel
Tasaa miti Raajiidhaani !!
Abbaadhaan Ergameetoo
Fedhii isaatiin nuuf dhufe
Sagalee isaa jabaa sanaan
Diinni hamaa nurraa kufe
Utubaa Mana Amantoota
Laphee saanii kan booji’e
Amaanuu'elitti ka amane
Samiitti mirga isaa taa'e!!
Maqaan isaa nageenyaa
Ijoolleewwan saa hunda
Dirree qabsoo irrattillee
Qabum moo'icha Addaa!
Kanafuu mana kan kooti

Amaanu'eel Waaqa Koo
Faarfachaatiin jiraadha
Anoo Bara jireenya Koo!!
==|==
96.Pheenxaqoonxe
Ayyaana pharaqlixoositti
Afuurri qulqulluu ni bu'e
Bifti labooba Abiddaattin
Duuka bu’oota irraa taa’e
Labooba Abiddaa arganii
Namoonni walitti yaa’anii
Wanta ta’e kana argudhan
Uummanni baay'ee na'anii
Bartoonni Gooftaa keenyaa
Yemmu sanarraa eegalanii
Afaan hedduus dubbatanii
A/Qulqulluutin guutamanii
Guyyuma gaafa sanaattiis
Aangummaas ni argatanii
Namoota kuma sadii caalu
Al takkumaattis cuuphanii

Mee yaa dhaloota ammaa
Ayyaana Pheenxaqoonxe
Mee dhuguma Jiraa laata
Namni haalan hubate fixe
Afaan heeddun eebbifame
Afuuraan akka dubbatame
Eenyutu hubate mee laata
Sammuu isaan xinxalame!
Osoo namni sirrin hubate
Maaf Afaan tokko jedhaa?
guddisuunii tokko ol qabe
Kan Ergamaa jechu fedha!
Osoo Pheenxaqoonxe sana
Namni qalbiidhan xinxaale
Afaan tokkicha jechuudhan
Maaf hamaan wal haleelee
Kanafuu mee yaa Namootaa
Mee Afaan wal hin caalchisin
Inni eebbaa Afuura qulqulluti
Arrabaan mee of hin Abaarin

Eegaa nuun cuqqurissitaniis
Hammenyaan Afaan Keenya
Kan boodde Eebbaa Gooftan
Sechi ni naanna’a Addunya!!!
==|==
97.Sooma Duuka Bu’ootaa

Eegaa yaa obboloottan koo
Mee Dhugaa haa hubannu
Garaa keenyaaf jennaatoo
Maaf daba kan dubbannu?
Duuka Bu'oonni Gooftaa
Afuura qulqulluu argannan
Barsiisuu isaaniin duratti
Ciman soomaaf kadhannan
Soomni humna raawwatti
Fuula Waaqayyoo Duratti
Utubaa jabaa kan cubbuu
Burkuteessiti Dhugumatti
Fedhii Qaamoota keenyaa
Kadhannaan moo’achuuf
Wanta nuun barbaachisu
Gooftaa irraa argachuuf!!!

Mana'ee hafuurota hamaa
Hundeedhan isa buqqisuuf
Gaabbiidhan Laphee guuta
Lubbuu Nama haaromsuuf
Kaanaf haa soomnu hunduu
Tokkummaadhan namoota!
Mudhio keenya hidhannee
#Sooma_Duuka_Bu’ootaa!!!!
===|===
98.Gebremenfesqiddus
Simi'oonii fi Aqleesiyaan
Kadhannaan si argatanii
Ka Waaqa gammachisu
Waaqan badhaafamanii
Ilmi eebbifamaa taatee
Maqaan kee gaarii ta'e
Waaqni ergamaa erge
Maqaan kees moggaa'e
Biyya kee Gibxii kaa'un
Itiyoophiyaa kan galte!
Amantaa barsiisuudha
Jabaattee Dhaabbatte!

Tajajilaa hedduu cimaa
Garba Afuura qulqulluu
Jabina Amantaa keetii
Hundumtuu ni ilaalu!!!!
Ati Ibsaa gadaamootaa
Urjii kabajaa kan taate
Qulqullummaa keetiin
Amantaaf Dhaabbatte!
Abboo dhaan siin beeku
Uummanni oromootaa
Dhugana jabaadha Ati
Tajaajila waaq gooftaa
Biyyatti itoophiyaadha
Baayyee kan kadhatte!!
Kadhannaan jabatatee
Goota Amantaa taate!!!
Dhaloota kee eegaltee
Mannaa samii nyaatte
Ergamaan Waaqayyoo
Fiduudhaan siif laate!

Hiriyoonni kan kee
Leencotaa fi qeeransa
Araarsummaan kee
Kan amanu ni fayyisa
Har'as maaloo koottu
Gebre-menfes-qiddus
Kadha keen nu araarsi
Gara gooftaa iyyesuus!
==|==
99.Ilaaltee Ati Arseemaa?

Mee yaa dubroota ammaa
Waan tokkon si gaaffadha
Gaaffii koo siif dhiyeessuu
Deebii sirraa nan argadhaa?
Sila qulqulleettin Arseemaa
Baay'eeshee bareeddu turte!
Garuu Amantaa isheef jettee
Miidhagina gonka tuffatte!!!!
Hunduma bira darbuudhan
Mootiidhan filatamtu taate
Mee Garuu tasumaayyu

Bareedina yoom jilbinfatte
Sababa jajjabina isheetiif
Duuka bu’ootas horatte!
Gooftaa sirriitti jaallatte
Dhugaaf ni wareegamte?
Yaa shamarraan ammaa
#Ilaaltee_Ati_Arseemaa?
Karaa sheerra deemuuf
Hidhattee akka kudhumaa?
Kanaaf waan si gorfadha
Qalbiin na dhaggeeffadhu
Akka nyaataafi dhugaatii
Dhagna keetitti fudhadhu!
Fedhii fooniidhaaf jettee
Seera Amantaa hin cabsin
Garaa kee guutuuf jettee
Daandii Duraa in gurgurin!
Simboo keetiis tuffadhutoo
Waaqayyoo kee duuka bu'i
Jabaadhu dhaabbadhuutoo

Dhaaltu mana waaqa ta'i !!!
===|===
100.Dargaggummaa
Dargaggummaa keenya
Waaqayyoof abboomna!
Seera isaatiin ajajamun
Kan Gooftaa qofa taana!
Gubaa Addunyaa kanan
Abiddatti kan seennu!!!
Maalumaafi dargaggoo
Kan Abiddatti of gannu!
Seera wangeelaa dhiisne
Sagaagalummaa jaalanne
Sirbaa fi machiin kufnee
Maaf ka daabiloos taane?
Dhugaatiidhan machoofne
Namummaa keenya ganne
Amantaa ofiu arrabsiisnaa
Akka nama Seera in qabne!
Akka Allaachaa samiirraa
Qalbiin gara durbaa taana!

Obonboleettin rukkutamne
Doonii caalaa raafamanna!
Maaf fakkeenya godhanne
Dargaggoota nuyi dursanii
Amantaa isaaniif jedhanii
Kan fooniin wareegamanii
Wareegamicha giyoorgis
Dargaggeessa biyya lidiyaa
Maalumaf fakkachuudhan
Hin taane nama fayyaa!!!!
Qulqulleetti Arseemaa faa
Kan miidhagina tuffatte!!!
Ilaaltetoo hubatteera mee
Akka ishin itti wareegamte
Eegaa yaa dhaloota amma
Addunyaarra kan jiraannu
Abboottan kaleessa darban
Fakkeenya haa godhannu!!
Mootummaa Waaqayyoof
Of keenya haa qopheessinu

#Dargaggummaa keenyaas
Waaqayyoof haa binnu!!!!!
==|==
101.Mikaa'eel Ergamaa
+++++101+++++
Hangafaa ergamootaa
Yaa Mikaa'eel ergamaa
maqaa kee dhoofnaan
Diinni keenya raafama!!
Suuraa kee agarraan
Diinni dafee dadhaba
Maqaan kee guddaa
Humna jabaa qaba!!!
Afoomiyaan jabaatte
Suuraa kee qabatte!!!
Maqaa keen diinoota
Salphistee injifatte!!!
Meeshaan qorannoo
Godhatte fakkii kee
Waan isheen yaadde
Raawwateef humni kee!

Har'as si waammanna
Akkuma Afoomiyaa!!!
Koochoo keen nu golgi
Mee akkuma wayyaa!!!
Gaaddisni Koochoo koo
Hoo'adha baayyee gaarii
Ariifiin balali'i koottuu
Hunda keenya gargaari !
Wareega qulqulloota
Fuula Waaqa geessita
Halkaniif guyyaa tti Ati
Nama cinaa Dhaabbatta!
Kanaaf koottu Mikaa'eel
Maqaa kee waammanna!
Utubaa mana kee jalattis
Nut Dhaqne itti baqanna!
==|==
102.Arjummaan WaaqAbbaa
++++102+++++
Arjummaan WaaqAbbaa
Haa boba’u hunda faana!
Waaqa jaalalaati innoo

Martinuu isuma Abdanna
Arjummaan isaa olaanaa
Kan hin qabnem daangaa
Ergamoota isaa nu ergee
Ilmaan namootaa eega!!!
Ilma isaa tokkicha sanaa
Kan haadha malee dhale
Darbarsee nuyiif laateem
Marartee tokko malee....
Kanaaf waaqeffana nuti
Waaqayyoo Abbaa jennee!
Galateeffannaa inni qabuuf
Gad kufnee isaaf jilbifanne!
Waaqayyo sooreessa inni
Kan qabudha hundumaa!
Gaarummaan WaaqAbbaa
Jiraata hamma dhumaa!!!
Kanaaf jajanna ijoolleensaa
Waaqummaasaa dubbannee!
Gochaa inni namaaf oolees

Addunyaa guutuuf labsinee!
==|==
103.Wangeela qooqa sadi’i

+++++103++++
Wangeelli qooqa sadi’i
Fannoo gubbaarra ture
Barumsi achirraatiis
Namoota baay’ee fure
Iyyesuus naaziriticha
Mootii yihuudootaa!
Jedhee barreefamee
Taa’e fuula namoota!
Barsiisoonni seera
Warri of tuulanii
Baay’ee muufatanii
Jechicha dubbisanii
Dhugaa haaludhaaf
Baay’ee dhama’aniis
Kan caafe caafera
Jedhe philaaxosiis
Wangeela qooqa sadi’i

Jedhame kan caafame
Afaan ibraayiksiif giriikii
Akkasuma roomaan ka’ame
Cal jedheetoo miti innoo
Kan barreeffame ture
Namnis dubbisee toon
Dhugaa achirraa bare!!!!
Phaawuloosis lallaba isaan
Dhuguma kan kaa’e
Qooqni heddu dubbatamu
Ergaan isaatiin barra’e
Kanaaf tokko hin jennu
Afaan galataaf kadhataa
Afaan hundaan taasifama
Kadhanni ilmaan namootaa
Wangeelli qooqa sadi’i
Akkasumaan hin barroofne
Inni osoo caafamu baate
Namni dhugaa hin hubanne
Har’as kanaafim bar

