MALIKHAIN

Ang pagiging malikhain ay ang kakayahang lumikha o gumawa ng iba't ibang bagay,
kaisipan, o pamamaraan.

Ang pagkamalikhain (Ingles: creativity), na tinatawag ding pagiging mapanlikha o

pagiging malikhain (Ingles: creative), ay ang kababalaghan o penomeno kung saan ang
isang tao ay nakakalikha ng bagong bagay (isang produkto, isang kalutasan, isang gawain
ng sining, isang akdang-buhay, isang biro, atbp.) na mayroong ilang antas ng kahalagahan.
Ang maituturing na "bago" ay maaaring tumutukoy sa indibiduwal na lumikha o manlilikha,
o sa lipunan o nasasakupan kung saan naganap ang bagong bagay. Ang maibibilang na
"mahalaga" o "may kahalagahan" ay kahalintulad na binibigyan ng kahulugan sa samu't
saring mga paraan.
Ang kawilihang pangdalubhasa sa pagkamalikhain ay malawak ang nasasakupan: Ang mga
paksa kung saan ito nauugnay ay kinabibilangan ng ugnayan sa pagitan ng pagiging
malikhain at ng pangkalahatang katalinuhan; ang mga prosesong pangkaisipan at
pangneurolohiya na kaugnay ng gawaing mapanlikha; ang ugnayan sa pagitan ng uri
ng personalidad at ng kakayahang mapanlikha; ang ugnayan sa pagitan ng pagkamalikhain
at kalusugang pang-isipan; ang pagiging maaari o potensiyal para mapagyaman ang
pagkamalikhain sa pamamagitan ng edukasyon atpagsasanay, natatangi na ang ayon sa
nadaragdag na teknolohiya; at ang paglalapat ng umiiral na malikhaing mga napagkukunan
ng isang indibiduwal upang mapainam ang katalaban ng mga proseso ng pagkatuto at ng
mga proseso ng pagtuturo na inakma para sa mga ito.
Kung gayon, ang pagkamalikhain at mga gawaing malikhain ay pinag-aaralan sa ibayo ng
ilang mga disiplina, katulad ng sikolohiya, agham pangtalos, pilosopiya (partikular na
ang pilosopiya ng agham), teknolohiya, teolohiya, lingguwistika, araling pangnegosyo,
at ekonomiks. Bilang resulta, nagkaroon ng mararaming mga kahulugan at mga pagharap
sa mga ito.
Ito ay mabuting gawain kung saan nakadudulot ng mabuti sa ating kapwa.

MATAPAT

Ang pagka-matapat ay isang magandang pag uugali, at ito ay napapamalas sa pamamagitan

ng pagsasabi ng tapat at pagkilos sa kapwa tao lalo na sa mga magulang.

Matapat na Pinoy

Isang may mabuting kaloob na na pulis ang nagsauli ng pera na nagkakahalaga ng humigi't
kumulang sa labinlimang libong piso na kanyang nakita sa napulot na pitaka sa isang hindi
nakikilalang tao. Ibinalik ni PO1 Jimmy Reginaldo ang natagpuang pitaka kay Jessie Pinguel,
isang Overseas Filipino Worker. Binigyan ng Medalya bilang pagkilala sa kanyang
katapatan si PO1 Reginaldo noong ika-16 ng Setyembre 2009 ng Direktor Heneral ng PNP
na si Jesus Versoza. Maliban sa perang ibinigay ng maraming humanga sa katapatan ni
Reginaldo, binigyan din ito ng limampung libong piso ng Lions Club bilang tulong para sa
pagpapatuloy ng kanyang pag-aaral ng Abogasya sa Polytechnic University of the
Philippines.
Gantimpala

Papunta si Reginaldo sa Parañ aque City Police Station nang makita niya ang pitaka sa loob
ng taxi na kanyang sinakyan. Pumunta siya ng Cavite kung saan nakatira ang may-ari ng
pitaka at personal na ibinalik ito kalakip ang sampung libong piso at limang daang dolyar.

Makakatulong sana kay Reginaldo ang natagpuang pera kung pinili niyang itago ito ngunit
mas malaki ang naibalik sa kanya ng ginawa niyang kabutihan. Mula sa tulong gaya ng sako
ng bigas at mga libro para sa pag-aaral ng mga anak, masayang masaya ang pakiramdam ni
Reginaldo. Sa kabuuan ay umabot sa limampung libong piso ang halaga ng pera at iba pang
tulong na ibinigay sa kanya na malabis na nagpataba ng kanyang puso.
Sinumpaang tungkulin

Ayon sa PNP, hindi mauubusan ang kapulisan ng mga miyembro na bibigyan ng papuri
para sa pagtupad sa kanilang tungkulin. Dalawa sa nauna nang binigyan ng pagkilala ay
sina PO1 Danilo Malab, na tumayo bilang honor guard sa libing ni dating
pangulong Corazon Aquino at si SPO3 Loreto Justo, na itinaya ang buhay sa pagliligtas sa
mga pasaherong lulan ng SuperFerry 9 pandagat na lumubog noong panahon ng trahedya.