Professional Documents
Culture Documents
Paunang Salita
Para sa tagapagdaloy:
Malugod na pagtanggap sa asignaturang (Musika 4) ng Modyul para sa
araling Ang 2-Part Vocal o Instrumental Music at Harmonic Interval !
Ang modyul na ito ay pinagtulungang idinisenyo, nilinang at sinuri ng mga
edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa
Lokal na Pamahalaan ng lungsod sa pamumuno ng butihing Punong Lungsod, Kgg.
Victor Ma. Regis N. Sotto, upang matulungang makamit ng mag-aaral ang
pamantayang itinakda ng Kurikulum ng K to12 habang kanilang pinanagumpayan
ang pansarili, panlipunan at pang-ekonomikong hamon sa pag-aaral.
Inaasahan na sa pamamagitan ng modyul na ito, ang mga mag-aaral ay
makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.
Bilang karagdagan sa pangunahing teksto, makikita ang pinakakatawan ng
modyul sa loob kahong ito:
Bilang tagapagdaloy, inaasahang bibigyan mo ng paunang kaalaman ang
mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:
Malugod na pagtanggap sa (MUSIKA 4) ng Alternative Delivery Mode
(ADM) Modyul ukol sa (Ang 2-Part Vocal o Instrumental Music at Harmonic
Interval) !
Ang modyul na ito ay ginawa bilang tugon sa iyong pangangailangan.
Layunin nitong matulugan ka sa iyong pag-aaral habang wala ka sa loob ng
silid-aralan. Hangad din nitong madulutan ka ng mga makabuluhang oportunidad
sa pagkatuto.
Ang modyul na ito ay may mga bahagi at icon na dapat mong maunawaan.
MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.
PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.
BALIK-ARAL
Dito masusukat ang iyong matutuhan at naunawaan sa mga
naunang paksa.
ARALIN
Tatalakayin sa bahaging ito ang aralin batay sa kasanayang
pampagkatuto.
MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.
PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.
PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.
PANAPOS NA PAGSUSULIT
Dito masusukat ang mga natutuhan ng mga mag-aaral.
Sa pagtatapos ng modyul na ito, ikaw ay inaasahan na:
A. nakikilala sa pamamagitan ng pakikinig at pagbabasa ang
mga halimbawa ng 2-Part Vocal o Instrumental Music;
B. natutukoy ang pagkakaiba ng vocal music sa
Instrumental Music at natutukoy ang Harmonic Interval
(2 pitches) ng isang awitin at
C. nasasabi ang kahulugan ng Harmonic Interval.
Panuto: Lagyan ng tsek ( ) ang patlang kung TAMA ang
pangungusap at ekis (X ) naman kung MALI. Isulat sa
sagutang papel ang iyong sagot.
_____ 1. Ang Soprano ay nasa itaas na bahagi ng
awitin.
_____ 2. Ang 2- Part Vocal ay binubuo ng Alto at
Soprano.
_____ 3. Binubuo ng dalawang magkaugnay na tone na
inaawit o tinutugtog nang sabay ang 2-Part
Vocal song/instrument.
______4. Nakikilala sa pamamagitan ng pakikinig at
pagbabasa ang mga halimbawa ng mga
Harmonic Interval.
_____ 5. Ang thirds ay halimbawa ng Harmonic Interval.
Batay sa ating nakaraang aralin, tukuyin ninyo ang sagot sa
bawat tanong. Kumpletuhin ang letra ng bawat salita.
1. Anong elemento ng musika na naglalarawan ng bilis o
bagal ng awitin? (T__mp__)
2. Anong tempo ng musika ang may mabilis na awit o
tugtog? (P__e__to)
3. Anong tempo ng musika ang may mabagal na awit o
tugtog? (__a__go)
4. Anong Texture n g awitin ang may paulit-ulit na hulwarang
ritmo o himig na ginagamit bilang pansaliw? (Ost__n__to)
5. Anong Texture n g awitin ang may isang himig na inaawit
na magkasabay ngunit sa itaas na melody. Ito ay kaiba sa
pangunahing melody? (D es__an__)
Pakinggan ninyo ang awiting “Manang Biday”.
Musika at Sining 4 TG p. 174
Ilang tinig ang inyong napansin sa ating awit?
Sa musika, ang 2-Part Song/Vocal ay nagtataglay ng
dalawang magkasabay na tinig samantala ang 2-Part
Instrumental Music naman ay may dalawang tunog ng
instrumento sa isang awitin.
Tignan at suriin ang piyesang 2-part song ng “Manang
Biday”.
Napansin ba ninyo na may mga bahaging dalawa ang
magkatapat na note?