Afaan hundaan tajaajilan
Tasuma kaane miti
Hundumtuu walqixaan!!!!
Ragaan keenya wangeela
Abbaa jecha guddaa
Lakkii yoo jettan immoo
Wangeelli nuuf ni aada!
Hundinuu haa dhaga’u
Afaan inni danda’uun…
Wangeelli hin daanga’u
Qabameetoo danqaraan…
Afaan sabni beekuun
Addunyaarra naanna’a
Kan amanu hundaaf
Mallattoo nagaa ta’a!!!
Kan hubatetu beeka
Abaaramaan garuu
Hammeenya akeeka!!!
Sechi hin dangeffamu

Wangeelli qooqan…..
Addunyaadhaf ni ga’a
Akka qilxuu dagaagun!
Kiristoositti amanan malee
Jireenyi takkaa hin jiru…
Wangeela beekan malees
Akkamiin kiristoos baru???
Kanaaf jenne nutoo……..
Wangeelli kan hundaa
Bifaaf qabeenya ilaale
Saba hin hiru adda adda!
Qooqa takkitii qofa
Namoonni ol kaastanii
Fakkeenya hin godhatanii?
Eegaa waliin jabaanne
Tabba haa baanu!!!!
Qooqa hundaan lallabne
Kan kiristoos haa taanu(2)
==|==

104.Ililchaa
Waaqayyoon gaariidha'oo
Arjummansaa baraanii'oo
Kanaaf galata isaa galcha
Ulfinaaf Kabajaan ililchaa
==|==
105.Dargaggummaa.. Lall 12:1

+++++105+++++
Dargaggummaa keetiin
Waaqayyoon yaadadhu
Hojii fi raawwii cubbuu
Hunduma isaa dagadhu!
Barri hammeenya ta’ee
Osoo dafee sitti dhufin
Waggoonni tolaa jettu
Osoo sitti in dhihaatiin
Bara dargaggummaatti
Uumaa kee yaadadhu
Seera isaa eeguudhaan
Cimii mee dhaabadhuu
Guyyaan dukkanaa’ee
Humni namaatis gu'a

Heyyama waaqan ala
Bishaan dhagaa ta'a!
Humni qabna jennu
Dullumaan hurraa'a
Dargagummaan hafe
Irreeniis burkutaa’a!!
Akka hundee talbaa
Namni baqee dhuma
Eegaa hin Abdatiinii
Mee Dargaggummaa
Dargaggummaa keen
Raawwadhu wa gaarii
Isa Rakkinni dhiphisi
Cinaasaa ta'un furi !!!
Yeroo humna qabdu
Beela'af nyaata kenni
Hafte soorrataa miti
Laadhu soora foonii
Kanfaltiin ati argattu
Gooftaa irraa ni ta’a

Gaarummaan keetiis
Lubbuu keetiif ni ga'a
Gaaffii Gooftaa keetiif
Deebii qubsaa laatta!!!
Eebbaan guuttamtee
Mirga isaas jiraatta!!!!!
==|==
106.Kuffisi Fara'oon
+++++106+++++
Saba isaraa'eelitti
Inni heddu ulfaate
Gaaf guyyaa keeti
Lafatti mucucaate
Fara'oon hammate
Yoo dhiiga lolaase
Ilmaan Gooftaatis
Abiddas boossise!
Ilmaan dhalatees
Jiraatti awwaalee
Humni kan isaatiis
Yoom kee caale???

Imimmaan ijoollee
Balbala kee xuqee
Fuula keetti dhufe
Inni saboota jeeqe!
Dhagichi hamaanis
Lafatti gad kufee!
Dhiphuun isiraa’el
Bilisummaan hafe!
Dubbiin kee waaq
Galaana adda hira
Waraanaa hamaa
Bakkeetti ciccira!
Har'as mee koottu
#Faraoon_kufisi !!
Jeche kee guddaan
Irree nu Jabeessi !
Hammaata keenya
Nurraa gad kuffisi
Akka nagaa taanu
Achirraa gad buusi

Akka saba israa’el
Nutis si abdanna!
Gargaarsa keetiis
Nuti ni eegganna!
Fara'oon hamaan
Nutti ol ka'eera!!!
Ati nurraa kuffisi
Sitti of laannerra!
==|==
107.Qeerroo lidiyaa
+++++107+++++
Yaa Qeerroo lidiyaa
Gooticha Amantaa!!!
Koottu ati Giyoorgis
Martuu si waammata
Har'as baay'eetu jira
Qeerroon akka keeti
Mee si haa fakkatanii
Amantaa barsiisi Ati
Nuti Jabaa dhabnem
Kan Amantaaf du'u!
Dhugaadhaf jedhee

Rakkoo kan danda’u!
Manni Amantootaa
Yeroo abiddan gubatu
Dhabameera ammaa
Kan isheef dubbatu!!!!!
Eegaa yaa Giyoorgis
Gulfisiisaa fardaa......
Kadhannaa kan keen
Nu kenni jabina adda!
Akkuma wareegamte
Rakkoo mara fudhatte
Duuka bu’oota keetiis
Akkuma ati barsiifatte!
Nuunis bakka geenyu
Amantaa keenya du'u
Akka nuti argannuuf
Kan galaa lubbuu ta’u
Yoo sana hin taane
Dubaatti kan baqannu
Mootummaa waaqaa

Tasumaa hin argannu!
Kaanf yaa Giyoorgis
Jabina nuyiif laadhu!
Waaqa keenyarraa!!!
Ati nuuf kadhadhu!!!
Amantaa kan keenya
Yeroo sana eeganna!
Mootummaa samiitti
Iddoo addaa arganna!
==|==
108.Maaliif kan nuti qalamnu???
Callisee irra darbuudha
Garaan naaf hin callisuu
Handhura sammuu koo
Abiddaan na bobeessu!
Mee akkamiin callisuree
Dubbiin na guggubaa
Akka ramaxii abiddaa
Suutuma na qaqqaba!
Maaliif kan nuti qalamnu
Balleessa maaluma qabna

Moo yogguu nuun ilaalaa
Hoolaa gaarii itti fakkaanna?
Mee natti himaa adaraa
Yaa warra garaan albee
Obsuu dhadhabeeraa ani
Hojiin keessan natti cabe
Maalumaaf qalamnaree
Maalumaaf ajjeefamana
Obsuu baranneef malee
Nutis humna ni qabna!
Yoo nuti callisnu
Dadhabaa nu seetanii???
Haaloo hin baanuf malee
Qabna hanga keessanii...
Wangeelli nuti hime
Akka haaloo hin baane
Nutis hunda obsinee
Waaqa keenya abdanne
Gaafa Gooftaan ka'e
Abdidaan ni gubattu...
Gubaa garaa keenyaa
Gaaf sana hubattu....

Seefii kan baatanii
Seefumaan ni dhumu
Harka Waaqayyootin
Dhumatti ni adabamu
Waaqa moo seexana
Ajjeessaa kan jedhu...
Amantii moo ganumsa
Dhiiga dhuguu kan fedhu
Mee maaloo hubadhaa
Hojii keessan kana....
Daandii dhugaatti
Deebi'a amana....
Yaa warra qaltoota
Ilmoo Hoolaa nu seetanii
Morma fannoo baatuu
Kan seefiidhan murtanii
Nuti nama bar mee
Fakkeenya waaqa qabna
Akkuma keessanittis
Namummaan jiraanna
Akka muraa raafuu
Albeedhan kan murtanii

Akka sogidda daldala
Kan bishaanii baqsitanii
Akka mukaa xaawulaa
Seefiin kan dhoostanii
Akka marga haamamuu
Hundeetti kan cirtanii
Namaadha maaloo
Kan isin morma kutanii
Mana Amantaa gubdanis
Amantoota hari'achuun
Nuti yoomu hin dhumnu
Ni jiraanna baayyachuun
Yoo nyaatamnes nuti
Yeeyyoota hedduudhan
Baay'annee mul’annaa
Lafaaf samii guutuudhan
Ammas itti fufna malee
Nuti hin kunnu fannoo
Akkamiin kunnee gannaa?
Mallattoo dhaadhannoo....
Guyyaa jimaata nu kenname
Dhiiga dhugaan chaappaa'e
Faajjii moo'icha keenyati

Hundarraa kan qulqullaa'e
Eegaa Baddu baddi malee
Gonka Saree ija hin dhiqanii
Lafarra badanii dhumadha
Malee ortoo hin gadhiisanii
Yaa Ijoollee ortodoksii koo
Kan obsaan dhagaa affeellu
Nuti yoomu dhugaa ganne
Soba ormaa hin kajeelluu....
Yoo lafa irraa dhumnees
Samii gubbaatti baayyeedha
Cirrachaf urjoota caala
Baayyinnee mul'achuudha...
Nuti hin raafamnu tasuma
Albeef mancaa sodaa...
Qabna ol samiirraa
Abdii hundarra guddaa....
Eegaa yaa Waaqayyoo
Maaloo nuyiif dubadhu
Saboota kee hundaaf

Sagalee keen falmadhu...
Nutoo hooma hin qabnu
Seera nuyiif dhaabbatu....
Dhugaa ifatti ilaalee
Nuyiif kan dubbatu...
Imimmaan Abbooliif harmoolii
Akka burqaa gad yaa'a...
Akkuma imimmaan raaheel
Dhoqeetti gad lola'a....
Balbala kee haa rukkutu
Imimmaan ijoollee kee
Maaloo nuuf haa dhufu
Kan nu cimsu Irreen kee
Nuti Osuma qalamnu
Tawaahidoo hin dhiisnu
Doorsisoo sodaaf jechaa
Si waamuu hin dagannuu...
Dubbadhu Waaqayyoo
Ati humna qabeessa
Eelshaadiiyadha gooftaa

Atoo hunduma dandeessa
Dhiigni ijoollee keetii
Dacheerra lola'e yaa'a
Martuu qalachuudha
Albeedhan itti bobba’a...
Osoo ati nuuf dutee jirtu
Maaliif kan nuti qalamnu
Osoo nu Reebamte jirtu
Maaliif kan adabamnu...
Maaliree yaa gooftaa keenya
Nutoo si waammachaa jirra
Humni gargaarsa keenya
Harka keetuma irraa.....
Maaloo nuuf dubbadhu
Murteessaa si malee qabnu
Qaraaniyootti nu qalamteera
Maaliif ree kan nuti qalamnu
Imimmaan keenya martuu
Deebii sirraa haa argatu ....
mootummaa kee keessatti

Akka hunda keenya yaadattu
==|==
109. Buheef Aadaa oroo

Mee Buheef Aadaa oroo
Eenyutu ilaalee beekaa?
Moo yaaduma lafattii...
Dubbii robsa akka bokka!
Waa'ee dubbii taaboor
Dursa xiqqoon kaasa!
Itti fufee immoo eegaa
Sirna aadaan odeessa!
Gooftaa keenya iyyesuus
Tulluu taaboor irra ba'e!
Wantoonni hedduunsaa
Achi gubbaarrattis ta'e!
Pheexiroos fi Yaa'qoob
Akkasumallee Yoohannis
Warreen hin turre keessa
Eegaa Musee fi Eeliyaas
Ilaala Tulluu taaboorii
Iddoo icciitii guddaa....
Achi jiraanna jedhame

