Professional Documents
Culture Documents
Tuklasin
Ang sining ng paglilimbag ay pamamaraan ng paglipat ng larawang iginuhit at inukit na maaaring
ginawa mula sa kahoy, goma, metal, at iba pa. Inililimbag ito sa anumang bagay tulad ng papel at tela gamit
ang tinta.
Ito ay nagmula sa Tsina dantaon na ang nakalipas. Ginamit nila ito bilang pamamaran ng
pagtala ng kasaysayan ng kanilang bansa at pagkukwento gamit ang mga larawan. Ang paglilimbag ay
pinalawak bilang isang sining ng mga Hapon. Ukiyo-e ang tawag nila sa mga larawang nilimbag na
nagpapakita ng pang-araw-araw na gawain at larawan ng buhay.
Suriin
Ano-ano ang iba’t ibang uri ng sining ng paglilimbag na ipinakilala at pinasikat sa Asya, Europa,
Africa, at iba pang bahagi ng mundo?
1. Ang monoprint ay paglilipat ng larawan sa papel o tela na iginuhit sa ibabaw ng isang bagay
tulad ng salamin.
2. Ang intaglio ay pangkat ng pamamaraan ng paglimbag at paggawa ng limbag kung saan ang
imahe ay inuukit sa pamamagitan ng paghiwa sa medium na panlimbag at ang nabuong ukit
ang syang paglalagyan ng tinta.
3. Ang aquatint ay isang uri ng intaglio, isang alternatibong pamamaraan ng etching o pag-uukit na lumikha
ng tone sa halip na lines. Dahil dito, ito ay madalas gamitin kasabay ng pag-uukit upang makapagbigay ng
parehong linya at shaded tones.
4. Ang engraving ay isang pamamaraan ng pag-ukit ng disenyo sa matigas, kalimita’y patag na ibabaw, sa
pamamagitan ng pag-ukit gamit ang burin.
6. Ang mezzotint ay isang pamamaraang intaglio gamit ang drypoint method. Ito ang unang tonal method
na ginamit upang makabuo ng half-tones nang hindi ginagamitan ng line o dot-based techniques gaya ng
hatching , cross hatching o stripple.
7. Ang linocut na kilala rin bilang lino print , lino printing o linoleum art ay isang pamamaraan ng
paglilimbag , kung saan ang uri ng woodcut ay ginagamit , ang linoleum ay kadalasang nakadikit sa isang
bloke ng kahoy upang maipakitang nakaaangat ang medium na paglilimbagan.
8. Ang woodblock print o block print ay pamamaraan kung saan ang mga salita o larawan ay inuukit sa
malaking bloke ng kahoy. Kapag may naiukit nang imahe ang tinta ay ikinakalat sa ibabaw ng bloke at
ipinapatong sa papel o tela bilang medium ng paglilimbag.
9. Ang silkscreen o serigraph ay isang pamamaraan kung saan ginagamitan ng mesh na maaring isang uri
ng tela na may kakayahang sumipsip ng tinta. Ang mesh ay ginagamit sa paglipat ng tinta sa isang substrate
maliban sa mga bahaging natatakpan ng stencil.
10.Ang dry point ay isang pamamaraan ng paglilimbag na kabilang sa pangkat ng intaglio, kung saan ang
isang imahe ay inuukit sa plate o matrix sa pamamagitan ng matulis na karayom ng matalas na metal
printmaking o diamond point.