Ito ay halimbawa ng 2-Part Song/Vocal. Ang mga
magkatapat na tone ay inaawit nang sabay at ito ay nagdadagdag
ng texture ng isang awitin. Sa itaas na bahagi ay Soprano, sa
ibabang bahagi naman ay Alto. Maaari rin ang boses ng Soprano
at Tenor ay inaawit nang sabay.
Upang lubos na maintindihan, pakinggan ninyo ang isang
halimbawa ng Vocal Music.
Ang Vocal Music ay karaniwang nagtatampok ng mga
awiting nagtataglay ng mga salitang tinatawag na liriko.
Pakinggan naman ang isang halimbawa ng Instrumental
Music.
Ang Instrumental Music ay isang pag-record nang walang
anumang mga tinig. Tanging tunog lamang ng mga instrumento
ang nasa tugtog.
Tignan ang iskor ng “Ode to Joy”.
Musika at Sining 4 TG p.
178
Suriin ang nabilugang mga nota, napansin ba ninyo na may
dalawang notang magkaugnay?
Interval ang tawag sa dalawang magkaugnay na notang
inyong nakikita sa iskor ng “Ode to Joy”. Bilangin natin ang
interval ng magkaugnay na nota, maaaring magsimula sa unang
ibabang head ng isang nota na susundan ng space o linya ng
staff hanggang sa huling itaas na head ng isa pang nota o vice
versa. May tatlong bilang ang interval ng mga nota.
Kung kaya’t sa musika, ito ay tinatawag na Harmonic
Interval. Ang mga Harmonic Interval ay binubuo ng dalawa o
higit pang magkakaugnay na note na inaawit nang sabay. Ito ay
nagbibigay ng kakaibang kulay sa tunog ng awit. Thirds ang
tawag sa may tatlong bilang ng interval.
Mga halimbawa ng notang may Harmonic Third Interval
Musika at Sining 4 TG p.179
PAGSASANAY 1
Panuto: Bilugan ang mga notang ALTO at k ahunan
naman ang mga notang SOPRANO.
2. 3.
1. 2. 3.
PAGSASANAY 3
Panuto: Basahin at isulat ang letra ng tamang sagot.
4. Ano ang maaring maidagdag ng Harmonic Interval s a
isang awitin?
A. oras sa kanta C. liriko sa kanta
B. kulay sa kanta D. wala sa nabanggit
Ano ang kahalagahan ng pagkakaroon ng 2- Part Vocal o
Instrumental Music at Harmonic Interval?
Panuto: Basahin at isulat ang letra ng tamang sagot.
1. Anong mga himig ang bumubuo sa 2- Part Vocal o
Instrumental Music?
A. Soprano at Tenor C. Soprano at Bajo
B. Tenor At Bajo D. Soprano at Alto
2. Anong himig ng 2- Part Vocal ang nasa itaas na
bahagi ng iskor?
A. Alto C. Largo
B. Soprano D. Bajo
3. Anong himig ng 2- Part Vocal ang nasa ibabang
bahagi ng iskor?
A. Alto B. Soprano C. Tenor D.
Largo
4. Ito ay binubuo ng dalawa o higit pang
magkakaugnay na note na inaawit nang sabay.
A.Tempo C. Dynamics
B. 2- Part Song D
. Harmonic Interval
5. Alin sa mga sumusunod ang halimbawa ng
Harmonic Interval?
A. Descant B. Largo C. Presto D. Third
SUSI SA PAGWAWASTO
Sanggunian
Digo, Maria Elena D., Enguero Fe V., Borbor Ma. Teresa P.,
Ilagan, Amelia M., Villareal, Josepina D., Cinco, Mary Grace V.,
Obseñares, Josephine Chonie M., Mendoza, Chita E., at
Mariano, Victorina E. “Musika at Sining – Ikaapat na
Baitang” Kagamitan ng Mag-aaral.
Unang Edisyon 2015.
Digo, Maria Elena D., Enguero Fe V., Borbor Ma. Teresa P.,
Ilagan, Amelia M., Villareal, Josepina D., Cinco, Mary Grace V.,
Obseñares, Josephine Chonie M., Mendoza, Chita E., at
Mariano, Victorina E. “Musika at Sining – Ikaapat na
Baitang” Patnubay ng Guro.
Unang Edisyon 2015.
https://www.youtube.com/watch?v=7fyZAWOESB0&list=RD7fyZAWOESB0&start_radio=1
(2020-06-29)
https://www.youtube.com/watch?v=IbLehd2hTlI (2020-06-30)
https://www.youtube.com/watch?v=RKNENRsL1GQ (2020-06-30)
https://www.youtube.com/watch?v=ZD4B9Q6nTo0 (2020-06-30)