Mallattoo saba hundaa!
Har'as mana kiristaana
Ni jirti fakkeenyi dhugaa
Bu'uurri ishees jabaa
Waàqa Abbaa nagaa!
Achi gubbaatti mul'ate
Ifni waaqummaa isaa!
Eega Dhagahameera
Sagaleen balaqeessaa!
Naasuun bartootasaa
Baay'ee isaa cimullee
Gammachuun addaa
Ta’eera akka malee!
Samii dhaga’ameeti
Dumeessa keessaa
Kanan jaaladhuufi
Kabaju Ilmi koo Isaa
Iyyesuus Gooftaanis
biiftuurra heddu ifaa
Waaqummaasaa ibse
Uumaan samii fi lafaa

Sadummaa tokkummaa
gonka Waaqummaasaa
Dhugaadhanis abbaa
Uumaa hundaa ta’uusaa
jiraatotaas ta'e du’oota
Akka Eliyaasii fi Muusee.
Waamee nuyiin argisiise
marayyuu walgeessisee
Ayyaanessu oromootti
Yoogguun itti deebi'u..
Waan baay'een yaada
Wantoota irratti ta'u
Eegaa yeroo daa’ima
Waa jenna tureeyyu
Manni nuti ijaarruu
Baay'ee addaayyu!
Goojjicha marsinee
Akkas jecha buraqna!
Akkuma pheexiros faa
Gammachuun guutamna!
Yaa ukee barakaanii

miilli dagaanii
lukkuutuu ragadaa
Ukee barreengaddaa
Ukee bara kanaa
taaboree taphannaa
Ukee bara qufaa
handaaqqootu dhuufa
Jennee burqanaa
Ciriidhan wal reebaa
Taphinni yeroo sanas
Har'a naaf hiikka qaba!
Qaccee yoo dhukaasnu
Fakkeenya balqeessaa..
Kan duuka bu'oota ibsa
Gammachuun nu keessa!
Bixxillee guuraannee
akka waatii burruqaa
Lakkaa osoo hinbeekin
lallabna edaa haqaa
Yoosuma diiguun keenya
battaluma ijaarree

Pheexiroos dubbiinmalee
hojjatee hin turree
Garuu iccitii Sillaasee
ifatti ragaa bahe
Afuura Qulqulluun
sadummaa maqaa dhahe
Ijoollummaan keenya
duuka bu'oota fakkeenya
Dhugaa dubbatame
Gochaan hiikkuu keenya
Egaa baga geessanii
ayyaana taaboree....
Dhugaa kana har’aa
eenyutu hubataree?
Oromoo fi ortoon koo
wal hin beekuree????
Nu ijoolleen Ortoo-Oroo
Tasa hin dogoggorree!
==|==
110.Dhugaadha ol-baatetti
Faanaan ibsaa Dhugaa
Haati waaqa keenyaa!!!

Deessee kan nu laatte
Fayyisicha Addunyaa!!!
Uffata warqee uffattee
Mirga waaqa dhaabbatti
Raajiis Raajee dubbatte
Abbaan keenya Daawwiti
Dhugaadha ol-baatetti
Haati Gooftaa iyyesuus
Akkuma ilma isheetti
Marfamtee ergamootanis
Yemmuu ishaan olbaatu
Namni kamuu bira turre
Toomaas itti dhufnaniis
Cal jedhee bira hin tarre!
Eessa akkasheen deemtu
Itti gorudhaan iyyaafate
Du'a ka'u ishees bareetoo
Kafanashee irraa fudhate!
Mallattoos irraa fudhatee
Bartootaa inni lallabeera!

Gammachuun guddaa kun
Haala ajaa’ibaan ta'eera!!!
Kanaaf eegaa har'as kaa
Ijoolleewwan tawaahidoo
Ka'u isheetiin qabna nuti
Gammachuu ishee guddoo!
Ulfinaan teessetti isheenoo
Mirga iyyesuus Gooftaa!!!!!
Gammachuun faarfannaam
Ijoolleen waaqa waaqotaa!!!
Warri Dhugaa haalani
Kan wangeela hin beekne
Arrabni isaaniis Albee
Gaarii kan hin dubbanne
Akka henook fi Eeliyaas
Yoo samiitti ol bahanii
Kan haadha Waaqayyoo
Akkamiin mormitanii???
Qulqullootaaf kan ta'e
Akkamiin isheef hin taane

Qulqulleettin qulqulloota
Maaliif kan ol hin baane?
Kanaaf hubadhaa mee
Dhugaa wangeela irraa
Haati Gooftaa iyyesuus
Kan jirtu isheen samiirra!
==|==
111.Aad-Amantii
+++++111+++++
Aadaa baay'een isaa
Amantii keessa dhufa
Amala tolaa qabatees
Achumaan itti fufa !!!
Sirni waaqeeffannaa
Akka uumama hundaa
Hamma humna isaa......
Ni galcha galata addaa!
Aadaan babbareedoo
Kan akka urjiitti ifu...
Achi keessaa ba'ee
Miidhaguun itti fufu..

Aadaa hawwata ta'een
Kan Adiif gurraachaa
Haala isaan bareedee
Waaqayyoof ililcha!!!!
Mee fakkeenya tokko
Fudheen dubbadha!
Yaa ilmaan namootaa
Mee Ilaala hubadhaa!
Sirni uffanna keenya
Kan uummata oromoo
Inni Aadaa bareedadha
Hunduma irraa immoo
Ortodoksii waloomaa
Adii uffachuu barsiisti
Aadaan wal hin xuqne
Jabeessee wal utubatti...
Kiristoos uffata isaan
Galiilaa ta'u beekama
Dubartiin samariyaatiis
Wangeelli nutti hima!

Kanaaf uffanni keenya
Oromummaa ni ibsa....
Sirna uffannaa amantiis
Cimsee wal wal jabeessa
Eegaa Kana booddee
Uffannaan wal hin lollu
Faayummaa keenyanii
Kan hundumtuu tollu...
==•==
112.Rufaa'eel
Hangafoota keessaa
Rufaa'eel isa tokkoo
Namarraas ni qola
Gidiraa fi rakkoo....
Maqaa isaa waamee
Mee eenyutu salfate
Bishaan Rufaa'eelin
Diinni heddu dhiphate
Keennaa ofi argaten
Hunda ni raawwata
Warreen dhibamani
Fayyina ni laata.........

Kennaansaa ajaa’iba
Mee akkamiin ibsuu?
Natti baay'atu illee
Danda’ee hin callisu!
Gadaameessa hiikuf
Aboo guddaa qaba!
Waraana Daabiloos
Gogogsee ni dhaaba!
Kan Asmaandiyoos
Jedhame seexanicha
Qaanii hammaataa
Itti uwwisee dachaa!
Xoobiyaa gargaaruuf
Azaariyaas ofin jedhe
Mucaa wajjiin bu'ees
Waanta gaarii godhe
Xoobit yoo yaadda'es
Waa'ee mucaa isaatif
Isuma faana bobba’ee
Humna Ta'ee cimseef

Qomoo manaabirtiif
Dursa ta'e mudame!
Akka nuunis eeguuf
Dura keenya ergame!
Kanaaf abdanna nut
Ergamoota Gooftaa!!
Riqicharra nu ceesisu
Qilee warra jallootaa!
Bishaan maqaa isaas
Diina mataan raasa!
Warreen dhibaman
Innoo ni fayyisaa!!!!!
Rooba guyyaa isaatti
Roobuu kan amanu
Dhibee hamaa irraa
Nutis kan fayyinu!!!
Kanaaf eegaa mee ka
Yaa warra hin amanne!
Sababa abaarramuutiin
Isin'oo tasa hin fayyine!

Daandiitti yoo deebitan
Gufuu sin hin argatu!!!
Ergamaan Waaqayyoo
Isin dura buufatu!!!!!!
Eegaa mee haa amannuu
Dhugaarra dhabbannee!
Wangeela amanuudhan
Lapheedhan taanee!!!!!!
==|==
113.Baricha haa bitnu!

Barri baraan dhufee
Waggaan jijjirrama!
Haalli wal geeddaree
Iddoos ni buufama!
Lakkoofsi barootaa
Yeroonis jijjirrama!
Waggoota haaraanis
Maqaan moggaafama
Maatiyoos fi Luqaas
Marqoos Yohaannis
Waggoonni hunduu

darba jedhamuunis
Baraa haaraa irraatti
Martuu mimiidhagee
Haalluu gaarii uffate
Bareeda sirna eegee!
Inni dulloome ture
Muuxxate jajjabaata
Daraaraa nannaqate
Hawwatees mul'ata!
Barris wanta gaariin
Waaqan ni gonfama
Cooma barruu isaan
Hunda irra cobsama!
Ilillee birraa kanattis
Cufti isaayyu of jijjiira
Mimmidhagee mul'ata
Daraarawwan birraa!
Lagni booruu turee
Taliila ta’e argamaa!
Lubbuu qabeeyyiniis

Kennaasaan faayama!
Sinbirroon muka irraa
Qooqa isaan galata laata
Lafa jiru hunduma irra
Sagalee olkaase dubbata!
Nutis eegaa nammoonni
Uummama keessaa tokko
Gammachuu kan keenyas
Hin arguum tasaa rakkoo!
Booqa birraa jechuudhan
Martuu Waaqasaa faarsa
Akka kennaaf ayyaanasaa
Weedduu isaa weeddisaa!
Kanaaf #Baricha_haa_bitnu
Akka jecha kitaaba irraa!!!!
Nutis kanaan adda taana...
Uummamtoota hundarraa!!!
Uumama hundaa isaanitti
Fayyadamuuf aboo qabna!
Keennaa waaqa keenyaa

Maalumaaf nuti daganna?
Akkumaa biqiloota birraa
Moofaa keenya lafa goona!
Seenaa dhiiga Gooftaa qabu
Daddabalee ofitti uffannna!
Kan baroota kaleessaa
Dhiifama waaqan jenna!
Dura isaa dhaabbannee
Maqaasaa waaqeffanna!
Barri qofti maaf jijiirama
Nutis jijjiirramuu qabna!
Akkuma Abboota keenya
Qalbii keenyas jijjirranna!
Dhiiga fi foon gooftichaa
Fudhachuudha adeemna!
Galma keenya dhabnee
Maalumaaf janjoofnaa???
Bara haarawa kanatti
Seenaa haaraa haa ta’u
Addunyaa keessattis

Jonja'uun haa ga'u!!!!
Waaqummaa kiristoos
Addunyaadhaaf labsaa
Araarsummaa durboo
Hundumaa barsiisaa!
Waa'ee ergamoota waaqa
Wangeela irraa himna!!!
Qulqulloota Waaqayyoo
Qabsuura isaanii labsina!
Kanaaf teellaa hin deemnu
Gara fuula duraa malee
Kooluu itta galuudhan..
Waaqaf taaneera ijoollee
===|===
114.Wargeemtu Arseemaa
#Wareegamtuu_Arseemaa
Wangeelaaf kan of laatte!!!
Addunyaatti guutuudhaa
Fakkeenya taate mul'atte!
Abbaaf haadha keerraa

Wareegan kan argamte
Badhaasa guddaa taatee
Dhaloota gaariif kennamte
Kakuu moofaa fi haaraa
Jabeessitee kan hubatte!
Dhugumatti simboon kee
Kiristoos ta'u dubbattee!
Mooticha hamaa sanas
Dirxaadis kan jedhamu
Doorsisa hoomaa isaas
Hin sodaanne at kamuu
Miidhagina kee guddaa
Kan mooticha hawwate
Ati garuu dhugumatti
Simboo kee tuffatte.......
Qabeenya biyya lafaa
Akka fixeensa badusaa
Jabeessiteetta garee kee
Wangeelaas Barsiisaa.....
Mee na ajaa’ibe ana'ooo

Jabinni Amantii kan kee
Dubbadhe fixuun dadhabe
Hedduudha qabsuurri kee!
Raawwattee nutti mul'iste
Qabsuurri kee ol-aanaadha
Dhaloonni si waammatus
Innoo kan eebbifameedha...
Nutis kanaaf buune eegaa
Teellaa keetirra hiriirree
Diinicha hamaa nu qorus
Maqaa keen ofirraa cirree....
Duubaatti hin deebibinu
Daandii ati qabatteerraa....
Mootummaa Waaqa galuuf
Kunoo fkn si godhanneerra!
===|====
115.Ibidda bara kanaa!
Yaa sooraa kakuu haaraa
Dhamsi ibidda bara kanaa
Gabri'eel maaloo nu oolchi
Rakkinaa fi dhiphina...........

Mootii gaariin'oo hin jiru
Kan Ibidda bobeessu malee
Ati maaloo nu dagatiin kaa
Si waamu barumaan illee....
Akka dargaggoota sadeen
Dargoon bara kanaatiis
Rakkinatti darbatamuum
Akkasuma illee Abiddattis
Haati ilmoo ishee wajjiinin
Bishaan danfaa lixaa jirti....
Deessuun mucaashee qabatte
Akka baastuuf si waamti......
Abiddi baroota kaleessaa
Har'as jira bifasaa jijjiiree
Maaloo dafii nuuf koottu
Nuti mee akka goona ree?
Misiraachoo kee baatadhu
Koochoo kee diriirsaa koottu
Diinni bara kana inni gubaa
Akka dafee nurraa rifatu......

Nabukadanatsoor har'atiis
Seefii keetiin nurraa rifaasisi
Ijoollee waaqayyoo eeguun
Diina hamaa nurraa hambisi....
Ibidda bara kanaa cimeera
Misiraachoo kee nu soori...
Eegumsa kee nu marsii
Addunyaarra nu baraari....
==|==
116.Itiyoophiyaa
Dhugaa dubbadha malee
Dhimma biraa hin qabu
Kaayyoon kootiis okkolee
Jecha namaatiin hin cabu!
Itiyoophiyaadha biyyi koo
Biyya Wangeelli beeku!!!!
Sobee dubbiirra dibee.....
Waan jal'inaa hin akeeku!
Itiyoophiyaa Qulqulluu
Kan dhabde laaqa siyaasaa
Anoo sirriittin barbaada

Dungoodhaaniis ta'u ibsaa!!!
Sababan qabaaf malee
Fakkeessuuf jedhee miti
Mee dubbisaa adaraa.....
Obboleessa atis obboleetti
Yoo taate tawaahidoo
Mee ilaali itiyoophiyaa!
Kan qabdu kakuu addaa
Nuyiif isheenoo biyya!!!!
Kan Muuseen fudhate
Tulluu siinarra Dhaabbatee
Itiyoophiyaadha yaa jarana
Badhaasaan kan argatte......
Addunyaa guutuu keessaa
Itiyoophiyaa takkaadha
Kan akka ishee hin jiru
Mee ilaalaa hubadhaa!!!!!!!!!
Alaabaan ishee dhugaa
Fannoo Iyyesuus Gooftaati
Gisheen deemuun ilaalaa

Kan gara harka mirgaati....
Dubbii hulluuqaa dhiisaa
Gumgummii garaa keessaa
Itiyoophiyaanoo takkaa
Addunyaadha mee ibsaa!!!
Ani itiyoophiyaa dhabnaan
Taabota Tsihooniin dhaba!
Kanaafu dhabu hin qabu
Qalbii kootu na jalaa caccaba!
Kan siyaasa Lallaaqaa
Addaan diiguu barbaadu
Lapheen isaa tasuma illee
Cabee hin gadduu???????
Seenaa waggoota dheeraa
Kan kuma sadii olii.........
Bishaan eebbifamoonillee
Baay'eetu jiraam tsaballi....
Waan hedduutu ji-jiraam
Kan lakkoofsi hin fixne!
Balleessudhaa yaadan illee

Kan gonkumaa hin badne!
Itiyoophiyaa (2) jedha
Sodaa tokko malee
Arrabsoof dhaadhannoof
Iddoo hin qabu ijoollee!!!!
Dubbii siyaasaaf jedheetoo
Ani dhugaa hin awwaalu
Garaa gabbisuuf jedhees
Unkaaffamee hin bubbulu!
Kan Abbootota kootii
Warreen darban kaleessa
Anis olkaa'een qabaam
Garaa koo keessa!!!!!!!!!!!!
Kitaaba qulqulluu dha
Ragaan koo guddaan
Callisee gonka hin rafu
Na ukkasee sodaan!!!!!
Itiyoophiyaan jedha ammas
Sodaa tokko malee.......
Dhugaa jirtu baasuuf

Walaloo koon haleelee!.......
====|===
117.Akka mataa sigaaraa

Yoon dhaabbadhe ilaalu
Namoota jabana kana!!!!
Dubbii guddaa dhufee
Na waraanaam cinaa!!!
Haala qilleensa ibsuuf
Fakkeenya barbaadee!!!!
Namni sigaaraa xuuxu
Ni ta'a jedheen yaade!
Ilaa mee hubadha kaa
Namn sigaaraa jaalatu
Lafa isheen jirtuudha
Kan inni dhaabbatu!
Qarshii isaas baasee
Dafee Sigaaraa bitata
Duubatti ibidfa qabsiise
Mataa ishee qabata......
Yoo wanta fedhu sana
Mataa qabate argatu!!!

Booddee irratti garuu
Dhiiteeti kan gatu........
Tasuma hin yaadatu
Oolmaa isheen oolte
Ibiddaan gubachuu irraa
Akka qubasaa baraarte!!!
Fayyadamee xummuree
Irra ijjete, darbatee deema
Kana yoon taa'e ilaaluu
Wanta tokkon tilmaama!!!!
Har'as bara keenya kana
Namni sitti fayyadamu!!!!
Saalfii tokko malee dha
Kan dhufee sitti muramu
Yeroo waa sirraa argatu
Afaan isaa damma dibata
Guyyaa ati dhabdu immoo
Eebboon sitti aggammata!
#Akka_mataa_Sigaaraatti
Furguuggate si darbata!!!

Hallayyaa qilee si buusee
Sirrattis hamaa dudubbata!
Sirraa nyaatee yoo dhugu
Damma Dibata Afaansaa!
Gaaf garaa guuttatu garuu
Arraba qarsaa as baasa!!!
uuff Maaloo yaa dhaloota
Bara Maalii keessa jirraa!
Namni heddu kan keessaa
Nama kan ta'e dhabneerra!
Keessi isaayyuy Albeedha
Albee Albee waraanu
Dandeenyee hin ibsinu
Kana jennees hin dubbannu!!!
Mataa sigaaraa ta'e mullata
Kan har'a gaarii hojjetu!
Har'a irraa fayyadamuus
Boru dhagaa kan darbatu!
Billaachi ofiyyuu hin qabduu
Dhagaatti uffisti kan jedhamu

Namni akkasiin oolma oolu
Gaafa rakkatu tasa yaadatamu
Akka mataa sigaaraa ta'e
Bakkeetti gad darbatuus
Gatiin isaa namarraa miti
Kan jiru harka Iyyesuusi!!!
Ilaa mee yaa obboloota
Warri waan gaarii hojjetan
Dachee irraa hin argattan
Bu'aa gaarummaa keessan
Cal jedha hojjedha isin
Gaarummaa keessaniin
Badhaasa ni argattu
Waaqayyo uumaadhan
Galaan keessan dhumaa
Samii gubbaarra jira!!!!
Eegaa Yoo Gatamtaniis
Akkuma mataa sigaaraa
===|===
118.Daandii
Daandii milkaa’ina koof

Utubicha koo isa gaarii
Narraa Adda hin ba'ini
Waaqa koo na gargaari
Mucucaaf sigigoo maraa
Si'inan oola goofta koo!
Maqaa keetii nan darba
Ani guyyaa gaaf rakkoo!
Gammachuun koo marti
Kan firaaf maatii kootii
Yaa Gooftaa koo iyyesuus
Harkuma kee irraattii !!!
Kaayyoon koo hin hafu
Akeeka kee yoo naa ergite
Gufuun koo hundumtuu
Lafatti gad hafti, bulloofte!
Dadhabbiin koo barootaa
Si'iin deebii ni argata!!!!
Narraa buqqifatin takkaa
Agartu kee yaa Gooftaa!!!!
Galaanicha hamaa sana

Maqaa kan keen ceheera!
Gar-gaaruummaa keetiif
Galataf dhaabbadheera!!!
===|===
119.Cuuphamaa!
Kan waadaa daganne
Waaqni hunda uume
Samii Samiirra bu'ee
Nuu jedhee cuuphame!
Walii-galtee Daabiloos
Kattaatti kan caafame
Waaqummaa Gooftaan
Gubachuun tarsaafame
Galiilaa iraa bobba’ee
Yordaanoos ni deeme
Harka Yohaannisiitti
Iyyesuus cuuphame!
Samiin adda banamee
Abbaaniis ni dubbate
Icciitiin tokkummaa
Sadummaaniis mul'ate
"Ilma koo ani jaaladhu"

Jedhee Abbaan dubbate
Afuurri qulqulluuniis
Bu'uun dachee qubatee!
Garbummaan baroota
Cuuphaadhaan saalfate
Nyaaphi inni haamaan
Gubatee Salfiis uffate!!!
Koottaa #Cuuphaa mee
Akka Gooftaa iyyesuus
Fakkeenya godhadhaa
Uumaa hundaa kiristoos
Kan lapheen hin Amannee
Cuuphaan mucaasaa ta'a!!!
Dhaaltu mootummaa isaa
Cuuphaa dhan mirkana’a!
Bishaan irraa yoo dhalannee
Hin dhaalu mootummaa saa
Eegaa Wangeelli qulqulluun
Sirriti nuyiin barsiisaa.......
Waggaan cuuphaa jennaa

Garuu eenyutu cuuphamaa
Icciitii guddaa inni qabu
Nuyiif ni hubatamaa??????
Eegaa Maqaan qofaan
Cal jennee hin ayyaaneffannu
Laphre keenya cubbamaa
Cuuphaa haa qulqulleeffanu!!!!
120.Na taasisi Gooftaa
Na taasisi Gooftaa koo
Nama dubbisee hubatu!
Wangeela qulqulluu
Jireenya kan godhatu!!!
na barsiifadhu adaraa
Akkuma Niqoodimoosi
Dubbii sagalee keetiin
Ittin nan jiraadhaa anis
Akka Abboolii kootii
Sammuu koon gabbisa
Naaf heyyami Gooftaa
Akkan baru icciitiisaa

Heyyama kee malee
Eenyumtu hin hubatu
Wangeelli bitaa itti gale
Hiikkaa biraa dubbatu!
Jabeessen si jadhadhaa
Ogummaa isa guddaa!
Kan fedha keen dhufu
Anis nan gammadaa.....
Salamoon Qulqullicha
Ogummaa gaarii soorte
Akka inni waa hubatuuf
Qalbii isa badhaaste.....
Kennaa kee waan qabuuf
Maadaalli hunda moo'ata
Yeroo hunduma isaatti
Maqaa kee Gonfoo godhata
Anis har'a nan barbaada
akka salamoon Ogumma!
Eegaa Fedha kee yoo ta’e
Naaf laadhu yaa uumaa!

Kan barruu keerra dhufu
Balbala jireenyaa na bana
Kanaafan barbaada anis
Ogummaa isa fayyinaa!!!!
Ogummaa Addunyaatiif
Gonkuma na hin laatin
Na booji'udha adaraa
Dubbii sagalee keetiin!
Jecha kee hunduma isaa
Raawwadhee siif bitama!
Ati hubataa na taasifadhu
Suma qofaaf amanama!!!
===|===
121.Hoolicha Nagaa!
Yaa Fayyisaa Addunyaa
Kan taate Hoolicha nagaa
Halkaniis yoo ta'e guyyaa
Arjummaa keetu nu eega!
Jaalala nuuf qabdu jettee
Samiirraa gara lafaa dhufte

Cancala baroota dheeraa
Dhiiga keen nurraa kutte!!!!
Ofiif kee Araarsaa taatee
Ofii keetti nu araarsiste.......
Hoolaa dhugaa ta'uudhan
Addunyaaf kan qalamte!!!!
Dhiiga kee qulqulluudhan
Hunda keenya bitattee.....
Hoolicha dhugaa ta'uun
Aarsaaf of dhiyeessitee!!!!
Waggoota dheeraadhaa
Kan nuti boquu buusne!
Ati fannoorra nu oolaan
Fayyina lubbuu arganne
Akka ilmoo hoolaatittii
Dachee irra harkifamte
Hoolaa nageenyaa taate
Lubbuu kee nuuf laatte!
Nuti sumaan boonnee
Faajjii nageenya keenyaa

Eessa jira kan akka kee
Yaa Fayyisaa Addunyaa...
===|===
122.Sagalee labsii
Kottaa yaa namootaa
Akka Yohaannis taana
Tabbattis ol baana.....
Maaf teenya lafa onaa
Ofii keenyas awwaallee
Dhaloota hin awwaallu!
Maqaa isaa labsuudhan
Mootummaa haa gallu!!!
Ibsaan namaaf hin ifne
Maal bu'aan isaa laata
Hoomaa gatii hin baasu
Mee haa taanu tattafata!
Gaafa Guyyaa 50ffaatti
Duuka bu'ootaa kan bu'e
Har'as saboota hundaaf
Fakkeenya kan ta'e.......

Abarsa miti yaa jarana
Afaan ofiitiin lallabuun
Kiristoos nutii himee
Maraaf heyyama kennuun!
Kottaa kaa har'as mee
Dungoo wangeelaa ibsinaa!
Dubbii laaquu dhiisnee
Kan bade barbaannaa.....
Lubbu keenyaf gaariidha
Kan nuti har'a hojjennu
Mootummaa oli irrattis
Gatii keenya hin dhabnu...
Ofii keenyaaf fayyinee
Kan shakkes barsiisnaa
Tokkummaan taanee
Mana Gooftaa jiraanna!!!!
===|===
123. Dirree nageenyaa
Yaa mana Waaqayyoo
Iddoo aara galfii hundaa
Burqaa gonka boorofne

Dirree keerraa maddaa!
Ati Dirree nageenyaa
Kan maraa laattu nagaa
Kan mana kee deddeebi’u
Guyyaan dhaga'a aaga!!!!
Anis sirran boqodhaa
Aarii koo hunda gatee
Icciitii laphee kootii
Hiikee sitti laate........
Jireenya isaa Addunyaa
Kan ta'e burburree
Kan itti mucucaanne
Situ naan gargaare
Galgalas ta'e ganama
Sooraa gaarii na soorta
Lubbuu fi Foon kootiif
Waan gaarii badhaasta
Dirree nageenyaa jedhee
Kanaafan ani si leellisa
Waa'ee koo hundumaa

Waltajjiitti ba’een odeessa!
Dirree kan kee martuu
Biqiltuu jannata fakkaatti
Urgaa jaalalaa gaarii
Uumama hundaa urgeessiti
Nadhiin barruu kee irraa
Hin quuffamu yoomiyyuu
Sumarraa nyaate dhugaa
Dhalli mamaa kamiyyuuu
Ati hin ifattu namootaa
Yaa mana Waaqayyoo.....
Kan dhufee sin mari’atu
Gonka hin qabu leeyyoo
Anis kan lafe mogoleen
Gaaddisa kee jalaan jira!
Abdii sirraa qabuun
Diina koo ifadha ofirraa!!!
===||===
124.Ibsaa gadamootaa
Gebremenfesqiddus

#Ibsaa_gadamootaa
Waadaa fudhatteen
Ni kadhatta namootaa
Afuura qulqulluudhan
Garbicha waaqaa taate
Jireenya kee guutuu
Sagalee isaan jiraatte
Qulqullummaa keef
Waadaa ni argatte
Kakuu argatteeniis
Dhalotaaf ni taate!!!
Har'as maqaa keetiin
Kan waa qopheessu!
Kan qaburraa qoodee
Nyaachisee kan obaasu
Waadaa siif galameen
Eebba ni hammarrata
Gatii dadhabbii isaa
Waaqa irraa argata.....
Kakuun ati qabduu

Jecha Waaqayyooti
Osoo kana beekanii
Diinniis gumgumti
Kan sagalee Gooftaa
Kabajee isaaf jiraatu
Waltajjii isaa irraa
Eebba kan hirmaatu!!!
==|==
125.Ani Kiristaana
Ilaa yaa diina koo
Inni natti gumgumtu
Halkaniif guyyaas
Kan natti dhaadattu
Cal jedhi narraa mee
Eeyyee Ani kiristaana
Sodaa alatti dubbadha
Natti hin gumguminaa
Dhugaa ani kiristaana
Hin kutu fannoo koo
Dagadhees hin sobu
Siif kufee guyyaa tokko

Chaaphaan ofiirraa qaba
Kan yoomu hin faqqamne
Laphee koo irra jiraam
Fannoo narraa hin haqamne
Osoo morma koo kuteeyyuu
Dhiigni koo kiristaana jedha
Guutummaan qaama koo
Ragaa bahuuf qophaa'adha!!!
Akkuma Giyoorgis sana
Sodaa maleen dubbadha
Mootummaa Waaqayyoof
Of laachuuf kutataadha!!!
Qirqoos mucaan xiqqaan
Kan haadhasaa jabeesse
Iyyeeluxaan kan laafte
Mucaan ishee kutachiise
Ani kiristaana jechuun
Danfaa keessas lixanii
Jabina amantiin isaaniin
Ergamaa waaqa argatanii

Kanaaf anis Kutannoon
Salfii tokkoo malee ka'een
Ragaan baha eegaa
Anis Amantiin ta'een
Kiristanummaan koos
Dhiiga koo keessa danfa
Ifatti boba’ees dubbata
Akkamiin ukkanfame hafa
Dhiiga Kiristoostu
Keessa kootii lallabaa
Waraaqaa enyummeessas
Fannoosaan morma qaba
Ammas nan jedha kunoo
Ani kiristaana yoomu!!!
Waltajjii irra ba’een ibsa
Dhugaan hin awwaalamu!
==|==
126.Kottu Milkaa'eel
Hangafa ergamoota
Moo'a Saaxinaa'eel

Seefii kee qabadhuu
Mee koottu Milkaa'eel
Maqaa keetin rommaa
Hangafni warra diinota
Ulfata kennaa keetiin
Kottu rukkuti hamoota!
Ba'ee galuu hin danda’u
Oggoraan diina cimeera
Akkan hin jiraanneef
Cancala du'a direeera!!!
Jiraachuu koo hin fedhu
Lubbuu koo na gaadaa!
Kun Hundaa isaaf caala
Isuma kana barbaada....!
Sobee addunyaa bareechee
Ittiin na qoruuf ariifataa
Yaa Hangafa ergamoota
Kottu situ na baafata.....
Seefii kee guddaa

Labooba abiddaa baatu
Diinicha narraa rukuutuuf
Mee qabadhuu dafi kottu!
Akka ati na oolchitu
Aaboo guddaa qabda...
Kanaafan si waama
Yaa abbaa hundaa...
Na dagatiin adaraa
Yoon deemes lafa onaa
Kochoo kee diriirsi
Dhaabadhu na cinaa!
Yoon ba'us yoon galu
Suurraa keen na golgi
Gaaddisa kee jalattis
Tiksii na eegi.......
Anis sin waammadha
Saalfii tokko malee
Narraa gara hin galiin
Guyyuma tokkollee!!!!
==|==

127.Baattuu Ifaa
Dhaloota hunda keessa
Hin jiru kan akka ishee
Uummama mara caalaa
Waaqayyootu file ishee
Xuraa'ina kan hinqabne
Gooftaa iyyesuus deesse
Ciqilee isheettiis baatte..
Isa hundumaa fayyise!!!
Kan qixa gonka hin qabne
Dhugumatti #baattuu_Ifaa
Har'a ta’ee borus taanan...
Araarri karaashee ni dhufa!
Kan eenyumtu hin baanne
Ifa guddaa sana nuu baatte
Qoricha qorichoota caalu...
Addunyaa maraaf laatte!
Ifummaan mucaa ishees
Gubee ishee hin rakkisne
Gooftaan waan filamteef

Xuraa'ummaa hin argine
Addaa ummama keessaa
Hundaarra caalte filamte
Hoomaan warra shakkaa
Dhugaa maaf awwaaltee?
Wangeelarra hin agarre
Akka isheen ificha baatte
Warri kan bira odeessitu
Moo maaluma taate......?
Nuti Ijoolleen tawaahidoo
Tasa dhugaa hin gannu!!!
Kakuun araaraa ifa baatte
Kan ittiin hundi jiraannu!
===||===
128.Isxifaanoos
Duuka bu’oonni gooftaa
Osoo Wangeela lallabanii
Kan kiristoositti amanan
Hedduu isaa baay'atanii ...
Bartoonni Gooftaatiis

Waan godhan dhabanii
Amantoota kan dursuu
Ummatichaaf filatanii....
Kan muudaman keessaa
Isixifaanoos hangafa ta'e
Hojii gaggeessummaatti
Afuuraan ni qophaa'ee....
Afuuraan guutamuu isaa
Warreen kan arganii
Isa balleessuudhaaf
Baay'ee Baay'ee gumgumani
Jarreen qareeneetii fi
Namoonni iskindiriyaa
Akkasumas warreen
Qiliqiyaati fi Asiyaa.....
Inaaffaa sobaan ta'anii
Isxifaanoos himatanii
Seera muusee diigeraa
Jedhanii itti gumgumanii
Barsiisa isaas ilaalanii

Baay'ee guggubatanii
Murtii sobaan ka'anii
Dhagaan isa reebanii
Qulqulluun kun garuu
Isaaniif ni kadhatee.....
Ija isa samiitti ol kaase
Waaqa dhiifama gaafate
Har'as yoo dhalootaa
Waan tokko baranna
Warra soban deeman
Dhugaan mo'annaa!
Akkuma Isxifaanoos
Dhugaaf haa duunu!
Amantii dhugaattii
Jabaannee haa jiraannu.
===||===
129.Abbaa Farda Adii
Dhugaan Ifa jabaadha
Dhokatee hin caccabu!
Ukkamsuu yaadaaniis
Hoomtu gadi hin qabu

Humna ofii abdatanii
Warreen of tuulaanii
Abbooliin kan keenya
Amantiin moo'atanii !
Isa dhagaa tokkichan
Sodaattamaa kuffisu!
Gooliyaad laaffisee....
Daawwit kan moosisu!!!
Waaqa kana hojjetu
Abdiidhan eeggatanii
Dirree waraanaatti
Qabsootiis bo'anii......
Warri adii sun illee
Baay'ee yoo utaalte
Garboonfata ta'uuf
Hedduus qophoofte!
Meeshaa ammayyaan
Hiriirtee as dhufte....
Uummata fixuudhaa
Itiyoophiyaatti duulte

Ayii gowwummaa.....
Hin beektum jarri
Gootota itiyoophiyaa
Abbaa pheexiroos faa
Kan dhiigu biyyaa.....
Tokko yoo baqatees
Biyyaarratti gatee .....
Baay'een isaanii garuu
Lubbuu ofii itti laate.....
Taabota kakuu qabatanii
Waraanaatti duulanii....
Sodaa tokko malees
Moo'icha gonfatanii
Icciitii moo'ichaa sanaan
Abbaa farda adii jedhani
Kan isaan waraanuus
Ifatti ragaa bahanii.....
Abbaan farda adii kun
Duumessa keessa deemee

Namoota Qabsaa’aniif
Humni guddaan kenname
Meeshaan waraana jedhamii
Warrii Adii kan baattu.....
Muka sambaqqoo ta'ee
Hoomaa waa hin dubbatu
Eega Kanuma Keessaan
Moo'ichi dachaa ta'ee.....
Maqaan gurraachotaa
Akka Alaabaa olka’ee!
Kanaaf boonna nutoo
Seenaa dhugaa qabanne
Maqaa Gootaa ol kaasna
Warra baqate dhiisnee!!!
===||==
130.Anaaf Gaaffiidha!
Anaaf garuu gaaffiidha
Kee hin beekuuf malee!
Sammuun koo baay'isee
Na gaafata akka ijoollee!

Eeyyee anaaf gaaffi dha
Jiraachuun kan koo.......
Akkamitti laata mee????
Har'a gahuun kan koo
Hojiin koo hamaadha
Kan nama cigaasisu....
Fuula waaqatti immoo
Akkam na haa taasisuu?
Anoo baay'een balleessa
Namummaan koos xiqqaa
Uummama hundumaa
Arraba koonan jeeqa........
Anaaf'oo Gaaffidha......?
Ba'aan cubbuu kootii
Madaala irratti guddaadha
Guyyaanan seera daddabsa
Hojiin kootiis hamaadha....
Hin sagalaliin jedhamnan
Ijji koo ittumaa cime.......
Maafan dhoorkamaa

Baay'isees gumgumee.......
Wayyoo yaa anaa
Gaaffiidha koo hunduu
Kan keessa koo utaaluu
Akkan hin dubbanees
Cubbuun kan na sakaalu
Abboomii tsoomi jedhu
Gurraan yoon Dhaga'u
Keessi kan koo alaakee
Onneedha kan ciinaca'u
Ammas naaf gaaffiidha
Akkamiinan har'a ga'ee?
Gaarummaa kiyya kamiin
Gaalana Addunyaa ce'ee?
Arrabni koo barbaree
Namoota hunda gubaa!
Qalbiin koos dadhabaa
Bakka hundatti caccaba!
Hammeenya malee

Gaarummaa tokko hin qabu
Gaafan dhugaa dhaga'u
Lapheen kan na gaggabu
Ajaa’iba.......
Kanan baradhe dhiiseen
Gaaffiin lafa hurreessa..........
Amanu dhadhabeen
Qalbii koo bulleessa!!!!!!!
Garummaa Waaqayyootu
Umurii koo naaf bubbulche
Obsa isaa guddaadhaan
Daandii isaatti na qajeelchee
Malee eeyyee gaaffidha
Ammas jiraachuun koo
Mana isaatti na hin butu
Baay’inni cubbuu koo....!
Akka nama na hin quqne
Barruun waaqa kootii
Cubbamaadha jedhee
Na hin darbanne alatti

Ba'aa koo hunda wajjin
Baate nu guddise Inni
Isaanan har'a ga'e malee
Humna koo kamiini?
Deebiin gaaffii kootii
Gaarummaa Gooftaati
Jiraachuun kan koo
Barruu harka isaatti
Malee awwala du'aati
Yoo akka hojii kootii.....
Ibiddaan gubachuu ture
Hamma bara baraatti
==||==
131.Maal barbaadda?
Eegaa yaa obboleessa
Atis mee obboleettii.....
Gaaffiin isin gaaffaa
Na dhaga'i ammatti
Kan ati barbaaddu
Nyaattee buluudhaa?

Moo furtuu jireenya
Gaabbiin barbaadudha?
Wanti ati barbaaddu
Buddeen nyaattudhaa?
Zayitii fi qarshii alaatiin
Akka hoolaa bitamuudha?
Obboleessa obboleetti
Na dhaga'i sin gaaffa......
Yaadni garaa koo
Ukkaanfame maaf hafa!
Inni bara keenya kana
Akka jaanjoo nu joorsu
Daandii dhugaa dhiisne
lafa onatti nu fiigsisu....
Jaalala awwaaluudhan
Kan Jibba faffacaasnu!
Hammeenya baannee
Haaloo kan boraafannu!
Maaluma barbaannaa
Maaloo natti himaa mee

Bitaa fi mirga kootiin
A gaaffiin hudhame!!!!!
Dubbadhaa kaa jarana
Akkam garaan bitamna
Abboomii Gooftaa dhiisne
Maal akkam burjaajofna!
Hubadhu yaa saba koo
Inni lafa onaatti labsamu
Hoomtuuyyu sin fayyisu
Soba martuu inni jedhamu
Qaraaniyoo dhiistanii
Gola duwwaa kan filattani
Dhugaa wangeena irraa
Warri sobaan cuqqaaltani
Maalumaaf goyyoomtu
Kottaa Qaraaniyoo mee
Manni Amantaa keenya
Hundaan kan guuttame
Dhugaa hunda caalu
Dagattee kan baqatte

Furtuu jireenya dhiiste
Haftee onaa kan filatte.....
Haa dhufu Har'as
Laphee isana amanee!
Dhufee haa sooratu
Buddeen hin dulloomne!
Gadi ba'aa dhugaa labsaa
Maaf haqa ukkaamsina!
Yoo gaarii hojjenna
Fayyina lubbuu arganna!
Maal barbaadda jedhamii
Yoo gaaffii gaafatamnu!
Akkuma xiixoos sanatti
Furtuu haa fudhannu.......!!!
==||==
132.Ugum yaa mistaaguu
Iddoo dhiqannaa sana
Lafa beete-saayidaa!
Marti dhiqatee deema
Dhibee adda addaa…

Balbaloota 5n irraan
Kan seenu baay’eedha
Dhukkuba isaa gatee
Kan fayyee danuudha
Ergamaan Rufaa’eelii
Bishaanicha yoo raasu
Warreen humna qaban
Cufti ittuma barrisu…
Inni humna hin dhabes
Firoota saan baatamee
Fayyuun qulqullaa’aa
Keessatti gadi gatamee
Osuma akka kanaan
Namni heddu fayyuu
Eegaa yaa mistaaguu
Baroonni deemeeyyu
Umurii dhukkuba kee
Waggoota 38 kan ta’e
Qaamni kee hundumti
Akka sibilaa danda’ee

Nama hin qabu jettee
Umurii guutuu Iyyite
Hubataan dhabamee
Kophaattiis gatamte…
Waggoonni dhibee kee
Umurii saa kan caalu
Gara keetti dhufeem
Fayyisaan mara laalu
Fayyuu ni barbaaddaa?
Jedhee si gaafatee….
Sagalee isaa tokkichan
Fayyina siif laate…….
Garraamii akka kana
Agarteeyyuu beekta?
Dubbadhu Mitsaaguu
Dhugaan ni watwaata
Isa si fayyisuu dhufen
Sanbata diige jettee
Mee maaluma taatee
Kan garaa jabaatte…?

Fayyisaa kee dhugaa
Isa jechaan fayyisu
Akka fedha isaattiis
Hundaa kan taasisu!
Maashaan qaama keeti
Martuu laamsha’ee
Ujummoon dhiiga keeti
Hojiin gargar ba’ee
Ol jettee deemuu miti
Dubbiin kan sitti cime
Jireenyi kee martisaa
Dhukkuban rukkutamee
Inni diigee ijaaruu
Humni qabeessi jabaan
Siree kee si baachise
Raawwii ajaa’ibaan……
Mee maal taate laata
Adaaraa yaa misaaguu
Kan kaballaan rukkutte
Waaqa hundaa dhiigu…

#Ugum_yaa_Mitsaaguu
Kee kun baay’ee adda!
Sammuutti nama labsa
Gaaffiif gadda guddaa!
Maal isammoo kunoo
Har’as jiru gartuun kee
Kan baratee bobba’u
Ganumsa akka kee….
Barruu isarraa nyaatee
Addunyyaarra burraaqa
Raaree cubbuu seenee
Arrabaaf harkaan laaqa!
Buruusa guddaadhan
Dhaloota danqarsaa
Cancala isaa diriirsee
Soba hundaaf facaasa!
Dhugaa jiru dabsee
Saphana dharaa labsa
Ganumsa guddaaniis
Bineensa of nyaachisa!

Gorsi yaa Mitsaaguu
Warra gartuu kee kana
Akka isaan hin daakne
Abidda dhumaa sana…
Kan kee illee hubanne
Dubbii oolmaa diigu!!!
Akkas jennees callisne
#Ugum_yaa_Mistaaguu!
==|==
133.Maaliif Raafamtaa?
Mee adaraa rabbii
Maaliif raafamataa?
Qilleensi xiqqooni
Dhaabii si dhoowwata!
Kan Amante dhiistee
Bubbee baraa ilaaltaa
Warreen sobduutiin
Maaliif bitintirtaa....???
Lakkii kana dhiisii
Damdiirra dhaabadhu

Dhugaa isa kaleessaa
Mee ilaali hubadhu...!!!
Eermiyaas ni dubbata
Arraba isaa saaqqatee
Wanta raaja isaatiin
Dursee isa hubate.......
Daandii ishee dhiphoo
Dhugaan kan labsite
Chaappaa isa haaraan
Dhiigan kan hundoofte!
Dhugaa akkasii gannee
Kunoo sobaaf hiriirree!
Yeeyyii raroo hidhateef
Yaada keenya hihirree!
Xiqqaa hamma guddaa
Marti sobaan bitamnee
Ishee qajeeltuu gannee
Daandii jal'aan qabamne
Qulqulluu Takliyyeen
Abbaan Pheexiros faa

Mee maal jedhu laata
Keenya sila hojiin fafa!
Isa isaan nutti laatani
Imaanaa ganamaa....
Mee adaraa dhaloota
Meeqati itti amanamaa?
Abjuu isa guyyaatiin
Mee hin burjaajofnu...
Akka Abboolii keenya
Dhugaa haa barbaannu!
Eegaa Raata'uu dhiisne
Dhugaadhaf hojjennu...!
Akka dubbii phaawulos
Isa kana raawwannu...!
Yoo nuti akkas goone
Mootummaan keenya!
Jaalalan nuyii simata
Fayyisaan Addunyaa....!
===|===
134.Dhuguma Amantee?

Mee gaaffiin si gaaffa
Laphee guutun amantee?
Kan wangeelli dubbatuu
Hojiidhan raawwattee.....?
Kanaafan si gaaffaa
Ammas irra deddeebi’e
Dhuguma Amantee ree
Lapheen kee gonka ta'ee?
Isa mirgaan dhageessee
Bitaan hin dhangalaastu?
Imaanaa sitti kenname
Daandii irratti hin nyaattuu?
Anaaf hoo gaafiidha mee
Haalli nama bara kanaa
Dubbiif raawwannan isaa
Marti isayyuu jallina.....!
Isa kaleessa dhaga'e
Awwaalee irra rafa
Eeboon inni darbatu
Cabee namatti hafa!

136.Sagalee himata koo

Sagalee himata koo naaf dhaga’eera
Kiyyoon diina koos jalaa caccabeera
Kanaaf maqaa Gooftaa nan jajjadha
Gaarummaasaa dhaloota dubbadha
Kattaa jabaa kootti ani nan iyyadha
Himata Kootiis isattin dhiyeeffadha
Akka warra boollatti gadi bu'anio
Ijoolleen Tawaahidoo qabanna nuti ragaa
Kennaa guyyaa jimaataa mallattoo nagaa
Kunooti haati keessan nuyiin jedhameera
Alaabaa nageenyaati nutoo qabanneerra!
Siif maaltu dhabama Waaqa koo jabaa
Barruu keetuu hundumaa ofirraa qaba
Cabaa koo suphite nama na taasifatte
Seenaa koo moofaa dhiigan haaressite
Laphee koo gadda gammadaa taasiste
Tarree namootaa keessa na bobbaaste

137.Yaa hojii kee
Yaa hojiin kee fb
Baay'ee ajaa’ibaa
gocha kee ka laale
Kolfaan gaggaba!
Fuula kee laalutti
Daa'ima ofii gatu
Nyaata irraanfatu
Osoo siin taphatu!
Dubartin mana gatte
Abbaan manan lolti
Dubbiin fb irrattin
Jabaana gad darbatti
Dhiirris footoo laale
Haadha mana dagata
Kan biraa calchiisee
Qalbii ol rarraafata!
Ugum jedheera anoo
Hedduun taajjabee!!!!
Martuu fb jaalatta
Yoon laalu itti qabe!

Eegaa Dagaagi jiraadhu
Yoon jedhe abaarsa ta'a
Waa'ee kee Obseetan...
Hundumaa danda’a!!!
==||==
138.Faajjii Jaalalaa
Sirraan argadhe faajjii jaalalaa
Hin deemu Ani si gatee halaala
Siif amaneeni oolee kanan bulu
Fudheeras maqaa maqaa caalu
Kanan dhufe Himadheeni miti
Dhalachuun koo eyyama keeti
Qomoos ta'ee Abbaa fi haadha
Hin filanne eeyyee dhugaadha
Dhabe jedheetoo Abbaa foonii
hin gumgumu isa darbuuf ani
Sinan qaba abbaa Abbaa caalu
Ati naaf dhugaa kan hin halu!
Si waameen Ayyaana argadhe
Ani Kanaafan Sumaan filadhe
Maqaan keetis jabeessaa kooti

Halleeluyan jedha dura keetti!
===||===
139.Ati.....
Sammuu koo keessatti
Mana guddaa ijaartee!
Yeroo hunduma saatti
Dhukkubbii natti taate
Gaaffii jedhamta atoo
Moggaasa maqaa keen
Qalbii duguudee hatta
Qabattee summii keen!
Adaraa #ati yaa gaaffii
Maaluma bu'uurri kee
Kan nama hadoochitu
Maalumaa yaadni kee?
Xiqqaas yoo ta’e jabaa
Hundaarraa hin haftu
Kan jabeesse si jibbus
Garaa irraa hin kutatu!
Hundatti rarraata atoo

Atis Akka maxxannee!!!
Tokko irraa haftuudhan
Tokkos hin daganne.....
Burruusaa qabadheetan
Dugda kee reeba jedhee
Yaaddoof hamaadhan
Caalatti of galaafadhe....
Akkamiin si moo'a ani
Of keessaa si balleessee
Summii natti taata atoo
Yoo na keessa teesse....!!!
===||===
140.Na ajaa’iba
Uumamni harka waaqan
Guyyaa jimaata uumame
Iddoo lalisaa fi bareedaa
Adda kan isaaf kenname!
Wanta gaarii argannaan
Ittin jiraachuu dhadabee
Gorsi diina hamaa sanaa
Gadi isaan baase qabee!!

Kan balleessa qabu illee
Adamuun kan oolu miti
Sababa baleessa isaatiin
Namni ni bu'e adabbiitti
Mootiin isaaniin fayyisuu
Jaalalaan samiiraa bu'ee!
Daandii sirriti deebisuuf
Dachee irra deddeebi’e!!
Gaafa guyyaa jimaatatti
Barruu isaan kan uume
Cubbuu irraa fayyisuuf
Sagaleen isaa lallabame!
Uumamni Gaaf jimaata
Uumaa isaa hin simanne
Isaan fayyisuuf ka dhufe
Tasuma llee hin jaalanne!
Himata sobaa funaananii
Murtee jal'aas dabarsanii
Jimaata kan uummaman
Uumaa jimaata fannisanii

#Na_Ajaa’iba baay'eesaa
Waa'een fannifamu isaa
Uumaan waan hundaa...
Tolaan akkam ofdabars?
Osoo adabuu danda’uu
Hin dubbanne takkitti...
Callisuu dhuma filatem
Akka hoolaa qalamtutti
===||===
141.Mugee beeku
Damee meexxii qabannee
Ililleef galatan guutamnee
Nuti Kiristoos Waaqessina
Maqaasaa jabaa faarfanna
Mugee beeku inni dagatee
Cufa tiksa barruutti baate
Uleensaa jabaadha cimaa
Nama baata hanga dhumaa
===``===
142.Lama miti

Akka fedha Gooftaatti
Kan tokko taatanii.....
Misirroon lamaanuu
Isin Baga gammadanii
Dhiigaf foon Gooftaan
Qaama tokko taatanii
Lama miti kanan achi
Gar-gar gonka baatanii
Kan isin Waloomse
Fedha waaqayyootii
Lakkaa'amtanii jirtu
Akka qaama tokkotti
Oduu dinonni afarsuu
Akka obonboleessaa....
Amantii cimuudhaan
Ofiirraa ach fageessaa!
Yoo tokko mucucaate
Tokko wal jabeessaaa
Adaraa yaa misirroota
Amantaan wal cimsaa

Raajota sobdu ka'aniin
Akka tasa hin butamne
Kadhannaan jabaadha
Akka hin moo'amne...!
Akka Abraahamii faa
Saaraa haadha manaasa
Waaqan badhaafamaa
Firii eebbifamaa isaa...!
Horaa dagaagaa isin
Akka hidda qilxuutti
Ilman keessan arga
Amma akkoof akakletti
Mil'un diina sin argin
Jaalala dhugaan jiraadha
Eebba Waaqayyootiin
Badhaadha guddaadha!!!
===||===
143.Ol Ba'eera
Waaqni waaqotaa
Kan samiirra bu'e
Gonka Waaqayyo

Gonka nama ta'e!!!
Dubbiin raajame
Hunduu golobame
Kiristoos Gooftaan
Marti raawwatame
Fannootti ol ba'ee
Kaayyoosaa golbe
Cobu dhiiga isaan
Lolaan keenya cabe
Du'aan du'a moo'ee
Xummureera maraa
Hidhaa garbummaati
Dhala namaa fureera
Du'a ka'uu kansaatti
Warrreen shakkanii
Gidduutti argamuun
Amansiiseera inni....!
Wanti raajame cufti
Ergaa raawwatamee
Nagaan hunda caalu

Kiristoosiin labsame
Ilmi waaqa jiraataa
Bartoota faana jiraate
Fuula isaanii duraattis
Raajii heddu raawwate
Gaafa guyyaa sanas
Osoo ijaan ilaalanii
Waaqummaan isaan
Ol Ba'eera gooftanii
Mirga Abbaa isaatti
Ol Ba'eera iyyesuus
Aangoon kan isaatii
Gooftaadha kiristoos
Bara baraan jiraata
Murteessaa dabarsaa
Waaqayyoodha innii
Maaltu isa daangessa
==||==
144.Nu qoraa jira

Afoomiyaatti marsee
Akkuma ishee gidirse
Har'as qormaata saan
Addunyaa nii rakkisee
Oduu sobaa qabatee
Afoomiyaa dhiphise
Akka sagagaltuuf
Dubbii badii labsee
Ajab hojii daabiloos
Wanta hamaa baasa
Summii isaa facaasee
Dhaloota quucarsa!!!
Silaa akka yaadasaa
Afoomiyaa balleessera
Garuu mika'eel wajjin
Humna isaa moo’ateera
Har'as kunoo eegaa
Dargaggoota marsee
Yaadaa isaanii gaarii
Gar-gar faffacaase....!

Akka dargagoon baduu
Umurii ibdummaatti...
Daandii sagagalummaa
Itti agarsiisa ifatti.....!
Qabi gubadhu jedham
Mukulkula abiddaatin
Namni akka booji'amu
Akkuma yaada isaatiin
Dargaggootaaf jaarsolii
Hundumaa booji'eeraa
Dafi kottu yaa mikaa'el
Nut si waammanneerra!
Albee kee qabadhuu
Aangoon keen rukkutti
Qormaata daabiloos
Nurraa barbadeessi ati
Abdii namoota hundaa
Ukkumsee didmisiisee!
Dhaloota ol deemaa
Qormaatan burjaajessee!

Siidha eegaan hundumaa
Gaaddisa keetin nu golgi..
Aangoof kennaa kan keen
Hamaarra nuyiin hugugii
===||=====
145.Hin raafamu
Sodaadhee #hin_raafamu
Diina natti bookkisu laalee
Eegumsi ergamaa Gabri'eel
Hojii diinota koo naaf caale!
Daandii koo cancalan cufee
Yoo Afaan isaa saaqatu......!
Na nyaachuudha dhaadatee
Yoo qarriffaa isaa totolfatu!
Liqimsee na dhidhimsuuf
Toftaa isaas yoo jijjirratee
An sodaadhee hin raafamu
Gabri'eeltu naaf dhaabbate!
Imala koo addaan hin kutu
Gonkuma sodaasaan kufee
Humnaaf irree koo kan ta'u
Humna ergamaatu naaf ife!

Guyyaa aduu calaqqisaan
Abiddaa isaa yoo qabsiise...!
Keessatti na darbachuudhaa
Haala isaa hunda mijeessee...
Dargaggummaa keessattis
Danqaraa hedduu diriirsee!
Gonkuma sodaadhee teenye
Gabri'eeltu dura koo kaasee
Borus yoo ta'e bara kootiitti
Sodaa ergamichaan qaba...
Dhiphina koo hundumattis
Dafee artiin naaf qaqqaba...!
Dhugaa ergamichaa hin haalu
Kennaa isaatiin na gargaara
Aangoo guddaa qaba innoo...
Hamoota narraa rukkuteera!
===||===
146.Jiraatadha
Gurraacha garaa garbaa
Amannee mana banee
Mil'uun warra diinaa

Gonka nu hin arganne
Abjuu keessa dhufee
Kan nu'iin yaadessu
Cabeera bakka jiru
Inni oduu odeessu
Iddoo buqqa'aniiru
Jedhee soba lallaba
Nuti hin badne jirra
Waaqni harkaa nu qaba
Eeboo as darbatame
Kufeera karaatti cabee
Gooftaan nurraa miliqse
Nuyiin ofitti qabee........
Ammayyuu #jiraatadha
Warri Gooftaa qaban
Daddarbaa hamootaan
Gonkuma hin caban.....
Nutis kanaaf jiraanna
Waaqatti amannee....!
Humna yaaddoo cabsu

Gooftaa irraa arganne!
==||==
147.Sillaasee Abbaa koo
Sillaasee Abbaa koo
Jedheen si waamaa
Atoo naaf Addaam
Abbaa amanamaa
Abbaa foonii koo dhabee
Yemmun karaarra jooru
Naaf taatee Argamtee
Abbaa rakkoo koo furu
Dhabuun Abbaa foonii
Baayyee cimaadha turee
Maqaan kee Abbaa koo
Dhiphichasaa narraa fure
Yoo hin agarree garuu
Doobbiin iyyuu baalaa
Yaa Abbaa koo Dhugaa
Maalumatu sin madaalaa?

Barruu keetti na baattee
Firaaf lammii koo taatee
Galaanicha anan nyaatu
Barruu keettin na ceesiste
Yoo baayyeen namootaa
Firaafi qomoosaa abdatu
Yaa Sillaasee Abbaa koo
si qofa kan naa falmatuu
Bakka Abbaa koo caalaa
Hundumaa naaf guuttee
Tajaajilaa waltajjii keetii
Taasistee lubbuu koo filatte
Sin dagadhu ani yoomuu
Maqaa narratti qabdaa
Haalleeluyaa jechaa too
Siif laadha galata guddaa!
==|==
148.Aduun sirraa ba'e...WDB

Yoomiyyuu hin dhamuu aduun sirraa ba'e
Ijoollee kee jabeesse Dhiigni Gooftaa lola’e
Si teellaa hiriiran lallabuuf Wangeelaa

Irreen ijoollee Kan kee bokkuu jaalalaa
Waldaa duuka bu'oota hin qabdu muudaa
Kan ati kayyeeffatee barsiisuu saba hunda
Dursuma jettee nuuf kenni Tokkummaaa
Akka duuka bu'oota hamma bara dhumaa
Warri Dhugaa hin beeknee yoo bookkisee
Ifa sirraa ifu sana tasuma yoom dhaamsee
Haachaluu dagagdee ceete biyya ormootaa
Waan ati qabduuf humna Iyyesuus Gooftaa
Yaa namootaa keenya warri sakaalla qabduu
Tajaajilaf koottu galata Samirraa hin dabduu
Hadheessoo maqaa dhiisii dhugaaf jiraadhuu
Kan tajaajilu wajjin macaafa dhandhamadhu
Sanas taatu kana haa ta'u tajaajiluf Gooftaa
Isarra kan hafee hin haalin maqaa dhaloota
Waldaa wangeelaf dhaabbatee itti qoosiin
Ilaalu dandeessaa bu'a isaa ati ta'u qofaan
==•|•==
149.#OCN
Qarqabbii fe'aa turee
Diinni nutti garmame

Har'a garuu qaana’e
Lafatti gad awwallame
Kan amanannu suni
Irreen isaa jabaadha
Hojii keenya maraaf
Ani nuuf utubaadha
Baroota hedduudha
Sanyiin nu qoodanii
Afaan Kan keenyas
Qotanii awwaalanii
Afaan ergamoota
Jechuun dubbatu
Kan Keenya garuu
Ukkamsuuf hoollatu
Kan booddee in jiru
Afaaniin hari'amun!
Muudamuun keenyas
Qooqa nuti beeknun!
Sechi dubbiin toleera
Diinni sun qaana’eera

Moo'ichi nuuf ta'eera
#OCN nuuf dhufeera
==|==
150.Mararfannaa gatii qabne

******** || ********
Keessa kootu dhiiga
Baay'ee dhukkubsatee
Keesse koo na xuxuqa
Lapheetti ol rakkatee!
A'aa maaloo yaa fira
Dhukkuba koon himadhaa
Qalbii mana bulteen
Mee na dhaggeeffadhaa!
Otuman oliif gadi jooruu
Waa funaanuuf jedhee
Gorsa garaa kootii
Harkatti galaa godhadhee
Nan ilaale anoo
Takka daandiirra dhaabadhee
Bultoo qalbii koo
Galmeef qopheeffadhee....!

Akka ijjoollee ribqaa
Gadameessa tokko kan bulan
Haadha fi Abbaan isaaniirra
Kan argaman jaalalaan
Kan irraa eeggammu hafee
Baay'ee wal quucarsuu
Eebba walii fudhachuuf
Heddusaa wal adamsuu
Har'as kunoo ilaalaa
Mee yaa saba Gooftaa
Gara itti imalaa jiruu
Dubbiin dhalootaa.....
Obboleewwan lamaan
Kan gadaamessa tokkoo
Saaphana diruudhaan
Walitti barbaadu rakkoo
Dubbii siyaasaatiin
Qalbii ofii sakaanalanii
Bifaa fi qomoo jedhanii
Hidda wal lakkaa'anii

Mishingaan osoo gubattu
Deebitee ofitti kofalti
Jedhanii akka mammaakan
Oromoon hundumti....
Har'allee akkasuma ta’e
Dubbiin garagaltoodhan
Wal alaanfachuu ta’ee
Walirra goranii gamtaadhan
Dhiisa maaloo yaa sabaa
Maalumaaf wal cunqursinaa
Jibbaa boollatti awwaallee
Jaalalaan jiraanna………….!
==|==
Yaada qabdaniif:- 0919342749
0912203344


Kuusaa Walaloo

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Kuusaa Walaloo

Uploaded by

Copyright:

Available Formats

[Kuusaa Walaloo] 2014

1 F/taa Koo'eel Shawaa .....(0912203344)

Walaloo 150 iddoo tokkotti

2.Silayyuu hundeen cimaadha....................................................................................................... 10

9.Jireenya kooti Fil 1:21............................................................................................................... 21

12.Jaalala isa kam?.........................................................................................................................26

14.Bubbee isa kamtu?.................................................................................................................... 30

19.Ishoo baga geessan!.................................................................................................................. 36

20.Dhiisaa mee jallina!.................................................................................................................. 39

2 F/taa Koo'eel Shawaa .....(0912203344)

25.Yaa jireenya Mooraa.................................................................................................................48

30. #Fannoo #Iyyesuus.................................................................................................................. 57

33.Maaf wal haleellaa?.................................................................................................................. 59

35.Gabri'eel yoon jedhuu............................................................................................................... 62

44.Nuti humna hin qabnu...............................................................................................................84

45.Haa gallu Gaabbii..................................................................................................................... 88

46.Abbaan murtii Dhugaa..............................................................................................................91

47.Martuu waan gaariif..................................................................................................................94

3 F/taa Koo'eel Shawaa .....(0912203344)

51.Miila Yihuudaa....................................................................................................................... 100

53.Si malee ta'aaree?....................................................................................................................103

54.Ati nuuf qalamte!.................................................................................................................... 104

55.Haa ta’u Yidiidiyaa................................................................................................................. 105

57.Waaqa duratti salphaadha!......................................................................................................107

58.Sitti iyyanna............................................................................................................................ 109

59.Miila koo...Faar 116:8.............................................................................................................110

62.Torbee Dhukkubbii_Wiixata.................................................................................................. 115

63.Torbee Dhukkubbii_Kibxata.................................................................................................. 117

64.Torbee Dhukkubbii_Roobii.................................................................................................... 118

65.Torbee Dhukkubbii_Kamisaa................................................................................................. 119

66.Miila koos naaf dhiqi.............................................................................................................. 123

67.Dhungoo Yihuudaa................................................................................................................. 125

68.Fannoo baatte.......................................................................................................................... 127

69.Tikseen rukutamnan...Zak 13:7.............................................................................................. 130

70.Akkuma jedhe ka’eera............................................................................................................ 131

71.Kiristoos Du'aa ka’eera...........................................................................................................133

72.Maaliif boo'u?......................................................................................................................... 138

4 F/taa Koo'eel Shawaa .....(0912203344)

75.Akkamiin gante Pheexiroos?.................................................................................................. 143

76.Hin jedhin na ilaala!................................................................................................................145

77.KOTTAA ILAALAA............................................................................................................. 146

78.LUKKUU GAABBII.............................................................................................................. 149

79.Fayyisaa Koo!......................................................................................................................... 154

80.Hoomaa isa Kami?..................................................................................................................156

81.Yohaannis Cuuphaa................................................................................................................ 158

83.Waadaan kee........................................................................................................................... 162

84.Uumaa Koo............................................................................................................................. 164

85.Aduu Ajaa’ibaa....................................................................................................................... 166

86.Godaannisa Seenaa................................................................................................................. 168

87.Siifan jilbiiffadha.................................................................................................................... 171

88.Beellama hin qabu...................................................................................................................173

89.Misiraachoo kee...................................................................................................................... 175

90.Mallattoo eenyummaa Koo.....................................................................................................176

91.Waraani Diina Koo................................................................................................................. 178

95.Amaanu'eel Waaqa Koo..........................................................................................................186

97.Sooma Duuka Bu’ootaa.......................................................................................................... 190

5 F/taa Koo'eel Shawaa .....(0912203344)

99.Ilaaltee Ati Arseemaa?............................................................................................................193

103.Wangeela qooqa sadi’i..........................................................................................................200

105.Dargaggummaa.. Lall 12:1................................................................................................... 204

106.Kuffisi Fara'oon.................................................................................................................... 206

108.Maaliif kan nuti qalamnu???.................................................................................................210

109. Buheef Aadaa oroo.............................................................................................................. 217

110.Dhugaadha ol-baatetti........................................................................................................... 221